A campaña dixital contra o acoso e a violencia machista do Concello de Pontevedra posta en marcha en 2016 deu como resultado preto de 4.000 publicacións en Twitter e Facebook. Este material xerado pola campaña (a iniciativa #PrimAcoso, que convidaba ás mulleres a denunciar a través das redes sociais a primeira experiencia de acoso e violencia sexual que sufriran) está a ser analizado arestora por investigadoras da UVigo, máis en detalle polo grupo Saúde, Sexualidade e Xénero, que coordina a profesora María Lameiras. Tanto os traballos de análise como o propio material do que se parte son pioneiros respecto do uso das redes como plataformas nas que identificar e visualizar este tipo de condutas.

Entre as conclusións que lanzan as investigadoras (María Lameiras, María Victoria Carrera e Yolanda Rodríguez) atópase unha conclusión arrepiante: o sexual infantil amósase como a situación maioritaria en canto á primeira experiencia de violencia sexual vivida.
Estes e outros datos presentaranse no marco dos actos do 25N (Día Internacional contra a Violencia Machista), segundo anunciaron este luns en rolda de prensa a concelleira de Igualdade Carme Fouces, e a coordinadora do proxecto.

Facendo un pouco de memoria, na rolda lembraron que a campaña desenvolveuse ao longo de tres semanas de novembro de 2016, co obxectivo de empregar as redes sociais para facer denuncia e poñendo o foco “na base da pirámide a partir da que se edifica toda a violencia contra as mulleres”. A proposta, sinalouse hoxe, permitiu reunir unha información coa que era preciso facer “un estudo profundo e serio” que permitise a extracción dunha serie de conclusión “fundamentais para despois poder tomar decisións políticas”, explicou Fouces. A base do estudo, a materia primeira, son os datos xerados nas redes sociais, máis polo miúdo as preto de 3.000 publicacións recollidas en Twitter e outras 1.000 procedentes de Facebook, que permiten, entre outras cousas, analizar as “ideas, expresións e experiencias” relatadas polas vítimas.

A ferramenta que se está a empregar é o programa informático de análise cualitativa Atlas.ti. A través dela, as investigadoras triangulan toda a documentación colleitada nas redes sociais co propósito de que permitan unha agrupación de información, “para despois traballar desde os coñecementos que temos desta problemática”.

O estudo atópase arestora na fase de interpretación, discusión e redacción das conclusións. Porén, xa lles permitiu determinar unha serie de categorías coas que poder analizar estes datos, sendo as “categorías primarias” as que definen “os distintos tipos de abuso”. Como dixemos, o abuso sexual infantil, amósase como maioritario entre as persoas que responderon ao devandito cancelo dixital, segundo explicou Lameiras, que sinalou que “o máis frecuente é que esa primeira experiencia se produza na nenez”.
A partires do tipo de acoso, establécense tamén outro tipo de categorías que abordan desde a idade na que tivo lugar esta experiencia, ao momento do día no que se produciu, se tivo lugar nun espazo público ou privado, a duración dos abusos ou a identificación do agresor, se está é unha persoa coñecida ou descoñecida.

• Está previsto que para 2020 as mulleres programadoras representen o 15-20% do total de traballadores do sector da programación, con todo, as diferenzas de xénero continúan manifestándose a través das diferenzas nos soldos, as tarefas que se asignan ás mulleres e mesmo no acoso laboral ou os comentarios sexistas.

• A iniciativa da Consellería de Economía, Emprego e Industria ofrece, a través dun plan formativo, as oportunidades que as entidades de economía social brindan ás mulleres para o seu desenvolvemento persoal e profesional
• A segunda edición desta actuación incorpora este ano como novidade a celebración dun foro participativo no que as protagonistas serán as mulleres matriculadas no programa este ano e o anterior

A Consellería de Economía, Emprego e Industria abre mañá e ata o 15 de xullo o prazo para matricularse no programa formativo Medrando Xuntas, que organiza a Secretaría Xeral de Emprego para apoiar o talento feminino na economía social. A iniciativa conta con dous itinerarios, un dirixido a mulleres con responsabilidades de goberno e de xestión nas entidades de economía social e outro cuxas destinatarias son socias e/ou traballadoras.

