main content

main content

Novas Faite Dixit@l

Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...

15/10/202007:53
Susana Ladra.
A Coruña

A galega Susana Ladra, recoñecida cun dos premios Ada Byron que concede a Universidade de Deusto

A informática e investigadora galega Susana Ladra González gañou o Premio Ada Byron Joven a la Mujer Tecnóloga organizado pola Facultade de Enxeñaría da Universidade de Deusto. Enxeñeira e doutora en Informática e Graduada en Matemáticas, Ladra é profesora titular de Linguaxes e Sistemas Informáticos (Universidade da Coruña) e coordinadora do programa STEMbach na Universidade da Coruña (UDC), que ten como fin o fomento de vocacións STEM, particularmente femininas.

Actualmente ocupa os cargos de directora do Campus Innova da UDC e de vicepresidenta do Colexio Profesional de Enxeñaría Informática de Galicia, o CPEIG. Tamén forma parte do equipo de investigadoras e investigadores do Centro de Investigación TIC da UDC, o CITIC. Amais de Susana Ladra, a Universidade de Deusto tamén anunciou que concederá á investigadora sevillana Laura María Lechuga o Premio Ada Byron a la Mujer Tecnóloga.

Estes dous galardóns contan co patrocinio de ouro de Microsoft, así como o de Deputación Foral de Bizkaia, de Danobat Group e do Emakunde-Instituto Vasco da Muller; contando coa colaboración de Innobasque e Basque HealthCluster. Os galardóns serán entregados o 29 de outubro dentro das xornadas ForoTech 2020, Semana Deusto da Enxeñaría e a Tecnoloxía.

Premio Ada Byron a la Mujer Tecnóloga, de ámbito estatal, foi instituído pola Facultade de Enxeñaría da Universidade de Deusto co obxectivo de “fomentar as vocacións femininas no eido da investigación e o desenvolvemento tecnolóxicos, para prestixiar a importancia da tecnoloxía en todos os ámbitos da vida e para o desenvolvemento social, así como para dar valor ao traballo e os logros que o desempeño destas tarefas e estudos por parte das mulleres achegaron á humanidade”.

14/10/202017:37
Foro Galicia TIC 2020.
Santiago de Compostela

A directora da Amtega destaca a importancia de acadar acordos para que os fondos europeos destinados á dixitalización financien proxectos realmente transformadores

  • Mar Pereira inaugurou hoxe o Foro Galicia TIC 2020 facendo foco nos retos que temos por diante para afrontar a transformación dixital na realidade postcovid
  • Subliñou a necesidade de impulsar proxectos de dixitalización interesantes e diferenciais para captar e reter talento na Comunidade e poder contar con perfiles capaces de liderar o cambio
     

A directora da Axencia para a Modernización Tecnolóxica de Galicia (Amtega), Mar Pereira, inaugurou hoxe o Foro Galicia TIC 2020 diferenciando entre a rápida absorción da tecnoloxía que implicou a crise sanitaria da covid-19 e os cambios profundos que esixe a transformación tecnolóxica que marcará a nova década 2020-2030 e que era xa un reto antes da chega da pandemia.

Neste sentido, a responsable da Axencia pública ve positivos as barreiras e os prexuízos que se derribaron no uso da tecnoloxía a raíz da Covid-19 pero lembrou que eses avances non consolidan unha economía dixital nin os cambios máis profundos vinculados á mesma e que xa figuraban na axenda europea antes da crise sanitaria. Mar Pereira destacou a importancia de acadar acordos para que os fondos anunciados por Europa para a recuperación, cunha parte importante destinada a dixitalización, se destinen ao financiamento de iniciativas que permitan facer cousas “realmente útiles”.

A directora da Amtega subliñou, ademais, o papel tractor das administracións públicas para arrastrar a outros sectores no proceso de dixitalización así como a capacidade do sector tecnolóxico galego, ao que cualificou como “un sector de éxito” nun contexto global difícil. E recalcou a necesidade de sumar esforzos para afrontar unha auténtica transformación dixital porque “nos xogamos a capacidade de Galicia para competir como rexión neste contexto dixital”.

