Coa finalidade de recoñecer o traballo de todos os axentes comprometidos co desenvolvemento do tecido produtivo baseado na Sociedade da Información convócase a segunda edición dos Premios Clúster TIC Galicia. Con esta iniciativa, quérese pór de relevo ante a sociedade o labor das empresas e profesionais que deseñan, programan, desenvolven, implantan ou usan produtos ou servizos galegos que teñen na innovación e no uso das novas tecnoloxías a súa razón de ser.
Coa finalidade de recoñecer o traballo de todos os axentes comprometidos co desenvolvemento do tecido produtivo baseado na Sociedade da Información convócase a segunda edición dos Premios Clúster TIC Galicia. Con esta iniciativa, quérese pór de relevo ante a sociedade o labor das empresas e profesionais que deseñan, programan, desenvolven, implantan ou usan produtos ou servizos galegos que teñen na innovación e no uso das novas tecnoloxías a súa razón de ser.
Categorías
Os galardóns convócanse en seis categorías: Innovación, Internacionalización, Liderado TIC, Start-ups, Software Libre e Márketing Dixital. Poderán presentar as súas candidaturas todas aquelas empresas que realicen proxectos no campo das tecnoloxías da información e as comunicacións, ben sexa como provedores ou como entidades usuarias de produtos e servizos TIC galegos.
Os interesados en presentar unha candidatura deberán facelo exclusivamente a través da web do Cluster TIC, cubrindo o formulario online e axuntando a documentación que consideren oportuna. O prazo conclúe o próximo domingo 20 de novembro ás 23:59 horas.
Galardóns
Para decidir os gañadores, o Clúster creará un Comité Avaliador Experto. Unha vez que se realice a votación do xurado, farase pública unha lista con tres finalistas por categoría e os gañadores non se desvelarán ata a Gala de entrega dos Premios.
Máis información
Na web do Cluster TIC Galicia podedes cosultar as bases completas dos premios e ter aceso ao formulario online de cada unhas das categorías. En caso de ter calquera consulta, podedes contactar coa Oficina do Cluster.
Onte daba comezo en Compostela a I Semana da Cultura Libre, unha proposta levada a cabo polo Grupo de Cultura Libre de Matadoiro Compostela e coa participación de Mediación Cultural Matadoiro Compostela, MatadoiroTV e GPUL Santiago. A dita actividade inaugurábase en horario de 17 a 21 horas co Obradoiro de ferramentas libres para edición de vídeo e son. Na dita actividade tratáronse varios programas (todos software libre) para a creación audiovisual en contraposición ás ferramentas de software privativo para edición de vídeo, amais de tratar sobre as licenzas libres.
A I Semana da Cultura Libre seguirá co seu programa de actividades con dúas citas máis: este mércores 16 (19 horas) co Café GNU, un espazo para falar no que se debaterá calquera tema proposto no momento, sempre relacionado co software ou hardware libre. A Semana da Cultura Libre pechará o sábado 19 (de 12 a 18 horas) coa Install Party, na que quen queira poderá levar o seu vello ou novo computador e os colaboradores da Install Party axudarán a instalación de software libre.
Para aqueles que o descoñezan, dicir que Matadoiro Compostela é un espazo de intervención e autoxestión cidadán, un proceso aberto de traballo colaborativo organizado mediante grupos abertos e proxectos socio-tecnolóxicos-culturais que cooperan para desenvolver un proxecto propio e común. Máis polo miúdo, o Grupo de Cultura Libre xorde coa vontade de abranguer temas como: que tipo de licenza se pode aplicar aos traballos realizados; que tipo de ferramentas se empregan neste proxecto; promoción do concepto do software libre e fomento do seu uso; programación para estándares abertos como filosofía de desenvolvemento e promoción dos mesmos; programación e desenvolvemento de programas libres; achegamento do software libre á sociedade en xeral; fomentar o uso de redes de comunicación (Internet) como medio axeitado de comunicación entre programadores para o desenvolvemento de programas informáticos e promover a realización de todo tipo de actividades encamiñadas a cubrir as necesidades dos asociados, así como dirixilas a achegar recursos para cumprir cos fins fundacionais.
Na aula Cemit de O Carballiño a edil de Benestar, Igualdade e Saúde, Marina Ortega, presentou onte un curso sobre “adquisición e desenvolvemento de habilidades sociais e hábitos laborais” de 15 horas de duración, e outro de “Alfabetización dixital” de 15 horas, dirixidos ao colectivo de poboación xitana.