Deste xeito, Medrando Xuntas. Directivas ofrece unha formación integral desde a perspectiva de xénero, co fin de potenciar as capacidades directivas das mulleres participantes como factor clave no seu posterior desenvolvemento profesional. Trátase dun curso executivo de 80 horas de duración, das cales 65 son presenciais e as restantes a distancia. Terá lugar entre o 7 de outubro e o 1 de decembro de 2018, na sede da Escola Galega de Administración Pública en Santiago de Compostela.

O programa conta cun cadro docente especializado nas diferentes áreas temáticas do curso, que abarcan cuestións vinculadas á xestión das organizacións de economía social (como a xestión operativa, de proxectos, a innovación, a transformación dixital, a responsabilidade social e a xestión do xénero e a diversidade) e habilidades directivas como o liderado participativo, o desenvolvemento e marca persoal, comunicación e oratoria e reunións eficientes de traballo.

Por outra banda, Medrando Xuntas. Socias e Traballadoras inclúe formación específica enfocada para empoderar as mulleres pertencentes ás organizacións de economía social en contornas urbanas e rurais. Será un curso de 20 horas de duración que terán lugar na sede da Fundación CEL en Lugo, entre os meses de outubro e novembro de 2018. Esta acción súmase ás xa realizados o pasado ano na Coruña, Vigo e Ourense.

O programa formativo segue a mesma estrutura que o de directivas, cunha parte centrada en xestión das organizacións de economía social e outra en habilidades directivas.

A segunda edición de Medrando Xuntas incorporará este ano como novidade un foro participativo coas alumnas de ambas as dúas promocións. Será un espazo de conversa sobre os retos, desafíos e oportunidades que as mulleres teñen no mundo da economía social e as ferramentas e estratexias que se están a desenvolver para contribuír á construción de modelos de negocio de éxito, a través da creación dunha nova economía máis xusta, solidaria e xerativa.

Toda a información relativa á iniciativa pode consultarse na web de Eusumo, www.eusumo.gal/ As prazas para participar no programa formativo son limitadas. A inscrición pode realizarse a través do formulario que pode atoparse na web de Eusumo para o curso de directivas e para o de socias e traballadoras; no correo electrónico medrandoxuntas.emprego@xunta.gal; ou no teléfono 605 545 606.

• A secretaria xeral da Igualdade, Susana López Abella, participou hoxe na presentación do obradoiro ‘Confianza e seguridade das mulleres na Rede’ na Asociación de Mariscadoras Virxe do Carme de Arcade

A secretaria xeral da Igualdade, Susana López Abella, participou hoxe na presentación do ‘Obradoiro sobre confianza e seguridade das mulleres na rede’ da Asociación de Mariscadores Virxe do Carme de Arcade, que pretende capacitar ás mulleres para un uso responsable e seguro en Internet.

Susana López Abella indicou que os talleres teñen como finalidade promover a participación das mulleres na Sociedade da Información, aumentando a súa confianza e seguridade no uso das novas tecnoloxías da información e da comunicación tendo en conta os posibles riscos que poden atoparse na Internet e incluíndo unha serie de recomendacións e consellos para previlos.

As novas tecnoloxías poden achegar á sociedade no seu conxunto, á poboación en xeral e ás mulleres en particular, múltiples oportunidades e beneficios. Non obstante, tamén xorden novos riscos. Como en moitos outros ámbitos, as mulleres presentan maior vulnerabilidade a algúns destes riscos: as fendas dixitais de xénero poden dificultar o acceso ao emprego, á formación ou á información en xeral, ou aparecer novos riscos de sufrir violencia de xénero.

As sesións desenvolveranse seguindo unha metodoloxía participativa transversalizando o enfoque de xénero en todo o proceso. Realizaranse diferentes actividades co propósito de que as participantes consigan descubrir conceptos básicos sobre a seguridade na rede. Propiciarase a realización de casos prácticos que faciliten a aprendizaxe mediante a reflexión grupal.

