En que traballarán, dentro de 20 anos, os que hoxe son nenos ou novos? Cales serán as profesións máis demandadas? A resposta é incerta, pero con seguridade serán ocupacións nas que, na súa maioría, a tecnoloxía xogará un papel determinante. E nun mercado laboral que xa vive en constante transformación, cambian e cambiarán tamén as competencias requiridas, aquilo que, en definitiva, terán que dominar os mozos para acceder a un posto de traballo ou poñer en marcha o seu propio proxecto.
Para botar algo de luz sobre estas e outras cuestións, a Fundación Telefónica participou na segunda edición do Youth Mobile Festival (YoMo), un acontecemento enmarcado dentro do GSM Mobile World Congress de Barcelona. A cita, a caseta 158, e os protagonistas, a creatividade, a innovación e, de maneira máis global, o universo de oportunidades que abre a educación dixital.
Traballando sempre coa convicción do potencial e a capacidade transformadora da educación, en calquera dos 15 países nos que opera o labor social da Fundación Telefónica, a ciencia, a tecnoloxía, a enxeñería, a arte e as matemáticas (STEAM, nas súas siglas en inglés) son os eixos sobre os que traballa a institución que preside César Alierta.
O STEAM é o fío condutor que vertebra as accións e o discurso educativo dunha institución que este ano cumpre 20 anos, dúas décadas de experiencia e diálogo coa comunidade educativa. Durante os catro días do festival, a caseta 158 da Fundación Telefónica será un espazo vivo onde se sucederán, de forma intermitente, diferentes propostas experienciais para docentes e alumnos, todo co fin de amosar os últimos proxectos en educación dixital.
O mércores 28, ás 12h, Ferran Adrià explicou as claves do éxito de "Escolas Creativas", o proxecto conxunto da Fundación Telefónica e o cociñeiro catalán para aplicar a metodoloxía creativa de elBulli no ámbito da educación. Ideada, deseñada e desenvolvida man a man con Adrià e o seu equipo, Escolas Creativas fomenta a creatividade e a capacidade innovadora dos distintos colectivos que conforman a comunidade educativa.
Como aperitivo, para tentar transmitir o espírito deste proxecto que naceu a partir da exposición que o propio elBulli protagonizou no Espazo Fundación Telefónica de Madrid, Buenos Aires e Lima, na caseta da feira montarase unha "escape room" ou habitación de escape. Un pequeno e rápido test dará a coñecer o poder creativo de cada participante. Este poder, unido aos poderes do resto do equipo, serán as claves para poder descifrar os enigmas e lograr escapar. Un exemplo dunha de tantas dinámicas de traballo aplicadas en Escolas Creativas.
Tras o éxito de Escolas Creativas, está prevista a súa continuidade, de maneira online e sen límites de asistencia, a través das plataformas ScolarTIC e STEMbyme. Presentes no YoMo, estas plataformas veñen da man de Telefónica Educación Dixital e teñen como obxectivo impulsar a transformación da educación do século XXI. De novo, a creatividade e a innovación marcan a pauta destes espazos virtuais. Ámbalas dúas son gratuítas e dirixidas á comunidade educativa de España e Iberoamérica, trátase de espazos abertos que fomentan, entre outras liñas de actuación, a aprendizaxe colaborativa.
Ao redor de 600.000 usuarios participan de maneira activa en ScolarTIC, a primeira Comunidade Educativa hispano-luso parlante. Esta plataforma, un verdadeiro espazo social de aprendizaxe, innovación e calidade educativa, diríxese a educadores, xa sexan docentes e futuros docentes, pais e nais ou calquera persoa interesada na formación. A súa oferta inclúe cursos online, recursos innovadores e propostas didácticas para a aula, relatorios, debates e talleres de temática diversa, como metodoloxías activas, programación e robótica, ou valores na era dixital.
Tamén desenvolvido por Telefónica, STEMbyme é unha contorna de aprendizaxe orientada a nenos e mozos de 13 a 18 anos. Con máis de 350.000 usuarios, esta plataforma facilita novas experiencias na adquisición de coñecementos e busca espertar o interese por aprender través do entretemento e a diversión, con especial incidencia nos coñecementos STEAM. Ademais de ofrecer formación e retos que implican a aprendizaxe de novos coñecementos, STEMbyme ten como obxectivo final fomentar as vocacións científicas e tecnolóxicas.
Como en cada edición, as principais marcas tecnolóxicas relacionadas coa telefonía e a mobilidade presentaron as súas últimas novidades, con deseños cada vez máis vangardistas, tecnoloxías máis punteiras e, con todo, coa mesma escasa atención a novos desenvolvementos ligados á accesibilidade dos seus dispositivos.
Dicimos que é unha oportunidade perdida porque estamos convencidos de que a accesibilidade acabará sendo un dos principais factores sobre os que virará o desenvolvemento da tecnoloxía, pero parece que as empresas seguen sen decatarse.
Case o máis incomprensible é que os novos dispositivos si que traen novidades en materia de accesibilidade para persoas con discapacidade ou persoas maiores, pero os responsables de mostrar os produtos descoñécenos e emprázannos a encontros posteriores para entrar en detalle sobre esas novidades.
