O uso das TIC (Tecnoloxías da Información e a Comunicación) xeneralizouse en todo o mundo, achegando enormes beneficios, pero tamén algúns riscos importantes. O mal uso destes dispositivos e aplicacións relaciónase con problemas de saúde mental e fallos de comportamento en actividades da vida diaria.
O estudo publicado recentemente na revista científica 'Adiccións' ofrece resultados sobre estes problemas por primeira vez na poboación xeral. Os investigadores administraron diferentes cuestionarios en todos os grupos de idade e en distintas contornas xeográficas e culturais. En total, foron enquisadas 1.276 persoas de 80 países diferentes, todas elas residentes en España ou países hispanohablantes. "Os seres humanos foron asimilando a gran velocidade todos estes avances, sen ter tempo para facelo dunha forma racional. Algunhas poboacións son especialmente vulnerables, como os nenos e adolescentes, ou os adultos con problemas psicolóxicos", sinala Gloria Rojo, terapeuta ocupacional e investigadora da URJC.
Neste sentido, o estudo centrouse tamén na relación entre o abuso das TIC e os síntomas de tensións ou dificultades para realizar habilidades complexas, como o pensamento abstracto, a autoconciencia e a planificación (destrezas desenvolvidas na cortiza prefrontal do cerebro humano). "Os resultados mostran unha estreita relación entre problemas co uso de todos os dispositivos ou recursos explorados e síntomas de mal funcionamento prefrontal na vida diaria, risco de mala saúde mental e tensión percibida", engade Gloria Rojo.
Entre os principais datos que ofrece esta investigación destaca que un 57,5% dos enquisados menores de 18 anos presentan un uso problemático do móbil (un 7,9% de dependencia). A esta cifra séguenlle un 45,1% no uso problemático de Internet (8,6% de dependencia), un 39% na mensaxería instantánea (10,7%), un 25,3% en redes sociais (6,1%) e un 10,9% en videoxogos (1,9%).
Por mor destes resultados, a investigadora da URJC suxire que é necesario "reconsiderar a relación que os seres humanos establecen con estas tecnoloxías e as consecuencias que un mal uso pode carrexar". Ademais, a través dos sucesivos grupos de idade estes datos mantéñense bastante estables, sendo máis altos en estudantes universitarios.
Respecto das diferenzas por sexo, os homes obteñen puntuacións máis altas nas escalas de "Internet" e "videoxogos" e as mulleres máis en "móbil", "mensaxería instantánea" e "redes sociais". Os homes presentan tamén máis síntomas prefrontais en xeral e as mulleres en problemas de control emocional.
Para levar a cabo este traballo, o grupo de investigación CAD-4 contou coa participación anónima e voluntaria dos enquisados. O equipo está composto por científicos do Instituto de Adiccións de Madrid Saúde (Concello de Madrid), da Universidade Complutense de Madrid, a Universidade Francisco de Vitoria e a Universidade Rei Juan Carlos.
Uso doméstico de Internet e expansión dos smartphones
A aparición das TIC pódese describir a partir de dous fitos importantes: a dispoñibilidade de Internet nos fogares a finais do século XX e a aparición dos teléfonos móbiles intelixentes ou smartphones a mediados da década pasada. "A incorporación destas tecnoloxías e o desenvolvemento incesante de aplicacións permitiu levar nunha man unha enciclopedia, toda a música, comunicación inmediata con calquera lugar do mundo e infinidade de xogos, entre outras moitas cousas", subliña Gloria Rojo.
Co obxectivo de investigar e proporcionar atención psicolóxica a quen perdeu o control no uso de Internet ou os móbiles, o Plan Nacional sobre Drogas incorporou esta problemática entre as súas competencias. A investigadora da URJC valora positivamente esta acción e engade que "requírense políticas educativas que desenvolvan estratexias de control persoal desde temperás idades, posto que o uso das TIC iníciase cada vez máis pronto, cando os nenos nin sequera contan con capacidade cerebral para controlar o seu comportamento".
Hai dous anos, un empregado invidente de Microsoft deseñou un sistema que lle describía a contorna no que se atopaba, e o ano pasado presentaron un dispositivo experimental para deter os espasmos dunha enferma de Parkinson, Emma, por medio dunha pulseira que os anticipaba e detíñaos mediante vibracións.
Como comentaba Satya Nadella un dos focos este ano de Microsoft é prover de tecnoloxía accesible ás persoas que sofren discapacidades mediante IA, dándolles así, a posibilidade de integrarse máis na sociedade.
Jenny Lay-Flurrie é a responsable de accesibilidade de Microsoft, a encargada de levar a cabo o programa de subvencións de 25 millóns de dólares destinado a proxectos que melloren a vida de persoas con discapacidade a través da tecnoloxía.