Co gallo de atopar respostas para unha problemática que vai a máis (a progresiva desaparición das carreiras tecnolóxicas entre as principais eleccións formativas das nosas mozas), a Universidade de Vigo organizou unha xornada-obradoiro que quixo ser un chamamento a alentar ás novas xeracións de mozas para que consideren o ámbito das TIC e das restantes enxeñararías como un ámbito axeitado para o seu desenvolvemento académico, investigador e profesional. Entre outras cousas, a cita (celebrada na sede do Consorcio da Zona Franca de Vigo, en Bouzas) serviu para presentar o programa IREI (Inspirando ás Rapazas para Estudar Enxeñaría), un programa cuxo nome fala por si só dos seus cometidos: cómpre conseguir que as mozas acheguen ao seu talento ás TIC, doutro xeito o progreso tecnolóxico (e as súas vantaxes) ficará moi por debaixo das expectativas. Na xornada lembrouse que a presenza de alumnado feminino nos sete centros nos que se imparten titulacións de enxeñaría na UVigo é de só o 19,7%.

Contouse coa presenza de Teresa Pedrosa, delegada do Consorcio, Carmela Silva, presidenta da Deputación de Pontevedra, Susana López Abella, secretaria xeral de Igualdade da Xunta, Dolores González, vicerreitora de Estudantes da Universidade de Vigo e a comisionada do Vigo Tecnolóxico, Edita de Lorenzo.

Precisamente, a vicerreitora foi a encargada de presentar a iniciativa, recordando que esta segue en boa medida o ronsel de Inspira STEAM, da Universidade de Deusto. As liñas estratéxicas de Inspira STEAM foron dadas a coñecer por Oihane Zarate, quen tamén afondou en metodoloxías de asesoramento para reverter as devanditas fendas de xénero nas carreiras tecnolóxicas. Segundo fixo saber a vicerreitora, “se no curso 2004/2005, as mulleres matriculadas en Galicia en carreiras de enxeñarías ou relacionadas coa arquitectura supuñan un 36,4% do total, en 2015/2016 non se chegaba nin a un cuarto do total, cun 24,5%. A evolución amosa unha caída lenta aínda que constante”, explicou. 

Pola súa banda, Carmela Silva denunciou que se “empuxe ás nenas desde que nacen para que non escollan carreiras tecnolóxicas” ao tempo que incidiu na necesidade de dar visibilidade aos logros das mulleres neste ámbito e animou a “cambiar o presente para que as mulleres cheguen a todo o coñecemento”.

A secretaria xeral de Igualdade, Susana López Abella, felicitou á Universidade de Vigo pola posta en marcha desta iniciativa e laiouse de que a presenza de mulleres en carreiras “con futuro inmediato de éxito non supere o 20%”. 

Pola súa parte, a delegada do Estado na Zona Franca de Vigo, Teresa Pedrosa, alertou da necesidade de “incrementar a formación e incorporación de mulleres ás profesións relacionadas co ámbito dixital” e amosou a disposición do consorcio a “acadar as mentoras necesarias para poñer esta iniciativa en marcha” entre as 620 empresas e máis de 22.000 traballadoras e traballadores que desenvolven a súa actividade arredor da Zona Franca. 

A comisionada do Vigo Tecnolóxico, Edita de Lorenzo, asegurou que “temos un problema grave” e animou ás mulleres tecnólogas a facérense visíbeis perante as nenas de 9, 10 e 11 anos, “xa que é bonito axudar á que a sociedade funcione mellor e a resolver problemas”. No acto de hoxe tamén participou o director da Escola de Enxeñaría de Telecomunicación, Íñigo Cuiñas, que afondou na situación particular da Universidade de Vigo en cuestión de fendas de xénero. Segundo lembrou, no curso 1991/1992 rexistraba un 23,6% de alumnas de novo ingreso nas carreiras de enxeñaría, mentres que no curso 2017/2018 esta cifra baixara a un 19,7%. En canto ao número de graduadas en enxeñarías nos catro últimos cursos, Cuiñas situouno nun 22,9% do total de 992 persoas tituladas, asegurando que “non parece que as rapazas teñan peores resultados cós rapaces. En realidade, as porcentaxes son semellantes e máis, cantos máis anos se analizan”, asegurou.