Aproveitou, tamén, para agradecer a operadores e empresas tecnolóxicas a súa colaboración para poder manter os servizos públicos dixitais nos momentos iniciais da crise cando se requiría unha resposta inmediata e masiva para atender sectores especialmente críticos como a sanidade ou a educación.

Por último, a responsable da Axencia autonómica fixo foco na necesidade de captar e reter talento na Comunidade para poder contar con perfiles especializados que poidan liderar o cambio. Para iso, incidiu, é clave impulsar proxectos especializados e atractivos que permitan ás empresas crecer.

14/10/202013:25
Mans tecleando.
Santiago de Compostela

A Amtega convoca máis de 300 prazas para as probas da certificación galega de competencias dixitais en ofimática

  • Están orientadas a aquelas persoas que xa posúen os coñecementos necesarios ou que optan pola modalidade autoformativa
  • Os exames presenciais celebraranse os días 11, 12 e 13 de novembro nas aulas CeMIT de 37 concellos de toda Galicia
  • Este certificado, que emite a Amtega, acredita os coñecementos nesta materia da persoa titular ante calquera instancia pública ou privada

A Axencia para a Modernización Tecnolóxica de Galicia (Amtega) convoca un total de 342 prazas de carácter libre para a avaliación para a obtención da certificación galega en competencias dixitais en ofimática (CODIX). Esta convocatoria, publicada hoxe no Diario Oficial de Galicia, está aberta a toda a cidadanía en xeral que, ben pola súa experiencia ou pola súa formación adquirida por diferentes medios xa posúen os coñecementos necesarios das aplicacións informáticas que compoñen o módulo formativo MF0233_2 «Ofimática» baixo o paquete de LibreOffice.

O prazo de inscrición para estas probas comeza mañá e remata o mércores 21 de outubro e poderá realizarse ben a través de internet ou presencialmente na aula de interese, sendo o único requisito o de ser usuario da rede CeMIT, trámite que tamén pode realizarse a través da rede.

As probas presenciais celebraranse os días 11, 12 e 13 de novembro en diversas quendas de mañá e tarde e que nesta ocasión vanse a celebrar nas aulas CeMIT dos seguintes 37 concellos, que suman un total de 342 prazas dispoñibles:

Abegondo, Ames, Betanzos, Boiro, Brión, A Coruña, Fisterra, Oroso, Ortigueira, Pontedeume, Porto do Son, Ribeira, Santa Comba, Santiago de Compostela e Vimianzo na provincia de A Coruña; Barreiros, Carballedo, Guitiríz, Lugo, Ribadeo e O Vicedo na provincia de Lugo; Bande, O Barco, Castro Caldelas, Celanova e Leiro na provincia de Ourense; e A Cañiza, Cuntis, A Estrada, Lalín, Marín, Moaña, Poio, Pontevedra, Tomiño, Valga e Vigo na provincia de Pontevedra.

Entre as persoas inscritas provisionalmente realizarase un sorteo para establecer a orde de prelación para poder efectuar a matrícula para as probas en cada quenda, no caso de que existan mais solicitantes que prazas convocadas nas diferentes aulas que realizarán as probas presenciais.

Avaliación

Para obter o CODIX é preciso superar un exame de 50 preguntas tipo test referidas aos contidos do Plan Formativo Ofimático de Galicia, composto polas cinco unidades nas que se estrutura o módulo formativo MF0233_2 «Ofimática» do Repertorio Nacional de certificados de profesionalidade:

  • Sistema operativo, busca da información: internet/intranet e correo electrónico
  • Aplicacións informáticas de bases de datos relacionais. LibreOffice Base
  • Aplicacións informáticas para presentacións: gráficas de información. LibreOffice Impress
  • Aplicacións informáticas de tratamento de textos. LibreOffice Writer.
  • Aplicacións informáticas de follas de cálculo. LibreOffice Calc