O programa terá unha duración de cinco anos e subvencionará proxectos que ataquen o máximo espectro de discapacidade, e que teñan un efecto Global.
Temos exemplos como Power Point, a función de deseño das presentacións automatizado, ideouse para dar unha maior accesibilidade ás persoas con discapacidades. Agora todos os usuarios da aplicación vense beneficiados por esa funcionalidade.
Ligazón á noticia na web: abcblogs.abc.es.
Esta xuntanza, que se celebra por quinto ano consecutivo, expón diversas iniciativas relacionadas co arduino, unha plataforma de hardwarelibre para a creación de proxectos interactivos ademais de, competicións de robots e talleres educativos para as persoas interesadas en profundizar máis no mundo da tecnoloxía.
Este 12 de maio temos en Lugo unha cita coa robótica, as cousas maker (creación de tecnoloxía ao alcance de todas as mans) e todo aquilo que ten que ver co día de mañá e o progreso tecnolóxico colaborativo. Estamos a falar dunha nova edición (a quinta) do Arduino Day, organizado por Makers Lugo e coa colaboración do CEI-Nodus e máis do Concello. Será, novamente, unha xuntanza moi concorrida, participativa e interxeracional (con argalleiros de todas as idades). A cita deste 12 de maio foi dada a coñecer no Edificio de Novas Tecnoloxías pola concelleira de Economía, Emprego e Desenvolvemento Económico, Ana Prieto, xunto ao presidente da Asociación Makers Lugo, José Manuel López.
Segundo fixeron saber, a xuntanza expón diversas iniciativas relacionadas coa placa Arduino, unha plataforma de hardware libre para a creación de proxectos interactivos ademais de competicións de robots e obradoiros educativos para as persoas interesadas en ampliar coñecementos sobre tecnoloxías. Na presentación, na que tamén estiveron presentes outros membros da Asociación MakersLugo, Ana Prieto convidou a todas e todos os lucenses a achegarse ao CEI-Nodus e visitar este evento aberto a todo o público que “nos permite aprender e coñecer variedade de proxectos e iniciativas de makers da cidade e tamén de fóra da contorna de Lugo”. Con esta programación, explicou, “unímonos a centos de celebracións que se realizarán o mesmo día e por todo o mundo, para homenaxear o nacemento desta plataforma que nos permite construír dispositivos dixitais”.
A cita de Lugo poderá visitarse en horario de 10:30 á 13:30 horas e de 16:30 á 19:00 horas e contará coa presenza e as iniciativas de argalleiras/os que ofrecerán aos visitantes unha gran variedade de proxectos de impresión 3D, de robótica auditiva e de electrónica ou de CNC, entre outros. Ademais as persoas interesadas en mostrar o seu traballo, ideas ou aparellos baseados no Arduino, participar en competicións de robots ou en talleres educativos poden apuntarse na ligazón www.makerslugo.org
Nesta liña, José Manuel López, agradeceu o apoio ao Concello que “un ano máis colabora con esta xuntanza e dota dunha maior visibilidade o mundo do Arduino, a robótica ou a impresión 3D”.
A Axencia para a Modernización Tecnolóxica de Galicia continúa a desenvolver as medidas previstas na Axenda Dixital de Galicia 2020 en colaboración cos axentes do sector. Con este obxectivo, a directora da Amtega, Mar Pereira, e os presidentes do Colexio Profesional de Enxeñaría en Informática, Fernando Suárez; do Colexio Profesional de Enxeñaría Técnica en Informática, Marcos Mata; e da Asociación de Enxeñeiros de Telecomunicacións Julio Sánchez Agrelo, renovaron esta mañá a cooperación que veñen mantendo nos últimos anos coa sinatura de tres acordos con máis dunha decena de liñas de actuación, que se desenvolverán ao longo deste ano.
Cun orzamento público total de 135.000 euros as tres entidades porán en marcha novas actuacións como o Programa TechKids co CPEIG, para impulsar as vocacións STEM entre os máis novos; unha xornada de difusión sobre o 5G coa AETG ou unha campaña de sensibilización sobre a presenza das mulleres na informática co CPETIG. Estas iniciativas súmanse a outras xa consolidadas como unha nova edición da Xornada de Informática Xudicial e Delitos informáticos, o asesoramento en materia de telecomunicacións ou xornadas formativas para profesionais.
Colexio Profesional de Enxeñaría en Informática
O CPEIG porá en marcha este ano o Programa Tech Kids para fomentar o interese pola tecnoloxía entre os rapaces de 10 a 16 anos con actividades como desenvolver aplicacións para dispositivos móbiles; deseñar e crear o seu propio videoxogo ou crear contidos dixitais. Todo isto para impulsar as vocacións STEM (Ciencia, Tecnoloxía, Enxeñaría e Matemáticas). O programa terá unha sesión inicial en Santiago para continuar con outras 20 xornadas en distintos puntos da Comunidade.