Seguindo o fío das actividades da semana pasada, inseridas na celebración do Día das Rapazas nas TIC (tanto as celebradas polo CESGA coma as desenvolvidas polo CITIC na Coruña), e co obxectivo de visualizar unha problemática que vai a máis (a progresiva desaparición das carreiras tecnolóxicas entre as principais eleccións formativas das nosas mozas), a Universidade de Vigo organiza a semana vindeira, o luns 7 de maio, un obradoiro que quere ser un chamamento a alentar ás novas xeracións de mozas para que consideren o ámbito das TIC como un ámbito axeitado para o seu desenvolvemento académico, investigador e profesional. A cita IREI (Inspirando ás Rapazas para Estudar Enxeñaría) será na aula de internacionalización da sede do Consorcio da Zona Franca, en Bouzas. 

Contarase na sesión de apertura (ás 10.30 horas) coa presenza de Teresa Pedrosa, delegada do Consorcio, Carmela Silva, presidenta da Deputación de Pontevedra, Susana López Abella, secretaria xeral de Igualdade da Xunta, e Dolores González, vicerreitora de Estudantes da Universidade de Vigo. A continuación será a quenda do relatorio Contextualización e caracterización do problema, a cargo de Dolores González e Iñigo Cuiñas, director da Escola de Enxeñaría de Telecomunicación. Logo da pausa do café, presentarase a iniciativa Inspira STEAM da Universidade de Deusto, de man de Oihane Zarate. Ao fío das 12.15, Zarate afondará en estratexias de asesoramento para reverter as devanditas fendas de xénero nas carreiras tecnolóxicas.

Este 26 de abril se celebró en el mundo el Día Internacional de las Chicas en las TIC, y nosotros estuvimos en el que fue el epicentro de la conmemoración gallega: la sede del Centro de Supercomputación de Galicia (CESGA), donde cientos de niñas y niños de nuestra tierra (in situ y por videoconferencia) departieron e interactuaron con cuatro representantes femeninas de nuestro sector de la innovación y de las nuevas tecnologías. Sin embargo, las celebraciones de nuestra tierra no se limitaron a las organizadas en Santiago por el Centro de Supercomputación de Galicia y el CPEIG. En A Coruña, el Centro de Investigación TIC (CITIC) se sumó a la jornada un día antes, el 25 de abril, con una actividad de divulgación dirigida a los niños y con el objetivo de alentar el uso de las nuevas tecnologías entre las niñas.

En el evento organizado por el CITIC, la chavalada disfrutó de un cuentacuentos sobre biografías de mujeres relevantes en el mundo del TIC, singulares científicas y desarrolladoras como Ada Lovelace, la madre de la programación informática; Grace Murray, que desarrolló el primer compilador para un lenguaje de programación o Hedy Lamarr, inventora de la tecnología precursora del Wi-Fi, el Bluetooth y el sistema de localización por satélite GPS.

Para las/los seguidores de la robótica, se celebró también un taller creativo, que fue impartido por el investigador del CITIC, Javier Pereira, y que contó con LEGO Wedo, Escornabot, Makeblock y Robot Evolution. También hubo margen para disfrutar con juegos interactivos desarrollados con Scratch, en los que tuvieron presencia los encerados electrónicos, las gafas con sensores y diferentes elementos generados con el MakeyMakey, un producto de hardware abierto que da la oportunidad de tener una primera toma de contacto con una placa de circuitos impresos.

Según informa el CITIC, la nota creativa la puso el taller de dibujo ¿Qué son para ti las TIC?, en el que todas los niños dejaron volar su imaginación y así contaron su relación con la tecnología y la importancia que tiene en su día a día.

