BBVA vén de lanzar unha aplicación móbil (BBVA Para Todos) para converter en plenamente operativa a súa rede de caixeiros (6.300 dispositivos fixos) de cara as persoas cegas. A ferramenta, dispoñible para móbiles con Android e iOS, tamén ten importantes potencialidades de uso para persoas con capacidades diversas funcionais ou de tipo cognitivo. Segundo informa a entidade bancaria, a app guiará ás persoas coas devanditas características até o caixeiro que elixan, facilitándolles logo a operación de retirada de efectivo. O obxectivo do BBVA era contrarrestar os atrancos que presentan os caixeiros táctiles para as persoas cegas ou con outras diversidades
A ferramenta foi desenvolvida ao longo dun ano en colaboración con Ilunion Tecnoloxía e Accesibilidade e un grupo piloto de máis de 50 persoas con discapacidade, que testaron a ferramenta e participaron no desenvolvemento das súas melloras. Segundo informa acerca do seu funcionamento Luis Javier Blas, director de Enxeñaría do BBVA, “a partir de agora os nosos clientes invidentes poderán acceder á aplicación BBVA Para Todos e reservar a cantidade de diñeiro que necesiten sacar en calquera dos nosos caixeiros. Unha vez que cheguen ao caixeiro elixido, só terán que introducir o seu pin e entregaráselles a cantidade previamente solicitada na app”.
Ademais das persoas cegas, tamén se poden beneficiar desta tecnoloxía persoas coas devanditas capacidades diversas ou persoas maiores, xa que a ferramenta introduce un importante factor de seguridade e de confianza que antes non existía. Nas vindeiras semanas, a app recibirá varias melloras. Por unha banda, será posible que os usuarios poidan acceder á aplicación móbil mediante a súa pegada, “unha técnica de identificación biométrica avanzada moi segura”, en palabras do BBVA. Doutra banda, tamén poderán identificarse no caixeiro a través do NFC do seu móbil e, por tanto, sen ter que introducir o cartón na fenda do caixeiro, “unha operación que en varios tipos de diversidade funcional pode ter algunhas dificultades”, explica a entidade bancaria vasca.
A directora da Axencia Galega de Innovación (Gain), Patricia Argerey, participou en Lugo na inauguración do III Simposio Nacional e o I Ibérico de Enxeñaría Hortícola centrado no uso dos drons e satélites en agricultura, organizado pola Universidade de Santiago de Compostela en colaboración coa Sociedade Española de Ciencias Hortícolas (SECH).
A directora de Gain presentou neste foro a iniciativa da Xunta de Galicia para desenvolver un polo tecnolóxico e industrial de vehículos non tripulados en Galicia, que está mobilizando 150 millóns de euros de capital público e privado, cun dobre obxectivo: situar Galicia como referente a nivel internacional no ámbito da I+D+i neste terreo e optimizar a prestación de servizos públicos a través da innovación.
“O uso de solucións tecnoloxicamente avanzadas -como os desenvolvementos que se realicen para mellorar a prestación de servizos públicos a través de drons nesta iniciativa- poden contribuír ao desenvolvemento do sector primario na nosa Comunidade”, subliñou Argerey. De feito, unha das prioridades da política de innovación da Xunta é, pola súa importancia, a modernización dos sectores primarios a través da innovación, tal como recolle o reto 1 da Estratexia de Especialización Intelixente de Galicia 2014-2020 (RIS3).
Neste senso, lembrou que hai dez licitacións en marcha no ámbito da compra de solucións innovadoras para a mellora na prestación de determinados servizos públicos a través de drons, co cofinanciamento de Fondos Feder a través dun convenio de colaboración co Ministerio de Economía, Industria y Competitividad e empregando a fórmula da Compra Pública Innovadora. Destas dez licitacións, Argerey destacou catro que poden ser de especial interese para o sector agrícola: a contratación de solucións para a xestión e o control forestal mediante o uso de vehículos aéreos non tripulados -publicada no DOG do día 21- e as tres licitacións convocadas pola Axencia para a Modernización Tecnolóxica de Galicia (Amtega) para automatizar o sistema de control das axudas da Política Agraria Común (PAC).
