main content

main content

Proxectos e iniciativas singulares

Coñece os proxectos e iniciativas postos en marcha en colaboración cos Aliados Dixitais, relacionados cos costumes e necesidades do territorio e que nos axudarán a achegar as TIC á cidadanía.

EIXO Maiores
Pantallazo da web da iniciativa.

Seminarios en liña sobre o uso das novas tecnoloxías para persoas maiores

Data inicio:
01/02/2021
Data fin:
31/05/2021
Descrición:

O aliado dixital Fegaus (Federación Galega de Asociacións Universitarias Séniors) organiza un programa formativo que conta con máis de 20 seminarios online co obxectivo de empoderar ás persoas maiores a través do uso das novas tecnoloxías na súa vida cotiá favorecendo así un envellecemento máis activo e a mellora na calidade de vida.

Os ciclos que se impartirán gratuitamente durante os meses de febreiro a maio versarán sobre as seguintes temáticas:

  • Relaciona TIC: Algunha vez te buscaches en Internet? Sabes o que Google sabe de ti?, Ferramentas de ditado: mensaxes de voz, WhatsApp, Aprende a detectar de forma sinxela virus en mails e páxinas web, Espreme o teu móbil, etc.
  • Soidade: Dereito preventivo: evitar o desamparo en situacións de vulnerabilidade, O Síndrome da fraxilidade como factor da soidade, A soidade a vista de cine, etc.
  • Formación ao longo da vida: Consellos para buscar mellor en Internet, encontra a información que precisas, Uso saudable de dispositivos electrónicos, Mercar sen diñeiro: paga co teu móbil de forma segura, etc.

Coa colaboración da Rede CeMIT, retransmitiranse estas actividades por videoconferencia a través das aulas repartidas por todo o territorio galego ou directamente desde os fogares sen necesidade de desprazamentos.

Adicionalmente, está dispoñible o servizo de Videoteca para visualizar os seminarios xa retransmitidos para poder complementar a formación a través da realización independente e autónoma dos cursos de maior interese.

Para máis información, consultar a Web de Fegaus en Canal Sénior.

 

Temática: Capacitación Dixital
EIXO Xuventude
Cartel da iniciativa.

Constrúe na Casa, campamento tecnolóxico (Programa Tech Kids 2020)

Data inicio:
30/07/2020
Data fin:
09/09/2020
Descrición:

O Colexio Profesional de Enxeñaría en Informática de Galicia e a Axencia para a Modernización Tecnolóxica de Galicia poñen en marcha durante o verán o Campamento Tecnolóxico en liña “Constrúe na casa”, unha iniciativa enmarcada no Programa Tech Kids, que forma parte do Plan DigiTalent da Xunta de Galicia e pretende espertar a curiosidade e creatividade pola tecnoloxía dos máis pequenos, coa participación de 200 familias sen saír da casa.

Este programa está dirixido a rapaces e rapazas dos ciclos de 1º e 2º de primaria e secundaria, que poderán elixir entre 5 obradoiros online sen necesidade de ter coñecementos previos:

  1. Gamer Tech: “Soña, deseña e crea videoxogos incribles”.
  2. Robo Tech: “Aprende os fundamentos da robótica e programación básica, o funcionamento dun robot e a lóxica computacional”.
  3. App Tech: “Sorprende a tod@s creando a túa propia aplicación para móbil ou tablet”.
  4. Compu Tech: “Aprende todo o necesario para os teus traballos de clase”.
  5. Minecraft Tech: ”Desenvolve un entorno de programación baseado en bloques co videoxogo Minecraft”.
Temática: Capacitación TIC
EIXO Xuventude
Digital Summer Camp.

Digital Summer Camp na Rede CeMIT

Data inicio:
07/07/2020
Data fin:
16/07/2020
Descrición:

O aliado dixital everis, a través da súa Fundación, comparte este verán coa Rede CeMIT a iniciativa Digital Summer Camp, un campamento tecnolóxico para a xuventude en formato virtual e gratuíto a través da colaboración dos seus voluntarios e voluntarias.

