20/01/202518:12
Santiago de Compostela
Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...
O presidente da Xunta, Alfonso Rueda, anunciou hoxe a aprobación no Consello da Xunta dunha iniciativa en materia de formación e conciliación grazas á cal este verán “os centros educativos ofrecerán por primeira vez campamentos de balde para as familias”. Trátase do novo programa Dixicamp, que contará con máis de 9.000 prazas gratuítas e cuxa temática se centrará na mellora das competencias dixitais do alumnado. Para levar a cabo esta medida “investiranse máis de 2 M€”, indicou.
A Consellería de Educación, Ciencia, Universidades e Formación Profesional deu conta deste programa, dirixido ao alumnado de entre 9 e 17 anos, para estadías en quendas dunha semana de duración que, tal e como apuntou Rueda, “terán lugar desde o 23 de xuño ata o 5 de setembro, é dicir, coincidindo co período de vacacións escolares”, cando os centros abrirán para acoller esta iniciativa.
Estes campamentos estarán “atendidos por profesionais especializados en competencias dixitais” contratados especificamente, xa que o obxectivo é reforzar os coñecementos do alumnado nese ámbito e, deste xeito, “contribuír a atallar a fenda dixital”, en cumprimento do mandato da Unión Europea ao respecto. Paralelamente, configúrase como unha medida de apoio á conciliación das familias na época estival, unha vez que remata o período lectivo.
Destinatarios, itinerarios e solicitudes
Así pois, a través dunha convocatoria pública, a Consellería de Educación porá a disposición dos centros educativos “un total de 9.330 prazas nestes campamentos”, con especial atención ao alumnado de contornas vulnerables por cuestións de índole socioeconómica, por ter unha discapacidade ou por residir en zonas con baixa conexión, entre outras.
Serán os propios centros educativos os que solicitarán participar nesta iniciativa a través dunha convocatoria que a Consellería dará a coñecer nas vindeiras semanas.
Haberá dous itinerarios formativos: un de competencias básicas, dirixido a alumnos de entre 9 e 13 anos de idade; e outro de competencias avanzadas, para alumnos de entre 14 e 17 anos, organizados en grupos de entre 15 e 25 alumnos. “O alumnado que supere o curso poderá certificar 30 horas de formación”, explicou Alfonso Rueda. Para o desenvolvemento das actividades, os rapaces e rapazas contarán con materiais dixitais específicos e metodoloxías activas.
Formar cidadáns do século XXI
Este programa, financiado con fondos do Mecanismo de Recuperación e Resiliencia, súmase ao conxunto de iniciativas impulsadas pola Consellería de Educación para reforzar a competencia dixital do alumnado galego de acordo coa Estratexia de educación dixital 2030, enfocada a xerar un ecosistema dixital nos centros educativos e formar tanto ao profesorado como ao alumnado nestas novas competencias e tecnoloxías.
Non en balde, xa están asentadas unha serie de iniciativas e programas en materia de innovación educativa no ámbito da educación dixital co fin de que o alumnado mellore as súas competencias dixitais e tecnolóxicas como son os programas de polos creativos, clubs de ciencia, Stembach, DixitalWeek, SpringWeek ou a Biblioteca creativa.
Nesta liña, Rueda recordou que Galicia “foi pioneira na posta en marcha dun proxecto para acreditar competencias dixitais”, a través do cal xa se levan emitido máis de 40.000 acreditacións para estudantes de ESO, bacharelato, FP e ensinanzas profesionais, e case 33.000 para docentes.
O informe Mulleres en Dixital: O uso das TIC desde unha perspectiva de xénero, que publica hoxe o Observatorio da Sociedade da Información e a Modernización de Galicia (OSIMGA), confirma a ausencia de fenda de xénero nesta Comunidade no ámbito da dixitalización.
Os datos indican que as diferenzas por xénero na frecuencia de uso de internet e dispositivos electrónicos en Galicia son mínimas, pero no 2023 adiantáronse as mulleres, xa que navegaron por internet o 91,7% nos tres meses previos á enquisa, fronte ao 91,3% de homes.
O incremento no uso de internet por parte das mulleres é a tendencia tanto en Galicia como no resto de España. No caso galego, o aumento foi dun 4,4% entre 2020 e 2023. A diferencia de xénero en Galicia (0,4) é moi similar á da media española (0,3). En ambos casos, a dixitalización por parte das mulleres supera lixeiramente á dos homes.
O informe do OSIMGA, que depende da Axencia para a Modernización Tecnolóxica de Galicia, analiza comparativamente os principais indicadores que definen as diferenzas de xénero no uso das tecnoloxías a partir de datos obtidos no marco do convenio asinado co Instituto Galego de Estatística (IGE).
Uso de Internet e comercio electrónico
As mulleres que declararon utilizar internet nos tres meses previos á enquisa acadan o 91,7% superando aos homes en 4 décimas. O acceso de homes e mulleres á rede é case universal ata os 44 anos. A partir de aí, hai unha lixeira vantaxe das mulleres.
O uso do comercio electrónico en Galicia amósanos unha lixeira vantaxe de 2 puntos porcentuais por parte dos homes. A idade é un factor condicionante á hora de adquirir un ben ou servizo en liña. Así, nesta edición obsérvase que, entre os menores de 44 anos, son as mulleres as que máis utilizan a Rede como canle de compras, superando en máis de 3 puntos aos homes. O uso iguálase entre os 45 e os 54 e invértese nos grupos de maior idade (de 55 a 74 anos), onde os homes usan o comercio electrónico cunha frecuencia que supera en máis de 5 puntos ás mulleres.