Paralelamente a estas licitacións, a Xunta, en colaboración cos socios tecnolóxicos Indra e Babcock, está a desenvolver un programa de I+D, que xa está xerando 190 empregos de alta cualificación, 20 proxectos e a participación neles de 18 empresas e centros de coñecemento con contratos por valor de 18 millóns de euros.
O conselleiro de Economía, Emprego e Industria, Francisco Conde, puxo hoxe en valor os servizos e as novas posibilidades que ofrece a dixitalización da industria e a computación de altas prestacións no transcurso da clausura da xornada Casos de aplicación da Computación de alto rendemento na industria galega, unha iniciativa organizada en Santiago polo Centro de Supercomputación de Galicia (Cesga).
O titular de Economía sinalou que a dixitalización e a formación son os retos do novo modelo económico marcado pola Industria 4.0, un escenario no que a computación de altas prestacións revélase como un instrumento indispensable unido á aposta pola I+D+i. Neste senso, puxo como exemplo algúns dos servizos que ofrece, como o coñecemento dos custos derivados do transporte marítimo de mercadorías; o deseño de sistemas para xerar biogás a partir de abono natural; estudo do comportamento do eucalipto para a madeira de construción; ou a predición de incidentes de mantemento que poidan xurdir en equipos de climatización instalados en puntos xeográficos distintos.
Son todos eles proxectos que participan no programa europeo Fortíssimo para reforzar a competitividade das pemes axudándoas a incorporar as tecnoloxías de cálculo de altas prestacións, o Big Data ou técnicas de intelixencia artificial. Galicia presentou 60 proxectos, ás diferentes convocatorias deste programa, dos que foron seleccionados 15, o que significa que o 25% do total de plans aprobados para toda Europa. “É unha taxa de retorno moi alta”, apuntou o conselleiro, quen engadiu, por iso, a importancia de seguir apostando por este ámbito. En concreto, están participando neste programa, xunto a centros de coñecementos galegos, 29 empresas.
Neste senso, destacou a importancia de acompañar ás empresas galegas no proceso da transición tecnolóxica e a necesidade de que empresas e centros sigan colaborando para que as compañías identifiquen os seus retos tecnolóxicos e os centros de coñecemento poidan darlles unha resposta.
A Xunta, neste campo, conta con axudas dirixidas tanto á innovación, dixitalización e formación. Para a dixitalización, a Consellería de Economía, Emprego e Industria convocou axudas por valor de 6 millóns de euros para a posta en marcha de novos sistemas informáticos e plans de formación no eido da Industria 4.0, como a robótica, o Big Data ou a loxística.
No eido da formación, o Goberno galego ten en marcha diversos programas para evitar que se produza unha fenda dixital no sector industrial, como son as Unidades Formativas na Empresa tanto para traballadores en activo como desempregados a través das que se financian cursos á carta. Tamén se apoian desde a Administración autonómica accións formativas en centros homologados. Conde avogou por seguir traballando en coordinación coas empresas para deseñar itinerarios formativos adecuados á nova realidade laboral.
Por último, referiuse ao Plan Galicia Innova 2020 que mobilizará un investimento público-privado de 1775 millóns de euros para sincronizar o labor de investigación coas necesidades do tecido industrial e reforzar o perfil innovador das pemes. Puxo en valor os Hubs de innovación e a súa importancia para que o coñecemento se transfira ao tecido produtivo galego. “En Galicia temos moito talento e nos consta que os centros de coñecemento se están a poñer a disposición das empresas”, apuntou Conde, indicando que moitas firmas xa están inmersas nun proceso de transformación tecnolóxica para ser máis innovadoras, máis eficientes e máis produtivas. “Neste novo modelo de industria, a dixitalización e a automatización de procesos, o Big Data e as TIC son as ferramentas fundamentais”, concluíu.
