O Colexio Profesional de Enxeñaría en Informática de Galicia, o CPEIG, celebra este mes a undécima edición da súa Noite da Enxeñaría en Informática de Galicia, a gran festa das novas tecnoloxías da nosa terra. A nova cita será no Hotel Monumento San Francisco en Santiago de Compostela, o 28 de xuño. A gala contará coa presenza do actor galego Luis Zahera, que oficiará de mestre de cerimonias. Entre os pratos fortes da celebración inclúense os Premios anuais do CPEIG, que veñen con dez categorías. Algunha das entidades e personalidades distinguidas xa foron dadas a coñecer: o IGAPE, Carlos Vázquez Mariño (AMTEGA) e a enxeñeira Mónica Fernández Bugallo (Premio Ada Byron).
A listaxe de galardóns é a seguinte:
As actividades darán comezo ás 20.00 horas co cóctel de benvida, que dará paso á entrega dos devanditos premios convocados anualmente polo CPEIG, cos que se distinguen as mellores contribucións das empresas, entidades e profesionais da nosa terra ao impulso tecnolóxico galego, á igualdade e o noso progreso TIC. De seguido, comezarán a cea e (sobre as 23.30 horas) a actuación musical. O evento ten o obxectivo de achegar un punto de encontro para todas e todos os colexiados, estendendo este espazo común de celebración do coñecemento e a innovación aos responsables das empresas TIC da nosa terra e das entidades públicas con competencia directa ou indirecta no dixital.
A Axencia para a Modernización Tecnolóxica de Galicia (Amtega), e Arkitas Robótica S.L., en calidade de aliado dixital da Xunta, traen hoxe ao Gaiás a World Robot Olympiad Galicia 2019 (WRO), unha olimpíada de robótica educativa de alcance internacional, que se celebra anualmente e que, cada ano, xira ao redor dunha temática diferente. Esta actividade enmárcase nas iniciativas do Plan DigiTalent para o fomento das vocacións TIC e a especialización dos perfís dixitais.
Os retos da edición de 2019 están dedicados ás Cidades Intelixentes. Os participantes deben construír, nun tempo récord, un robot innovador que supere un dos distintos retos propostos. As categorías da WRO GALICIA 2019 son: Regular ( WeDo, Elementary e Junior High) e Football. Na xornada de hoxe haberá 70 rapaces e rapazas agrupados en equipos participando en dous retos (Regular e Football) con diferentes categorías, segundo as idades dos participantes, que van desde os 6 ata os 19 anos.
A participación na competición que se celebra en Galicia será clasificatoria para a fase nacional e a final internacional. A fase nacional, organizada pola Fundación educaBOT (https://fundacioeducabot.org), celebrarase en setembro en Platja d’Aro (Girona). Posteriormente, a final internacional terá lugar en novembro deste ano en Hungría. Na edición anterior, tres alumnos do colexio Compañía de María da Coruña xunto cun profesor participaron co seu robot na fase internacional, celebrada en Tailandia.
A World Robot Olympiad é unha competición de robótica educativa de ámbito internacional, que ofrece aos nenos e nenas unha oportunidade de achegarse dunha maneira lúdica e divertida á tecnoloxía e á enxeñería.
Os estudantes, coa orientación dun entrenador, deben construír un robot innovador que supere un reto en cada unha das categorías propostas. Na categoría Regular, os equipos deben construír robots que consigan a máxima puntuación ao resolver probas presentadas sobre un taboleiro. Na categoría Football, os equipos de dous robots autónomos enfróntanse co obxectivo de marcar máis goles que o equipo rival.
Así, aprenden e demostran a súa capacidade de resolución de problemas, ao mesmo tempo que desenvolven competencias persoais.
Como novidade, nesta quinta edición, cabe destacar o Reto Lego Wedo. O novo reto consiste en construír un robot que poida recoller aos nenos nas súas casas e transportalos á escola. Ademais, o robot tamén debe poder entregar froita á escola.
Esta actuación, realizada co aliado dixital Arkitas (www.arkitas.es), súmase ás quince iniciativas que veñen desenvolvéndose desde o inicio do curso 2018-2019 e coas que a Amtega e o sector TIC suman esforzos para avanzar no desenvolvemento de dous dos eixos estratéxicos do Plan DigiTalent: as vocacións científico-tecnolóxicas e os novos perfís dixitais.
Toda a información sobre as novas actividades e as que están en curso están dispoñibles no portal do Plan DigiTalent (https://digitalent.xunta.gal). Esta web é o punto de acceso ao catálogo de actividades e permite unha consulta adaptada ás necesidades dos distintos perfís de usuarios, ofrecendo información personalizada, segundo rango de idades, datas e lugares de celebración, entre outros criterios.