O bo, é que moitos dos avances que serán realmente útiles para persoas con discapacidade non forman parte da categoría de "Axudas de accesibilidade", senón que están dirixidas ao público en xeral.
Por exemplo, o Internet das cousas, os fogares conectados e as cidades intelixentes si que tiveron grande protagonismo, e como xa comentamos noutras ocasións conforman a grande revolución tecnolóxica para as persoas con discapacidade.
Tamén puidemos ver algúns proxectos interesantes, como Navilens na parte da caseta de Vodafone dedicada á súa fundación, Kids Phone no pavillón de España ou a solución de LG para conectar o smartphone con todos os electrodomésticos do fogar.
Mención aparte para a presentación de Aura de Telefónica, na que o seu responsable global de Datos, Chema Alonso, si que se referiu ás posibilidades de accesibilidade do asistente desenvolvido pola compañía. Un bo comezo que esperamos se repita máis a miúdo nas próximas edicións do Mobile World Congress.
O portal Soziable lanzouse hai uns meses co obxectivo de converterse nun lugar de encontro e de diálogo sobre temas sociais e de actualidade. ILUNION Comunicación Social está detrás deste proxecto que con novas narrativas quere ser referente en sustentabilidade e responsabilidade social, e ser parte activa no cambio social.
No seu equipo conta con profesionais como Chema Doménech, como Responsable de contidos, Patricia García, á fronte da Estratexia Dixital, ou Pilar Márquez, en labores de comunicación e coordinación, entre outros.
A súa temática vai desde a Economía Social, a informacións sobre Saúde e Benestar, Dereitos Humanos ou Negocio Sustentable, entre moitos outros.
Así mesmo, atópanse presentes nas principais redes sociais onde intercambian experiencias e contidos co seu público e grupos de interese.
Se queres estar ao día dos seus contidos e coñecer as últimas tendencias en RSC, dereitos e xustiza social, podes visitar a súa web, seguilos en redes (Facebook, Twitter, Linkedin ou Instagram) ou darte de alta no seu newsletter.
Cambiar é humano, únete ao cambio.
O presidente do Goberno galego, Alberto Núñez Feijóo, destacou na rolda de prensa do Consello a remisión ao Consello Consultivo dun novo decreto que garantirá que todos os polígonos industriais públicos novos ou ampliados se constrúan co equipamento necesario para o acceso á Internet.
Feijóo subliñou que ao remate deste ano, 81 polígonos terán acceso a redes de ata 350 megas que, sumados aos que xa contaban con este tipo de acceso á Internet, farán posible que se chegue a máis do 93% da superficie empresarial ocupada.
Este decreto, que fixará os criterios de deseño e dimensións que deben cumprir as infraestruturas de telecomunicacións e de soporte, para que se instalen de xeito homoxéneo e con seguridade, permitirá despregar redes ultrarrápidas cunha axilidade moito maior, trámites administrativos máis sinxelos e menores custos.
Ao longo da rolda de prensa, o titular da Xunta aseverou que ter unhas boas infraestruturas de telecomunicacións fará máis atractivos os parques empresariais e facilitará a captación de novos investimentos industriais en Galicia. Un obxectivo que coincide co fin que se marca a nova Lei de implantación empresarial, que simplifica os trámites para os proxectos empresariais e para acceder a solo industrial; ou a figura dos Concellos Emprendedores.
O conselleiro de Economía, Emprego e Industria, Francisco Conde, participou hoxe en Santiago na clausura da xornada Galicia en Digital. Industria 4.0: ¿Compartimos este camino?, na que se expuxeron as principais características da cuarta edición da aceleradora Galicia Open Future que desenvolve Telefónica co apoio da Xunta. Conde puxo en valor este programa que nesta convocatoria está enfocado á Industria 4.0 para seguir conectando o talento emprendedor coas principais empresas tractores de Galicia.
Neste senso, o titular de Economía sinalou a importancia de desenvolver proxectos deste tipo cos que se apoia a innovación aberta co obxectivo de dar resposta ás necesidades do tecido empresarial co novo talento. “A industria do futuro será dixital, polo que é necesario dar cobertura aos proxectos que nacen do talento e a innovación”, apuntou.
Conde fixo un chamamento a emprendedores, startups, pemes e organismos de investigación para que participen no programa e presenten os seus retos de negocio, xa que poden ser abordados mediante solucións baseadas en tecnoloxías. Ata o próximo 13 de marzo está aberto o prazo de inscrición para presentar as candidaturas, como xa o fixeron empresas como Nueva Pescanova, que propón un plan para predicir o resultado do ciclo de cría do langostino a través da recollida de datos que faciliten a toma de decisións en cada fase, ou Finsa, que conta cun proxecto para o deseño de novo mobiliario que aproveite as novas tecnoloxías para a creación de hábitats intelixentes.