A proba piloto do proxecto Geria-TIC da Universidade da Coruña xa está en marcha. Concretamente, nas dependencias de DomusVi Geriatros Oleiros e DomusVi Geriatros Carballo . Segundo informa o Centro de Investigación TIC (CITIC) da UDC, un total de 10 pacientes do centro de Oleiros e 6 do de Carballo xa fan uso de pulseiras portables (wearables) e a plataforma ClepIO que, entre outras vantaxes, posibilitan o seguimento da actividade física, do sono e das ocupacións diarias dos usuarios, de face a estudar a problemática das caídas e a calidade do descanso dos participantes.
O proxecto está impulsado por un consorcio formado polas empresas Geriatros, Aldaba e a Clínica Cobián, xunto con investigadores da área de Percepción, Cognición e Interacción do Centro de Investigación TIC da UDC e o Instituto de Investigación Biomédica da Coruña (INIBIC). O obxectivo, segundo explican é “desenvolver un modelo de medicamento participativo con persoas maiores mediante o uso de dispositivos wearables: pulseiras de medición de actividade e acelerómetros”. Polo tanto, o que se procura é acadar melloras relevantes na prevención de caídas e calidade do sono dos usuarios dos centros. No proxecto tamén se aborda a problemática da incontinencia urinaria, cuxa proba piloto iniciarase no centro DomusVi Geriatros da Cidade na Coruña.
Os investigadores do CITIC que participan no proxecto, liderados profesores Alejandro Pazos e Javier Pereira, deron forma aos aspectos tecnolóxicos e de investigación da iniciativa, aspectos que permitan realizar un seguimento dos parámetros. Este labor de monitoraxe levará a cabo a través da plataforma ClepIO e, ademais de xerar métricas de utilidade para aplicar melloras en cada aspecto, ten como obxectivo crear “un novo modelo de prestación de servizos sociosanitarios, no que os residentes tomen conciencia do autocoidado e a responsabilidade na propia saúde, facéndoos partícipes do seu benestar”. Ademais, permite “que os familiares poidan estar informados en tempo real do estado e as melloras na saúde dos seus maiores”.
O proxecto Geria-TIC, orzado en 765.191 euros, está co-financiado por GAIN (Axencia Galega de Innovación) a través do Programa Conecta PEME 2016 e conta con fondos FEDER da Unión Europea. Na súa avaliación alcanzou a segunda mellor cualificación, de todos os da nosa Comunidade, entre as case 200 solicitudes presentadas.
O auxe nos últimos anos dos smartphones e das tabletas significou unha explosión do número de aplicacións desenvolvidas pensando nas persoas con TEA. Eses dispositivos, coa súa interface gráfica e táctil, a súa portabilidade, etc., pasaron a ser grandes compañeiros de moitas persoas con autismo, e atraeron o interese de moitos pais, profesionais, empresas e entidades en crear apps que sirvan a este colectivo.
Numerosos estudos de investigación xa empezaron a validar a efectividade do emprego destas ferramentas e, como exemplo, celebráronse xa dúas edicións do congreso internacional ITASD sobre tecnoloxías e autismo, que supuxeron unha referencia na análise deste novo ecosistema. Pero o “éxito” das apps no campo dos TEA expuxo, á súa vez novos desafíos, entre eles cal é a mellor maneira de utilizar todas estas solucións dixitais e tecnoloxías no ámbito educativo, profesional, familiar…
É neste escenario no que xorde a necesidade deste curso, dirixido a profesionais de diversos ámbitos relacionados cos TEA (intervención, educación, asistencia…), profesionais do ámbito da tecnoloxía (como desenvolvedores de software), estudantes deses mesmos ámbitos, familiares de persoas con TEA ou as propias persoas con TEA.
