O Campus de Pontevedra acolleu a semana pasada un congreso (o cuarto Congreso Internacional de Videoxogos e Educación, CIVE) e, dentro del, unha sesión de traballo colectiva para dar forma a un xogo con potencial para mellorar o mundo. Falamos da Game Jam da Casa da Luz unha actividade que contou coa colaboración do Colexio Profesional de Enxeñaría en Informática de Galicia (CPEIG) e que consistiu nun maratón para dar forma a un serious game (unha achega gráfica para entreter pero tamén para informar, formar, denunciar ou divulgar) entre os diferentes grupos participantes. Segundo puidemos saber, a Game Jam rematou o venres e o gañador foi un videoxogo para a aprendizaxe do reciclado e a prol dos valores para a protección do medio ambiente.
O grupo gañador estivo formado por Amparo Fernández, Robert Fekete, Esteban Canle e Jorge Contreras. O segundo traballo clasificado foi un videoxogo baseado nun personaxe fantástico que nos ensina as vantaxes de sermos construtivos (en contraposición coas desvantaxes de sermos “tóxicos”). O grupo estivo constituído por Brais Bello, Joseba Cuña, Diego Oya e Iago Xosé Sequeiros. Segundo indican os organizadores da actividade, os participantes na Game Jamtraballaron na creación dun videoxogo para móbiles e tabletas, “do que non souberon as características até o comezo do encontro”. O tema elixido foi o da educación orientado ao alumnado de Primaria e monoxogador. A Game Jam estivo dirixida a programadores, deseñadores, ilustradores e outras persoas interesadas no mundo dos videoxogos.
A encargada de entregar os premios onte á tarde foi Beatriz Legerén, responsable do CIVE e membro do Grupo Alfás. O Colexio Profesional de Enxeñaría en Informática de Galicia (CPEIG) patrocinou os premios: catro tarxetas regalo por valor de 60 euros cada unha delas para os gañadores e outras catro por valor de 40 euros para os segundos clasificados. O equipo vencedor terá, asemade, a posibilidade de realizar unha campaña de crowdfunding para obter os fondos precisos para desenvolver o seu xogo, coa colaboración da empresa galega Gato Salvaje Estudio.
Fundación ONCE lanza este venres o quinto capítulo da miniserie animada ‘ON Fologüers' que nesta ocasión reúne a todos os seus personaxes para celebrar a noite de Halloween. Así, á cuadrilla que xa coñeciamos de María, Adolfo, Laura, Dani e Amaia, súmase Toni, un mozo xordo que traballa de mecánico.
O personaxe de Toni representa a unha persoa xorda que se comunica en linguaxe oral. O capítulo contou coa colaboración da Confederación Española de Familias de Persoas Xordas (FIAPAS), quen prestou o seu asesoramento para o subtitulado.
Marcos Pereira é o encargado de dar voz a Toni. É un mozo do Movemento Asociativo de Familias-FIAPAS e, como o seu personaxe, Marcos é usuario de próteses auditivas. Grazas á detección precoz da xordeira, á estimulación auditiva e da linguaxe e cun importante apoio familiar e esforzo persoal, converteuse no primeiro estudante xordo da Real Escola Superior de Arte Dramática, xa que soña con dedicarse profesionalmente á interpretación.
Neste quinto episodio a cuadrilla pasa unha terrorífica noite de Halloween que non será tan divertida como esperaban. Nas distintas escenas os impulsores da serie aproveitaron para mostrar algunhas das axudas técnicas que facilitan a vida diaria ás persoas con discapacidade, por exemplo un termómetro parlante. No decorado elixido tamén se aprecia unha rampla e un aparcadoiro con prazas reservadas para persoas con mobilidade reducida.
A serie, que se distribúe a través de Internet e redes sociais, pretende así promover a normalización das persoas con discapacidade e mostrar a discapacidade sen que se fale dela.
Os personaxes da serie, que consta de oito capítulos, son novos con e sen discapacidade que desenvolven a súa vida en distintas contornas e protagonizan tramas a través das que coñecemos as barreiras sociais e arquitectónicas ás que deben facer fronte no seu día a día.
