Un grupo de 13 escolares de Santiago, con idades comprendidas entre os 7 e os 15 anos, participaron o sábado, acompañados polos seus pais ou nais, nun taller práctico de aprendizaxe para programar videoxogos con Scratch que tivo lugar na Biblioteca da Cidade da Cultura, organizado polo Colexio de Enxeñaría Técnica en Informática, CPETIG, coa colaboración da Axencia para a Modernización Tecnolóxica de Galicia (Amtega).
O obxectivo desta iniciativa, posta en marcha polo CPETIG e Amtega hai dous anos, é ampliar progresivamente o número de escolares de Galicia que acceden de forma lúdica e divertida ao coñecemento da programación informática como ferramenta didáctica, tomando conciencia da súa potencia como medio de expresión creativa.
A implicación das familias é determinante como apoio para que a rapazada se sinta atraída pola programación informática, de xeito que esta experiencia didáctica e divertida sexa un labor a continuar na casa.
A participación no taller, impartido por Código Octopus, supón a aprendizaxe da utilización de Scratch como factor creativo e motivacional, utilizado con obxectivos didácticos. O Scratch é unha ferramenta baseada en pezas encaixables que serven para construír pequenos programas que permiten iniciar ao alumnado na linguaxe de programación dun xeito simple e intuitivo, pero eficiente.
A rede 2btube, comunidade dixital hispanofalante de formatos audiovisuais para os máis novos segue a medrar e desta volta anuncia a creación de 2bkids, unha división especializada en contidos infantís e familiares en YouTube. Emporiso, 2bkids é a primeira tentativa da network de cara a espallarse fóra do mercado hispanofalante, co apoio dos 60 profesionais de 2btube dende as súas oficinas en Madrid, Miami e Cidade de México.
Indo a 2btube, salientar que achegará os mesmos servizos que 2btube mais encamiñándose a unha audiencia internacional en todos os idiomas, formada por nenos de até 10 anos e as súas familias. O proxecto está liderado por Juan Baixeras, quen se incorpora á empresa como director xeral de 2bkids. Juan Baixeras conta cunha ampla traxectoria no mundo do lecer e a educación infantil, foi director xeral Zinkia (Pocoyó) e é o fundador de Little Smart Planet, unha plataforma de videoxogos educativos 2bkids xa conta con 30 canles de YouTube que suman máis de 80 millóns de visualizacións ao mes. A estes talentos 2btube ofrécelles un asesoramento personalizado enfocado en acadar dous obxectivos: aumentar a súa audiencia (mellorando a súa canle grazas aos seus expertos e ás súas ferramentas premium) e aumentar os seus ingresos (mediante as accións con marcas e o incremento en visualizacións). Para achegarnos un pouco a 2btube, abonda con dicir que esta network ten só 2 anos de vida e dende a súa posta en marcha conta con máis de 600 canles de YouTube que suman máis de 500 millóns de visualizacións ao mes e 50 millóns de subscritores. Arestora, 2btube ocupa a posición número 23 da listaxe mundial de networks segundo SocialBlade.
Lugo acolle o vindeiro 18 de outubro o novo faladoiro dixital organizado polo Colexio Profesional de Enxeñaría en Informática de Galicia (CPEIG) e a Axencia para Modernización Tecnolóxica de Galicia (Amtega) no marco da campaña de divulgación e difusión de novos perfís profesionais na era dixital. O encontro centrarase na robótica e desenvolverase na aula CeMIT da cidade, situada na Praza do Castiñeiro, de 10.00 a 14.00 horas.
Tras a benvida institucional, a cargo dun representante do CPEIG, intervirá o profesor titular da Universidade de Vigo, José Ignacio Armesto; o xerente e director comercial de Unimate Robótica, Cástor González, e Hugo Barreiro, coordinador de ASIME 4.0 (Asociación de Industriais Metalúrxicos de Galicia). Un debate aberto ao público pechará este faladoiro dixital ao redor da robótica.
As persoas interesadas en asistir poden inscribirse xa de balde no enderezo eventos@cpeig.gal e a través da web www.profesionsdixitais.org, onde tamén atoparán información do programa e dos relatores.
