Internet é unha fonte de información enorme pero, sabes como utilizala para atopar a información que buscas?
Neste curso falaremos de como navegar por Internet e atopar información de forma efectiva.
Contidos:
Os teléfonos intelixentes son dispositivos en constante evolución que cada vez inclúen máis características e opcións de personalización.
Crees que non estás a aproveitar todo o potencial do teu teléfono? Apúntate a este curso para aprender a sacarlle o máximo partido coñecendo todas as súas opcións de configuración así como as apps máis útiles e populares do momento.
Contidos:
Aprende a aproveitar o potencial do teu teléfono móbil!
Innovar en cultura, abrindo novos vieiros e horizontes, pode ter recoñecemento. Así nolo lembra a Fundación Cidade da Cultura de Galicia, que vén de convocar a sexta edición dos premios Emprende Gaiás-Sixto Seco, concurso destinado a impulsar ideas emprendedoras relacionadas coas industrias culturais na nosa terra. Nesta entrega dos galardóns, estes artéllanse en dúas modalidades: por unha banda a dos proxectos en Internet e o desenvolvemento de aplicacións informáticas no eido cultural, pola outra, proxectos relacionados co deseño, a xestión cultural e a creación artística e plástica.
E que cousas concretas poñen en xogo estes galardóns con respecto aos proxectos gañadores? Pois, entre outras cousas, inclúen a incorporación de balde ao coworking do Centro de Emprendemento Cultural e Creativo do Gaiás, en Santiago, durante doce meses, onde as emprendedoras e emprendedores terán acceso a un programa de asesoramento personalizado e un espazo equipado con “todos os servizos e prestacións precisas para a posta en marcha das iniciativas”. Ademais, veñen cun premio en metálico de 3.000 euros para cada proxecto distinguido.
Por outra banda, grazas á súa estadía no dito centro de emprendemento, as emprendedoras e emprendedores poderán facer intercambios con outros espazos de co-traballo de ámbito internacional cos que a Cidade da Cultura teña convenio.
O prazo para a presentación de candidaturas fica aberto até o vindeiro 18 de outubro. A convocatoria diríxese a deseñadores-ilustradores, profesionais da comunicación, produtores, xestores culturais, programadores e calquera outra persoa vencellada ao emprendemento cultural que queiran desenvolver a súa actividade en Galicia.
Os Premios Emprende Gaiás-Sixto Seco son unha das liñas de programación da Cidade da Cultura destinadas a favorecer o emprendemento. Desde a súa primeira convocatoria no ano 2013, os galardóns favoreceron a posta en marcha de catorce proxectos. Entre as propostas gañadoras nos últimos anos hai unha aplicación móbil para dar a coñecer a pequenos produtores (I’m local), unha empresa acada á fabricación de xoguetes infantís e recursos didácticos con cartón para docentes e familias (Kandoro), dúas plataformas en liña (unha dirixida á compravenda de arte entre particulares e artistas, Wcube, e outra destinada a conectar a profesionais do sector musical para a produción e difusión de eventos, Soundslikemarket), e un proxecto que combina a impresión 3D co mundo da repostería: Cake Artist.
Este mércores arrinca na sede de Compostela Monumental o seu programa de formación e adestramento para directivos, unha actividade que se desenvolve no centro histórico de Santiago en colaboración con APE Galicia. Trátase dun curso de múltiples vertentes, moitas delas dixitais, que contará coa asistencia de 16 alumnos e será impartido por Eduardo García Erquiaga, director de Galicia Business School, amais de experto en metodoloxías innovadoras para dirixir proxectos, emprendementos e desenvolver o noso quefacer profesional.
O curso consta de 20 horas presenciais, 10 delas este mércores día 19 en xornada de mañá e tarde, e as outras 10 o día 27 de leste mesmo mes en idéntico horario, de 09:00 a 14:00 horas e de 15:00 a 20:00 horas. As temáticas a tratar inclúen adestramento en habilidades directivas e planificación e en claves de planificación estratéxica (módulo primeiro). O módulo segundo xirará arredor das TIC e os horizontes que abren en materia de excelencia profesional: oportunidades tecnolóxicas, transformación dixital e mercadotecnia.