“Reflectimos en cada un dos capítulos o concepto do deseño para todos. Transmitimos cun sorriso valores como a solidariedade, o compromiso, o compañeirismo, que levados ao noso día a día permítennos lograr a inclusión das persoas con discapacidade”, explica José Luis Martínez Donoso, director xeral de Fundación ONCE.
Mediada a tempada xa coñecemos a toda a cuadrilla e nos tres capítulos que restan seguiremos vendo como cada personaxe conseguirá os seus obxectivos, facendo unha denuncia construtiva e con humor de situacións concretas que se atopan as persoas con discapacidade.
A serie emitirase nas canles de redes sociais de Fundación ONCE:
Twitter (https://twitter.com/Fundacion_ONCE)
Facebook (https://www.facebook.com/fundaciononce/)
YouTube (https://www.youtube.com/user/fundaciononce)
Tamén poderá accederse a ela a través da web de Fundación ONCE (https://www.fundaciononce.es/).
O proxecto español de realidade virtual 'The Machine To Be Another' que permite ao usuario ter unha experiencia en primeira persoa do que é ser un refuxiado foi premiado, xunto a 'Cucula' (Alemaña) e 'Project Virtuous Triangle' (Turquía), na edición 2016 do Concurso Europeo de Innovación Social, que convoca a Comisión Europea para atopar formulacións creativas que permitan que os refuxiados e os inmigrantes se integren e poidan contribuír á vida social, económica, cultural e política dos seus países de acollida.
Así o deu a coñecer este luns 31 de outubro a plataforma de emprendedores Impact Hub, que precisou que os tres gañadores do Concurso Europeo de Innovación Social 2016 foron seleccionados dun total de 1.095 candidatos de 36 países.
En concreto, sobre 'The Machine To Be Another', explicou que é unha iniciativa liderada por un equipo español e que é unha experiencia inmersiva de realidade virtual deseñada para recrear, reproducir e compartir as experiencias que permiten que o usuario teña unha experiencia en primeira persoa do que é ser un refuxiado.
Neste sentido, precisou que o proxecto ten como obxectivo compartir historias de refuxiados e migrantes en toda Europa en contornas educativas, bibliotecas, museos e outras institucións culturais, a través de encontros en 360º xerados en tecnoloxía de realidade virtual.
A Coruña vai acoller dende o 9 até o 11 de novembro (en horario de 19.00 a 21.00 horas) as xornadas de comunicación social Apúntate á revolución dixital, unha actividade organizada pola Concellaría de Participación e Innovación Democrática do Concello da Coruña. Segundo apunta este departamento, trátase dun programa de sesións divulgativas e formativas directamente encamiñada a solucionar as nosas dúbidas sobre como dar a coñecer unha web ou un blog, sobre como comunicar dixitalmente ou sobre as metodoloxías máis axeitadas para extraerlles proveito ás redes sociais. Segundo informa a Concellería, “nestas xornadas sobre revolución dixital tres monstros dos medios sociais contarannos cales son as armas dixitais máis eficaces para acadar os nosos obxectivos”.
Trátase de Óscar Reboiras, responsable de comunidades dixitais de R, a xornalista e blogueira Patricia García Lema, e a guionista e youtuber Carolina Iglesias. “Óscar, Patricia e Carolina”, sinala a Concello, “amosarán a súa experiencia e escoitarán a das e dos participantes nas xornadas, creando unhas xornadas de diálogo en torno á presenza e a comunicación na rede de redes”.
Máis en detalle, Óscar Reboiras abordará o 9 de novembro a temática das comunidades dixitais (Estratexia en redes sociais, cando os usuarios marcan a liña) e falará da súa experiencia a través do blog de R quecheparece.com, a estratexia de proximidade do operador galego.
Pola súa banda, Patricia García Lema afondará na cuestión da marca persoal e das posibilidades profesionais que se abren con esta identidade. Fará un percorrido pola historia do seu caderno www.donkeycool.es e da súa actividade despregada en diferentes redes sociais (Instagram, Facebook, Twitter e Linkedin) co obxectivo de forxar a marca de seu, que en palabras da organización das xornadas “non só lle serviu para acadar algunha meta persoal, senón que lle valeu para adquirir visibilidade e ampliar os seus horizontes profesionais”.