1 mes, 1 profesión dixital
A campaña 1 mes, 1 profesión dixital desenvolve xa a súa segunda edición, abordando as oportunidades profesionais e boas prácticas. O obxectivo xeral é crear conciencia da necesidade que teñen os cidadáns de mellorar o seu dominio da tecnoloxía da información e a comunicación cara ao emprego. A iniciativa é froito do acordo de colaboración asinado este ano entre o CPEIG e a Amtega.
A idade media coa que os menores españois se inician no uso de Internet sitúase ao redor dos nove anos, segundo datos publicados e recollidos pola empresa española do sector das novas tecnoloxías e redes intelixentes Monsan.
Así mesmo, o 41% dos nenos de once anos xa conta cun teléfono móbil e un 40% dos menores de entre nove e trece anos de idade conta con perfís nestas plataformas sociais, a pesar de que existe un límite de idade para rexistrarse nelas, segundo lembra a compañía.
Tal e como sinala Monsan, son os máis novos quen dominan as redes sociais á perfección e saben sacarlle o máximo partido. Con todo, Monsan advirte de que un uso inapropiado de instrumentos como o móbil ou a tablet para acceder ás redes sociais expón a adultos e sobre todo a menores, os máis vulnerables, a certos riscos.
Segundo explica a compañía responsable do estudo, actualmente existe non só un aumento exponencial de delitos e fraudes a través de dispositivos móbiles, senón tamén un incremento do 'grooming', termo co que se fai referencia ao acoso dixital dun adulto a un menor.
"Os depredadores sexuais achéganse aos menores creando perfís falsos en distintas redes sociais nos que finxen e falsean ser un adolescente como eles --explican desde a compañía--. Unha vez se produciu o achegamento é cando empeza o acoso e a coacción".
A resposta que propón Monsan a esta situación e, así, evitar a desprotección dos menores na rede, atópase na educación. Por este motivo, a compañía insta a pais e profesores a colaborar xuntos para que os menores fagan un bo uso destas tecnoloxías e sexan conscientes dos perigos que corren se fan o contrario.
Para iso, é importante segundo Monsan, que se teñan en conta algunhas medidas como, por exemplo, non revelar datos persoais nin claves a persoas descoñecidas, ou que os pais teñan acceso ás contas de Internet dos seus fillos menores de idade.
Os móbiles están feitos a proba de nenos, pero o contido ás veces non tanto. Os pais preocúpanse cada vez que o seu fillo pequeno agarra o móbil polas consecuencias que pode ter. Chamadas aleatorias, fotos enviadas aos contactos de WhatsApp, aplicacións borradas, páxinas non aptas para a súa idade...
Algúns pais debátense entre non deixarlle o móbil ou estar á beira do menor para vixiar que uso fai do mesmo. Pero adoita ser unha batalla perdida ante os pequenos tecnolóxicos da casa.
Existen unha serie de apps que axudan a limitar o uso do dispositivo por parte dos pequenos, para deixar só aquelas aplicacións que os proxenitores consideren seguras e bloquear o resto do teléfono. O obxectivo destas aplicacións é desde evitar que os pequenos desenvolvan unha adicción ao aparello, ata que visiten páxinas con contido inapropiado ou que fagan travesuras chamando a calquera.
A Axencia para a Modernización Tecnolóxica de Galicia (AMTEGA), GAIN e a Deputación da Coruña participan estes días en Bruxelas na Semana Europea das Rexións e das Cidades, celebrada en parte na oficina de representación galega na devandita cidade, a Fundación Galicia Europa (FGE). Desenvolvéronse nesta sede dous seminarios, o primeiro sobre as oportunidades das novas tecnoloxías para un envellecemento saudable e o outro sobre as estratexias de especialización intelixente.