Uso de dispositivos dixitais conectables a internet
O 93,1% das mulleres usaron nos últimos tres meses dispositivos electrónicos que se poden conectar a internet, 0,6 puntos máis que os homes. O uso é practicamente idéntico e universal por xéneros ata os 44 anos. Dos 45 anos en adiante, baixa o seu uso en ambos xéneros pero as mulleres superan aos homes en máis dun punto en todas as franxas.
Comportamento na rede
As mulleres realizaron máis actividades de aprendizaxe na rede que os homes, tanto comunicarse con profesores e alumnos (+ 6,3) coma realizar cursos (+2,9).
Tamén usan máis internet as mulleres que os homes para concertar unha cita médica, cunha diferenza de case dez puntos (71,7% fronte a 61,9%). Tamén para buscar máis información sobre saúde e para acceder a arquivos persoais ou a outros servizos de saúde a través dunha páxina web (55,8% fronte ao 45,8%). Superan en ambos casos nuns 10 puntos porcentuais aos homes.
Poden consultarse os datos deste informe na seguinte ligazón: www.osimga.gal.
A idade é a principal condicionante da evolución da modernización tecnolóxica nas áreas do rural de Galicia nas que, por primeira vez, a contratación de internet de banda larga acadou o 90,3% en 2023, segundo se desprende dos datos incluídos no informe que ven de publicar o Observatorio da Sociedade da Información e Modernización de Galicia (OSIMGA).
A contratación de internet de banda larga medrou dende un 69,4% en 2016 ata o 90,3% de 2023, o que implica un crecemento de máis dun 30%. A porcentaxe achégase cada vez máis a media de Galicia, que está nun 94,3%, o que indica que se está a reducir a fenda entre os ámbitos rurais e urbanos. A contratación de internet do rural está por riba do 96% no caso de fogares con tres ou máis persoas, pero baixa ata o 74,3% no caso dos fogares nos que soamente vive unha persoa.
A porcentaxe de persoas que usan dispositivos electrónicos no rural é practicamente o mesmo entre homes e mulleres, mesmo lixeiramente superior no caso das segundas (87,9% fronte ao 87,5%), polo que non hai fenda de xénero.
As diferenzas principais teñen que ver coa idade. Practicamente todas as persoas do rural de entre 16 e 44 anos (por riba do 99%) declaran usar dispositivos electrónicos. A porcentaxe é tamén moi significativa no caso das persoas de entre 45 e 54 anos (un 95,6%). Pero esta porcentaxe baixa ata o 87,2% entre os 55 e os 64 anos; e ao 60,4% no tramo de entre 65 e 74 anos.
Máis da metade das persoas do rural que usan internet fan compras por esta canle, fronte ao 72,3% que o fan nas áreas urbanas. Sen embargo, cerca do 90% das persoas do rural de entre 25 e 34 anos compran por internet, unha cifra que contrasta co 10,3% das persoas de entre 65 e 74 anos.
Os datos para a elaboración deste informe proveñen da Enquisa Estrutural de Fogares do Instituto Galego de Estatística.
O conselleiro de Facenda e Administración Pública, Miguel Corgos, acompañou hoxe ao alumnado do CEIP Santa Baia de Boiro nunha videoconferencia con Laponia.
Esta actividade do Nadal, na que tamén estivo o director da Axencia para a Modernización Tecnolóxica de Galicia, Julián Cerviño, forma parte das tradicionais conexións con Laponia que, entre os días 11 e 19 de decembro, realiza a Xunta.
Este ano, foron preto de 700 nenos e nenas de 20 concellos, os que participaron nesta iniciativa e tiveron a posibilidade de falar con Papá Noel, poucos días antes da Noiteboa.
Ademais dos alumnos de educación infantil dos diferentes colexios de Galicia, tamén tiveron a posibilidade de solicitar en directo os seus agasallos a Papá Noel as persoas adultas en situación de dependencia psíquica do Centro de Día e da Asociación Alume de Guitiriz, así como persoas usuarias da Asociación Pro-Minusválidos Aspromor de Ortigueira.
Con este tipo de experiencias, a Rede CeMIT da Xunta busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen.
A Rede CeMIT realizará, un ano máis, as tradicionais conexións con Laponia entre os días 11 e 19 de decembro. Este ano serán un total de 663 os nenos e nenas de educación infantil de 20 concellos os que participarán nesta iniciativa, que celebra xa o seu décimo sétimo aniversario.
Esta cita, que goza de gran interese e aceptación entre a comunidade educativa, ofrece aos máis pequenos a posibilidade de falar con Papá Noel a través de videoconferencia, poucos días antes da Noiteboa.
Os encargados de inaugurar estes encontros virtuais o mércores 11 de decembro, a partir das 11 da mañá, serán os escolares de Educación Infantil do CEIP Xaquín Lorenzo Xocas de Bande.
Por toda Galicia
Nos seguintes días e ata o 19 de decembro conectarán con Laponia, en intervalos de media hora, as aulas CeMIT de Abegondo, Bande, O Barco, Barreiros, Boiro, A Cañiza, Carballedo, Castrelo do Miño, Catoira, Celanova, A Fonsagrada, Guitiriz, Leiro, Ortigueira, Santa Comba, Valga, O Vicedo, Vilagarcía e Vimianzo.
Ademais dos alumnos de educación infantil dos diferentes colexios de Galicia, tamén terán a posibilidade de solicitar en directo os seus agasallos a Papá Noel as persoas adultas en situación de dependencia psíquica do Centro de Día e da Asociación Alume de Guitiriz, así como persoas usuarias da Asociación Pro-Minusválidos Aspromor de Ortigueira.
Con este tipo de experiencias, a Rede CeMIT da Xunta busca converter estas aulas multimedia en puntos de encontro dos municipios e dar a coñecer todas as posibilidades que ofrece este tipo de espazos de comunicación e a tecnoloxía da que dispoñen.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...