A comunidade A11y de Mozilla está formada por centos de apaixonados voluntarios que teñen necesidades específicas en canto a accesibilidade e desenvolvemento da Web. Algúns membros do equipo teñen distintos graos de discapacidade visual, algúns son invidentes e outros teñen discapacidades motoras; é dicir, todos eles lidan a diario con desafíos na contorna online. O equipo Firefox A11e dedica o seu tempo e habilidades a traballar en todo o ecosistema de accesibilidade web, que vai desde influír na estándares web W3C , implementación de buscadores e evangelización, ata colaborar con (e dar soporte a) tecnoloxías de asistencia.
Proxectos de A11y
Firefox ten moitas características que fan o navegador para computador e a contido web accesible para todos os usuarios, incluíndo aqueles que teñen problemas de visión, son invidentes ou teñen habilidades limitadas para utilizar o teclado ou o rato.
De forma máis específica, o proxecto The Access Firefox Project é un portal web con ferramentas de accesibilidade e recursos para usuarios de Firefox con discapacidade (visual, principalmente). Está deseñado para ofrecer guías e consellos para usuarios de todos os niveis, desde principiantes ata usuarios expertos. O propósito principal deste proxecto é facer da Web un lugar no que as persoas con discapacidade visual ou cognitiva poidan descubrir ferramentas e recursos que lles permitan tomar o control da súa experiencia web, personalizando a forma na que acceden ao contido.
Os mellores complementos para accesibilidade de Firefox
Un dos agasallos máis interesantes para este Nadal son os Smart Toys: xoguetes intelixentes cos que os nenos non só xogan, tamén aprenden programación, xeografía ou astronomía.
Se antes se dicía que os nenos nacían cun pan debaixo do brazo, agora poderiamos dicir que o fan cun chip electrónico. E se cambian os tempos, tamén o fai a forma de xogar dos máis pequenos. Así nacen os Smart Toys, xoguetes que contan con certa autonomía grazas á electrónica que incorporan no seu interior.
Estes dispositivos son capaces de responder a todo tipo de estímulos ambientais, adaptar as súas respostas ás accións do neno ou ser configurado de acordo ás necesidades ou gustos do propio usuario.
Recompilamos algunhas alternativas destes xoguetes para este nadal, organizadas por idades recomendadas. E é que os Smart Toys son un agasallo ideal que combina educación e diversión a partes iguais.
Este adorable osiño de peluche de Fisher-Price esconde no seu interior todo un universo conectado para facer as delicias dos máis pequenos da casa. Así, o xoguete conta con tecnoloxías de recoñecemento de voz (fala, escoita e lembra o que din os nenos, podendo manter conversacións reais) ou de imaxes (escanea varios cartóns intelixentes para comezar determinadas actividades, como xogos ou contacontos).
O osiño tamén pode aprender as actividades favoritas de cada neno ou adiviñar cando é lanzado ao aire (con algo de axuda do seu acelerómetro) ou a hora do día e o clima da localización no que se atopa.
Do mesmo xeito que outras xeracións aprenderon as distintas partes do corpo humano con vídeos e coleccionables, os nenos de hoxe en día poden facelo de forma dixital. E é que, grazas a xoguetes como Smart Anatomy, a aprendizaxe sobre o corpo humano faise divertida e fácil: trátase dunha figura humana composta de 16 partes desmontables que, á súa vez, conteñen 150 puntos de interese que poden ser descubertos cun Smart Pen, que lerá cada elemento e reproducirá un audio explicando a función que desempeña esa zona no noso organismo.
Smart Anatomy conta con máis de 20 actividades a elixir entre os 5 modos de xogo dispoñibles, incluíndo a procura dun órgano concreto, exercicios de memoria e, mesmo, deletreando os (complicados) nomes dalgúns dos nosos ósos ou músculos.
Zowi, o robot de Clan, é un gracioso xoguete que permite aos máis pequenos aprender programación mentres se divirten con este robot capaz de camiñar, bailar, evitar obstáculos, entender e emitir sons e facer xestos coa boca. Os nenos poderán programalo e ademais abrilo, desmontalo e estudar o que hai no seu interior. Ademais, vai acompañado dunha app, desde a que se pode manexar o robot, e que ademais se pode utilizar tanto en smartphone como en tablet, e que inclúe multitude de minixogos e retos para complementar esta aventura.
Por todas estas posibilidades, Zowi, o robot de Clan, foi elixido Mellor Xoguete Conectado de 2016 polo xurado experto da Asociación Española de Fabricantes de Xoguetes.