O Plan de Promoción do Talento Dixital de Galicia 2020, DigiTalent, concibiuse como un plan de actuacións vivo e aberto á colaboración e reflexión de todos os axentes do ecosistema.
A Vicerreitoría do Campus de Pontevedra (UVigo) está a impulsar unha serie de obradoiros sobre a aplicación didáctica das novas tecnoloxías, tanto no ámbito da docencia en si mesma como no da innovación. O programa formativo, argallado ao abeiro das actividades do Campus Crea, levarase a cabo entre os meses de xullo e novembro na Aula Tecnolóxica da Casa das Campás. Dirixidos ao alumnado, haberá dous talleres sobre impresión 3D e dous cursos sobre o uso da robótica e da gamificación como ferramentas docentes, todos eles de 20 horas de duración e con inscrición de balde, que pode realizarse na plataforma Culturxest.
A primeira destas actividades en celebrarse, entre o 17 e o 24 de xullo, será o taller A gamificación como ferramenta de innovación e motivación na didáctica educativa, un obradoiro centrado nunha técnica de ensino que traslada a mecánica dos xogos ao ámbito educativo coa finalidade de conseguir mellores resultados na aprendizaxe.
O pleno anual do Observatorio da Sociedade da Información (Osimga) celebrouse esta mañá en Santiago, presidido pola directora da Amtega, Mar Pereira, que deu conta das medidas desenvolvidas durante os catro anos de desenvolvemento da Axenda Dixital de Galicia 2020 (ADG2020), impulsada desde este departamento autonómico. Ademais, informou do Plan de Traballo do Osimga para 2019 e fixo balance da situación da Sociedade da Información en Galicia, baseado nos últimos datos do Observatorio.
Desde 2015, a ADG2020 mobilizou máis de 900 millóns de euros, dos que máis de 260 se corresponden con capital privado. O sector tecnolóxico ten un papel chave na implantación destas actuacións. En Galicia, o número de empresas do Hipersector TIC con máis de 23.300 empregados e 3.474 empresas, rexistrou un crecemento sostido desde o ano 2013 de case un 10%.
A directora da Amtega destacou as actuacións para mellorar a conectividade do tecido e os despregamentos para a extensión de redes en núcleos de menos de 300 habitantes. En 2018 aprobouse o Plan Galicia 5G que permitirá a realización de 9 pilotos con esta tecnoloxía na Comunidade, aos que se sumarán outros 9 grazas a unha convocatoria estatal
En canto ao proceso de dixitalización da Administración destacou que as xestións online a través da sede electrónica da Xunta incrementáronse un 90% en 2018 e a tramitación telemática supera a presencial.
O ámbito do ensino integramente dixital en Galicia beneficia a 18.000 alumnos. Ao mesmo tempo promovéronse os coñecementos STEM iniciándose o STEMbach de xeito experimental en 14 centros no curso 2018/19. Ademais, no marco do Plan de Inclusión Dixital impulsáronse novas iniciativas coa a colaboración de máis de 820 Aliad@s Dixitais, conseguindo achegar a tecnoloxía a máis de 81.800 galegos a través da Rede de Aulas públicas CeMIT
Con respecto aos sectores estratéxicos da economía galega, afondouse no desenvolvemento de iniciativas tecnolóxicas para posicionar Galicia como destino turístico intelixente, e avanzouse na dixitalización e difusión do patrimonio cultural ao abeiro da Memoria Dixital de Galicia. Por outra banda, apostouse pola transformación dixital do sector primario co Programa Primare, que ten en marcha tres proxectos de CPTi para automatizar as inspeccións no marco das axudas da PAC e, no sector do mar, abordouse a dixitalización de tres lonxas.
En canto ao sector TIC no 2018, púxose en marcha o plan DICO Mindset para impulsar os contidos dixitais en Galicia, destacando o lanzamento do proceso de consultas ao mercado para incorporar novos servizos interactivos na oferta da CRTVG e a 1ª convocatoria da aceleradora de contidos dixitais StartupsR_Dico Challenge, en colaboración co operador R.
Este curso activouse o catálogo de actuacións do Plan DigiTalent para achegar as tendencias tecnolóxicas aos máis novos e reforzar o atractivo vocacional das profesións dixitais, con talleres lúdico-formativos, sesións de mentorado, campamentos tecnolóxicos ou accións informativas e orientativas.
A Axenda Dixital de Galicia 2020 está a conformar un marco sólido para articular un modelo de crecemento vinculado á economía dixital e que agora debe ser completado por unha estratexia para reaccionar de xeito áxil e sostible ante os grandes cambios que trae a transformación dixital.