Este 26 de abril celebrouse no mundo o Día Internacional das Rapazas nas TIC, e nós estivemos no que foi o epicentro da conmemoración galega: a sede do Centro de Supercomputación de Galicia (CESGA), onde centos de nenas e nenos da nosa terra (in situ e por videoconferencia) departiron e interactuaron con catro representantes femininas do noso sector da innovación e das novas tecnoloxías. Porén, as celebracións da nosa terra non se limitaron ás organizadas en Santiago polo Centro de Supercomputación de Galicia e o CPEIG. Na Coruña, o Centro de Investigación TIC (CITIC) sumouse á xornada un día antes, o 25 de abril, cunha actividade de divulgación dirixida ás crianzas e co obxectivo de alentar o uso das novas tecnoloxías entre as nenas.

No evento organizado polo CITIC, a rapazada gozou dun contacontos sobre biografías de mulleres relevantes no mundo do TIC, senlleiras científicas e desenvolvedoras como Ada Lovelace, a nai da programación informática; Grace Murray, que desenvolveu o primeiro compilador para unha linguaxe de programación ou Hedy Lamarr, inventora da tecnoloxía precursora do Wi-Fi, o Bluetooth e o sistema de localización por satélite GPS.

Para as/os seareiras/os da robótica, celebrouse tamén un obradoiro creativo, que foi impartido polo investigador do CITIC, Javier Pereira, e que contou con LEGO Wedo, Escornabot, Makeblock e Robot Evolution. Tamén houbo marxe para desfrutar con xogos interactivos desenvolvidos con Scratch, nos que tiveron presenza os encerados electrónicos, as lentes con sensores e máis diferentes elementos xerados co MakeyMakey, un produto de hardware aberto que dá a oportunidade de ter unha primeira toma de contacto cunha placa de circuítos impresos.

Segundo informa o CITIC, a nota creativa púxoa o obradoiro de debuxo Que son para ti as TIC?, no que todas as crianzas deixaron voar a súa imaxinación e así contaron a súa relación coa tecnoloxía e a importancia que ten no seu día a día.

Os estudos TIC son creativos, abren unha chea de portas, permítenos contribuír a mellorar o mundo e, aínda por enriba, incrementan ao máximo as nosas posibilidades de atopar traballo. Por se isto fose pouco, as profesións relacionadas coas TIC adoitan ser profesións flexibles, que abren a marxe para traballar a distancia e sen limitacións. Con estes outros moitos argumentos as participantes na celebración galega (no CESGA, en Santiago) do Día Internacional das Rapazas nas TIC tentaron (e en certa medida conseguírono) botar abaixo todos e cada un dos argumentos que separan ás nosas mozas dos estudos tecnolóxicos. 

Na cita, impulsada por sexto ano consecutivo polo CESGA (coa colaboración activa do Colexio Profesional de Enxeñaría en Informática de Galicia e con ramificacións cos nosos centros educativos), todas as participantes expresaron o seu desexo de que chegue un día en que non sexa necesario celebrar o Día Internacional das Rapazas nas TIC, por estar normalizada a súa presenza no plano dixital. “Non pode ser que nas aulas dos estudos tecnolóxicos só haxa unha moza por cada quince mozos”, lembrou a directora de GAIN, Patricia Argerey. 

A celebración deste 26 de abril comezou ao fío das 11.00 horas nas dependencias do Centro de Supercomputación de Galicia e, unha vez máis, dirixiuse a alentar ás novas xeracións de mozas para que consideren o ámbito das TIC como un ámbito axeitado para o seu desenvolvemento académico, investigador e profesional. A xeira de mañá incluíu como de costume un coloquio virtual con varias mulleres emprendedoras galegas: emprendedoras, investigadoras e tecnólogas no eido das TIC (Tecnoloxías da Información e a Comunicación), ás que as/os estudantes que fixeron acto de presenza no CESGA (estudantes de primaria e secundaria de Cerceda) ou que se conectaron co centro vía streaming, puideron facer todo tipo de preguntas sobre as súas respectivas experiencias profesionais. 