O titular de Economía apuntou que a participación das empresas nesta aceleradora demostra o compromiso do tecido empresarial galego coa Industria 4.0 e coa innovación. Así, lembrou que o Plan Galicia Innova da Xunta mobilizará 1775 millóns de euros ata 2020 para conectar a industria co ecosistema de innovación galego que reside nas universidades, nos centros tecnolóxicos e nos organismos de investigación.
Conde recordou que Galicia Open Future forma parte da rede de aceleradoras que desenvolve a Xunta entre as que se encontran Agrobiotech en Lugo e Ourense, centrada nos sectores agroalimentario, forestal e a biomasa; a Business Factory Auto, con PSA, en Vigo; o programa Connecting for good Galicia, en Santiago, coa colaboración de Vodafone; ViaGalicia, en Vigo e Lugo, que conta co apoio de Zona Franca; a primeira incubadora de fármacos de España, que promoven desde Santiago a Fundación Kaertor e a multinacional Janssen; a futura Business Factory Aeronautic que se porá en marcha en maio en Lugo para o desenvolvemento de proxectos do sector aeroespacial; ou as 6 aceleradoras centradas en proxectos de I+D+i apoiadas desde o ámbito privado. Ao respecto, Conde sinalou a importancia da colaboración público privada para o desenvolvemento da industria dixital. Segundo o conselleiro, é a mellor plataforma de lanzamento do talento emprendedor que hai no país.
Para rematar, o conselleiro afirmou que para seguir no camiño da Industria 4.0 se necesita seguir apoiando o talento e a innovación coa implicación de grandes empresas como Telefónica, Finsa ou Nueva Pescanova co apoio da Xunta.
A través desta aceleradora seleccionaranse nesta nova edición 10 proxectos por cada reto proposto –un total de 6- que se darán a coñecer o 5 de abril para comezar coa fase de cocreación onde se concretarán as necesidades exactas da empresa con un demoday que terá lugar o 30 de abril.
Finalmente, a publicación do gañador e os tres finalistas darase a coñecer o 14 de maio. Estes 4 proxectos serán os que posteriormente participarán no programa de aceleración entre xuño e outubro deste ano para madurar e consolidar as ideas seleccionadas. Os 4 finalistas recibirán diversas axudas e o gañador do reto poderá realizar, ademais, un proxecto piloto real do seu plan de negocio financiado pola empresa tractora.
A través da plataforma de teleformación www.voluntariadogalego.org todas aquelas persoas interesadas en realizar o Curso en liña: Curso de voluntariado. Nivel básico, poden solicitar praza dende o día 1 ao 15 de marzo.
Todos aqueles alumnos que xa formen parte da plataforma de teleformación deben entrar para solicitar o curso a través do panel de alumno.
Para inscricións novas na plataforma de teleformación deben anotarse ao curso cubrindo a correspondente ficha de inscrición.
Estrearase en Madrid o videoclip da canción que o propio Nach compuxo ao coñecer a través de Twitter a Santi, un granadino con parálise cerebral que tamén estará presente no acto e que nos mostrará como se usa esta innovadora ferramenta.
O evento terá lugar o próximo 5 de marzo ás 19:30 hora no Teatro Vale-Inclán de Madrid.
Co obxectivo de mellorar a autonomía das persoas invidentes, o 'Mobile Vision Research Lab' da Universidade de Alacante e a compañía Neosistec levan traballando máis de cinco anos na plataforma 'Navilens'.
Un sistema integral de marcadores, que estivo presente no Mobile World Congress da man da Fundación Vodafone, que facilita o acceso á información das persoas cegas a través duns códigos QR que se desvinculan do tradicional: os ddTags.
Uns códigos bidi de cores, que se activan sen a necesidade de que o usuario achegue o teléfono móbil ao código, que permiten a persoas con discapacidade visual ler calquera cartel dotado destes adhesivos mediante os seus smarthphones.
Todo iso grazas á visión artificial, tal e como nolo conta o director do grupo de investigación MVRLab, Miguel Ángel Lozano Ortega: "NaviLens é un novo sistema integral de marcadores de cor baseada en visión artificial."
Acceso á noticia na web da Cadena Ser.
Este proxecto é moi interesante xa que a posibilidade de acceder a Internet permitirá a millóns de persoas poder beneficiarse de servizos deseñados para persoas con discapacidade e maiores que requiren estar conectados.
Neste sentido, o director global de Innovación de Telefónica, Gonzalo Martín-Villa, destacou que ter acceso a Internet leva un maior progreso para estas zonas, pero recalcou que para logralo é necesaria a colaboración con institucións públicas, entidades privadas, provedores, grandes empresas, e mesmo coas propias sociedades, co obxectivo de poder ofrecer un acceso a Internet a un prezo moi baixo.
De feito, a idea é que o proxecto permita conectar a estas persoas a Internet a un prezo duns 5 euros ao mes. Para iso, a compañía ofrecerá paquetes de antenas e redes ‘plug&play', é dicir, de fácil instalación que permita que sexan os propios cidadáns destas zonas os que instalen as antenas e as redes.
Para este proxecto Telefónica asociouse con outras compañías coas que colabora, como Facebook, con quen traballa de forma conxunta en Perú.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...