A firma galega Improving Metrics, con sede na Coruña e centrada en achegar servizos integrais de analítica e de estratexia dixital, vainos levar da man á vangarda da análise da información: a análise de cousas que nos rodean e cuxa “mensaxe”, sen tecnoloxías axeitadas, ficaba até o de agora oculta ou semi-oculta. De que maneira nos vai levar da man? Pois coa celebración dun evento, en compañía de Google, que servirá para mostrar o potencial dun colectivo determinado, neste caso os asistentes reunidos na xuntanza, para crear coñecemento de valor. Máis en detalle, Improving Metrics demostrará como se poden extraer datos de gran utilidade dos sorrisos dos asistentes.
Farao empregando o seu sistema de visión artificial e un software desenvolvido pola propia firma Coruña e “integrado” en diversas cámaras (tecnoloxía RSO, Smile Rate Optimization). Esta ferramenta informática permite estimar os estados de ánimo das persoas e establecer o seu rango de idade e xénero. O sistema, baseado en metodoloxías de Intelixencia Artificial, será utilizado o martes 18 de setembro no evento Improving Minds, na Coruña, organizado por Improving Metrics e que conta coa participación de varios relatores de Google. Amais, tamén farán acto de presenza o actor Manuel Chacón e o cómico Perico Rober. A cita desenvolverase de 16.00 a 19.00 horas, na sede da Fundación Paideia.
Segundo explica a empresa galega, o software destas cámaras, que segue un modelo de redes neuronais, é capaz de clasificar, recoñecer patróns e medir distintos estados de ánimo, como tristura, alegría, abraio ou decepción.
Pola súa banda, os relatores de Google, Déborah Fernández e Jaime Perujo, darán a coñecer as posibilidades de medición e personalización de Google Mercadotecnia Platform, a nova plataforma anunciada pola compañía estadounidense o pasado 27 de xuño e que facilita a tarefa de analizar os resultados de mercadotecnia e coñecer a experiencia do usuario.
Jesús Echarri, director executivo (CEO) de Improving Metrics, dará a súa visión sobre a práctica da “datoloxía” e de como, na súa opinión, “mudará a relación entre o home e a tecnoloxía nun futuro próximo”. Pola súa banda, Javier Consuegra, encargado do desenvolvemento de negocio da empresa, será quen analice o éxito do evento, grazas aos datos achegados por este sistema de visión artificial.
Improving Minds contará coa presenza de clientes, profesionais da área de analítica e mercadotecnia dixital de grandes empresas galegas e de centros de investigación do ámbito universitario.
Segundo lembra a empresa galega acerca do tema a tratar, o tema da información (e até que punto esta información está presente en estado bruto en múltiples recantos da nova vida), na actualidade os datos convertéronse nun valioso recurso.” O 90 % dos líderes de negocios citan aos datos como un dos factores fundamentais para as empresas e as cámaras de visión artificial ofrecen un futuro cheo de posibilidades”, explica.
Financiamento para dixitalizar a nosa empresa e acadar meirande competitividade económica. De lograr isto é do que trata, en parte, o acordo asinado onte pola Cámara de Comercio de Santiagoe o banco SabadellGallego, un convenio de colaboración dirixido, nas súas palabras, a facilitar que as firmas, autónomos e comercios asociados á entidade compostelá poidan “beneficiarse de liñas de crédito” para financiar diversos procesos de innovación. Por exemplo: acceder a novos mercado ou mesmo incorporar as TIC ao quefacer diario.
