Os días 23 e 24 de marzo o Edifico CINC da Cidade da Cultura acollerá o II Encontro de Cooperación para o Desenvolvemento da Administración Electrónica: "Un compromiso conxunto cara aos cidadáns". Organizado pola Axencia para a Modernización Tecnolóxica de Galicia (Amtega) en colaboración coa Federación Galega de Municipios e Provincias (FEGAMP) e co Consello Superior de Letrados e Avogados de Comunidades Autónomas. Este foro busca analizar o impacto e os retos do novo marco normativo en materia de Administración Electrónica (leis 39/2015 e 40/2015) no funcionamento das Administracións Públicas.
Con este obxectivo máis de 30 profesionais do ámbito tecnolóxico, xurídico e de distintos departamentos das administracións autonómica, estatal e local abordarán cuestións como as novidades normativas neste eido, a cooperación administrativa para avanzar na dixitalización, as notificacións electrónicas, o arquivo electrónico ou a transparencia na Administración.
Serán en total sete mesas de debate en dúas xornadas nas que tamén se analizarán as liñas de colaboración entre as distintas administracións para unir esforzos no desenvolvemento da Administración Electrónica.
Espazo de exposición
Ademais das mesas de debate, o Encontro contará cun espazo para difundir os servizos dixitais que teñen á súa disposición os cidadáns. Nos diferentes stands persoal da Amtega e das deputacións explicarán e poderán dar de alta en diferentes servizos aos interesados en incorporarse ao uso da Administración dixital.
Inscrición e programa
A inscrición, que é de balde, pode formalizarse a través dos portais da Amtega e de Eido Local, onde tamén está publicado o programa das xornadas. As xornadas están dirixidas a profesionais do sector público.
Plan de Administración e Goberno Dixital 2020
O Encontro enmárcase dentro das actuacións do Plan de Goberno Dixital 2020 que vén desenvolvendo a Xunta para consolidar unha Administración Dixital e avanzar na coordinación entre as entidades locais, autonómica e estatal para conseguir unha carteira de servizos dixitais de calidade, eficientes e seguros.
A diabetes é todo un reto para moitos nenos e adolescentes. O seu benestar depende de varias decisións que teñen que tomar durante o día. Os xogos electrónicos, ¿poden servirlles de axuda?
Ilona Geurts vive nunha pequena cidade non lonxe de Amsterdam co seu marido e os seus fillos, Tatum, de once anos, e Arjan de trece. Ambos teñen diabetes, como nos explica a súa nai: “Cada mañá os nenos ten que pensar en que van comer durante o día, e canta insulina van necesitar. Teñen que ter isto en mente durante todo o día para poder regresar a casa de maneira segura, controlando os niveis de glicosa no sangue en todo momento.”
Tatum e Arjan participan nun proxecto europeo de investigación que trata de axudar aos nenos diabéticos mediante xogos electrónicos. Grazas a unha aplicación na súa tableta electrónica, os nenos adéstranse a elixir a comida adecuada, a contar os carbohidratos e a realizar un seguimento das súas actividades.
“Máis que ler un libro sobre diabetes, aos nenos o que nos gusta é xogar co teléfono ou a tableta”, di Tatum.
“Si, os libros son un pouco aburridos, cun xogo resulta máis divertido”, asegura o seu irmán Arjan.
Nesta investigación participan tres hospitais e dúas organizacións en Italia e Países Baixos. Nas súas visitas clínicas, os nenos poden xogar cun robot programado non só para ser un adestrador senón tamén un amigo. Xoga como un ser humano, que de cando en vez comete erros, para que os nenos poidan corrixilo.
Rosemarijn Looije, investigadora en sistemas cognitivos e de percepción, é a coordinadora deste proxecto: “A xente tende a humanizar aos robots e a humanización axuda a crear un vínculo entre o neno e o robot. E iso mellora o seu compromiso”.
Os pediatras poden programar o robot e fixar obxectivos individuais para cada neno. Os investigadores notaron que os nenos que teñen un amigo electrónico como este, regresan máis contentos aos seus recoñecementos regulares.
Roos Nuboer, pediatra especializado en diabetes, traballa no Meander Medical Centre: “¡Aos nenos encántalles este robot! Non lles gusta tanto ir á clínica e prefiren xogar cos seus amigos. Pero con este robot si queren vir. Fanse selfie con el e móstranlles aos seus amigos que a diabetes non só é unha carga.”
Con este xogo de preguntas e respostas, o robot proponlle ao neno unha serie de accións en distintas situacións da vida cotiá, por exemplo unha invitación a unha festa de aniversarios ou no momento de elixir entre diferentes sobremesas. O xogador debe tomar a decisión mellor para a saúde. Despois, cámbianse os papeis e tócalle ao robot adiviñar a resposta acertada.