Estas actividades realízanse dentro do programa “II plan galego de inclusión social”, que promove a Consellería de Traballo e Benestar. Tanto os cursos para nenos como estos de adultos son ben acollidos por este colectivo que soe acudir a eles, segundo apunta a edil.
Por outra parte, para o resto da población prosigue o Plan de Emprego co programa de formación de 60 alumnos seleccionados, segundo o calendario previsto para novembro e dicembro. Precisamente, onte rematou o curso de técnicas de busca de emprego, distribuido en sete módulos, e hoxe iníciase un curso de prevención de riscos laborais, de 60 horas. Ao rematar procederase a impartir outro de soldadura e calderería, de 100 horas.
La previsión es que a finalizar este plan se pueda lograr el 40 por ciento de inserción laboral.
Esta semana celebrarase en Barcelona o Smart City Expo World Congress, e aínda que habitualmente teñamos ligado o concepto de Smart City a servizos xerais para os cidadáns a través de tecnoloxías como a computación na nube, a Internet das Cousas, o Big Data, a realidade aumentada, os drons, os sistemas de xeoposicionamento e os vehículos conectados, os preto de 500 metros cadrados do expositor de Microsoft CityNext non van limitarse a iso, senón que tamén van ter en conta a accesibilidade, de xeito que aproveitarán o encontro para amosar solucións desenvolvidas por Microsoft Research, ONCE e Ilunion para que as persoas con discapacidade poidan desenvolverse con maior autonomía nas cidades do futuro.
Microsoft presentará o proxecto Cities Unlocked, que permite o guiado de persoas cegas no exterior mediante o uso de balizas conectadas, que emiten un sinal audible que facilita a orientación grazas a un sistema de audio tridimensional que permite xerar un mapa mental da súa posición en relación ás balizas.
ONCE, pola súa banda, presenta unha solución de guiado de persoas cegas en interiores mediante aplicacións en dispositivos móbiles e balizas de radiofrecuencia. Tamén dará a coñecer os mapas accesibles MAPTAC 3D, desenvolvidos polo Centro de Investigación, Desenvolvemento e Aplicación Tiflotécnica (CIDAT), a Universidade de Xaén e a Comisión Braille Española (CBE); e o proxecto Eliminando barreiras no transporte público, unha proposta de accesibilidade nas redes de transporte público mediante tecnoloxía sen fíos para que, por exemplo, un cego poida ser quen de identificar sen erro cal é o autobús que está a chegar á parada e poida distinguilo doutros no caso de que haxa varios.
A Asociación Antidroga Renacer, con sede en Ribeira, vai contar co apoio do Concello para, entre outras cousas, optimizar a súa páxina web, asociacion-renacer.org. Así o deron a coñecer este luns 14 o alcalde de Ribeira e máis a presidenta de Renacer, María González. Ambos rubricaron un acordo-convenio de colaboración que, nas súas liñas xerais, diríxese a continuar o traballo de loita contra as drogodependencias (facendo especial fincapé no labor de prevención, ámbito que se vai fortalecer na súa vertente dixital a través das melloras preparadas para a páxina web de Renacer).
Segundo lembrou o alcalde, Manuel Ruiz, o orzamento municipal recolle unha consignación de 3.000 euros. Este orzamento será empregado para a modificación e mellora da páxina web da entidade antidroga “co fin de facela máis funcional e incorporar novidades en canto a deseño, código e seguridade”. Ademais, de acordo coas cláusulas, a colaboración estenderase a asesoramento mutuo en cuestións relacionadas coa actividade de ambas entidades, organización e execución de actividades comúns relacionadas co ámbito das drogodependencias “e calesquera outras que son de interese común”.
O Camp Tecnolóxico, unha iniciativa de lecer formativo arredor do coñecemento avanzado, ten actividades vindeiras para a nosa terra. Máis polo miúdo para a zona de Vigo e Nigrán, onde vai promover (en colaboración con AJE Vigo, o Parque Empresarial de Porto do Molle de Nigrán e Coworking Vigo) campamentos de Nadal para nenas e nenos que mesturan e integran achegamentos lúdicos á robótica, a programación e a electrónica. Os campamentos en cuestión chámanse Inventor Lab e desenvolveranse na sede das tres devanditas entidades.