Baixo o título Smart cities and communities for all: How to become smart and age-friendly , na primeira das sesións debulláronse os atrancos que impiden, hoxe en día, que as persoas maiores tiren meirande proveito das TIC para acadar maior calidade de vida. Participaron representantes de Amsterdam, Niza, Oslo e Udine en Italia, expoñendo as accións postas en marcha para procurar que os espazos urbanos se adapten ás necesidades das persoas de máis idade. En representación da nosa terra, a Axencia para a Modernización Tecnolóxica de Galicia (AMTEGA) presentou o proxecto Fogares intelixentes que, como lembrou a entidade galega, “utilizará as TIC para asistir á xente maior nos seus domicilios”, proporcionando a este colectivo (un amplo colectivo integrado pola cuarta parte da nosa sociedade) unha plataforma integral que, “mediante a análise da información da contorna dos maiores”, permita prestarlles servizos personalizados, tanto sanitarios como asistenciais. AMTEGA recordou que o Goberno galego “está a traballar na obtención de financiamento de innovación para empregar o procedemento de compra pública innovadora no seu desenvolvemento e posta en marcha”.
O segundo dos seminarios, celebrado baixo o epígrafe Smart Specialization Strategy: from planning to funding, contou coa presenza activa de representantes de Galicia e Norte de Portugal, ademais doutras 10 contornas xeográficas e concellos europeos. O eixe do debate foron as estratexias de Investigación e Innovación para unha Especialización Intelixente (RIS3 nas súas siglas en inglés) que estes territorios están a poñer en marcha como “requisito indispensábel” para a recepción de fondos europeos no actual período 2014-2020.
A Axencia Galega de Innovación (GAIN) explicou neste seminario os tres retos e as prioridades temáticas contempladas na RIS3 galega, deténdose nunha das ferramentas de apoio para axudar a empresas e centros de I+D+i a contribuír a ela: a compra pública innovadora. Con este instrumento, a Xunta estimula a implantación en Galicia de sectores de tecnoloxía avanzada. Norte de Portugal presentou, pola súa parte, a súa RIS3 transfronteriza con Galicia, a primeira deste tipo en toda a UE. As rexións italianas de Basilicata, Lazio e Veneto, a provincia croata de Istria ou a rexión sueca de Värmland foron outros dos exemplos mostrados sobre como están a executar as súas RIS3.
Deputación da Coruña
Amais de AMTEGA e GAIN, tamén está presente estes días na Semana Europea das Rexións e das Cidades (EWRC polas súas siglas en inglés) a Deputación da Coruña. Segundo puidemos saber, unha ampla representación de técnicos locais desta provincia (encabezados polo deputado provincial de Promoción Económica e Emprego, José Luis García, e a responsábel de Europe Direct A Coruña, Cristina Couto) desprazouse a Bruxelas esta semana para asistir aos seminarios e debates organizados ao abeiro da devandita celebración, en primeira instancia na sede da Fundación Galicia – Europa (FGE).
Para comezar, os técnicos de Arteixo, Camariñas, Cerdido, Ponteceso e San Sadurniño recibiron unha formación sobre como desenvolver as cidades de modo intelixente, as Smart Cities, adaptándoas ás persoas maiores, da man da directora da FGE en Bruxelas, Ana Ramos Barbosa. Ademais, ao abeiro da mostra Regiostars, persoal técnico de Curtis, Cabanas, Abegondo, Narón, Dumbría e San Sadurniño puido coñecer e votar os mellores proxectos europeos nos ámbitos do crecemento sustentábel, intelixente e inclusivo.
A Semana, que cumpre a súa décimo terceira edición, prosegue até hoxe, 13 de outubro, con charlas, obradoiros, debates, visitas e seminarios, centrados no crecemento económico sustentábel, a elaboración de políticas económicas inclusivas e os fondos ESI (Fondos Estruturais e de Investimento).
Amais do obradoiro sobre FreeCAD, o Centro Matadoiro de Compostela tamén vai dar acubillo, os días vindeiros, a unha actividade formativa e divulgativa sobre Arduino, a plataforma de electrónica libre, accesible e cen por cen democrática (Arduino, que dá nome a unha placa de hardware aberto pero tamén a un software, ten o importante potencial de abrirlle a calquera persoa a porta da creación interactiva, robótica e informática).