Neste contexto, vén de lanzarse o proceso de elaboración da Estratexia Dixital de Galicia 2030 da que serán participes a cidadanía, as empresas e as administracións, co obxectivo de contribuír ao aumento da calidade de vida e ao desenvolvemento sostible nas súas tres vertentes: económica, social e medioambiental.
No Pleno do Osimga tamén se presentaron as principais novidades do Plan de Traballo do Observatorio como a elaboración dun novo estudo sobre a traxectoria profesional dos egresados STEM nas tres universidades galegas para poder avaliar a adecuación da formación á demanda laboral e ás expectativas profesionais dos mozos galegos.
Este estudo encádrase na crecente demanda de perfís especializados, por parte do sector TIC galego, e permitirá analizar a adaptación, xeración, retención e atracción de talento dixital para cubrir as demandas do mercado; adiantándose ás necesidades de formación de novos perfís dixitais
Ademais, neste 2019 ampliarase a información relativa a fogares e familias, o que permitirá obter informes complementarios sobre as redes sociais e apps que utiliza a poboación galega.
No ámbito das empresas TIC iniciarase unha nova liña de traballo, engadindo novos indicadores como o uso de impresión 3D e robótica, Ciberseguridade e novas tecnoloxías de transacción económica a través de Internet (blockchain).
Adestrando a nosa mente poderemos aliviar a ansiedade, a tensión e outras patoloxías, obtendo un benestar que nos permite controlar pensamentos e emocións.
Analizar fríamente a causa dos nosos problemas, sen distraccións, é o que nos permite resolvelos e alcanzar esa paz tan ansiada. Non é fácil, pero cunha pequena axuda e un pouco de adestramento, podemos conseguilo.
Contidos:
Usa a Tecnoloxía para coidar a túa mente!
O xurado da V edición dos Premios Discapnet ás Tecnoloxías Accesibles da Fundación ONCE, presidido por Miguel Carballeda, presidente do Grupo Social ONCE, seleccionou a 9 finalistas do total das 80 candidaturas presentadas entre as tres categorías desta convocatoria, cuxos premios entregaranse nun acto público que terá lugar o próximo 21 de xuño en Madrid.
Os devanditos premios recoñecen as mellores iniciativas e accións no campo das Tecnoloxías da Información e a Comunicación (TIC) aplicadas á mellora da calidade de vida das persoas con discapacidade, así como ás empresas, entidades ou organizacións que desenvolvesen un labor continuado no campo da accesibilidade TIC.
Como na edición anterior, os galardóns estrutúranse en tres categorías: a primeira delas, a A ,premia ao mellor produto ou servizo baseado en tecnoloxías para a mellora da calidade de vida das persoas con discapacidade que xa estea dispoñible. Nesta edición o xurado seleccionou como finalistas a:
Na categoría B, o galardón é para a persoa, empresa, entidade ou organización que máis destacase pola súa traxectoria continuada en materia de mellora da accesibilidade á tecnoloxía. Optan a este premio:
Finalmente, o apartado C recoñece ao mellor proxecto de emprendemento con impacto social para a mellora da calidade de vida das persoas con discapacidade a través das TIC. Nesta ocasión son finalistas:
En canto á dotación dos premios, este ano será por primeira vez económica en todas as categorías. Desta forma, os galardoados nos apartados A e B recibirán 5.000 euros, mentres que o traballo premiado no C contará con 20.000 euros. Neste último caso, o diñeiro haberá de destinarse integramente ao desenvolvemento do proxecto galardoado.
Na súa V edición, os Premios Discapnet ás Tecnoloxías Accesibles trataron de fomentar, ademais, a participación de candidaturas procedentes de países non hispanofalantes. Así, o 30 por cento proveñen de fóra de España.
O Centro de Investigación TIC da UDC, emprazado no Campus de Elviña, recibiu a semana pasada (o 6 de xuño) a visita dun dun grupo de alumnos e alumnas da Universidade Senior da Universidade da Coruña, o programa universitario de maiores dirixido a persoas de idade igual ou superior a 50 anos.
O grupo de estudantes, na súa estadía en Elviña, visitou as instalacións do centro da man do subdirector do mesmo, Javier Pereira. Tras unha breve exposición das principais liñas de actividade, os asistentes dirixíronse a cuberta do edificio, onde puideron coñecer o funcionamento dun sensor de predición de precipitacións desenvolvido por investigadores do CITIC. Logo, no edificio CITIC 2 puideron coñecer o Centro de Proceso de Datos (CPD) e o seu funcionamento. Deseguido, visitaron a sala de demostracións, a Show Room, onde se lles mostrou un sistema de monitoraxe dunha unidade de coidados críticos no ámbito médico e outros demostradores de tecnoloxía materializada no propio centro.