Os materiais formativos que compoñen estes cursos foron elaborados seguindo as boas prácticas recollidas na Guía de boas prácticas para a publicación de obras documentais da Xunta de Galicia e poden ser seguidos libremente na súa modalidade de autoformación dentro da plataforma de teleformación da rede CeMIT http://cemit.xunta.gal/ema, na que se poden consultar tanto os contidos específicos dos diversos módulos que compoñen o CODIX como diversos casos prácticos e test de exemplo

Máis de 1.500 prazas programadas para o ano 2021

Esta convocatoria forma parte do Plan de Formación da rede CeMIT para este ano 2020, que terá a súa continuación no vindeiro ano con novas convocatorias de dous cursos de teleformación titorizada con exame final e dúas convocatorias de probas presenciais na modalidade autoformativa.

Dende a habilitación da rede CeMIT para a formación e avaliación dos contidos formativos do CODIX en maio de 2014, foron máis de 9.000 as prazas convocadas nas súas diferentes modalidades (2.650 en cursos de teleformación titorizada e 6.392 en probas presenciais de acceso libre) e máis de 3.800 as persoas que obtiveron a certificación emitida por parte da Amtega despois de superar as probas presenciais realizadas nas aulas da rede CeMIT.

A estes datos hai que engadir as mais de 300 actividades e cursos en ofimática en software libre que veñen realizando as diferentes aulas de forma presencial durante o último ano como preparación orientada á presentación para estas probas libres, así como os 2.500 accesos aos contidos específicos do CODIX aloxados na plataforma de teleformación a través de internet (http://cemit.xunta.es/ema) e abertos para ser consultados en calquera momento.

Calendarización das probas

As probas de avaliación presencial que se convocan desenvolveranse os días 11, 12 e 13 de novembro de acordo co seguinte calendario:
 

LOCALIDADE

PROVINCIA

DÍA

HORA

Nº PRAZAS

Abegondo

Coruña, A

Mércores, 11 de novembro

10:00

10

Ames

Coruña, A

Mércores, 11 de novembro

10:00

8

Betanzos

Coruña, A

Mércores, 11 de novembro

10:00

10

Coruña, A - Eirís

Coruña, A

Mércores, 11 de novembro

10:00

8

Porto do Son

Coruña, A

Mércores, 11 de novembro

10:00

7

Santiago de C.

Coruña, A

Mércores, 11 de novembro

10:00

9

Vimianzo

Coruña, A

Mércores, 11 de novembro

10:00

10

Guitiríz

Lugo

Mércores, 11 de novembro

10:00

14

Lugo

Lugo

Mércores, 11 de novembro

10:00

8

Lalín

Pontevedra

Mércores, 11 de novembro

10:00

12

Pontevedra

Pontevedra

Mércores, 11 de novembro

10:00

12

Tomiño

Pontevedra

Mércores, 11 de novembro

10:00

9

Vigo

Pontevedra

Mércores, 11 de novembro

10:00

6

 
 
 
 
 

LOCALIDADE

PROVINCIA

DÍA

HORA

Nº PRAZAS

Fisterra

Coruña, A

Xoves, 12 de novembro

10:00

5

Pontedeume

Coruña, A

Xoves, 12 de novembro

10:00

8

Ribadeo

Lugo

Xoves, 12 de novembro

10:00

5

Bande

Ourense

Xoves, 12 de novembro

10:00

6

Barco, O

Ourense

Xoves, 12 de novembro

10:00

6

Estrada, A

Pontevedra

Xoves, 12 de novembro

10:00

10

Moaña

Pontevedra

Xoves, 12 de novembro

10:00

7

 
 
 
 
 

LOCALIDADE

PROVINCIA

DÍA

HORA

Nº PRAZAS

Betanzos

Coruña, A

Xoves, 12 de novembro

16:00

10

Coruña, A - Eirís

Coruña, A

Xoves, 12 de novembro

16:00

8

Pontedeume

Coruña, A

Xoves, 12 de novembro

16:00

8

Santa Comba

Coruña, A

Xoves, 12 de novembro

16:00

12

Vicedo, O

Lugo

Xoves, 12 de novembro

16:00

4

Castro Caldelas

Ourense

Xoves, 12 de novembro

16:00

8

Leiro

Ourense

Xoves, 12 de novembro

16:00

3

Cañiza, A

Pontevedra

Xoves, 12 de novembro

16:00

16

Cuntis

Pontevedra

Xoves, 12 de novembro

16:00

8

Moaña

Pontevedra

Xoves, 12 de novembro

16:00

7

 
 