Por último, Carolina Iglesias desenvolverá o relatorio Do mundo virtual ao real... De youtuber a guionista, un achegamento ao potencial das redes sociais como ferramentas para propiciar “visibilidades positivas” de proxección profesional. Carolina Iglesias falará de como conseguir traballo grazas ao noso labor en YouTube.
Posuír uns coñecementos básicos de informática poderiamos dicir que é algo fundamental a día de hoxe, pois a tendencia é que todo pase por e pola Rede nun futuro non moi afastado. Pensando nisto, o Concello de Baiona pon en marcha, a través da Concellaría de Novas Tecnoloxías, un curso de Informática básica. Así, a Concellaría e o Departamento de Traballo, de cara a fomentar a formación e o emprego, convoca un curso de carácter presencial de iniciación á Informática. Esta actividade formativa quere ensinar ás persoas que carezan de coñecementos no eido das novas tecnoloxías da comunicación, como empregar as funcións básicas de Windows no computador, como conectarse a internet e as súas funcionalidades.
Indo ao curso, este terá unha duración de 20 horas e impartirase no Centro Antena A Foz do Miñor, (casa rosa) os martes e xoves de 16 a 18 horas, comezando o 15 de novembro e finalizando o 22 de decembro. O seu custo é de 15 euros.
É preciso salientar que as prazas son limitas e terán preferencia os empadroados en Baiona. Outorgaráselle un certificado de asistencia ao alumnado que participe con regularidade ao curso e, no caso de superaren os criterios de avaliación, un certificado de aproveitamento.
O prazo de presentación de instancias daba comezo onte (27 de outubro) e remata o xoves 10 de novembro. Os interesados en participar deberán inscribirse no rexistro xeral do Concello de Baiona (Casa Consistorial, rúa Lorenzo da Carreira, 17).
A norma UNE-NISO 9999 V2 define un produto de apoio como: calquera produto (dispositivos, equipo, instrumentos e software) fabricado especialmente ou dispoñible no mercado, utilizado por ou para persoas con discapacidade destinado a facilitar a participación; protexer, apoiar, adestrar, medir ou substituír funciones/estruturas corporais e actividades; ou previr deficiencias, limitacións na actividade ou restricións na participación.
O próximo 4 de novembro terá lugar no IMSERSO a presentación e entrega aos asistentes o documento Facendo a vida máis fácil, cuxa misión é dar a coñecer ás persoas maiores, familias e profesionais, produtos de apoio útiles para a autonomía persoal.
O Programa será o seguinte:
A xornada foi aberta por Benigno Lacort, Director Xeral de AMETIC, que agradeceu ao Concello de Madrid por acoller a xornada nunha das súas sede “A N@ve”, posta en marcha recentemente e que promete ser un dos espazos máis importantes da rexión dedicados á promoción e apoio ao emprendemento e a innovación. Tamén destacou a oportunidade de seguir colaborando con entidades de referencia neste sector como a Fundación ONCE ou a Cruz Vermella Española. A continuación, David Zanoletty, Xefe do Departamento de Tecnoloxías Accesibles e I+D da Fundación ONCE destacou o papel da Plataforma eVIA e o Certame Innova eVIA na promoción da innovación no ámbito da accesibilidade universal. Vitoria da Orde, Directora da Unidade de Solucións Sociais a través das TIC da Cruz Vermella Española, salientou no seu discurso sobre a importancia de seguir investigando a favor da inclusión social e as persoas e apostou pola continuidade da Cruz Vermella na súa colaboración con eVIA e con AMETIC a través desta iniciativa. Finalmente, Fernando Ferreiro, Subdirector de Innovación e Cidade Intelixente do Concello de Madrid completou a apertura da xornada destacando o papel das plataformas tecnolóxicas no labor de atraer á comunidade investigadora e innovadora á cidade de Madrid e presentou as principais iniciativas do concello en materia de emprendemento e innovación.
