main content

main content

Axenda Faite Dixit@l

Propoñémosche unha selección de eventos no eido da inclusión dixital. Consúltaos e participa naqueles que se axusten aos teus gustos e necesidades!

16/11/2022 De 16:00 a 20:00 h
Cartel da iniciativa.
Lugar: Centro GaiásTech

Formación en competencias dixitais para persoas desempregadas

Desde o 16 ata o 18 de novembro, as persoas desempregadas ou en procura de emprego, poderán participar nesta formación de 12 horas, na que se fará un obradoiro en habilidades sociais orientadas á procura de emprego e haberá formación en competencias dixitais orientadas a mellorar a empregabilidade. 

Programa

  • Taller de habilidades sociais:
    • Que son as habilidades sociais?
    • As habilidades sociais: na procura de emprego.
    • A entrevista de traballo.
    • Consellos para afrontar a entrevista de maneira eficiente.
  • Formación en TICs:
    • Que son as TIC?
    • Competencias dixitais básicas:
      • Tratamento de textos (carta de presentación e curriculum)
      • Acceso a internet.
      • Manexo de mail.
      • Comunicación a distancia.
    • Internet como ferramenta para a procura de emprego: blogues e portais de emprego.
    • Ferramenta de deseño dixital: CANVA (curriculum)
Máis información
10/11/2022 08:30
Cartel da iniciativa.
Lugar: Edificio Fontán. Cidade da cultura

Encontro galego de ciberseguridad CIBER.gal

O encontro galego de ciberseguridade CIBER.gal celebrarase os días 10 e 11 de novembro na Cidade da Cultura de Santiago de Compostela.

Está organizado polo nodo galego de ciberseguridade Ciber.gal e será un evento integrador que aglutinará entidades de referencia no campo da seguridade da información, como o Instituto Nacional de Ciberseguridade (Incibe) e o Centro Criptolóxico Nacional (CCN), as principais empresas do ecosistema de ciberseguridade da comunidade e axentes clave dos sectores tecnolóxico, da investigación e o coñecemento. 

Contará con actividades como paneis de debate, sesións informativas, obradoiros e concursos de ciberseguridade destinados ao tecido empresarial, á cidadanía e á Administración pública. 

O evento desenvolverase presencialmente, aínda que existirá a posibilidade de seguilo en streaming.

Máis información
02/11/2022
Mans usando un portátil.
Lugar: Empresas TIC e Amtega

Inscrición a Tecnólog@ por un día - 7ª Edición

Tecnólog@ por un día é unha actividade na que estudantes de 12 a 17 anos poderán achegarse ás profesións dixitais e ter a oportunidade de experimentar, en primeira persoa, unha xornada laboral con profesionais das empresas do sector TIC en Galicia.

A séptima edición volverá a celebrarse presencialmente, con prazas dirixidas a dous grupos de idade: de 12 a 14 e de 15 a 17 anos.

Máis información
20/10/2022
Fake news.
Lugar: Rede CeMIT

Vacínate contra os coronabulos: protéxete dos ciberataques

As aulas da Rede CeMIT acollerán en setembro e outubro xornadas formativas que permiten recoñecer e previr as estafas en liña e os ciberataques. Trátase dun programa de charlas promovidas pola Axencia para a Modernización Tecnolóxica de Galicia que, baixo o título, "Vacínate contra os coronabulos: protéxete dos ciberataques", están preferentemente orientadas ás persoas maiores, aínda que poden apuntarse persoas de todas as idades.

Durante as xornadas faise un repaso polos mecanismos de desinformación aos que nos vemos sometidos cada día. Desde a análise dun caso real, abórdanse os obxectivos que perseguen estas falsidades, así como os mecanismos necesarios para detectalas. Repásanse tamén as principais estafas ás que nos vemos expostos no mundo en liña e danse a coñecer os mecanismos para previlas.

Máis información

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS

TWEETS