Esta edición do obradoiro é a segunda entrega da cita celebrada en setembro. Celebrarase o 21 de outubro ás 19.00 horas no Matadoiro. Ámbalas dúas foron organizadas pola asociación Xeopesca en colaboración coa axencia AMTEGA.
O temario abranguerá cuestións como as estruturas e operadores en Arduino, as vertentes analóxicas e dixitais desta tecnoloxía e máis un achegamento a exercicios prácticos coa mesma. Segundo informa Xeopesca, para participarmos é preciso facer unha inscrición previa (hai prazas limitadas). Tamén é necesario que levemos o portátil co software Arduino instalado. Esta actividade insírese no programa de accións que a asociación Xeopesca realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2016 da Xunta de Galicia.
O vindeiro sábado 22 de outubro vai haber unha cita con FreeCAD no recentemente reactivado Centro Matadoiro de Santiago de Compostela (a antiga Casa de Xuventude, salvada do derrube polo Concello actual e boa parte da veciñanza e o tecido asociativo local, e destinada agora a acubillar novas formas de desenvolvemento e participación colectiva, incluído o espírito Maker e o software libre). O obradoiro vén da man de Xeopesca e conta co patrocinio de AMTEGA e coa colaboración do propio espazo Matadoiro.
O temario inclúe introdución ao CAD, interface de FreeCAD, contornas de FreeCAD, exportación e importación de pezas, exercicios (creación de sólidos, modificación de sólidos e operacións), outras alternativas libres a FreeCAD, etc. A organización lembra aos participantes que é preciso que carrexen o seu portátil até o emprazamento do obradoiro, amais do cargador. Tamén deben levar instalada nos seus equipos a última versión estable de FreeCAD.
FreeCAD, como lembraremos, é un programa de deseño por computador en tres dimensións, de código libre e aberto. Segundo se sinala Galipedia, opera cun modelado paramétrico e ten unha arquitectura de software modular, pudendo engadir de xeito doado máis aplicacións e elementos sen trocar o núcleo do sistema.
Esta actividade forma parte das actividades que a asociación Xeopesca realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2016 da Xunta de Galicia.
A campaña 1 mes 1 profesión dixital, promovida pola Axencia de Modernización Tecnolóxica de Galicia (Amtega) en colaboración co Colexio Profesional de Enxeñaría en Informática de Galicia (CPEIG), nace co obxectivo de crear conciencia por parte da mocidade, universitarios/as, profesionais TIC e da cidadanía en xeral da necesidade de adquirir novas competencias e habilidades dixitais. Nesta ocasión aboradaráse o tema da Robótica.
A TVG estrea esta semana tres programas centrados en maior ou menor medida nas novas tecnoloxías da información. Os máis envorcados nas TIC dos tres espazos televisivos son sen dúbidaGalicia 4.0 e Desenredando a rede, nos que se falará de empresas punteiras, innovadoras ferramentas dixitais e Internet, e todo coa arela de achegar todos estes recursos ao público galego de calquera idade. A maiores, estréase Mellor xuntos, unha serie documental sobre cooperativas galegas que no primeiro programa achegará unha visita á empresa tecnolóxico dixital Tagen Ata e, tamén, a Parentes, Cestola na Cachola e LuscoFusco.
“Estes espazos”, sinala a TVG, “inician unha serie de seis programas que queren dar visibilidade a distintos colectivos, realidades, iniciativas sociais e proxectos empresariais que contribúen ao fomento dunha sociedade máis xusta e igualitaria”.
Mellor xuntos emitirase os martes. O xoves será a quenda de Galicia 4.0 (que ten o obxectivo de promover o tecido empresarial galego e que fala de produtos e servizos coa etiqueta galega) e os venres de Desenredando a rede. Este último consiste nun programa divulgativo sobre Internet e as novas tecnoloxías, que pretende achegar este medio a todo tipo de públicos. Ao longo da súa andaina, buscará empresas e emprendedores galegos que operen no ámbito das novas tecnoloxías, “ademais de achegar o mundo de Internet a calquera público, mesmo o menos especializado”.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...