Unha vez superados os primeiros momentos de creación de vídeos, dedicaremos esta segunda sesión a continuar utilizando as aplicacións máis fáciles e prácticas para editar os nosos contidos; veremos como podemos incorporar diversos recursos (transicións, filtros, música, etc.) para darlles un acabado máis profesional.
Contidos:
Ven ao seminario de vídeo que estabas a esperar!
Grazas ao teu móbil, editar os teus propios vídeos nunca foi tan sinxelo. Pero gustaríache aprender a darlles un toque profesional para poder compartilos con familiares e amigos?
Neste seminario comezaremos a descubrir o fácil e divertido que pode resultar transformar os teus vídeos caseiros en auténticas películas e tomaremos o pulso ás ferramentas de vídeo que utilizaremos no seguinte seminario.
Contidos:
Facer bos vídeos nunca foi tan fácil!
Este ano as circunstancias empuxáronnos a todos a aprender precipitadamente novas formas de comunicación e as videochamadas para ver e falar ao mesmo tempo cunha ou varias persoas convertéronse nun dos recursos máis socorridos á hora de manter o contacto cos nosos achegados.
Nesta sesión repasaremos como podemos realizar facilmente videochamadas utilizando dúas das aplicacións máis populares, WhatsApp e Duo.
Contidos:
Aproveita as vantaxes das novas formas de comunicación!
Como ferramenta o correo electrónico converteuse nun dos nosos recursos máis habituais. Cando solicitamos calquera información, sacamos unhas entradas ou uns billetes ou activamos a factura electrónica dos nosos recibos necesitamos unha conta de email para xestionalo. Saber manexarnos na contorna dos xestores de correo é moi útil para mellorar as nosas comunicacións.
Contidos:
Le e escribe correos electrónicos desde calquera lugar!
Aínda que as compras por Internet son cada vez máis populares en todos os sectores da poboación, aínda hai moitas persoas que son reticentes a este sistema debido a que non se fían da seguridade á hora de pasar por caixa. Nos últimos anos apareceron diversos e cómodos métodos de pago, cada un deles adaptado a resolver necesidades concretas e resulta imprescindible coñecelos para realizar calquera transacción de forma totalmente segura.
Contidos:
Aprende a pagar na internet con total seguridade!
Internet converteuse nun centro comercial virtual aberto as 24 horas do día e os 365 días do ano no que se poden adquirir todo tipo de cousas en tendas de todo o mundo, pero Sabes os dereitos que te asisten como consumidor á hora de facer calquera compra ou contratación online?
Apúntate a este seminario e aprende todo o que necesitas saber para realizar con garantías a compra ou aluguer de calquera ben ou servizo a través da Rede.
Contidos:
Vaite de compras sen moverte da casa!
O Museo Centro Gaiás da Cidade da Cultura transfórmase este novembro no espazo virtual que acollerá a Maker Faire Galicia, que na súa sexta edición estrea un novo formato totalmente en liña. O encontro volverá ser un grande escaparate para a creatividade e o enxeño, pensado para todos os públicos, ao que neste ano atípico se accederá de maneira remota desde calquera punto do planeta.
O evento lanzou a plataforma en liña na que as persoas interesadas poden xa rexistrarse de balde para asistir ao evento, que se desenvolverá entre o 18 e o 22 de novembro. Nesta plataforma, os e as visitantes poderán acceder ao interior do Museo Centro Gaiás, convertido nun entorno virtual en 360 graos. Movéndose a través deste espazo, poderán interactuar con cada un dos expositores participantes, conectándose en directo cos e coas makers para coñecer polo miúdo os seus proxectos.
Ademais deste espazo expositivo, programaranse diferentes charlas e obradoiros durante os cinco días do evento, que inclúe dúas xornadas dedicadas ao ámbito profesional e empresarial, unha centrada no eido educativo e outras dúas destinadas a público xeral e moi especialmente aos e ás makers máis novas. Personalidades do ámbito da neurotecnoloxía, do desenvolvemento de aplicacións, ou influencers do do it yourself cóntanse entre os relatores dun programa que poderá seguirse enteiramente a través de videoconferencia.
Dous dos nomes máis destacados do programa deste ano veñen dos campos da robótica e da neurociencia. Trátase por un lado de Yannick Roy, co-fundador e director executivo de NeuroTechX, a comunidade internacional máis grande de entusiastas da neurotecnoloxía. Esta organización sen ánimo de lucro loita por difundir coñecemento, recursos e oportunidades de aprendizaxe arredor da neurotecnoloxía, e xerar sinerxías entre proxectos de innovación neste eido. A comunidade conta xa con 16.000 membros en todo o mundo, que comparten información e impresións sobre proxectos de neurociencia, tecnoloxía e DIY.
Por outra banda, participará tamén o coñecido youtuber especialista en robótica James Bruton. Antigo deseñador de xoguetes, este enxeñeiro eléctrico e mecánico levou a súa paixón pola robótica a outro nivel coa creación de incribles proxectos de código aberto que comparte de xeito gratuíto con vídeos detallados que sobe ao seu canal. Un dos seus proxectos máis coñecidos é o can robótico coñecido como “Open Dog”.
Tamén terán o seu oco na Maker Faire Galicia temas de tanta actualidade como o realfooding, un movemento que medrou de xeito exponencial nos últimos anos. O programa incluirá unha charla da co-creadora e CEO de MyRealFood, Sofía Belenguer, que falará das orixes e evolución desta aplicación, popularizada polo nutricionista Carlos Ríos que tamén está detrás do proxecto, que axuda ás persoas a volver e manter unha dieta saudable baseada na “comida real”, deixando de lado produtos ultraprocesados. Tamén no eido da alimentación contarase con Maitane Alonso, a maker que sorprendeu á NASA coa súa máquina de conservación de alimentos.