O acto de sinatura, que se celebrou no salón de actos da Cámara compostelá, estivo presidido polo presidente desta entidade, José Sierra, e o director xeneral de SabadellGallego, Pablo Junceda. Segundo informaron, o acordo abre unha vía directa a unha liña de crédito de 100 millóns de euros, que é a que destina a banca a achegar cobertura para as necesidades das firmas da cámara compostelá.
Ademais de trasladar ás empresas as liñas de financiamento e servizos do banco, o convenio establece que a Cámara promova seminarios e conferencias relacionadas con cuestións financeiras. Pola súa parte, SabadellGallego porá a disposición dos membros da entidade compostelá xestores especializados en plataformas de pagos ecommerce para “facilitarlles solucións diferenciadas e seguras, así como outros servizos no ámbito das vendas por Internet”.
O presidente do Goberno galego, Alberto Núñez Feijóo, reivindicou hoxe que unha Galicia mellor se constrúe cunha educación pública con máis linguas, con máis tecnoloxía, con máis materias científicas e con mellores salarios para os docentes.
Durante unha visita ao IES de Soutomaior, con motivo do comezo das clases nos niveis da ESO e bacharelato, FP e ensinanzas de réxime especial, Feijóo aseverou que con todos estes avances se conseguirá consolidar todo o que se logrou nestes últimos anos: unha Galicia co menor abandono escolar desde que hai rexistros, ao terse reducido desde case o 26% ata por debaixo do 15%; cun ensino de máis calidade e máis equitativo, tal e como recoñece o informe PISA; e que apoia as familias, co maior sistema de transporte escolar gratuíto de España e cun sistema de fondos de libros e axudas que o ano pasado chegou a case 140.000 fogares.
Máis polo miúdo, o responsable do Executivo autonómico salientou que grazas á aposta por un ensino plurilingüe, a Comunidade pasou en dez anos de ter cero centros plurilingües a 385 este curso; de ter 67 auxiliares de conversa a 617. “E, neste curso, máis de 100.000 alumnos recibirán ensino plurilingüe”, dixo.
Logo de resaltar a compra de 30.000 novos portátiles, Feijóo precisou, en relación ás TIC, que no curso que comeza 18.000 alumnos estudarán co libro dixital –un 55% máis que o ano pasado-. E no eido das ciencias, tecnoloxía, enxeñaría e matemáticas, por primeira vez, 15 institutos ofrecerán o bacharelato de excelencia en ciencias e tecnoloxía.
Así mesmo, aseverou que unha Galicia mellor pasa tamén pola motivación de todos os docentes. E, neste eido, destacou a aposta por mellorar as condicións laborais dos docentes, cun incremento salarial progresivo que chegará a ser de 1260 euros ao ano.
En relación a esta nova infraestrutura, o primeiro instituto da historia de Soutomaior, o titular da Xunta aseverou que, con este centro, no cal se investiron preto de 6 millóns de euros, se cobre unha débeda que se tiña cun dos concellos que máis están a crecer de Galicia. Non en van, as case 500 prazas das que dispón integrarán os alumnos e profesores de primeiro e segundo de ESO que, deste xeito liberarán o Manuel Padín Truiteiro para os niveis de infantil e primaria; e permitirán que os rapaces do municipio non teñan que desprazarse cada día ata Pontevedra ou Redondela.
O presidente da Xunta concluíu garantindo o compromiso de seguir investindo en Educación, para que a Galicia do futuro poida seguir avanzando; e agradeceu o compromiso vocacional de todos os traballadores do sistema público educativo galego.
Máis de 300 empresas participan nas dúas convocatorias dos cursos formativos en materia de dixitalización que a Consellería de Economía, Emprego e Industria, a través do Igape, puxo en marcha este ano. Mediante 21 iniciativas organizadas por clústeres e colectivos empresarias dos diferentes sectores produtivos, a Xunta activa novos espazos de colaboración e formación para a xeración de proxectos en materia dixital nas pemes galegas.