 
 
 

LOCALIDADE

PROVINCIA

DÍA

HORA

Nº PRAZAS

Ames

Coruña, A

Venres, 13 de novembro

10:00

8

Boiro

Coruña, A

Venres, 13 de novembro

10:00

6

Brión

Coruña, A

Venres, 13 de novembro

10:00

6

Oroso

Coruña, A

Venres, 13 de novembro

10:00

10

Ortigueira

Coruña, A

Venres, 13 de novembro

10:00

4

Ribeira

Coruña, A

Venres, 13 de novembro

10:00

8

Barreiros

Lugo

Venres, 13 de novembro

10:00

6

Carballedo

Lugo

Venres, 13 de novembro

10:00

3

Celanova

Ourense

Venres, 13 de novembro

10:00

9

Marín

Pontevedra

Venres, 13 de novembro

10:00

8

Tomiño

Pontevedra

Venres, 13 de novembro

10:00

9

Poio

Pontevedra

Venres, 13 de novembro

10:00

5

Valga

Pontevedra

Venres, 13 de novembro

10:00

6

14/10/202009:02
Sabela Ramos.
Santiago de Compostela

A enxeñeira Sabela Ramos recibe o Premio Ada Byron do CPEIG

O Colexio Profesional de Enxeñaría en Informática de Galicia (CPEIG) deu a coñecer este martes 13 o nome da investigadora-tecnóloga que este ano vai ser recoñecida co Premio Ada Byron, destinado a visualizar as importantes contribucións das mulleres no eido TIC, que será entregado no marco da XII Noite da Enxeñaría en Informática de Galicia. Este 2020 o recoñecemento devandito irá dar a mans da enxeñeira en Informática Sabela Ramos Garea. O anuncio coincide coa celebración do Día Internacional Ada Lovelace que se conmemora este martes 13 de outubro para enxalzar os logros das mulleres en ciencia, tecnoloxía, enxeñaría e matemáticas (STEM) e alentar ás novas xeracións de rapazas a realizar estas carreiras profesionais.

Quen foi Ada Lovelace

Ada Lovelace foi unha escritora e matemática británica (1815-1852), considerada a primeira programadora informática da historia ao describir a máquina analítica de Charles Babbage. Como autora do que se considera o primeiro algoritmo da historia, a tamén chamada Ada Byron deduciu e preveu a capacidade dos ordenadores para ir máis alá dos simples cálculos numéricos. 

A Noite

A gala do colectivo galego de enxeñeiras e enxeñeiros en Informática celebrarase o vindeiro 30 de outubro no Hotel OCA Porta do Camiño de Santiago, este ano cun encontro presencial e virtual que reunirá ás empresas máis destacadas do sector TIC en Galicia. Os premios corresponden a dez categorías onde os colexiados e colexiadas recoñecen as iniciativas ou persoas destacadas no ámbito da Enxeñaría en Informática.

Sabela Ramos (Padrón, 1986) é enxeñeira en Google Research onde traballa actualmente en ferramentas para Reinforcement Learning –aprendizaxe por reforzo–, unha rama do Machine Learning. Antes de traballar en Google, Sabela obtivo o seu doutoramento en Computación de Altas Prestacións na Universidade da Coruña (UDC) e realizou un posdoutoramento na Escola Politécnica Federal de Zúric (ETH Zúric) onde investigou para crear modelos matemáticos do rendemento de microprocesadores.