Cun contido teórico e práctico, o curso consta de 16 unidades que abarcan desde conceptos do uso de dispositivos móbiles ata a investigación no ámbito da tecnoloxía para os TEA, con temáticas como, por exemplo: Comunicación alternativa e aumentativa, Xestión do tempo, das actividades e da contorna, Habilidades socio-emocionais, Lecer ou Linguaxe e lectoescritura. Respecto das tecnoloxías, este curso céntrase basicamente en apps, dado o amplo volume de aplicacións existentes, pero sen esquecer outras plataformas como programas para computadores, páxinas web de referencia, lousas táctiles… nin tampouco os máis novos traballos en robótica ou dispositivos wearables.
Os materiais foron desenvolvidos por un equipo de 25 profesionais expertos en autismo e tecnoloxía e provenientes de distintos ámbitos (formadores, logopedas, terapeutas, educadores, informáticos, pais, etc.), os cales foron seleccionados en atención ao seu recoñecido prestixio neste ámbito.
En 2016 levouse a cabo unha primeira edición piloto, cun grupo de 50 alumnos.
En 2017 realizáronse dúas convocatorias: en marzo, con 200 prazas cubertas en apenas tres horas, e outubro, con 350 prazas, que se completaron en menos dunha hora.
En febreiro de 2018 lanzouse un novo curso con 480 prazas.
A cadeira de rodas intelixente do proxecto galego Handytronic, do que se falou salientando o acordo entre a empresa Telecon e a UDC que lle serve de impulso, vai estar presente no congreso de neurotecnoloxía da Universidade de Stanford, en Silicon Valley, onde o dispositivo terá ocasión de mostrar todo o seu potencial para persoas con mobilidade reducida, xa que lles permite moverse coas súas ondas cerebrais. A presentación complementarase cunha plataforma que fai posible o diagnóstico precoz da deterioración cognitiva e de diversas doenzas mentais. Handytronic, amais dunha cadeira de rodas, é o nome da empresa responsable do seu desenvolvemento, unha startup posta en marcha polo grupo galego Telecon e que conta coa colaboración dun equipo da Universidade da Coruña dirixido por Javier Pereira, do CITIC.
O congreso que se celebra en Silicon Valley (California) vaise levar a cabo baixo o epígrafe Wearable Tech + Dixital Health + Neurotech Silicon Valley. Trátase, segundo nos contan dende Handytronic, dun dos eventos de referencia internacional nos ámbitos da neurociencia e as novas tecnoloxías para a saúde. En edicións anteriores celebrouse no Instituto Tecnolóxico de Massachusetts (MIT), a Universidade de California en San Francisco e a New York Academy of Sciences.
En palabras de Jacobo Penide, director xeral da startup galega, “o evento é un auténtico epicentro da innovación tecnolóxica”. Handytronic presentarase o martes 27 de febreiro nun relatorio no que se debullará o desenvolvemento da cadeira de rodas intelixente, baseada nunha plataforma de electroencefalografía que permite ler os impulsos cerebrais e traducilos en movemento, aprendendo das pautas neuronais de cada usuario. Xunto a este proxecto, Penide exporá tamén unha evolución desta solución igualmente fundamentada na neurociencia e a Intelixencia Artificial. Trátase, como dixemos, dunha plataforma para o diagnóstico precoz da deterioración cognitiva e as enfermidades mentais, proxecto no que Handytronic colabora con dous centros hospitalarios da provincia da Coruña.
A plataforma que a firma galega desenvolve xunto a equipos médicos especializados en doenzas mentais do Hospital Marítimo de Oza (A Coruña) e da área de saúde mental do Complexo Hospitalario de Ferrol permite definir biomarcadores clave no diagnóstico precoz da deterioración cognitiva. O equipo formado pola startup galega recolle os impulsos eléctricos do cerebro do paciente e unha serie de parámetros biomédicos seleccionados e, a través de algoritmos de Intelixencia Artificial, establece correlacións entre os patróns de actividade neurolóxica detectada, a partir das cales é posible realizar o diagnóstico. O proxecto prevé a próxima realización dun ensaio clínico cun centenar de pacientes afectados en diferentes graos por declive cognitivo, depresión ou demencia.