Por último, algúns dos asistentes tiveron a oportunidade de experimentar diferentes sensacións a través dunha contorna de realidade virtual, liña na que se está traballando desde o grupo de investigación TALIONIS.
A semana pasada, o Living Lab do CITIC (o laboratorio colaborativo de probas tecnolóxicas do Centro de Investigación TIC da UDC), recibiu a primeira visita dunha persoa con diversidade funcional para avaliar a experiencia que transmite unha contorna de realidade virtual. Segundo informou o centro emprazado no Campus de Elviña, foi a primeira proba realizada na contorna do convenio de colaboración asinado entre o CITIC e COGAMI, salientando algúns dos seus obxectivos fundamentais: traballar conxuntamente no impulso de ferramentas que melloren a participación e autonomía dos colectivos con diversidades funcionais a través de solucións baseadas nos principios do deseño universal e centrado nas necesidades e capacidades dos usuarios.
Na proba fundacional do proxecto levada a cabo a semana pasada botouse man dunhas lentes HTC para experimentar con varios escenarios dixitais, entre os que se incluíron un escenario móbil (simulación de montaña rusa) e outro de posicionamento espacial (GoogleEarth). Os resultados, segundo informou o CITIC, “foron moi positivos”, xa que “a realidade virtual permitiu á persoa experimentar diferentes sensacións que nunha contorna real non podería realizar”. A partir desta primeira proba, evolucionarase até chegar a contidos que permitan traballar de maneira específica con estes colectivos as actividades da vida diaria e promover a participación en actividades de lecer que, doutra forma, non poderían ter acceso. Desde o CITIC comezarase a traballar na creación e proba de contornas particulares e personalizados con contidos significativos para cada participante.
O Concello de Lugo quere seguir afondando na formación tecnolóxica ligada ao emprego, un camiño consolidado con iniciativas como o Obradoiro TIC Arqueolóxico ou coa posta en marcha (este mes de maio) de Desenvolvelugo.org. Segundo vén de anunciar este mes de xuño o propio Goberno local, este ten proxectado impulsar dúas novas accións formativas para favorecer a inserción laboral de 36 veciñas e veciños. O ámbito temático será a posta en valor do importante patrimonio lucense a través da dixitalización, da preservación e da divulgación.
Con este obxectivo, o Concello de Lugo solicitaralle á Consellería de Economía a posta en marcha dos dous ditos obradoiros por un importe conxunto duns 498.000 euros. Trátase dos proxectos Lethes.TIC e Atrium.TIC, que foron dados a coñecer pola edil de Economía e Emprego, Ana Prieto, que emprazou estas actuacións na “responsabilidade do Concello e na súa obriga de facer todo o posible, con recursos propios ou con investimentos doutras entidades, a prol de paliar o desemprego no municipio”.
Cun orzamento de 324.896 euros,e dirixido a 20 persoas, contará con dúas especialidades formativas: Dinamización, programación e desenvolvemento de accións culturais, por unha banda, e Produción fotográfica, pola outra. Cada unha destas especialidades contará con 10 alumnos/as traballadores/as, que ao finalizar terán acceso a un certificado de profesionalidade de nivel tres. Cunha duración de 9 meses, incidirá na aplicación das novas Tecnoloxías da Información e a Comunicación (as TIC) na difusión e promoción da rede museística do Concello de Lugo. A finalidade, en palabras do Consistorio, será “dinamizar o patrimonio histórico da cidade; fomentando a súa xestión mediante a aplicación das novas tecnoloxías, cun tratamento específico para favorecer a súa preservación de cara ao futuro e a mellorar a súa difusión e acceso por parte do conxunto da cidadanía”.
Entre as súas actividades principais figura o desenvolvemento de visitas virtuais e percorridos 360º aos espazos expositivos do Concello, o deseño e desenvolvemento do programa cultural Lugo na memoria. Un percorrido pola historia da cidade (que “permita poñer en valor o importante pasado da cidade máis aló da súa significativa relevancia en época romana”) e, tamén, o desenvolvemento dunha campaña de difusión e valorización do comercio histórico coa creación do selo Establecemento singular de Lugo.
Este obradoiro vai dirixido a rapaces e rapazas menores de 30 anos e conta cun orzamento total de 173.553 euros. A actividade formativa estará integrada por: 1 director/a, 2 monitores/as e 16 alumnos/as, repartidos nas seguintes especialidades formativas: xestión documental e dixitalización de documentos. O proxecto executarase durante 6 meses, dende setembro de 2019 a marzo de 2020. Este obradoiro inclúe a organización e informatización dos arquivos de oficina de distintos servizos municipais, así como a dixitalización de expedientes ou actas.