O CPEIG realizará tamén ata 6 cursos de distintas temáticas orientados á especialización de profesionais do ámbito TIC, que combinarán a modalidade semipresencial e de teleformación para facilitar a participación.
As actuacións previstas polo CPEIG completaranse con actividades de difusión para profesionais, organismos e empresas do sector TIC galego en temas de investigación, tendencias de mercado, innovación, etc.
Colexio Profesional de Enxeñaría Técnica en Informática
O CPETIG celebrará a oitava edición da Xornada de Informática Xudicial e Delitos Informáticos, que reunirá un ano máis a reputados especialistas neste eido para abordar e debater as novidades derivadas da evolución tecnolóxica. Ademais o Colexio organizará a IV edición do Scratch Day, a xornada que une a pais, nais e fillos en torno á programación e a creación de videoxogos coa ferramenta Scracth.
Entre as novidades para este ano está, tamén, o curso sobre a normativa sobre protección de datos de carácter persoal para afondar no coñecemento da nova normativa en materia de Protección de Datos, das actuacións que se deben levar a cabo con motivo da adecuación obrigatoria ao novo Regulamento Xeral de Protección de Datos da UE e a figura do DPD (Delegado/a de Protección de Datos).
O CPETIG porá en marcha, tamén unha campaña de sensibilización sobre a presenza das mulleres no ámbito tecnolóxico. A iniciativa dará especial visibilidade ás mulleres que foron esenciais no desenvolvemento da informática e a outras, que hoxe en día traballan no sector, buscando dende as súas experiencias romper ideas preconcibidas que afastan ás mulleres, dende idades moi temperás, da opción de escoller estudos vinculados á informática.
Asociación de Enxeñeiros de Telecomunicación
A AETG desenvolverá actuacións de formación e capacitación en materia de telecomunicacións para profesionais deste ámbito e unha xornada dirixida á cidadanía sobre a tecnoloxía 5G.
Por outra banda, a Asociación de Enxeñeiros de Telecomunicación de Galicia levará a cabo un estudo sobre a calidade das redes de banda larga naquelas zonas da Comunidade que, polas súas características específicas, requiran de medidas de control concretas.
O acordo contempla, ademais, a posta á disposición dos concellos galegos dun servizo de asesoramento sobre normativa e solucións técnicas para o despregamento de infraestruturas de telecomunicación.
Este mes, Rotem Geslevich, responsable de OrCam para España, presenta en Madrid OrCam MyEye 2.0, unha versión actualizada que incorpora melloras importantes.
Trátase, segundo Essilor, do dispositivo de visión artificial máis avanzado do mercado. En concreto, ofrece unha axuda electrónica intelixente que permite que as persoas con baixa visión lean textos (o nome dunha rúa, un menú, un xornal, un libro, etcétera), distingan billetes de curso legal, identifiquen e nomeen ás persoas cuxos rostros ten almacenados, e recoñezan produtos previamente seleccionados.
Como explica a compañía OrCam Technologies, o que o dispositivo le ou identifica transmítello ao usuario mediante unha mensaxe de voz que recibe a través dun auricular situado na varilla dereita. Non necesita ningunha conexión a Internet e pode adaptarse a case calquera montura exceptuando aquelas cuxas varillas son demasiado finas.
A baixa visión é frecuente entre persoas maiores de 60 anos, causada por patoloxías oculares comúns como a dexeneración macular asociada á idade, o glaucoma e a retinopatía diabética.
Características
MyEye é un dispositivo médico de clase 1 aprobado pola CE, fabricado por OrCam Technologies. Pódese adquirir por Internet e en tendas de Essilor.
A rede social asociouse con Lighthouse for the Blind and Visually Impaired para tratar as formas nas que se podería incluír na plataforma as persoas con diferentes problemas de visión.
"Pinterest engadiu melloras para que os usuarios con distintos graos de problemas visuais poidan navegar máis comodamente".
A primeira das melloras engadidas trátase dunha calibración do contraste de cores.
O obxectivo é que a paleta de cores sexa máis fácil de ler e máis amena visualmente.
A idea tras esta mellora é que as persoas con baixo nivel de visión e con sensibilidade ás cores brillantes poidan navegar máis facilmente por Pinterest. Outro dos cambios son os chamados indicadores de enfoque.
Estes indicadores contribúen a que as persoas con discapacidades motrices ou visuais utilicen un teclado ou outro dispositivo para poder ver que parte do sitio está enfocado. Desde Pinterest tamén informan que se mellorou o soporte para a lectura en pantalla. Desta maneira resáltanse cadros de texto para que sexa máis fácil iniciar sesión e navegar pola web. Por outra banda, tamén elaboraron unha guía con distintas prácticas para que enxeñeiros e deseñadores poidan crear contornas máis accesibles, complementada cunha biblioteca de compoñentes para a creación de interfaces de usuarios.