O que se vai presentar en Estados Unidos
Segundo informa Penide, a innovadora solución de mobilidade para persoas con diversidade funcional que Handytronic presentará en Silicon Valley está integrada por unha cadeira de rodas motorizada, un casco con 14 eléctrodos, unha tableta cun software específico, e un hardware de integración. “A conexión entre o casco e o computador é sen fíos, a través do protocolo Bluetooth”, explica, engadindo que en virtude de todas estas tecnoloxías, o capacete é “quen de rexistrar os impulsos eléctricos que xera a actividade cerebral e o software transfórmaos en ordes que permiten guiar a cadeira co pensamento”. Ademais, a entrada en xogo da Intelixencia Artificial capacita ao sistema para aprender das rutinas mentais do usuario, adaptándose a el e reducindo o tempo de adestramento necesario para o manexo da cadeira. Igualmente, fai posible que o sistema poida recoñecer distintos usuarios, afacéndose a cada un deles. O proxecto conta coa colaboración da Universidade da Coruña (UDC), a través do Máster de Informática Biomédica. A recente posta en marcha da Cátedra Handytronic sobre Bioinformática para Ciencias da Saúde permitirá completar o proxecto de I+D nas súas próximas fases. O equipo de UDC está dirixida polo investigador da área de Percepción, Cognición e Interacción do Centro de Investigación TIC (CITIC), Javier Pereira.
Concurso de produción de vídeos/curtametraxes dirixido a mozos entre 16 e 30 anos de idade sobre as Cidades Patrimonio da Humanidade de España.
O obxectivo é que os mozos a quen vai dirixido adquiran un maior coñecemento do concepto de Patrimonio Mundial e da declaración da UNESCO pola que a súa cidade foi incluída na Lista do Patrimonio Mundial e promover a creación audiovisual entre os mozos.
Facer ver entre as novas xeracións a importancia de protexer e valorar a riqueza histórica das súas cidades ao tempo que se estimula a creatividade botando man das novas tecnoloxías. Este é un dos grandes obxectivos da segunda edición do Certame de Creación Audiovisual para Mozas/os, A miña cidade é patrimonio de todos, que se presentou este martes e que vén da man do Grupo de Cidades Patrimonio da Humanidade de España, do que forma parte Santiago de Compostela. O programa enmárcase na celebración ao longo deste 2018 do 25 aniversario da constitución do Grupo. O certame, que coincide coa celebración en 2018 do Ano Europeo do Patrimonio Cultural, está dirixido a xente de nova de entre 16 e 30 anos.
Amais dos ditos obxectivos, con este concurso tamén se busca propiciar un maior coñecemento e sensibilización cara as 15 cidades patrimonio, potenciar o uso das novas tecnoloxías, desenvolver a creatividade no campo da imaxe e estimular a capacidade de observación da contorna da cidade. Segundo informa o Concello de Santiago, fíxanse dúas categorías de participación: a primeira para a mocidade de entre 16 e 18 anos, que deberá presentar a súa obras no centro xuvenil/concellería de Mocidade dalgunha das 15 cidades que forman o Grupo, e a segunda para participantes de entre 19 e 30 anos, que terán que inscribirse a través da páxina web www.ciudadespatrimonio.org. O prazo de participación ábrese este mesmo martes e pecharase o 1 de xuño de 2018.
Esta actividade desenvólvese no seo da Comisión de Patrimonio e Cidade do Grupo, que é o órgano encargado da xestión dos proxectos relativos á conservación, defensa e divulgación do patrimonio das cidades da rede. Respectos dos premios a entregar, na primeira das categorías achegarase equipamento de medios audiovisuais para o centro xuvenil ou concellaría na que se inscribira o gañador ou gañadora, por valor de 3.000 euros. Tamén se entregará un smartphone de última xeración valorado en 1.000 euros. Na segunda modalidade, a de idades comprendidas entre os 19 e os 30 anos, o primeiro premio incluirá 2.000 euros, o segundo 1.500 e o terceiro 1.000.