Este robot é fabricado por BQ nas súas instalacións de Navarra, firma coñecida pola súa popular gama de smartphones e impresoras 3D, e que tamén está a consolidarse como un referente de robótica educativa que busca democratizar a educación en tecnoloxía.
A realidade é que é complicado acertar cun xoguete educativo para adolescentes que se atopan en plena ‘idade do pavo'. Con todo, Gemio Bracelets parece dar coa tecla ao combinar moda, deseño, personalización e programación nunha serie de brazaletes coloridos que poden configurarse para iluminarse de mil e unha maneiras en función das preferencias dos mozos.
Aínda que de momento non están á venda, pode que pronto vexamos estas pulseiras nos brazos dos adolescentes da nosa cidade. ¡E apenas se darán conta de que están a aprender mentres presumen dos seus deseños cos amigos!
A Fundación Vodafone España celebrou onte en Córdoba a cerimonia de entrega dos seus premios anuais Connecting for Good á Innovación de Telecomunicacións. Nesta décima edición, o xurado concedeu catro galardóns, dotados con 15.000 euros cada un, a catro proxectos accesibles que innovan no ámbito das TIC para mellorar a calidade de vida dos colectivos vulnerables.
O acto de entrega tivo lugar no Centro de Recepción de Visitantes da capital cordobesa e contou coa presenza de Isabel Ambrosio Palos, Alcaldesa de Córdoba; José Sánchez Maldonado, Conselleiro de Emprego, Empresa e Comercio da Junta de Andalucía; e Francisco Román, Presidente de Vodafone España e da Fundación Vodafone España.
A alcaldesa quixo agradecer á Fundación Vodafone o elixir a Córdoba para a entrega destes galardóns que “poñen en valor a aposta de diferentes empresas, por traducir a tecnoloxía ao idioma dos colectivos que máis a necesitan. Con iniciativas como estas, demóstrase que o binomio entre a responsabilidade social de empresas como Vodafone e a innovación, pode facer moito máis fácil a vida a aqueles que a teñen máis difícil.”
O conselleiro de Emprego, José Sánchez Maldonado, encomiou o traballo desenvolvido por todos os participantes na décima edición dos premios, aos que agradeceu que “nos ensinen o camiño: están a demostrarnos que a accesibilidade é un acicate para a innovación, e ademais xera mercado e emprego”. Neste sentido, Sánchez Maldonado lembrou que o Goberno andaluz aposta tamén por mellorar o acceso ás novas tecnoloxías dos colectivos máis vulnerables, con programas como Guadalinfo e a súa rede de telecentros en colaboración coas deputacións, ou a iniciativa Andalucía Compromiso Dixital, un proxecto no que administracións, empresas, universidades e organizacións do voluntariado suman esforzos para promover as competencias dixitais en persoas con especiais dificultades para o acceso ao mundo dixital.
Para Francisco Román, Presidente de Vodafone España e da Fundación Vodafone España, os premiados “son catro claros exemplos de que o futuro pasa pola transformación dixital e a innovación continua. Cremos que apoiar estes proxectos é fundamental para afrontar os retos sociais que nos esperan e para contribuír a desenvolver sociedades máis sustentables, intelixentes e inclusivas”.
As catro solucións galardoadas nesta edición foron:
Xurado da X Edición
Os gañadores foron seleccionados por un xurado formado por Francisco Marín, Director Xeral do CDTI; Aleix Valls, Director Xeral da Fundación Barcelona Mobile World Capital; Miguel Ángel Valero, Director Xeral de CEAPAT; Ricardo Gabarró, Director de I+D+i do Grupo Eulen; Rodrigo Hilario, Director de Estratexia de RENFE; Mar Pereira, Directora de AMTEGA; José Manuel Sedes, Director de Sustentabilidade de Vodafone España; Branca Echániz, Directora de Servizos Particulares de Vodafone España; Enrique Martín, Director de Innovación de Vodafone España; e Mari Satur Torre, Directora de Innovación da Fundación Vodafone España.