Previamente ao coloquio houbo unha sesión de apertura na que participaron María José Malmierca, responsable de eLearning do CESGA, Susana López Abella, secretaria xeral de Igualdade, Patricia Argerey, directora da Axencia Galega de Innovación, e Fernando Suárez, presidente do CPEIG. Segundo fixo saber Argerey, “queremos romper coa tendencia que baleira as aulas de estudos tecnolóxicos de mulleres; estamos aquí para lembrar que nós podemos crear tecnoloxías, dirixir equipos de traballo e levar produtos innovadores ao mercado”. A maiores, alén de poñer o foco no talento das mulleres, recordou que o mercado profesional está a reclamar mozas tecnólogas e que as empresas necesitan delas para acadar graos de competitividade e calidade que doutro xeito non serían posibles: “Van facer falta máis físicas, máis matemáticas e máis informáticas”. E engadiu: “Non é certo que a unha nena á que lle gustan as TIC sexa unha friki, nin, por suposto, hai nada de verdade no argumento de que as nenas teñan menos capacidades”. 

López Abella, pola súa banda, lembrou a importancia do Día Internacional das Rapazas nas TIC. Segundo fixo saber, máis de 300.000 mozas participaron xa na celebración dende os seus inicios, procedentes de 166 países, o que dá unha idea da relevancia deste acontecemento e pon de manifesto que non se trata dun problema local, senón que abrangue todos os países. “O sector das novas tecnoloxías precisa novos talentos”, engadiu, “e aí temos que estar as rapazas”. López Abella tamén puxo o foco na importante contribución do CPEIG para visualizar as grandes contribucións das mulleres á sociedade dixital e ao seu desenvolvemento, e puxo como exemplo deste compromiso o Premio Ada Byron, que convoca anualmente o colexio para mostrar profesionais galegas referentes nas TIC e distinguir as súas achegas e o seu traballo normalizador. 

Logo das presentacións foi a quenda do coloquio coas profesionais convidadas, comezando a rolda de relatorios Susana Rey, enxeñeira en Telecomunicacións, máster en Seguridade da Información e responsable de Seguridade en R. Susana falou das orixes mesmas da súa vocación tecnolóxica (dende nena amañaba cousas), dos seus estudos (de Telecomunicacións) e dos seus primeiros pasos profesionais, que non estaban ligados á protección dos datos e das tecnoloxías, senón a garantir que os usuarios de R tiveran os mellores servizos de rede posibles. Segundo fixo saber, o seu rumbo profesional virou logo dun ataque masivo que deixou a medio mundo sen conexión e que lle mostrou a importancia da seguridade informática para garantir non só a actividade das empresas senón do progreso tecnolóxico en si mesmo. Na súa opinión, o termo “hacker” non significa algo malo, senón que alude a unha persoa que atesoura tantos coñecementos tecnolóxicos que é quen de facer con eles cousas que os creadores de tecnoloxías non foron capaces de prever”. Isto pode ser orientado cara ao negativo, pero acada grandes cotas de relevancia cando é encamiñado cara ao ben. Este eido de acción, dixo, é sen dúbida unha gran oportunidade de traballo para as nosas mozas. 

A seguinte en intervir foi Cecilia Grela, enxeñeira en Informática, máster en Consultoría en Software Libre e desenvolvedora de programas en múltiples proxectos de I+D+i (entre outros, o ICT-Go-Girls!), así como formadora en TIC. Cecilia falou dos porqués do seu rumbo profesional (tamén era unha nena que tentaba amañar todo canto aparello electrónico ou eléctrico caía nas súas mans, incluído o seu primeiro computador) e lembroulles ás mozas que participaron na actividade do CESGA que a informática “está en todos lados”, e máis que estará, mesmo nas pequenas cousas e nos obxectos máis teoricamente insignificantes da nosa vida cotiá, dende o noso sistema doméstico de calefacción até a nosa neveira, que coas novas tecnoloxías de acceso á Rede e de intelixencia nas máquinas pode chegar a ofrecernos as mellores suxestións gastronómicas do día tendo en conta o que acubilla no seu interior. Neste espallamento das TIC cara ao máis inmediato, sinalou, tamén hai un importante nicho profesional e unha palestra de talento para a nosas rapazas. 