O obxectivo é reducir a fenda dixital e achegar aos nenos e nenas, novas formas de aprendizaxe e ás profesións aceleradas pola COVID-19 que non atopan profesionais formados, como son as do ámbito da programación.

As actividades están dirixidas a idades de entre 7 e 15 anos e terán unha duración de 6 días nos que os rapaces e rapazas da rede CeMIT poderán participar en charlas con expertos e talleres virtuais con exercicios prácticos para crear. Cada unha das dúas semanas de duración está orientada en función das idades e coñecementos dos participantes para que ao final do campamento todos saiban que da man da tecnoloxía todo o que imaxinen, o poderán crear!

A primeira semana oriéntase aos nenos e nenas de 7 a 10 anos, cos seguintes contidos:

  • Charla “Se o podes pensar, pódelo crear” co experto en videoxogos Luis Iturra.
  • Taller de Scratch “1, 2, 3... probando. Como crear os elementos do meu primeiro videoxogo”.
  • Charla coa comandante de aviación Yolanda Canales sobre “A superintelixencia da tecnoloxía”.
  • Obradoiro con App Inventor “A miña primeira APP
  • Charla “Que podemos facer cun dron?”, co piloto instrutor de drons Juan José González.
  • Taller con Scratch “Movemento e ... acción! Xa teño listo o meu videoxogo”.

Durante a segunda semana as 6 actividades están orientadas a rapaces e rapazas de entre 11 e 15 anos:

  • Charla co Director de participación cidadá da Policía Nacional, “A seguridade nas redes”.
  • Taller con Tinkercad “Primeiros pasos en realidade virtual: deseña en 3D”.
  • Charla “O que nunca poderán facer os robots” coa intervención da directora da fundación everis, Karla Alarcón.
  • Obradoiro con App Inventor “Crea a túa propia aplicación móbil”.
  • Charla “Robot, faime os deberes” con Javier Rodriguez Molowny, experto en loT.
  • Taller con Scratch “Desafía á túa imaxinación”.
Temática: Capacitación Dixital
EIXO Maiores
EbiblioCoruña.

Seminario de acceso á Plataforma EbiblioCoruña e ao club lector da Deputación Provincial da Coruña

Data inicio:
06/02/2020
Data fin:
13/02/2020
Descrición:

A Universidade Sénior da Universidade da Coruña, no marco das súas actividades como aliado dixital do Plan de Inclusión Dixital 2020 da Amtega e, en colaboración coa Deputación da Coruña, imparten un seminario divulgativo que se estrutura en dúas sesións de dúas horas que serán retransmitidas por videoconferencia ás aulas CeMIT interesadas co obxectivo de dar a coñecer á cidadanía a Plataforma EbiblioCoruña e o Club Lector.

Os contidos a tratar preséntanse en dous bloques temáticos, a Plataforma gratuíta de préstamo dixital de libros, películas, audiolibros e outros contidos dixitais e un espazo en liña para ler, comentar e compartir lecturas, tanto en castelán como en galego.

Temática: Capacitación dixital
EIXO Maiores
Plataforma É-Saúde.

Información e formación sobre a Plataforma É-Saúde

Data inicio:
12/03/2020
Data fin:
12/03/2020
Descrición:

Froito da colaboración da Universidade Sénior da Universidade da Coruña co Servizo Público de Saúde (SERGAS), desenvolven un programa de información e formación sobre a Plataforma É-Saúde que se celebra de xeito presencial no Campus da Coruña e que tamén pode ser seguido a través de videoconferencia achegándose ás aulas da Rede CeMIT participantes na iniciativa.

Os contidos formativos estrutúranse a través dunha charla de presentación da Plataforma É-Saúde impartida por Paula García Tenorio en colaboración con Pilar Farjas Abadía, ambas as dúas persoal do SERGAS, xunto ca realización do taller práctico de Acceso Básico á Plataforma É-Saúde.

 

Temática: Capacitación dixital

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS