A aplicación Adestramento Cerebral ONCE-Vodafone é un ximnasio cerebral virtual accesible que permite exercitar diversas funcións cerebrais. A ferramenta reúne unha serie de xogos deseñados por neuropsicólogos para manter en boa saúde capacidades cognitivas tales como a memoria, a atención ou a aprendizaxe.
Os xogos incluídos están pensados para todos os gustos e posibilidades e inclúe operacións matemáticas, combinación de letras ou habilidade e destrezas. A primeira versión terá dispoñibles cinco xogos. Todos os meses iranse incorporando máis xogos con cada actualización ata alcanzar os nove xogos que conformarán o paquete final.
Adestramento cerebral ONCE-Vodafone foi desenvolvida para dispositivos Android e iOS. Para acceder a ela, os usuarios deberán descargar a aplicación UNOBRAIN e activar as solucións de accesibilidade que requiran. Por exemplo, o lector de pantalla TalkBack en Android ou VoiceOver en iOS. A aplicación ofrecerá unha sesión diaria de adestramento de forma automática.
Para máis información, visite a web do Centro de Investigación, Desenvolvemento e Aplicación Tiflotécnica (CIDAT) da ONCE ou da Fundación Vodafone España.
As persoas con mobilidade reducida poden saber en tempo real a accesibilidade da rede de Metro de Madrid. Unha nova aplicación móbil informará do estado e a localización das escaleiras mecánicas e os ascensores nas estacións do suburbano.
Ademais de información sobre accesibilidade, a App (denominada Metro de Madrid Oficial) tamén ofrece datos actualizados sobre o horario de paso dos próximos trens en todas as plataformas das máis de 300 estacións de Metro.
Segundo explica a empresa pública do suburbano madrileño, é a primeira vez que unha aplicación para móbil facilita información en tempo real sobre o estado das instalacións da rede. Isto permite ás persoas con mobilidade reducida, aos pais e nais que vaian con carriños de bebés e a viaxeiros cargados con equipaxe, planificar mellor os seus traslados.
Poderán saber con antelación se o ascensor ou as escaleiras mecánicas de cada estación funcionan correctamente ou se hai algunha incidencia. No caso de que isto último ocorra, a aplicación informará sobre a causa da mesma e o tempo previsto para a súa resolución.
O pasado mes de maio, a Organización de Consumidores e Usuarios (OCU) e Google, en colaboración coa Axencia Española de Consumo, Seguridade Alimentaria e Nutrición do Ministerio de Sanidade, Servizos Sociais e Igualdade; coa Axencia Española de Protección de Datos e co Instituto Nacional de Ciberseguridad puxeron en marcha a campaña "Vive unha Internet Seguro", co propósito de promover unha maior concienciación entre os usuarios da súa seguridade e a súa privacidade en Internet.
O concurso "Eles ensínanche" enmárcase dentro desta campaña, co obxectivo de que pais, titores, profesores e alumnos participen dunha forma práctica e divertida dunha experiencia segura cando navegan en Internet.
A Organización de Consumidores e Usuarios (OCU) e Google, coa colaboración da Axencia Española de Protección de Datos (AEPD), a Axencia Española de Consumo, Seguridade Alimentaria e Nutrición (AECOSAN), o Instituto Nacional de Ciberseguridade (INCIBE) e a Confederación Española de Asociacións de Pais e Nais de Alumnos (CEAPA), convocaron o concurso 'Eles ensínanche', para que os mozos aprendan a navegar seguros por Internet e que ensinen aos seus pais a como facelo. Este concurso forma parte da campaña 'Vive un Internet seguro', organizada por OCU e Google, segundo informan ambas as entidades.
Esta iniciativa propón a estudantes da ESO ou do primeiro curso de FP que, coa axuda dos seus profesores, presenten un traballo creativo en forma de decálogo dirixido aos seus pais, no que poderán explicarlles a través de fotografías, redaccións, vídeos ou infografías de que maneira poden navegar por Internet de maneira segura.