Descrición dos proxectos gañadores
Movistar vén de anunciar que comeza a clasificar os seus dispositivos móbiles en España por criterios de accesibilidade. Este proceso, que forma parte dun proceso máis amplo (a súa transformación cara a “unha compañía de telecomunicacións sen barreiras”), será efectivo a partir deste 1 de decembro. Isto significa que os aparellos móbiles incluídos na oferta de Movistar van comezar a dispoñerse tendo en conta sete tipos de interaccións. Estes son: visión baixa ou nula, audición baixa ou nula, dificultade moderada ou severa para a manipulación e dificultade para a comprensión. A compañía pretende “achegar a revolución dixital a toda a sociedade e contribuír a que as tecnoloxías melloren a vida de todos, dotándolles da autonomía necesaria para realizarse plenamente como persoas”.
Segundo salienta Movistar, a idea foi ordenar en base a conceptos e parámetros de utilidade o extremadamente diverso panorama actual de móbiles, “con todo tipo smartphones e tabletas con distintos sistemas operativos”. Estes aparellos, por mor das súas semellanzas evidentes poden levar aos usuarios á idea de crer que comparten todas as súas funcionalidades, pero a verdade é que “inclúen diferenzas que poden supor importantes atrancos para algunhas persoas”, sinala Movistar. Por esta razón, a operadora quere achandar e simplificar a busca do smartphone e a tableta máis axeitados para un cliente cunhas demandas determinadas. Deste xeito, Movistar identifica cunha icona doada de interpretar cada un do sete casos de uso máis habituais, “de tal maneira que calquera persoa que queira mercar un móbil pode atopar con facilidade o máis acaido para as súas características e demandas”. O único que teremos que facer é irmos á canle online da oferta de Movistar e seleccionarmos a icona ou iconas correspondentes. De contado, obteremos a relación de dispositivos que máis se axusta ás nosas necesidades.
Movistar, que anuncia esta iniciativa en vésperas do Día Internacional das Persoas con Discapacidade (o 3 de decembro), xa incluíu esta información no 50% do seu catálogo. Para isto, contou coa axuda de Fundación ONCE, socio de referencia de Telefónica, que realizou o labor de asesoramento na experiencia de uso de cada dispositivo, así como coa colaboración dos fabricantes (Huawei, LG, Samsung e TCL Communication), que cederon os seus terminais para que o ONCE fixese o seu traballo. Ademais, Telefónica seguirá traballando cos fabricantes e provedores de sistemas operativos para mellorar a accesibilidade dos seus terminais.
A Fundación Vodafone España e o Concello de Baiona presentaron, o pasado venres 25 de novembro, os obradoiros formativos sobre o uso do Smartphone dirixido a maiores, que serán impartidos na devandita localidade por ATEGAL (Asociación Cultural Galega de Formación Permanente de Adultos), durante os días 29 e 30 de novembro o primeiro deles e 13 e 14 de decembro o segundo. O obxectivo dos obradoiros será achegar ás persoas maiores os novos dispositivos móbiles intelixentes -smartphones e tablets- para diminuír a fenda dixital entre xeracións nas contornas rurais e para que os nosos maiores poidan acceder a novos camiños de oportunidades na mellora da súa calidade de vida.
A presentación foi realizada por, Mª Carmen Paredes, Concelleira de Benestar Social, Igualdade e Comercio, Jesús Sueiro, Responsable de Administracións Públicas de Vodafone en Galicia, en representación da Fundación Vodafone España e a Directora Xerente de Ategal, Paula de Sande.
Segundo Jesús Sueiro “a aparición dos dispositivos móbiles avanzados, por unha banda, e a eclosión da banda ancha móbil, por outra, xeraron unha nova contorna de comunicación que as persoas maiores han de asimilar para poder beneficiarse de novos servizos que lles axudarán a vivir cunha maior autonomía persoal e independencia. De aí a importancia do obradoiro formativo, que formará a 30 maiores facilitándolles o acceso aos beneficios que proporcionan as novas tecnoloxías para potenciar e favorecer o envellecemento activo”.
Pola súa banda, Mª Carmen Paredes sinalou que os obradoiros “complementan a aposta realizada polo Concello de Baiona por incorporar as TIC no día a día, para favorecer o envellecemento activo e diminuír a vulnerabilidade no colectivo de persoas maiores”.
Para Paula de Sande, “os obradoiros son unha magnífica oportunidade para achegar as novas tecnoloxías aos maiores, especialmente do medio rural. O uso os dispositivos móbiles axuda aos maiores para incrementar a súa autoestima, conectividade social e seguridade mellorando, por tanto, a súa calidade de vida.”
Os maiores verán as enormes posibilidades que lles brindan os smartphones e as tablets en aspectos tales como seguridade, saúde, participación, acceder a internet e ao mundo que os rodea doutra maneira moito máis accesible e a aplicacións que poden usar segundo os seus gustos e preferencias, especialmente para o contacto con familiares e amigos.