A continuación foi a quenda de María José Durán, enxeñeira en Informática e fundadora da tenda en liña Potingues Verdes. María José comezou o seu relatorio facendo un percorrido polos seus estudos e polas razóns que a levaron a pór en marcha un establecemento en liña de cosméticos ecolóxicos. “O bo dos estudos TIC”, sinalou, “é que che permiten facer calquera cousa que se ocorra”, mesmo darlle soporte tecnolóxico a unha empresa. Segundo fixo saber, as carreiras tecnolóxicas teñen unha manchea de saídas profesionais e mostran un número salientable de camiños a percorrer. “Xa que a informática está en todos os recantos”, explicou, “podemos traballar no ámbito que queiramos, facer todo o que se nos ocorra, mesmo sermos empresarias”. 

A rolda de presentacións pechouna Ana Cidre, experta en desenvolvemento de tecnolóxica, organizadora de GDG Vigo e fundadora do grupo GalsTech. Ana falou dos seus estudos (grao en Belas Artes e máster en negocios e economía internacional) e da súa actividade presente (a día de hoxe é desenvolvedora de software especializada en Angular). Respecto dos porqués de terse orientado cara as TIC logo de ter estudado Belas Artes, sinalou que “non sempre tes que saber exactamente o que queres facer”, e que ás veces a resposta aparece logo, no medio do camiño. Porén, sinalou, “o importante é non ter límites e non negarnos a facer cousas novas, como, no meu caso, escribir códigos informáticos e manexar computadores”. Segundo deu a entender, non hai unha gran distancia entre a carreira de Belas Artes e as carreiras tecnolóxicas, todas elas teñen en común ser moi creativas e abrir unha chea de portas. Asemade, salientou que o traballo TIC sexa moi flexible, “e malia que ás veces hai que estar en persoa nas dependencias dunha empresa”, permítenos en determinadas ocasións e para determinadas tarefas estar desenvolvendo o noso labor a distancia. 
Todas elas coincidiron en que non lles resultou complicado atopar traballo. 

Logo do xantar
Pola tarde, de 17.00 a 19.00 horas, celebrarase unha xornada de portas abertas con actividades TIC divertidas para mozas e mozos de entre 10 a 14 anos: demostracións e obradoiros de impresión 3D, realidade virtual e aumentada, arte dixital, programación, robótica, e, por suposto, unha visita guiada ao corazón do CESGA, o supercomputador Finis Terrae 2.

Para esta actividade cóntase co apoio das seguintes entidades: Xunta de Galicia (GAIN, Secretaría de Igualdade, Consellería de Educación e AMTEGA), o Colexio Profesional de Enxeñaría en Informática de Galicia (CPEIG), a Universidade de Santiago de Compostela (Facultade de Educación, Oficina de Igualdade de Xénero, Woman Emprende), a Universidade da Coruña (Facultade de Informática) e GalsTech, o Grupo de mulleres interesadas en tecnoloxía de Galicia.

O evento a nivel internacional vén da man da International Telecommunications Union (ITU). 

O Centro de Supercomputación de Galicia (CESGA) é impulsor do proxecto europeo ICT-Go-Girls! (promoción do emprendemento das rapazas de Secundaria a través das TI) xunto co Colexio Profesional de Enxeñaría en Informática de Galicia (CPEIG).
A iniciativa diríxese ás rapazas dos primeiros anos de Secundaria para proporcionarlles unha imaxe “máis atractiva do mundo do emprendemento tecnolóxico” e lograr así unha maior presenza feminina no eido das TIC.
Amais das ditas entidades, tamén ten colaborado nas actividades o Concello de Santiago, sumándose deste xeito a esta fronte común contra a fenda dixital de xénero.

Contra os prexuízos e as ideas preconcibidas
A cita do 26 de abril é unha actividade de gran importancia para o desenvolvemento da nosa terra no ámbito informático. En concreto, diríxese a combater tendencias, prexuízos e estereotipos e incrementar a presenza feminina no ámbito profesional TIC galego, unha presenza sen a cal (sinxelamente) a sociedade dixital non dará avanzado nin progresado. A xornada tamén pon de relevo cifras inadmisibles, como por exemplo a que reflicte a porcentaxe profesional feminina no ámbito da creación de ferramentas e contidos dixitais, que é só do 9%.