Inserta Empleo, a entidade da Fundación ONCE para a formación e o emprego das persoas con discapacidade, expuxo a súa tese sobre como reinventarse e adaptarse ás novas situacións, tanto persoais como laborais, durante o III Foro Novos Profesionais, Reinvención e Integración, celebrado no salón de actos do auditorio de Afundación da Coruña, defendendo que as novas tecnoloxías xeran "oportunidades de ouro" para as persoas con discapacidade.
O evento foi organizado por XL Semanal en colaboración con Inserta Empleo, a Fundación Telefónica e o Human Age Institute.
A encargada de inaugurar o Foro foi a directora rexional de Inserta Empleo en Galicia, Menchu Igrexas, quen aproveitou a ocasión para demandar que o emprego tamén sexa un dereito para as persoas con discapacidade, subliñando que "agora é unha utopía pero desde Inserta trabállase para que sexa unha realidade". "Con estes encontros queremos coñecer por onde se move o mercado de traballo para avanzar polo bo camiño", engadiu. "As persoas con discapacidade estamos afeitas a innovar, a aprender a facer as cousas doutra maneira. Temos unha gran capacidade de adaptación, é probable que a outras persoas lles custe un pouco máis", resaltou Iglesias.
Unha capacidade de cambio e reinvención que "pode xogar ao noso favor no novo escenario laboral", finalizou. Cristina de la Cuesta, da área de Empregabilidade e Emprendemento da Fundación Telefónica, destacou que o mercado laboral está a cambiar, e dixo que oito de cada dez estudantes españois terán que traballar "nun emprego que aínda non existe". De la Cuesta explicou que a Fundación Telefónica aposta polo emprendemento, prestando maior atención aos colectivos máis vulnerables. "Traballamos para que nun futuro non moi afastado teñamos unha sociedade máis inclusiva e xusta para todos", concluíu.
Pola súa banda, a directora xeral de Taller de Editores, Laura Mújica, lembrou que 'XL semanal' é a revísta líder os domingos en España e destacou que desde o dominical promoven e organizan estes foros porque queren ser o pivote dos temas que interesan á cidadanía.
Tras as palabras dos organizadores comezou o relatorio 'Liderando a dixitalización: competencias para o emprego do século XXI', a cargo da consultora, formadora e autora do libro ‘Marca es ti', Eva Collado, quen afirmou que "estamos inmersos na cuarta revolución industrial, con cambios que son máis rápidos que nunca debido ás novas tecnoloxías". A autora indicou que cada minuto danse de alta 316 millóns de novos usuarios na internet ou se envían 55.000 millóns de Whatsapp. Tamén augurou que "desaparecerá a televisión como a entendemos actualmente". Collado destacou que estes cambios tamén se están trasladando ao mercado laboral e resaltou que os profesionais deberán adaptarse a eles, tanto os mozos como os seniors. "O verdadeiro reto está en reconverter o talento interno das empresas ás necesidades actuais". A autora dixo que neste campo será importante a aptitude persoal, a vocación, o compromiso, a motivación ou a autoestima.
Tras o relatorio tivo lugar unha mesa de experiencias baixo o título 'O futuro é hoxe', onde interveu a presidenta da Asociación Española de Intelixencia Artificial, Amparo Alonso Betanzos; quen explicou os avances en intelixencia artificial e anunciou os investimentos que se realizarán nos próximos anos. Apuntou que China anunciou que está disposta a erixirse na primeira potencia mundial en 2030.
Alonso destacou que os avances en intelixencia artificial terán unha gran repercusión social, xa que "farán que teñamos unha maior calidade de vida". Na mesa tamén participaron a fisioterapeuta especialista na lesión neurológica do centro Foren, Fátima Díaz Martín, e o enxeñeiro industrial, cofundador da startup Zeleros, Juan Vicén. Este último mostrouse crítico cos sistemas educativos actuais, destacando que “son teóricos e con poucas prácticas”, avogando por crear grupos de traballo que respondan as necesidades do mundo actual. Finalmente, Fátima Díaz explicou os avances que logrou a aplicación da realidade virtual á neuro-rehabilitación.