Mozas e mozos desempregados da provincia de Ourense que teñan formación en Informática, sistemas e programación web son os destinatarios elixidos pola Deputación de Ourense e a compañía Viewnext (pertencente ao Grupo IBM) de cara a participar no primeiro Plan Piloto de Emprego Tecnolóxico en Ourense, que permitirá a preto de 20 desempregados acceder ao mercado laboral no eido tecnolóxico. Cómpre sinalar que o paso previo a este Plan Piloto será un curso de programación que a Deputación desenvolverá xunto ao Ministerio de Industria, a través da Escola de Organización Industrial (EOI), e no que poderán participar até 30 mozos e mozas desempregados, incluíndo axudas de até 5.000 euros para empresas que contraten a estes mozos.
A acción formativa, cofinanciada co Fondo Social Europeo de Garantía Xuvenil, abrangue 100 horas de formación tecnolóxica, especializada en programación web Java, centrándose en aspectos prácticos, co obxectivo de que o alumnado poida ser contratado axiña por empresas do sector. En canto á temática desta acción formativa constará de: Orientación de obxecto, Asignacións e operadores, Arquitectura de WebSphere e Commerce, etc. O curso, cunha duración de mes e medio, desenvolverase en clases teóricas e prácticas, todas presenciais e impartidas en Ourense.
Os interesados en asistir a este curso xa se poden inscribir dende hoxe a través da web da EOI, estando previsto o comezo do curso a mediados do vindeiro mes de decembro.
Segundo informaba o presidente da Deputación, Manuel Baltar, no seu encontro co director xeral de Viewnext, José Manuel Brandeiro, esta proposta forma parte do proxecto Provincia Intelixente, que está a desenvolver a Deputación de Ourense, "proxecto que inclúe ademais a creación en Ourense dun centro tecnolóxico para a innovación por parte das compañías IBM e Vodafone, que ten como obxectivo impulsar novas oportunidades de progreso económico e social na provincia da man da Deputación de Ourense". Deste xeito, a Deputación únese a IBM e Vodafone para desenvolver un proxecto que quere estar na vangarda da innovación tecnolóxica.
O Concello de Pontevedra vén de tirar proveito das redes sociais para visualizar a problemática da discriminación e o maltrato e atallala facendo fincapé na sensibilización entre as novas xeracións, e tamén entre as non tan novas. Esta campaña materializouse con motivo do Día Internacional contra a Violencia de Xénero, o venres 25, saldándose até o de agora con máis de 5.000 comentarios en Twitter e Facebook, máis de 1,5 millóns de contas acadadas e arredor de 4,2 millóns de impactos.
Segundo informa o Concello de Pontevedra, os datos tirados das redes sociais empregadas conclúen que o perfil maioritario das persoas acadadas coa campaña é o de mulleres entre os 24 e 45 anos. Estes datos corresponden aos sete primeiro días de andaina da iniciativa #PrimAcoso. Para o Concello, “os obxectivos están xa acadados”. Segundo explicou hai uns días na presentación da campaña a concelleira de Igualdade, Carmen Fouces, a iniciativa arrincaba co fin de visualizar “a base da pirámide da violencia”, ou sexa “a longa listaxe de microacosos, pequenas agresións e leves humillacións” que ten que sufrir calquera muller, pertenza á cultura que pertenza e sexa da idade que sexa.
A idea foi trasladar á poboación feminina (e tamén á masculina) a idea de que “todas as mulleres están no mesmo barco e que todas senten e sofren nalgún intre”. O terceiro obxectivo foi comprobar cal era a resposta da sociedade (dos homes e tamén das mulleres) fronte ao acto de valentía que supón que as mulleres compartan experiencias persoais de acoso, humillación, discriminación… A concelleira de Igualdade, Carmen Fouces, engadiu entre outras as seguintes conclusións: “a importancia da reflexión que moitos e moitas fixeron arredor do debate xerado polas denuncias e comentarios en primeira persoa reflectidos nas redes” ou “a preocupación da violencia dos comentarios e respostas de certos homes e tamén mulleres fronte as denuncias do #PrimAcoso e a súa visualización”. Neste último senso, a concelleira lembrou que canta máis proxección social ou repercusión ten unha muller e unha campaña na que ela sexa protagonista, maior é a virulencia.
