main content

main content

Axenda Faite Dixit@l

Propoñémosche unha selección de eventos no eido da inclusión dixital. Consúltaos e participa naqueles que se axusten aos teus gustos e necesidades!

10/03/2021 10:30 h
Persoa maior usando un smartphone.
Lugar: Online

Espremendo o teu móbil: descobre as funcións máis prácticas do teu dispositivo

O móbil converteuse nun elemento case imprescindible nos nosos días debido a que nos permite manternos conectados permanentemente coas persoas da nosa contorna. É unha ferramenta clave na nosa comunicación, pero máis aló desa vertente, os avances tecnolóxicos converteron as novas xeracións de teléfonos en aparellos con multitude de funcións que resultan moi útiles para xestionar o noso día a día. Descobre connosco todo o que o teu teléfono pode chegar a facer por ti!

Contidos:

  • Funcións esenciais: lanterna, zoom, calculadora, captura de pantalla.
  • Para mellorar o rendemento: aforro de batería.
  • Xestionar permisos das apps.
  • Como atopar o dispositivo en caso de perda.
04/03/2021 10:30 h
Rato.
Lugar: Online

Uso saudable de dispositivos electrónicos

Usar a tecnoloxía de forma correcta non só afecta ao manexo dos dispositivos informáticos, se non tamén a ser conscientes de como pode afectar á nosa saúde.

Cada vez son máis os casos relacionados coa saúde que se produciron ao non ser conscientes e non seguir as recomendacións de uso das que falaremos neste seminario relacionadas coa saúde postural á hora de usar computadores, dispositivos móbiles así como previr posibles problemas que poden afectar á nosa vista.

Coida a túa saúde con estas recomendacións!

Contidos:

  • Recomendacións no uso da Tecnoloxía
  • Saúde postural. Prevención no uso de computadores
  • Consellos de uso de dispositivos móbiles para unha correcta saúde postural
  • Saúde visual. Medidas para previr posibles problemas visuais polo uso da Tecnoloxía
03/03/2021 10:30 h
Ditado de voz.
Lugar: Online

Ferramentas de ditado: mensaxes de voz en WhatsAppp, ditar emails, etc.

Os dispositivos móbiles en ocasións non resultan cómodos á hora de redactar mensaxes escritas, xa sexan de servizos de mensaxería como WhatsApp ou de correos electrónicos. A configuración dos teclados autocorrectores ou a propia distribución das letras poden supoñer inconvenientes e facernos investir máis tempo do que nos gustaría para redactar as nosas mensaxes.

Nesta sesión, veremos como aproveitar todas as opcións que nos ofrece a tecnoloxía para simplificar as nosas mensaxes e poder enviar facilmente mensaxes de voz ou redactar os nosos emails mediante o ditado de voz.

Contidos:

  • Como enviar mensaxes de voz en WhatsApp
  • Activación do asistente de voz de Google
  • Como facer procuras orais en Google
  • Ditado de emails en Gmail a través do teléfono móbil
02/03/2021 12:00 h
Realidade aumentada.
Lugar: Online

Realidade aumentada e realidade virtual: que son, como funcionan, para que serven,

Tanto a realidade virtual como a realidade aumentada son tecnoloxías que están xa implantadas no noso día a día e cuxa presenza vai seguir estendéndose, polo que debemos familiarizarnos con elas para saber aproveitalas.
A realidade aumentada é unha nova tecnoloxía que nos permite ver o mundo de forma diferente a través da cámara do noso móbil, mentres que a realidade virtual permítenos penetrar en experiencias inmersivas en contornas dixitais. Nesta sesión, veremos as diferenzas e semellanzas entre unha e outra e aprenderemos as cuestións clave de cada unha.

Descobre as outras realidades que xa conviven connosco!

Contidos:

  • Diferenzas entre realidade aumentada, realidade virtual e realidade mixta.
  • Como usar Google Lens para buscar información a través da cámara do teu móbil.
  • Apps de realidade aumentada que te sorprenderán.
  • Aplicacións de realidade virtual: tipos e obxectivos das mesmas.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora...

LER MAIS