Desde Pinterest tamén queren potenciar outro tipo de accesibilidade mediante, por exemplo, a identificación de todos os elementos. Para iso, tratan de facer que cada función conte con iconas que permitan diferenciala con claridade.
Os cambios foron aplicados na aplicación de iOS e na plataforma web, e a súa chegada a Android ocorrerá proximamente. Con estas medias, Pinterest convértese nunha plataforma máis accesible para todos.
Ligazón á noticia na web: www.trecebits.com.
Co gallo de atopar respostas para unha problemática que vai a máis (a progresiva desaparición das carreiras tecnolóxicas entre as principais eleccións formativas das nosas mozas), a Universidade de Vigo organizou unha xornada-obradoiro que quixo ser un chamamento a alentar ás novas xeracións de mozas para que consideren o ámbito das TIC e das restantes enxeñararías como un ámbito axeitado para o seu desenvolvemento académico, investigador e profesional. Entre outras cousas, a cita (celebrada na sede do Consorcio da Zona Franca de Vigo, en Bouzas) serviu para presentar o programa IREI (Inspirando ás Rapazas para Estudar Enxeñaría), un programa cuxo nome fala por si só dos seus cometidos: cómpre conseguir que as mozas acheguen ao seu talento ás TIC, doutro xeito o progreso tecnolóxico (e as súas vantaxes) ficará moi por debaixo das expectativas. Na xornada lembrouse que a presenza de alumnado feminino nos sete centros nos que se imparten titulacións de enxeñaría na UVigo é de só o 19,7%.
Contouse coa presenza de Teresa Pedrosa, delegada do Consorcio, Carmela Silva, presidenta da Deputación de Pontevedra, Susana López Abella, secretaria xeral de Igualdade da Xunta, Dolores González, vicerreitora de Estudantes da Universidade de Vigo e a comisionada do Vigo Tecnolóxico, Edita de Lorenzo.
Precisamente, a vicerreitora foi a encargada de presentar a iniciativa, recordando que esta segue en boa medida o ronsel de Inspira STEAM, da Universidade de Deusto. As liñas estratéxicas de Inspira STEAM foron dadas a coñecer por Oihane Zarate, quen tamén afondou en metodoloxías de asesoramento para reverter as devanditas fendas de xénero nas carreiras tecnolóxicas. Segundo fixo saber a vicerreitora, “se no curso 2004/2005, as mulleres matriculadas en Galicia en carreiras de enxeñarías ou relacionadas coa arquitectura supuñan un 36,4% do total, en 2015/2016 non se chegaba nin a un cuarto do total, cun 24,5%. A evolución amosa unha caída lenta aínda que constante”, explicou.
Pola súa banda, Carmela Silva denunciou que se “empuxe ás nenas desde que nacen para que non escollan carreiras tecnolóxicas” ao tempo que incidiu na necesidade de dar visibilidade aos logros das mulleres neste ámbito e animou a “cambiar o presente para que as mulleres cheguen a todo o coñecemento”.
A secretaria xeral de Igualdade, Susana López Abella, felicitou á Universidade de Vigo pola posta en marcha desta iniciativa e laiouse de que a presenza de mulleres en carreiras “con futuro inmediato de éxito non supere o 20%”.
Pola súa parte, a delegada do Estado na Zona Franca de Vigo, Teresa Pedrosa, alertou da necesidade de “incrementar a formación e incorporación de mulleres ás profesións relacionadas co ámbito dixital” e amosou a disposición do consorcio a “acadar as mentoras necesarias para poñer esta iniciativa en marcha” entre as 620 empresas e máis de 22.000 traballadoras e traballadores que desenvolven a súa actividade arredor da Zona Franca.
A comisionada do Vigo Tecnolóxico, Edita de Lorenzo, asegurou que “temos un problema grave” e animou ás mulleres tecnólogas a facérense visíbeis perante as nenas de 9, 10 e 11 anos, “xa que é bonito axudar á que a sociedade funcione mellor e a resolver problemas”. No acto de hoxe tamén participou o director da Escola de Enxeñaría de Telecomunicación, Íñigo Cuiñas, que afondou na situación particular da Universidade de Vigo en cuestión de fendas de xénero. Segundo lembrou, no curso 1991/1992 rexistraba un 23,6% de alumnas de novo ingreso nas carreiras de enxeñaría, mentres que no curso 2017/2018 esta cifra baixara a un 19,7%. En canto ao número de graduadas en enxeñarías nos catro últimos cursos, Cuiñas situouno nun 22,9% do total de 992 persoas tituladas, asegurando que “non parece que as rapazas teñan peores resultados cós rapaces. En realidade, as porcentaxes son semellantes e máis, cantos máis anos se analizan”, asegurou.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...