A Aula da Innovación do CHUS acolleu este luns a presentación de dúas tecnoloxías galegas destinadas a favorecer o envellecemento activo e, nun plano máis concreto, a loitar contra os estragos na nosa calidade de vida que desencadean dúas doenzas de forte presenza na nosa terra: o proxecto PREBENCAR, destinado a pór en práctica medidas para evitarmos doenzas cardiovasculares, e o proxecto RISING, dirixida a mellorar o día a día das persoas con deterioro cognitivo leve (xeralmente fallos de memoria que non impiden a autonomía diaria). Na presentación ante os medios participou parte do equipo da empresa Balidea, co-desensolvedora de ámbalas tecnoloxías. Tamén concorreron profesionais de ImaGames (co-desenvolvedora de PREBENCAR) e de FrutoDS e Atendo (co-desenvolvedoras de RISING). Igualmente, interviñeron representantes do CHUS, salientando as importantes vantaxes e oportunidades que se abren coas dúas tecnoloxías, e máis para un territorio coma o noso, galego, fortemente envellecido (agora e, sobre todo, nas seguintes décadas).
Segundo coincidiron, favorecer que as persoas maiores nos anos vindeiros estean mellor atendidas e teñan máis calidade de vida non é só unha responsabilidade social, humana e tecnolóxica, “é tamén unha oportunidade para xerarmos innovación e emprego e evitar así que os nosos profesionais das TIC e da saúde teñan que buscar traballo fóra”. No acto de prensa deuse a coñecer que PREBENCAR e RISING estarán prontas para empregarse pola poboación a mediados de 2018. En ámbolos proxectos participan, amais das empresas devanditas artelladas en consorcios, a Fundación Ramón Domínguez, o Centro de Singular de Investigación en Tecnoloxías da Información (CiTIUS, no primeiro dos casos) e o Instituto Tecnolóxico de Matemática Industrial (ITMATI, no segundo dos casos). Ademais do devandito e de pertencer ao ámbito da eSaúde e do envellecemento activo comparten a seguinte razón de ser: xorden das necesidades asistencias detectadas por profesionais sanitarios e céntranse, de diferente maneira, en favorecer o “empoderamento” dos pacientes (cardiovasculares no caso de PREBENCAR e de doenzas de deterioro cognitivo, tipo alzhéimer ou demencia, no caso de RISING). Ou sexa, céntranse en impulsar a capacidade dos doentes para seren autónomos e, tamén, de constituírense eles mesmos en elementos dinámicos e activos da súa saúde e dos seus procesos de mellora. A maiores do devandito, os dous proxectos comparten o seguinte: están co-financiados pola Axencia Galega de Innovación (GAIN) co apoio da Consellería de Economía a través do programa Conecta PEME (que conta con financiamento do Fondo Europeo de Desenvolvemento Rexional, FEDER, da UE).
PREBENCAR
O proxecto PREBENCAR, polas súas siglas Asesor Virtual Intelixente para a Prevención e o Benestar Cardiovascular, foi presentado en primeira instancia polos médicos do CHUS José Ramón González-Juanatey (xefe do Servizo de Cardioloxía) e Carlos Peña (cardiólogo do CHUS). Ambos fixeron fincapé na necesidade de habilitar canles de información efectivas e eficaces coa cidadanía, canles que favorezan nela un papel activo na prevención e no benestar. Segundo fixeron saber, os hábitos saudables reducen nun 80% o risco de doenzas cardiovasculares. “Malia isto e malia que practicamente toda a poboación coñeza a natureza destes hábitos”, sinalaron, “non só non se detecta unha freada da incidencia destas doenzas, senón máis ben o contrario”.
Polo tanto, son precisas ferramentas para animar á cidadanía no seu papel de activo de prevención (no caso de non sufrirmos este tipo de enfermidades) e de benestar (no caso de que térmolas xa). Logo da intervención de González-Juanatey e Peña foi a quenda do director executivo de Balidea, Lorenzo Rodríguez Currais, que sinalou que dende o comezo un dos obxectivos de PREBENCAR foi o de ser o escenario comunicativo real e eficaz que faltaba na devandita preza de prevención. Trátase, sinalou, dunha tecnoloxía que ten moito de intelixente, de fogar dixital, de minaría de datos e, tamén, de gamificación (a práctica de trasladar ao mundo real metodoloxías propias, de probada eficacia, do mundo dos videoxogos e as aventuras gráficas).