O obxectivo deste programa é apoiar a posta en marcha de sistemas informáticos nos catro ámbitos que teñen máis potencial para aportar valor ás empresas: os proxectos colectivos de soporte a procesos sectoriais multiempresa, os proxectos individuais de conectividade interempresarial, de conectividade intraempresarial e de intelixencia artificial.
Estes cursos formativos abranguen distintos sectores produtivos e abordarán aspectos como a transformación dixital da automoción galega, o mercado tecnolóxico das comunicacións dixitais, a aplicación da tecnoloxía 4.0 aos viñedos e ao aprovisionamento e expedición dos produtos pesqueiros, a construción e reparación do naval 4.0, e a visibilidade dos produtos tecnolóxicos innovadores para a dixitalización industrial.
Ao mesmo tempo, a Conselleira de Economía, Emprego e Industria mantén ata o 21 de setembro aberto o prazo para a presentación de solicitudes ás axudas á dixitalización, unha liña de apoio activada tamén este ano ao abeiro da Axenda Industria 4.0 e que conta con financiamento a través Fondo Europeo de Desenvolvemento Rexional (FEDER).
Así, a Xunta destina este ano cinco millóns de euros a impulsar iniciativas que xeran proxectos colectivos de dixitalización e que reforzan a aposta por un modelo de peme 4.0, dixital, innovadora e exportadora, mediante os investimentos e a especialización en aspectos como o big data, a interconexión entre empresas, a aprendizaxe automática ou a dixitalización de procesos de traballo.
A Cidade da Cultura acolle o próximo 19 de setembro o Workshop de Consultas ao mercado para o desenvolvemento de proxectos innovadores no ámbito dos contidos dixitais interactivos, organizado pola Axencia para a Modernización Tecnolóxica de Galicia (Amtega) e a Compañía de Radio Televisión de Galicia (CRTVG).
Ambas entidades están a colaborar para adaptar as emisións do ente público ás novas demandas de consumo, no marco do Plan de acción para o impulso aos contidos dixitais en Galicia, DICO Mindset.
O obxectivo do workshop é presentar as necesidades e retos dun proxecto que pretende por a Galicia na vangarda do audiovisual a nivel internacional. Para elo, lánzase un procedemento de consultas ao mercado dentro da compra publica innovadora para que as empresas do sector TIC e do sector audiovisual poidan aportar a súas propostas. Os interesados en asistir pódense inscribir a través https://cdtic.xunta.gal/workshop-dico-mindset.
A partir das propostas recibidas, a Amtega e a CRTVG terán coñecemento suficiente das solucións máis novas e óptimas existentes no mercado para abrir un procedemento de licitación posterior. As poden enviarse a través do formulario web da Amtega https://amtega.xunta.gal/dicomindset ata o 15 de outubro.
Actuacións
O proxecto busca a posta en marcha dunha plataforma capaz de ofrecer solucións e servizos avanzados que incorporen as últimas tecnoloxías. Entre elas destaca a creación de contidos interactivos innovadores para o ámbito educativo non regrado que se integrarán nunha nova unha canle temática.
Con esta actuación quérese estimular o uso de novas canles e medios, en liña coas novas tendencias de consumo de contidos educativos, que se poidan orientar ao progreso e ás preferencias educativas do alumnado, a partir da aplicación das TIC.
Ademais, para mellorar a experiencia de usuario incorporaranse as segundas pantallas, así como a creación de contidos específicos baseados en realidade aumentada, realidade virtual etc... para ser consumidos nelas.
Por último, para completar o proxecto, está previsto deseñar modelos para a análise de datos, baseados en técnicas de Big Data, que permitan medir e analizar os comportamentos da audiencia co obxectivo de crear canles multimedia personalizadas.
Orzamento
Ambas entidades investirán na iniciativa un orzamento total de 2.430.000 euros ata o 2020. A axencia pública autonómica achegará 1.780.000 de euros, cofinanciados nun 80% con Fondos Feder, para facilitar o posicionamento da televisión pública autonómica nos novos hábitos de consumo.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...