A presenza de Inserta neste encontro forma parte das accións que está a realizar no marco dos programas operativos de Inclusión Social e da Economía Social (Poises) e de Emprego Xuvenil (POEJ), que está a desenvolver a Fundación ONCE a través de Inserta, coa cofinanciación do Fondo Social Europeo e a Iniciativa de Emprego Xuvenil, para incrementar a formación e o emprego das persoas con discapacidade.
Calendario do curso
Introdución
A xeración e o uso de documentos dixitais son actividades absolutamente transversais na nosa sociedade, na formación, os negocios, os trámites administrativos, etc. Existen pautas que fan posible adoptar un camiño ordenado e sustentable na creación de documentos dixitais, especialmente no campo da formación. Existen ademais estratexias e recursos fáciles de utilizar que permiten que os nosos documentos cheguen a unha audiencia máis ampla, incluíndo a persoas con e sen discapacidade, con maior impacto na internet, e cumprindo coa ética e coa legalidade vixente.
Obxectivos
O curso permite desenvolver competencias e habilidades orientadas a:
Equipo docente
Emilio Letón Molina nace en Madrid en 1966. É Licenciado en Matemáticas pola UCM en 1989 e doutor en Matemáticas na mesma universidade en 2002. Na actualidade é profesor contratado doutor da UNED no departamento de Intelixencia Artificial, ao que se incorporou en 2009. Anteriormente foi profesor do departamento de Estatística da UC3M durante 5 anos. Así mesmo, traballou durante 15 anos en departamentos de Planificación e Estatística dentro do sector bancario e da industria farmacéutica. Os seus lineas de investigación inclúen a Análise de Supervivencia, tests non paramétricos, PLS, Meta-Análises, Bioestadística e B-Learning. Participou en 29 proxectos de innovación docente nos últimos 10 anos (sendo coordinador en 7 deles)/deles) colaborando con distintas universidades: UNED, UC3M, UCM e UPM. Recibiu 1 premio en excelencia en publicacións científicas (UC3M) e 5 premios en excelencia docente (1 en UC3M, 3 en UNED e 1 en OCW Consortium). En @emilioleton pódense atopar os seus tweets e a súa páxina web persoal con información ampliada da súa curriculum. Alejandro Rodríguez Ascaso é doutor enxeñeiro de telecomunicación pola Universidade Politécnica de Madrid. Actualmente é profesor do Departamento de Intelixencia Artificial da Universidade Nacional de Educación a Distancia (UNED) e investigador dos grupos de investigación e innovación aDeNu e MiniXModular, en temas entre os que se inclúen a accesibilidade e adaptabilidade de recursos educativos abertos (OER) e cursos MOOC. A súa actividade como profesor ten que ver coas Metodoloxías de Deseño Centrado no Usuario, o Deseño para Todos nas Tecnoloxías da Información e as Comunicacións (TIC) e o Apoio TIC á Vida Independente. Participa en actividades de normalización niso, ETSI e AENOR.
Temario
Tipos de Actividades e Tarefas Vídeos, textos, test de autoevaluación, exercicios prácticos, foro de atención docente.
Requisitos recomendados
Non se require ningún coñecemento previo.
Público obxectivo
O carácter introductorio do curso faino de interese para profesores, estudantes, responsables de centros e institucións educativas, profesionais da comunicación e, en xeral, a todos aquelas persoas que desexan participar no desenvolvemento de solucións de deseño éticas e creativas, que queiran escribir ou xestionar contidos electrónicos accesibles, desde páxinas web ou aplicacións a libros electrónicos ePUB.
Accesibilidade
Traballamos para que os contidos do curso sexan accesibles para calquera persoa que siga o curso. O noso estándar de traballo é o nivel AA segundo as WCAG 2.0 de WAI (the Web Accessibility Initiative of the W3C). Agradeceremos calquera suxestión de mellora a través da dirección de correo electrónico canalfundaciononce@adm.uned.es.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...