A xornada transcorreu de forma paralela en dous espazos simultáneos. Por unha banda, no espazo de relatorios, todos os finalistas tiveron a oportunidade de presentar ao público as súas solucións innovadoras grazas ás cales chegaron a esta última fase do certame. Tamén houbo espazo para presentacións de expertos dedicados ao apoio da peme e ao emprendemento a través de diferentes liñas de apoio financeiro públicas e privadas, da man de Carolina Rodríguez, Responsable de Promoción e Relacións Institucionais de ENISA e de Alberto Sánchez, Co-fundador e CEO de INBONIS respectivamente. A mesa completouna Rosario Echevarría, directora de Servizos Xurídicos da empresa Clarke&Modet que ofreceu as claves en materia de protección intelectual e da innovación.
Doutra banda, de forma simultánea, na zona de exposición creouse un espazo networking no cal os finalistas do certame, así como os gañadores de anos anteriores tiveron a oportunidade de mostrar os prototipos das súas solucións finalistas para que o público asistente tivese a oportunidade de interaccionar con eles.
Ao final da xornada, durante a cerimonia de entrega de premios do certame, anunciáronse os gañadores do mesmo nas súas dúas categorías. Os gañadores foron elixidos por un xurado experto formado por membros da Fundación ONCE, Cruz Vermella Española, CDTI, Instituto de Saúde Carlos III, Servizo Galego de Saúde (SERGAS) e as empresas GMV e GEKO Navsat, gañador do certame na edición pasada.
A cerimonia foi conducida por Jose Tomás Romeu, xefe do departamento de innovación de AMETIC e os premios foron desvelados e outorgados por David Zanoletty, Xefe do Departamento de Tecnoloxías Accesibles e I+D da Fundación ONCE e por Agustín Morais, Xefe de División de Tecnoloxías Industriais e da Sociedade da Información de CDTI.
Os premiados foron os seguintes:
Categoría Innova eVIA PEME:
Categoría Innova eVIA Proxecto en colaboración:
Mención Honorifica “eVIA accesibilidade”:
Proxecto “Teleasistencia Móbil Accesible Universal”, presentado por TECSOS..
Tras a celebración dun coctel networking para todos os asistentes, tivo lugar a rolda de reunións privadas bilaterais entre os asistentes e os expertos de ENISA, INBONIS e Clarke&Modet para un asesoramento personalizado nos temas mencionados anteriormente.
Onte pola mañá, no salón de actos do Ateneo de Madrid, tivo lugar a presentación dos resultados do proxecto “Elaboración, aplicación e avaliación de materiais educativos interactivos para persoas con discapacidade intelectual a través do iBooks author (iPad)”. O devandito proxecto foi seleccionado na convocatoria 2015 “Tecnoloxías Accesibles”, realizada pola Fundación da Universidade Autónoma de Madrid e a Fundación Vodafone España, para financiar proxectos de investigación da Universidade Autónoma de Madrid que mellorasen a calidade de vida de persoas con discapacidade e persoas maiores para favorecer a súa integración social e laboral.
Os resultados foron presentados por Pablo Rodríguez, Coordinador do Servizo de Orientación da Fundación Prodis e contou, así mesmo, coa participación de Fidel Rodríguez, Director Xeral da Fundación da Universidade Autónoma de Madrid, Mariano Casado, Presidente de Plena Inclusión Madrid, Soledad Herreros de Tejada, Presidenta da Fundación Prodis, Jorge Jiménez de Cisneros, Director Xeral de Atención á Discapacidade da Comunidade de Madrid, Santiago Moreno, Director Xeral da Fundación Vodafone España e de María Teresa Pedraza, Presidenta da Sección de Ciencias da Saúde do Ateneo de Madrid.
