De primeiras pode parecer que o teléfono móbil non nos vai axudar demasiado no terreo da saúde, con todo, co desenvolvemento das aplicacións, o noso dispositivo pode converterse nunha das ferramentas máis prácticas para axudarnos a controlar a nosa saúde.
Neste seminario veremos que, sexa mediante as aplicacións no móbil ou utilizando unha pulseira ou reloxo intelixente, seguro que temos moitas alternativas para estar ao día coa nosa saúde.
Usa a tecnoloxía para controlar a túa saúde!
Contidos:
Sabes que é a "nube" da internet? Coñeces todo o que che pode ofrecer? Co incremento da velocidade da internet e a evolución dos servizos que ofrecen moitas empresas, é necesario profundar neste tema para elixir a opción que mellor se adapte ás nosas necesidades.
Apúntate a este curso e aprende a crear todo tipo de documentos en liña, a manter sincronizados e a ter a recado todos os teus arquivos e recordos dixitais así como a acceder a eles en calquera momento e lugar.
Contidos
Crea na internet a túa nube persoal!
Os grupos de WhatsApp son unha forma moi práctica de comunicarse con varias persoas ao mesmo tempo pero, coñeces todas as opcións de xestión que ofrecen? Estás ao tanto das implicacións legais que conlevan crealos?
Neste último curso da serie sobre WhatsApp falaremos das cuestións que debes ter en conta á hora de engadir contactos a un grupo para respectar a lei de protección de datos e aprenderás todo o que necesitas saber para administrar de forma eficiente os teus chats grupais de familiares ou amigos.
Contidos
Conversa simultaneamente con todos os teus seres queridos!
WhatsApp é unha aplicación que hoxe día non só serve para chatear, senón que foi incorporando novidades moi útiles que en moitos casos non coñecemos.
Neste segundo curso dedicado a WhatsApp aprenderás a compartir todo tipo de arquivos multimedia, a chatear a través da voz, a realizar chamadas e vídeochamadas tanto individuais como grupais e a administrar e organizar as túas conversacións de forma eficaz.
Contidos
Descobre como sacarlle todo o partido a WhatsApp!
Seguro que usas WhatsApp a diario pero coñeces todas as súas funcionalidades? Sabes como sacarlle o máximo partido?
Este curso é o primeiro dun ciclo de tres sesións dedicadas a profundar no manexo de WhatsApp; neste inicial ensinarémosche a realizar os axustes necesarios para cambiar a súa aparencia, protexer a túa privacidade ou facer unha copia de seguridade de todas as túas conversacións.
Contidos
Personaliza a aparencia da túa WhatsApp.
Aprende a configurar WhatsApp!
A aula CeMIT de Ribeira vai desenvolver durante o mes de setembro dúas charlas online gratuítas dedicadas, respectivamente, a ferramentas de control online de contidos e servizos para familias e á iniciación á edición dixital de imaxes.
A primeira delas (baixo o título Ferramentas de control parental e seguridade en contornas dixitais) desenvolverase o 24 de setembro en horario de 18 a 19.45 horas, con oito prazas habilitadas.
A segunda (Iniciación á edición dixital en imaxes) desenvolverase o 29 de setembro de 10 a 11.45 horas, tamén con oito prazas.
Ambas accións realízanse en colaboración coa Redes de Puntos de Inclusión Dixital de Castela A Mancha. As inscricións pódense formalizar na aula CeMIT (sita en Cubeliños número 1 / teléfono 981 876 043) ou ben de maneira telemática no propio espazo web da aula ribeirense.
A aula CeMIT do Concello de Boiro oferta novos cursos en informática para o mes de outubro, que se van realizar de xeito presencial no Centro Social de Boiro. A programación de outubro inclúe catro actividades formativas de distintas modalidades: retoque de fotos, edición de vídeo e usos e vantaxes da suite de ofimática libre Libreoffice Writer e Calc.
O primeiro dos obradoiros que se vai impartir é o de Retoque de fotos con GIMP, que se vai impartir os días 5 6, 7 e 8 de outubro e no que os usuarios van aprender o funcionamento desta ferramenta de retoque de imaxes, debuxos ou fotografías. Os días 13, 14, 15 vaise realizar o curso de edición de vídeo.
As últimas actividades formativas van ser de manexo de Libreoffice. A primeira delas, os días 19, 20, 21 e 22 de outubro será de LibreOffice Writer para a creación de documentos en diversos formatos. Os días 26, 27, 28 e 29 vaise realizar o curso de LibreOffice Calc, no que os asistentes poderán aprender a traballar con follas de calculo. Todos os cursos se van realizar de forma presencial cumprindo coas medidas de seguridade e aforo, en horario de 10.00 a 12.30 horas. As prazas son limitadas e as inscricións poden facerse en axentetic@boiro.org ou no teléfono 981 84 26 35.
Organizada pola Oficina de Software Libre do CIXUG e patrocinada pola AMTEGA, como en anos anteriores incluirá relatorios sobre temas de actualidade co obxectivo de promocionar o coñecemento da linguaxe estatística R e as súas aplicacións, así como proporcionar un punto de encontro para todas aquelas persoas interesadas en intercambiar as súas experiencias e atopar colaboracións do resto da comunidade.
Até este 18 de setembro vai ficar aberto o prazo para presentar propostas de relatorios á sétima Xornada de Usuarios de R en Galicia. Os traballos recibidos serán sometidos a revisión polo comité científico e logo notificarase por correo electrónico o resultado da revisión. A xornada, como dixemos, celebrarase o 15 de outubro de 2020 en formato virtual (por primeira vez na historia desta xuntanza de traballo e divulgación e como medida de seguridade sanitaria anti-COVID para as e os participantes). Polo tanto, as diferentes actividades retransmitiranse en vivo e en streaming. Ademais, os vídeos serán pendurados ao remate da xornada no sitio en YouTube da Xornada de Usuarios de R en Galicia.
Esta iniciativa enmárcase no convenio de colaboración asinado entre a axencia autonómica AMTEGA e o CIXUG para a realización de actividades de fomento do software libre en Galicia. O evento ten como obxectivos a promoción da linguaxe R e as súas aplicacións, ademais de facilitar o traballo en rede entre a comunidade de persoas usuarias da linguaxe e aquelas outras interesadas en coñecela ou en poñer en común as súas experiencias. Como lembraremos, R é un software orixinariamente deseñado para a análise estatística e a realización de gráficos e que nestes intres estase a utilizar en numerosos eidos relacionados coa estatística (xenómica, biomedicina, econometría, Big Data, bioloxía...). R ten unha natureza dupla de programa e de linguaxe de programación e distribúese baixo licenza GNU-GPL.
O FLISoL é o evento de difusión de Software Libre máis grande en Latinoamérica e está dirixido a todo tipo de público: estudantes, académicos, empresarios, traballadores, funcionarios públicos, entusiastas e mesmo persoas que non posúen moito coñecemento informático.
A entrada é gratuíta e o seu principal obxectivo é promover o uso do software libre, dando a coñecer ao público en xeral a súa filosofía, alcances, avances e desenvolvemento.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...