Deste xeito, os alumnos poderán acreditar que posúen un grao suficiente de coñecemento sobre un uso adecuado, responsable e positivo da internet, á vez que axuda aos seus pais para avanzar no coñecemento dos beneficios do uso da rede, as ferramentas para facelo con seguridade e aquelas prácticas que melloran a protección dos menores e a súa privacidade.
Segundo a OCU, preto da metade dos pais de nenos menores de doce anos descoñecen o vocabulario que os seus fillos usan cando navegan por Internet, o cal fai moi difícil que poidan servirlles de guía para ensinarlles a navegar seguros.
A directora da AEPD, Mar España, considera a educación e o diálogo cos menores como "a base imprescindible" para aproveitar os "enormes" beneficios que lles ofrece a tecnoloxía, contribuíndo á vez a previr os riscos aos que poden enfrontarse por un uso inadecuado.
Pola súa banda, o director de INCIBE, Alberto Hernández Moreno, sinalou que o 93,6% dos menores utiliza Internet, e a gran maioría deles faino durante máis de dúas horas diarias, sen ser conscientes, en moitos casos, dos riscos que corren se non se toman as medidas adecuadas. Hernández engadiu que é importante introducir aos máis pequenos na cultura da ciberseguridade e inculcarlles pautas de conduta apropiadas para facer un uso responsable e seguro.
Doutra banda, o director de políticas e asuntos públicos de Google, Francisco Ruiz Antón, destacou que esta iniciativa é unha excelente maneira de inculcar a todos os actores o coñecemento sobre as amplas posibilidades que ofrece a tecnoloxía, do mesmo xeito que os seus retos, e xuntos aprender a convivir de maneira máis segura na contorna da internet.
Así mesmo, a directora de comunicación e de relacións institucionais da OCU, Ileana Izverniceanu, lembrou que o labor de concienciar aos máis novos sobre a necesidade de navegar seguros é "fundamental" para contar con consumidores ben informados e con capacidade para coñecer e exercer os seus dereitos de maneira efectiva.
O prazo para a presentación dos traballos permanecerá aberto ata o próximo 16 de marzo. Unha vez finalizado este prazo, o xurado, composto por representantes das institucións colaboradoras, elixirá un total de tres finalistas, que optarán aos premios que se entregarán nunha cerimonia o próximo mes de maio en Madrid.
Toda a información relativa ao concurso atópase na web www.ocu.org/viveinternetseguro.
O evento DICO Summit 2017, que se celebra o 24 e o 25 de xaneiro en Santiago co obxectivo de afianzarnos no rumbo de converternos nunha potencia de contidos dixitais, contará coa presenza dalgúns dos principais expertos internacionais en materia de realidades virtuais e creación de novos mundos pero tamén con boa parte do máis representativo dos panoramas estatal e galego. Polo espazo adicado aos relatorios, un dos piares de DICO (xunto cos espazos para as demostracións, para o networking e para a visualización de propostas dixitais da mocidade galega) pasará xente como o cineasta Jorge Coira, o director de Ilux, Manuel Meijide, o director de Tecnoloxía de Nokia, Jaume Figueras ou o responsable de Servizo de Nagra, Xavier Cosculluela. O evento, como lembraremos, vén da man da axencia AMTEGA, do Clúster TIC de Galicia e do Clúster Audiovisual de Galicia (CLAG).
Na primeira das xornadas, a do 24, pola mañá, os relatorios, mesas e paneis levarán aos presentes ao miolo da xeración, desenvolvemento, produción e distribución actuais de contidos dixitais. Trataranse cuestións a metade de camiño entre o tecnolóxico-dixital e o audiovisual, abranguendo os dous mundos por ese amplo terreo onde se tocan, se mesturan e se enriquecen. Amais dos expertos internacionais dos que falamos onte reunidos na mesma Os contidos dixitais gañan a partida (Simon Smith de Studio Lidell, Steve Hanton de Studio Distract e Luca Conesa de MefistoFiles e Luigi Renna, integrante da Comunidade VRManchester, moderados polo director de Innovación Digital de Mardy Bug, Enrique Parga), xa está confirmada para a primeira hora da tarde, Construíndo a base para os contidos dixitais do futuro, que contará coa presenza de Danny Vossen, director de Estratexia de Technicolor, Antonio Rodríguez del Corral, presidente do Clúster TIC de Galicia, Xavier Cosculluela, responsable de Servizo de Nagra e o devandito Jaume Figueras, director de Tecnoloxía de Nokia. Máis tarde, ao fío das 17.30 horas, está previsto un encontro con Jorge Coira, director e escritor galego, ao abeiro do panel A produción audiovisual en plena era dixital.
Ao día seguinte, o 25, o programa tamén promete ser de primeira liña. Logo dunha mesa redonda con participantes por confirmar, está programado para as 12.15 horas unha intervención individual a cargo do galego Manuel Meijide, director de Ilux Visual Technologies. O seu panel desenvolverase baixo o seguinte epígrafe: O turista dixital: viaxes, cultura e patrimonio a un clic de distancia. Un chisco máis tarde, ás 12.45 horas, será a quenda dunha mesa dupla integrada por José Domenech, xefe de Proxectos de Netex Knowledge Factory, e de Esteban Vázquez, co-fundador de Tesla Technologies & Software. Falarán de A Educación do futuro busca contidos.
Dende o Concello de Pontevedra achégase unha nova canle para emprestar axuda ás cada vez máis numerosas e visibles vítimas de violencia machista. Tomando conciencia deste problema tan grave que sofren as mulleres, xorde a nova páxina igualdade.pontevedra.gal que se inaugura co teléfono 016 de balde e sen pegada na factura. E que atopamos nesta web? Pois dende recursos para atención ás vítimas, os órganos de xestión da Concellaría (Consello da Muller ou a Mesa da violencia) e os programas educativos co material docente que se elabora, entre outros.
Este novo espazo do Servizo de Igualdade foi creado por vez primeira cunha meta específica: dar meirande relevancia á dita área de Igualdade e facer fincapé na solución da violencia machista entre a veciñanza de Pontevedra. Cómpre lembrar que esta ferramenta abre informando que o teléfono 016 (número gratuíto ao que pode chamar calquera muller maltratada) non deixa rastro na factura. Este slide será permanente na páxina e ao seu carón aparece o contacto do Centro de Información á Muller de Pontevedra cos diferentes servizos que empresta.
Asemade, achégase unha sección de novas e as imaxes da última campaña feita pola concellaría, neste caso é a do #prinacoso, do pasado 25 de novembro. Na parte final da páxina hai un formulario para enviar suxestións, preguntas… ao servizo de Igualdade así como o pase ás páxinas de Redeaxuda e Benestar Social (en construción). Emporiso, no menú de igualdade.pontevedra.gal explícase tamén que é o CIM (Centro de Información á Muller) e os servizos que empresta: xurídico, laboral, social e psicolóxico. En cada unha das pestanas pódense atopar recursos vinculados á denuncia da violencia machista, teléfonos de urxencias (Policía, Garda Civil, centros sanitarios…) e outros documentos como as memorias do CIM (a do pasado ano está en elaboración).
Os usuarios do CeMIT (Centro para a Modernización e Inclusión Tecnolóxica) da Bola implicáronse de cheo na realización dun proxecto piloto que tiña o obxectivo de unir temáticas tradicionais e tecnolóxicas. De aí xurdiu Asubíos da Bola, unha idea que se fixo realidade materializando en imaxes historias e lendas do municipio recollidas por Hilario Ansón. Os usuarios do CeMIT convertéronse en actores, gravaron escenas para unha pequena película, O arqueólogo na Bola, e fixeron unha xira para presentala en diversas aulas tecnolóxicas de Galicia despois de estreala no CeMIT bolés. O último lugar no que o presentaron foi Celanova, pero antes pasaron por Carballedo, Padrón, Cuntis ou Valga. «A recepción foi moi boa e positiva e a acollida aos actores foi magnífica», explica Félix González, coordinador do proxecto e responsable do CeMIT da Bola.
Nas presentacións da película, os actores inclúen unha escenificación en vivo, unha pequena peza teatral que resulta sorprendente e divertida para os asistentes ao interactuar co público. González relata que os contidos da historia elixida para mostrar A Bola nas aulas CeMIT baséanse nas procuras que realizou Hilario Ansón, entón de 92 anos e xa falecido, consciente de que se non se escribían ou contaban esas lendas perderíanse.
«Este proxecto está baseado nunha lenda adaptada sobre a Fonte dos Leóns, en Sorga. Hai moitas lendas sobre fontes e minas, que se facían como covas que comunicaban coas casas importantes. A lenda conta que apareceu un señor de Castela ben vestido e tratábaselle con moito respecto. Pero roubou na casa dos Sotelo, entrando pola mina da fonte. Ao saír caéronlle obxectos de valor e deu en dicirse que na fonte había ondas de ouro porque non pensaban que o fora o ladrón», conta o coordinador. A partir desta lenda, a directora, Elena Seijo, escribiu a historia de O Arqueólogo na Bola, utilizando o cinema e o teatro como medios para transmitir «ideas e experiencias», segundo González.
O coordinador do CeMIT da Bola propúxoo no ano 2016 como proxecto de Innovación Social Dixital e como tal foi elixido e desenvolvido. Sobre se será unha idea con continuidade, Félix González contesta: «Non é un proxecto pechado. Queremos demostrar que se poden facer cousas tradicionais e antigas e que a tecnoloxía pódese usar para que non se perda o tradicional». Se non ten continuidade neste momento actual, si pode ter secuelas no futuro.
No desenvolvemento do proxecto participaron dez persoas. O elenco está composto por José Domelo, María Álvarez, Rosa Lorenzo, Maricarmen Fernández, Concepción Torres, Manuela Pérez, Isabel Fernández, Esteban Rodríguez, Roberto Ravelo e Silvia Álvarez. Segundo sinala Félix González a maior parte do traballo consistiu na recompilación das historias tradicionais, ese labor que fixo conxuntamente co veciño Hilario Ansón. A recuperación dese material incluíu a recollida de fotos antigas do municipio da Bola. Logo houbo que coordinar os horarios para que puidesen coincidir os actores en función dos seus quefaceres cotiáns.
«Ou máis importante é a experiencia que tiveron os propios actores. Nunca pensaran en facer teatro», sostén González. Pero tamén que as historias da Bola, un municipio moi pequeno, poidan chegar a través das aulas CeMIT a moitos recunchos de Galicia, onde hai máis de cen aulas tecnolóxicas deste tipo. O que empezou como un proxecto piloto desenvolveuse até facerse realidade e materializado con éxito. «É unha marabilla que alcance o resultado buscado», subliña o coordinador e responsable do CeMIT.
Global Robot Expo é o evento definitivo para tomar o pulso ao estado da robótica actual. Alí encontrarás, baixo o mesmo teito, todos os sectores interconectados: robótica educacional, industrial, robótica de consumo, profesional de servicio, saúde, IA, software, IoT, Smart cities, tecnoloxías afíns ou drons.
Durante os días 2, 3 e 4 de febreiro, máis dun cento de compañías presentarán os seus produtos máis innovadores no Pavillón de Cristal da Casa de Campo, que, por segundo ano consecutivo, será testemuña dos importantes avances realizados en campos como os da intelixencia artificial, o Internet das cousas, a robótica industrial e de consumo, ou a asistencial e de rehabilitación.
Por exemplo, Altran --consultora líder en tecnoloxía e innovación-- presentará as súas últimas aplicacións de Realidade Virtual en Industria 4.0 e algunhas sorpresas como os robots de tele-presencia controlados mediante Interfaces Cerebro Máquina (BMI), que se poden mover coa mente. Tamén ofrecerá demostracións de chatbots implementados sobre Boto/Alexa e sistemas de Visión Artificial para robots sociais. Así mesmo, os visitantes poderán facer un percorrido virtual na súa caseta a través da Realidade Aumentada.
Pola súa banda, Fundación ONCE patrocinará toda a área destinada á robótica asistencial e de rehabilitación, onde se poderán ver exoesqueletos como os de Technaid e darase a coñecer, entre outros proxectos, o denominado como Biomot, liderado polo investigador xaponés Shingo Shimoda e coordinado en España polo Xefe de Laboratorio de Locomoción Humana do Instituto Cajal do CSIC, Juan Camilo Moreno.
Grazas aos avances robóticos desenvolvidos por este equipo de investigación, están a crearse exoesqueletos moi flexibles desde o punto de vista mecánico e que, a través de sinais bioeléctricas, permiten rehabilitar a marcha humana tras unha lesión grave do sistema nervioso. Isto permite ás persoas camiñar dunha forma máis natural.
De especial interese neste ámbito será tamén a conferencia que protagonizará o Xefe do Departamento de Investigación de aplicacións clínicas en Hocoma AG e profesor do prestixioso ETH de Zúric, Clemens Müller, sobre a rehabilitación do futuro e o uso de tecnoloxías avanzadas nesta área. Será o venres 3 de febreiro ás 15,15 horas.
A Fundación DOWN COMPOSTELA e Fundación Vodafone España presentaron ‘Enreda2', unha iniciativa cuxo obxectivo é poñer en contacto a empresarios da zona e mozos con síndrome de Down co obxectivo de que dialoguen e intercambien opinións sobre os beneficios que ten a inserción laboral das persoas con discapacidade intelectual, tanto para este colectivo como para o ámbito empresarial.
Esta acción de networking, que xorde a partir do programa de formación prelaboral ‘Yo me prep@ro' impulsado por ambas as entidades, permite que os empresarios poidan coñecer de preto a persoas con esta discapacidade intelectual candidatas a incorporarse como traballadores nas súas empresas. A interacción entre empregadores e posibles empregados serve para que o sector empresarial derrube prexuízos e falsos estereotipos que historicamente se relacionaron coa síndrome de Down.
A pesar de contar coa formación adecuada e ser traballadores constantes, metódicos e organizados, tan só o 5% das persoas con síndrome de Down puideron demostrar a súa valía; por iso é indispensable contar co apoio e a colaboración do tecido empresarial. Así, grazas a Enreda2', ‘a conversación e a formulación de diversos xogos, os empresarios puideron coñecer de primeira man as calidades que estes mozos atesouran, ademais de apreciar os seus valores e as capacidades para o traballo que posúen.
Para presentar esta iniciativa estiveron presentes a Secretaria Xeral de Emprego da Xunta de Galicia, Covadonga Toca; a Concelleira de Políticas Sociais, Diversidade e Saúde do Concello de Santiago de Compostela, Concepción Fernández; a Vicerreitora de Estudantes, Cultura e Responsabilidade Social da USC, María Dores Álvarez; o Presidente da Cámara Oficial de Comercio, Industria e Navegación de Santiago de Compostela, Jesús Asorey; o Director Xeral da Fundación Vodafone España, Santiago Moreno; o Presidente da Fundación DOWN COMPOSTELA e Tesoureiro de DOWN ESPAÑA, Juan Jesús Martínez. Tamén se contou cos empresarios Ramón Salgado, de Limpezas ‘Salgado', e Chelo Suárez, de Multiusos ‘Fontes do Sar'.
Na súa intervención, a Secretaria Xeral de Emprego da Xunta de Galicia, Covadonga Toca, indicou que "a inserción laboral é un traballo de colaboración entre todos", polo que “para mellorar neste aspecto, na Xunta de Galicia contamos coa iniciativa Axenda 20, que consta con tres retos: emprego de calidade, formación e capacitación e orientación laboral". Toca concluíu sinalando que "desde a Xunta animamos aos empresarios para ofrecer oportunidades laborais ás persoas con discapacidade".
En opinión da Concelleira de Políticas Sociais, Diversidade e Saúde do Concello de Santiago de Compostela, Concepción Fernández, "debemos traballar en sensibilizar á sociedade contra os prexuízos e as barreiras interpostas á inserción sociolaboral das persoas con discapacidade intelectual". Para Fernández "o investimento social debe ir orientada á formación e a capacitación dos cidadáns; necesitamos persoas que poidan achegar desde a diversidade á sociedade na que vivimos e conseguir así que sexa máis plural, máis xusta e máis diversa".
A Vicerreitora de Estudantes, Cultura e Responsabilidade Social da USC, María Dores Álvarez, instou a abordar “a baixa taxa de inserción laboral no colectivo con iniciativas como esta", xa que “a sociedade ignora a valía das persoas con síndrome de Down. Contan con ganas e merécense unha oportunidade".
Pola súa banda, o Presidente da Cámara Oficial de Comercio, Industria e Navegación de Santiago de Compostela, Jesús Asorey, felicitou ao colectivo “polo seu esforzo” e deu as grazas aos “que fan posible que esteamos hoxe aquí, posto que este tipo de iniciativas son indispensables na nosa sociedade”.
Na súa quenda, o Director Xeral da Fundación Vodafone España, Santiago Moreno, comentou que “é necesario que a Administración Pública, a industria e as empresas impulsen o emprego e asuman riscos". Ademais, mencionou que ”están moi orgullosos e agradecidos de colaborar con DOWN ESPAÑA neste proxecto".
O Presidente da Fundación DOWN COMPOSTELA e Tesoureiro de DOWN ESPAÑA, Juan Jesús Martínez, destacou que "os obxectivos deste proxecto cumpríronse con fartura polo alto índice de insercións conseguido", e mostrouse "agradecido á Fundación Vodafone España por este tipo de iniciativas tan necesarias".
Por último, os empresarios Ramón Salgado, de Limpezas ‘Salgado', e Chelo Suárez, de Multiusos ‘Fontes do Sar', animaron a todos os empresarios a que fagan un esforzo para contratar a persoas con síndrome de Down: "Cumpren no traballo con motivación e ganas, e de feito houbo algún cliente que nos felicitou por ter contratadas a dúas persoas con esta discapacidade". Tamén comentaron que contar con traballadores con síndrome de Down “está a ser moi gratificante, son perfectamente capaces de levar a cabo as súas tarefas e achegan moitas cousas á empresa ademais do seu bo facer: a súa actitude ante o traballo, a súa puntualidade, ou a súa activa colaboración no bo ambiente laboral"
O programa ‘Yo me prep@ro'
O obxectivo do proxecto ‘Yo me prep@ro' é proporcionar ás persoas con discapacidade intelectual as ferramentas e estratexias necesarias en aspectos clave como o uso adecuado das TIC: programas informáticos, navegación por Internet, acceso a redes bancarias informatizadas ou aplicacións móbiles. Todo co obxectivo de axudarlles a salvar a fenda dixital que lles pode condicionar á hora de atopar un posto de traballo, as súas aspiracións de mellorar a súa autonomía e levar unha vida o máis plena e independente posible.
No ano 2016 recibiron formación en novas tecnoloxías a través deste programa 240 persoas con discapacidade intelectual, que adquiren as competencias necesarias para poder desempeñar un posto de traballo coa normalidade e eficacia de calquera empregado.
Estes alumnos de Santiago de Compostela sumaranse a outros en diversas provincias, alcanzando un total de 240 mozos que recibirán esta formación en toda España. En total serán 10.500 horas formativas apoiadas en sete novos vídeo-tutoriais que, cunha linguaxe sinxela e accesible, detallarán os pasos e instrucións para que os alumnos coñezan a fondo o uso da internet, xestionar o correo electrónico ou manexar redes sociais como LinkedIn, entre outras habilidades.
Tras o éxito de anteriores edicións, o proxecto afronta este ano a súa terceira edición a nivel nacional con renovado impulso, pois superou as expectativas tanto no número de prácticas conseguidas como na cifra de contratacións alcanzadas. Desde a súa posta en marcha en 2014, e a pesar das complicadas condicións do mercado de traballo, este programa conseguiu 150 contratos para alumnos con síndrome de Down.
Como complemento a esta edición, os 480 mozos que participaron nas dúas edicións anteriores do proxecto recibirán un curso de refresco dos seus coñecementos para que actualicen as destrezas adquiridas en novas tecnoloxías aplicadas á vida laboral.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...