Nun plano máis concreto, sinalaron que se trata dun asesor virtual intelixente para a prevención e o benestar cardiovasculares. Busca achegar unha aplicación móbil que lles permita aos pacientes autoxestionar a súa saúde cardiovascular, promovendo a actividade física, o descanso suficiente e a alimentación cardiosaudable, evitando ademais o sedentarismo e adiando a dependencia. En definitiva, búscase facilitarlles aos cidadáns, aos profesionais da saúde e aos servizos sanitarios a promoción de actividades de prevención cardiovascular primaria a nivel poboación, procurando un cambio en costumes e hábitos sociais, e dando resposta a un reto na sociedade actual: acadar unha cultura cardiosaudable a través dun cambio de rol nas propias persoas. Segundo se fixo saber na presentación, un dos principais avances de PREBENCAR é “o seu alto nivel de personalización”.
A tecnoloxía RISING
A tecnoloxía RISING, pola súa banda, é un asistente para persoas con deterioro cognitivo leve que propón terapias neurolóxicas baseadas na actividade diaria. Segundo lembrou na presentación Luis Barros, director de Innovación de Atendo, un dos grandes obxectivos do proxecto é dar forma a unha “neta virtual” que achegue apoio ás persoas maiores que viven soas, que teñen miúdos problemas de memoria (que non lles impiden levar unha vida normal) e que precisan, porén, unha axuda diaria para as súas actividades cotiás. Unha axuda, por outra banda, que non lles supoña unha molestia e lles sexa comprensible e asimilable.
Para Barros o envellecemento da poboación galega é de feito motivo de preocupación, pero tamén pode ser unha oportunidade para innovar, para dar o mellor de nós mesmos a nivel de desenvolvementos sociais e, tamén, para crear unha industria que evite a fuga de profesionais lonxe da nosa terra. “Neste ámbito podemos facer cousas moi interesantes”, sinalou, “asistindo tecnolóxica pero tamén emocionalmente aos nosos maiores, empoderándoos e facilitándolles unha oportunidade clara de envellecemento activo”.
A un nivel máis concreto, RISING (Rich Stimulation Daily Living) é un asistente para persoas con deterioro cognitivo leve que propón terapias baseadas na actividade diaria. Para facernos unha idea do seu potencial, lémbranos facer cousas como tomar a medicación ou levar a cabo do mellor xeito as nosas obrigas diarias. Igual que faría un familiar de menor idade ou outra persoa maior que non tivese problemas de deterioro cognitivo. De maneira significativa a solución que vai aplicar o proxecto chámase NETA. De feito, o seu obxectivo é reproducir no plano tecnolóxico a familiaridade entre avós e netos.
A Fundación ONCE e o Banco Popular uniron as súas forzas no marco do programa ‘EmprendeTIC' para formar a persoas con discapacidade, que tiñan un perfil tecnolóxico, no campo de traballo do Big Data. En total foron 21 persoas as que recibiron un curso de 160 horas lectivas.
O programa ‘EmprendeTIC' ten como obxectivo fomentar o emprendemento entre persoas con discapacidade en profesións do sector da tecnoloxía e empregos emerxentes. Neste sentido, realizouse un estudo xunto con KPMG no que se mostra como o desenvolvemento do Big Data supón unha oportunidade para a inclusión laboral das persoas con discapacidade.
De acordo con este estudo, os postos máis operativos son Administrador, Desenvolvedor e Arquitecto Big Data. Cun nivel medio de operatividade atópanse os perfís de Visualización de datos, Avogado e Seguridade Big Data e Analista de datos. Por último, os postos menos operativos e con menor oportunidade de ocupación son Data Scientist e Chief Data Officer.
O curso impartiuse en Madrid e Barcelona, e neles participaron persoas con discapacidade en situación de desemprego que contan con estudos de Formación Profesional en informática ou con coñecementos básicos de programación ou experiencia laboral neste campo.
Todas elas recibiron formación sobre Java, base de datos relacionaies e programación SQL, Coñecemento Linux, Hadoop, conceptos de Machine Learning e R, e Visualización, a través de varios módulos.
Ao termo da formación, os alumnos que pasaron o nivel de coñecemento mínimo e que son considerados aptos teñen a posibilidade de realizar prácticas laborais en empresas do sector, facilitadas pola empresa datahack.
A este respecto, durante o tempo que durou o curso traballouse tamén cos participantes en obradoiros de orientación laboral e titorías individuais, co obxectivo de detectar as súas capacidades, intereses e enfoque da súa traxectoria profesional.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...