A enxeñeira, natural de Padrón aínda que residiu gran parte da súa vida en Cee, confesa que desde sempre lle gustou a informática, “un eido moi amplo no que sempre atopas problemas novos que aínda non teñen solución e no que tes que estar continuamente aprendendo”. Cando comezou o seu doutoramento na UDC, Sabela Ramos tiña pensado dedicarse á investigación para seguir buscando problemas sen resolver. Pero mentres cursaba unha bolsa posdoutoral na dita cidade suíza decatouse de que a súa investigación estaba moi afastada das aplicacións reais e, aínda que cre firmemente no valor da investigación, apostou por traballar en algo que tivese “un impacto máis directo na vida real”.

Actualmente, e despois de tres anos traballando en YouTube, volveuse a achegar á investigación nun equipo de infraestrutura de Google Research, onde as súas funcións lle permiten a outros investigadores avanzar en campos como o Reinforcement Learning.
Ademais, Sabela Ramos forma parte do colectivo Google Women in Engineering, onde se estimula a presenza feminina no sector TIC. A profesional considera que “actualmente a informática segue sendo unha profesión na que o número de mulleres é moi baixo”. Segundo fai saber, “hai datos que nos din que aos nenos se lles anima a seguir unha profesión técnica e que ás nenas fáltalles referencias que lles fagan sentir que o sector TIC é un campo no que poden ter éxito” –indica–. Destaca tamén que moitas mulleres tenden a abandonar as carreiras técnicas en maior porcentaxe que os homes. “Hai que crear unha cultura de inclusión no espazo de traballo que permita que se aborden estes problemas e que todos sexamos conscientes de que existen. Non só son problemas que afectan ás mulleres, tamén a outros grupos con menor representación nas profesións TIC. Un entorno inclusivo no que se valora a diferencia fai que todos nos sintamos máis a gusto no noso traballo e sexamos máis produtivos”, conclúe.

14/10/202008:58
Intre do certame Innovatia 8.3.
Santiago de Compostela

Unha iniciativa para avanzar en accesibilidade tecnolóxica, premiada nos terceiros premios Innovatia 8.3

Finalmente a Universidade de Santiago comunicou a semana pasada quen son as gañadoras da edición actual, a terceira, do seu certame Innovatia 8.3, convocados pola USC e o Instituto da Muller para fomentar iniciativas empresariais innovadoras no eido científico-tecnolóxico, lideradas por mulleres e con orixe nos campus. As gañadoras foron Libera Bio e Tilúa Asisencia, esta última centrada en tirar abaixo o meirande número de barreiras entre as novas tecnoloxías e os colectivos de persoas con diversidades funcionais ou cognitivas.

Polo que respecta á compañía biofarmaceútica e spin-off da USC Libera Bio, especializada no desenvolvemento de novos medicamentos anticanceríxenos baseados en nanotecnoloxía, foi recoñecida na categoría Empresa de base tecnolóxica dos III Premios Innovatia 8.3. O proxecto promovido por Desirée Teijeiro e María José Alonso recibiu un galardón dotado con 10.000 euros.

Volvendo a Tilúa Asistencia, é como dixemos unha iniciativa dirixida a facilitar ás persoas con diversidades de toda índole tecnoloxías que lles axuden no seu día a día. Foi recoñecida na categoría Empresa startup. O proxecto promovido por Emilia Méndez Barrios e presentado pola Universidade Miguel Hernández de Elxe obtivo un galardón de 7.000 euros.

A tamén spin-off da USC BFlow, así como Evoenzyme do Centro Superior de Investigacións Científicas, foron finalistas na categoría de mellor empresa de base tecnolóxica; mentres que na modalidade destinada a premiar á mellor startup, as finalistas foron Kubalu Events da Universidade Politécnica de Madrid e Enthec Solutions da Universidade Carlos III.

A terceira edición destes premios contou coa participación de 41 empresas, 23 de base tecnolóxica e 18 novas firmas. Nos proxectos seleccionados valorouse ademais da innovación e a viabilidade económica, a súa sustentabilidade e o seu impacto social; o volume de emprego proxectado e a súa calidade; o carácter interdisciplinario do equipo e as súas políticas de igualdade.

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora...

LER MAIS