A Historia Social Única Electrónica (HSUE) estenderase no 2020 aos dispositivos móbiles como axuda na atención ás persoas maiores, familias e coidadores. Así o adiantou esta mañá a directora da Axencia para a Modernización Tecnolóxica de Galicia (Amtega), Mar Pereira, durante a visita ao Centro de Excelencia en Tecnoloxías Innovadoras Sociosanitarias (CETISS) de Minsait, a filial de Indra, desde o que a compañía desenvolverá esta iniciativa. No acto participou tamén a conselleira directora xeral de Tecnoloxías da Información de Indra, Cristina Ruiz.
Segundo se avanzou no acto, a Xunta porá en marcha o vindeiro ano a plataforma “Asiste”, que integrada na Historia Social Única Electrónica (HSUE), facilitará aos profesionais sociais, coidadores e familiares, o seguimento das actuacións sociais, así como outros servizos de valor promovidos desde a Administración. “Asiste” contará cun asistente virtual, que a través de pictogramas e ferramentas de recoñecemento de voz facilitará a comunicación de xeito intuitivo.
Esta plataforma, que estará dispoñible para todos os cidadáns que teñan aberta unha historia social na Comunidade e se rexistren nela, facilitará a monitorizacion dos parámetros da súa actividade, biomedidas e xeolocalizacion. Os familiares e os coidadores autorizados terán acceso seguro a esta información e recibirán avisos e alertas en tempo real ante calquera anomalía nos patróns de actividade da persoa.
A Historia Social Única Electrónica (HSUE) contribúe a axilizar a tramitación dos servizos e prestacións e a proporcionar unha atención máis personalizada. Actualmente, a plataforma está dispoñible para os traballadores sociais de máis de 250 municipios e concentra as historias sociais en formato electrónico de máis de 650.000 cidadáns.
A posta en marcha Centro de Excelencia en Tecnoloxías Innovadoras Sociosanitarias (CETISS) na Cidade da Cultura enmárcase no Pacto Dixital de Galicia, asinado por Indra xunto con outras 12 empresas tecnolóxicas en 2013. O Centro, no que actualmente traballan 40 persoas, concentra o desenvolvemento de iniciativas de innovación tecnolóxica para o envellecemento activo e o empoderamento do paciente, a historia sociosanitaria, a tarxeta social ou o Fogar Dixital, entre outros.
Ademais, o CETISS está concibido como un centro demostrador de produtos e solucións orientados a mellorar a asistencia e calidade de vida dos cidadáns, nalgúns dos cales Minsait e a Xunta de Galicia traballan na actualidade. É o caso da Historia Social Única Electrónica e da solución de Fogar Dixital.
Outro obxectivo do CETISS é actuar como elemento dinamizador para a creación dunha comunidade estable entre empresa, universidade, institucións sanitarias e centros de I+D+i galegos, que promova a mellora continua e a innovación, tanto a nivel local como internacional. Ademais, prevese prestar servizos baseados nas solucións desenvolvidas no centro a clientes doutras comunidades autónomas e países.
No acto desta mañá anunciouse, ademáis, o lanzamento dunha convocatoria para detectar ideas disruptivas que impulsen o emprendemento tecnolóxico e o desenvolvemento de novas empresas (startups) no ámbito sociosanitario. A convocatoria será lanzada ao longo deste ano desde Indraventures, o vehículo en torno ao cal se articula a innovación corporativa de Indra, contará coa colaboración da Amtega e será canalizada desde o CETISS,
Esta convocatoria estará aberta a todo o ecosistema innovador nacional e mesmo internacional, desde emprendedores ou estudantes a universidades, empresas xurdidas doutras (spinoffs) e centros tecnolóxicos, entre outras, para a presentación de iniciativas de negocio de base tecnolóxica en distintas fases de madurez, incluídas as que se atopan en fase semente. As propostas gañadoras recibirán apoio económico e asesoramento para a súa aceleración durante seis meses, dentro e fóra de Galicia
Desde a súa posta en marcha en 2017, Indraventures analizou máis de 700 startups e facilitou a Indra acordos con algunhas delas. A través de Indraventures, Indra tamén lanzou coa Xunta de Galicia a primeira edición da aceleradora especializada no sector aeroespacial BFAero e co Cabildo de Gran Canaria unha convocatoria para apoiar ideas innovadoras vinculadas aos seus retos como illa intelixente.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...