O proxecto concretouse na realización por parte dos profesionais da Fundación Prodis dunha colección de materiais educativos interactivos – iBooks – para persoas con discapacidade intelectual que inclúe 6 iBooks que poden visualizarse no iPad, sendo a súa característica principal a interactividade: inclúen vídeos, imaxes interactivas e actividades dinámicas. Os devanditos materiais poden ser de gran utilidade, tanto para adolescentes e adultos con discapacidade intelectual como para as súas familias e profesionais de apoio e formación. Cada iBook aborda unha área de interese para a mellora da calidade de vida:
Dentro do road-show de difusión deste Informe, presentouse en Zaragoza, en colaboración con COCEMFE Aragón. Na presentación participaron a súa presidenta, Marta Valencia; Pilar Díaz, directora do Observatorio da Discapacidade; e Javier do Arco, coordinador científico de Fundación Vodafone España, ademais de Àngels Pons, directora de GESOP.
O estudo desenvolveu unha investigación cuantitativa para analizar a situación das persoas con discapacidade física, medir as dificultades coas que se atopan no día a día e determinar a axuda que as TIC lles achegan parar superalas.
Entre outras conclusións, o Informe pon de manifesto que dúas de cada tres persoas con discapacidade consideran que “o uso das novas tecnoloxías poden axudar a mellorar o seu benestar”; ou que unha de cada catro persoas con discapacidade considera que Internet lle proporciona autonomía e independencia,
O estudo completo, elaborado cunha mostra de máis de mil persoas con discapacidade, está dispoñible en www.observatoridiscapacitat.org.
En virtude das novas regras aprobadas polo Parlamento o mércores, as administracións deberán asegurar que todos os usuarios poden acceder aos seus datos e servizos na internet, como presentar a declaración da renda, solicitar unha bolsa, pagar un tributo ou inscribirse na Universidade.
“Aseguramos que a Administración electrónica é accesible para todos. Igual que os edificios gobernamentais deben ser accesibles, han de selo as entradas virtuais. Resolvemos a cara pública da accesibilidade, pero internet é moito máis que as web e aplicacións das administracións. Necesitamos reformas aplicables tamén aos servizos ofrecidos polo sector privado, desde a banca ás cadeas de televisión e os hospitais privados. Espero que podamos adoptar pronto unha norma europea sobre accesibilidade para garantir que os servizos tanto públicos como privados son accesibles para todos os cidadáns”, sinalou a relatora do texto, Dita Charanzová (ALDE, República Checa).
Coas novas normas, as páxinas web e aplicacións móbiles de todos os organismos públicos -instancias gobernamentais, tribunais, policía, hospitais, universidades ou bibliotecas- terán que cumprir estándares comúns de accesibilidade. Os eurodeputados aseguráronse de que as aplicacións utilizadas en teléfonos móbiles e tabletas tamén estarán suxeitas á nova lexislación.
Informes de cumprimento
Os organismos públicos terán que informar regularmente e de maneira detallada sobre o cumprimento da normativa nas súas páxinas e aplicacións, incluíndo información sobre as partes non accesibles e o motivo de que non o sexan. Terán que poñer en marcha un mecanismo para que os usuarios poidan notificar incumprimentos así como solicitar información se o contido non é accesible.
Acceso baixo demanda a certos contidos
Algúns contidos non estarán cubertos polas novas normas, pero só no caso de que non sexan necesarios para procesos administrativos. Os negociadores do PE aseguráronse de que o contido exento poderá, con todo, ofrecerse aos usuarios baixo demanda.
Os organismos públicos terán que dar unha “resposta adecuada a unha petición nun período razoable” e facilitar unha ligazón á que se poida recorrer no caso de que a resposta á comunicación ou á solicitude sexa insatisfactoria. Os países terán que designar unha autoridade encargada de vixiar o cumprimento destas regras.
Ao redor de 80 millóns de persoas na UE teñen unha discapacidade. Co envellecemento da poboación, o número de persoas con discapacidade ou dificultades asociadas á idade para acceder a internet vai seguir aumentando.
Próximos pasos
Unha vez que a directiva sexa publicada no Diario oficial da UE, os países terán 21 meses para trasladala á lexislación nacional desde a data de entrada en vigor. Contarán entón con 12 meses para aplicar as disposicións ás novas páxinas, 24 meses para as páxinas xa existentes e 33 meses para as aplicacións móbiles.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...