E xa no eido da industria espacial compartirá tamén a súa experiencia Antón Vázquez de Alén Space, unha empresa galega dedicada ao desenvolvemento, deseño e construción de satélites dixitais, tanto software como hardware.
Completan o programa iniciativas do eido social como a iniciativa Cosendo o paro, que traballa na integración sociolaboral de persoas en risco de exclusión como nais migrantes ou mulleres expresidiarias, que traballan no deseño e confección de roupa e outros produtos.
A Maker Faire Galicia 2020 celebrarase co apoio da Xunta de Galicia, o Concello de Santiago, e Asociación para el Progreso de la Dirección (APD).
A Axencia para a Modernización Tecnolóxica de Galicia (Amtega) e a entidade colaboradora Red Araña poñen en marcha unha variedade de programas formativos que contan con financiación da Xunta de Galicia, co obxectivo de promover actuacións que permitan a inserción sociolaboral de persoas desempregadas a través da adquisición de destrezas dixitais e sociais.
As actividades desenvolveranse durante os meses de outubro e novembro principalmente en formato presencial (sempre que as autoridades sanitarias o permitan) e por videoconferencia e consistirán en talleres de competencias dixitais para a mellora da empregabilidade, actividades de networking, talleres de habilidades sociais, creación de ideas de negocio, etc.
A través destes programas formativos, as persoas participantes terán a oportunidade de adquirir competencias e destrezas dixitais, mellorar e potenciar as habilidades sociais, deseñar unha estratexia de promoción de contactos persoais e profesionais offline e online, aprender a traballar en equipo e incentivar a creatividade.
Ademais, os talleres de traballo complementaranse con itinerarios personalizados e sesións interactivas onde recibirán formación para axudarlles na procura de emprego como as claves afrontar una entrevista de traballo; aumentar a súa rede de contactos profesionais e persoais a través do Networking; facilitar o seu acceso a procesos de selección, así como impulsar novas ideas de negocio e fomentar a cultura emprendedora.
As persoas interesadas en participar tan só deberán cumprir co requirimento de estar en procura de emprego coa tarxeta do Servizo Público de Emprego activa e o DNI vixente e estar dados de alta como usuarios CeMIT para inscribirse nas actividades dispoñibles a través das aulas CeMIT ou na web CeMIT segundo o seguinte calendario:
É unha organización de acción social de carácter non lucrativo que busca promover actuacións que permitan a inserción sociolaboral dos desempregados/as con especial atención a aqueles colectivos vulnerables.
A súa misión é a de agrupar e facilitar o desenvolvemento do maior número de entidades sociais que traballan nesta inserción xerando experiencias empresariais sostibles, comprometidas co seu entorno e que permitan o acceso ao mercado de traballo a aquelas persoas con maiores dificultades.
A Rede CeMIT é unha iniciativa posta en marcha pola Amtega e conta coa colaboración de 92 concellos, está integrada por 98 aulas e está presente en 53 comarcas, co obxectivo común de transformar á cidadanía galega nunha sociedade plenamente integrada na sociedade dixital. A rede é un dos instrumentos principais do Plan de Inclusión Dixital de Galicia para ofrecer a cidadanía recursos de capacitación dixital en función do seu nivel de coñecemento.
Un total de 224 profesores iniciaron esta semana a formación continua para impartir os contidos do Programa “Digicraft non teu cole”, que busca potenciar a formación en competencias dixitais de alumnos de primaria entre 6 e 12 anos. A iniciativa, impulsada pola Fundación, Vodafone inicia a súa segunda edición en Galicia grazas a un acordo coa Xunta, a través da Axencia para a Modernización Tecnolóxica de Galicia e a Consellería de Cultura, Educación e Universidade.
A formación a profesores estenderanse ao longo de todo o curso académico. Así, tras esta primeira fase, centrada en realidade aumentada e videoxogos, en xaneiro terá lugar un segundo ciclo marcado pola Intelixencia artificial e a Robótica.
Tras o éxito da súa primeira edición, 50 centros da Comunidade que xa participaron o pasado ano seguirán desenvolvendo o programa desde este mes de outubro, polo que máis de 4.400 alumnos galegos beneficiaranse deste proxecto que potenciará a súa formación en competencias dixitais.
Neste curso académico, a iniciativa “Digicraft non teu cole” incorpora novos itinerarios formativos dirixidos a nenas e nenos de entre 6 e 8 anos, para completar a proposta educativa da comunidade galega, que ata o de agora se enfocaba no alumnado de entre 9 e 12 anos.
O proxecto poñerá ao dispor de todo o alumnado diferentes actividades educativas para aprender competencias dixitais utilizando como vehículo a tecnoloxía, desde intelixencia artificial a realidade aumentada ou deseño 3D dunha forma fácil e divertida, combinando o mundo virtual e o físico. Todo iso articulado a través dunha metodoloxía de aprendizaxe probada e baseada no xogo e a experimentación, deseñada pola Fundación Vodafone España en colaboración coa Universidade de Salamanca.
O despregamento do programa en Galicia completarase cunha nova convocatoria a 200 centros que se lanzará nas próximas semanas. E uníndoo ao resto de convenios asinados co resto de comunidades, DigiCraft chegará neste curso escolar 20/21 a 400 centros escolares e máis de 32.000 alumnas e alumnos en España.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...