A través do Inventor Lab, os participantes aprenderán a facer cousas como programar videoxogos, controlar os movementos dos robots de Lego Education Wed e familiarizarse coas plataformas de hardware Crumble e Arduino. Os obradoiros, dirixidos a rapaces de 7 a 12 anos, poñeranse en marcha as semanas do 26 ao 30 de decembro e do 2 ao 5 de xaneiro nos ditos tres emprazamentos. O horario nos tres campamentos é de 9 a 14 horas. Segundo informan os responsábeis de Camp Tecnolóxico, un dos obxectivos básicos destas sesións é fortalecer e impulsar a creatividade na nenez e na adolescencia, amais de amosar as vantaxes de traballar en grupo e interactuando. Entre os beneficios de participarmos nestes campamentos, os impulsores dos mesmos salientan as posibilidades que se lles abren aos nenos e aos mozos de involucrárense no seu propio proceso de ensino, “o que lles converte en pensadores con recursos nas ciencias de maior demanda na actualidade e máis no futuro”.
Este Hackathon nace do compromiso do CEIN de potenciar e desenvolver o sector TIC galego, involucrando a un equipo de analistas, investigadores, universitarios, emprendedores e todo tipo de persoas con inquietudes tecnolóxicas en Big Data & Analytics para que compitan durante dous días no desenvolvemento de solucións dixitais a partir dos datos de localización da traxectoria de clientes nun centro comercial.
O Centro de Excelencia en Intelixencia de Negocio de Hewlett Packard Enterprise (CEIN) en colaboración coa Axencia de Modernización Tecnolóxica de Galicia (Amtega) e Situm Technologies, convoca a primeira edición do Hackathon Big Data & Analytics HPE, que terá lugar os días 25 e 26 de novembro de 2016 na sede das súas oficinas na Cidade da Cultura de Galicia en Santiago de Compostela.
Este Hackathon nace do compromiso do CEIN de potenciar e desenvolver o sector TIC galego, involucrando a un equipo de analistas, investigadores, universitarios, emprendedores e todo tipo de persoas con inquietudes tecnolóxicas en Big Data & Analytics para que compitan durante dous días no desenvolvemento de solucións dixitais a partir dos datos de localización da traxectoria de clientes nun centro comercial.
As solucións desenvolvidas polos participantes deberán permitir analizar e comprender o comportamento dos clientes, facendo dispoñibles as conclusións da análise aos negocios situados no centro comercial para que poidan adaptar a súa oferta de produtos e servizos e explorar novas vías de atracción de clientes.
Os integrantes dos equipos inscritos no I Hackathon Big Data & Analytics HPE participarán nunha comida networking con persoal do CEIN o sábado 26 na cantina da Cidade da Cultura e recibirán un diploma acreditativo de participación emitido por HPE.
Ao peche do evento, cada equipo presentará a súa solución e un xurado experto avaliará e seleccionará aos gañadores nas seguintes categorías:
Os gañadores serán elixidos por un xurado multidisciplinar formado por colaboradores do CEIN e profesionais doutros sectores afíns á finalidade da convocatoria.O horario do Hackathon será de 18:00 a 20:00 horas o primeiro día e de 9:00 a 20:00 horas o segundo.
Todos os interesados en participar no evento poden atopar información detallada sobre o mesmo, así co formulario de inscrición en http://hackathon-cein.com/.
Hewlett Packard Enterpriese é unha das 13 empresas asinantes do Pacto Dixital de Galicia, no que asumiron o compromiso de colaborar coa Administración autonómica para situar á Comunidade como un referente tecnolóxico na atracción de investimentos, o desenvolvemento de proxectos con potencial tractor e a internacionalización das pemes.
O profesor da USC na Escola Politécnica Superior do Campus Terra e director do campionato mundial de modelado 3D de precisión con teléfono móbil ‘D3Mobile Metrology World League’, Juan Ortiz Sanz, guiará o próximo domingo 13 de novembro, na Cidade da Cultura de Santiago, unha masterclass sobre modelado 3D no marco da YouWin de Los 40 Principales, a feira de videoxogos e música que se está desenvolver este fin de semana na capital galega.
A sesión impartida por Ortiz Sanz no marco na YouWin desenvolverase baixo o título ‘Queres ser modelo 3D? Unhas fotos e o teu equipo abondan!’. Na súa intervención, este profesor da USC explicará ao público asistente as claves da elaboración e deseño de modelos 3D de precisión con teléfono móbil cun software gratuíto, ao tempo que informará sobre a súa edición e publicación na web.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...