Bert Bierman, enxeñeiro en robótica, explica: “Para este proxecto, necesitabamos un robot que recoñecese as emocións do neno, que soubese como facer unha frase e como seleccionar as preguntas. Así que tivemos que crear todo isto. E as visualizacións na tableta que desenvolvemos son moi importantes “.
Aínda que o robot non asesora sobre a medicamentación, con todo, axuda a entender os síntomas das afeccións relacionadas coa diabetes. Ademais, o robot non comparte a información persoal do neno cos demais.
Rosemarijn Looije, investigadora en sistemas cognitivos e de percepción, é a coordinadora do “proxecto PAL“http://www.pal4ou.eu: “Por suposto, a información respecto dunha hipoglucemia ou unha hiperglucemia moi alta debe ser transmitida aos pais, pero o neno debe ter o control do que debe compartir”.
Os investigadores planean ampliar este experimento con máis nenos e desenvolver unha rede na nube que vinculará diferentes robots e tabletas, axudando a estes compañeiros electrónicos a compartir máis experiencias cos nenos.
“O mundo xa é dixital e tecnolóxico e os nosos mozos son o noso futuro, por iso o noso obxectivo con Desafío STEM é contribuír a que as nosas novas xeracións se convertan en creadores de tecnoloxía, poñendo a súa creatividade ao servizo dos demais desenvolvendo solucións que faciliten ou permitan unha maior calidade de vida, ao lograr maior produtividade e competitividade”, sinala Carolina Jeux, CEO de Telefónica Educación Dixital.
Participar en Desafío STEM é moi fácil. Só se requiren ganas de aprender e traballar nun proxecto que desenvolva solucións tecnolóxicas innovadoras: xogos, apps, realidade aumentada, 3D, códigos BIDI, recursos para lousas dixitais... e nalgunha destas temáticas: Internet das Cousas, Educación Dixital, eSaúde, Industria Local ou ciberseguridade.
Por outra banda, non é necesario ter coñecementos previos de robótica e programación para presentarse porque os candidatos terán á súa disposición todos os contidos e recursos necesarios para que profesores e alumnos aprendan xuntos e desenvolver proxectos tecnolóxicos adaptados a todos os niveis. Toda a formación necesaria está dispoñible a través de dúas plataformas de aprendizaxe gratuítas e abertas que Telefónica Educación Dixital pon a disposición da comunidade educativa: ScolarTIC, para os profesores, e STEMbyme para os alumnos.
De feito, durante o proxecto, cada equipo poderá contar cun servizo de mentoring en liña para acompañalos no seu reto e resolver as dúbidas que lles xurdan no proceso de creación da súa solución tecnolóxica. E de igual maneira, terán á súa disposición webinars sobre as tecnoloxías máis demandas polos docentes (Arduino, Scratch, GSM, APPInventor, Impresión 3D, Realidade Virtual, etc.).
Requisitos de inscrición
Calquera profesor, independentemente da materia que imparta, poderá inscribirse xunto cos seus alumnos (de entre 4 e 7 alumnos e de 14 a 18 anos), seleccionando a categoría en que participan:
A cuarta edición do Festival de Contidos Dixitais, Carballo Interplay, xa comeza a facer ruído na Rede. E un ruído, ademais, importante. Para comezar, sabemos que xa hai datos previstas de celebración, entre o 4 e 6 de maio na vila bergantiñá, e tamén sabemos que haberá 5.000 euros en premios. Por outra banda, a organización (o Concello de Carballo) lembrou que quen queira presentar as súas achegas creativas, xa pode facelo até o 31 de marzo a través da web específica do festival, www.carballointerplay.com. Porén, se cadra o dato máis salientable deste Carballo Interplay 2017 en preparación é o feito de que na primeira semana de apertura do prazo de presentación de propostas xa se recibiran 120 webseries. A expectación, de por si, xa supera a de anos anteriores.
Segundo recorda a organización (o Concello de Carballo), as webseries participantes deberán cumprir cun mínimo de requirimentos: terán que estar producidas entre os anos 2015 e 2017 e ter un mínimo de 3 capítulos emitidos no momento de inscrición. Por outra banda, poden ser de calquera duración, temática, xénero, de imaxe real ou animación, nacionais ou internacionais.
Entre as achegas recibidas, un xurado composto por profesionais do audiovisual e representantes de asociacións profesionais do sector premiará a mellor webserie de imaxe real, a mellor webseriede animación, a mellor webserie internacional e a mellor webserie en versión orixinal en galego con 800 euros e trofeo, para cada categoría. A escolla do público, pola súa banda, levará 400 euros e trofeo. Tamén haberá un premio AGAG ao mellor guión e un premio CREA á mellor dirección, dotados con 200 euros e trofeo. Finalmente, entregaranse cadanseu trofeo á mellor actriz e ao mellor actor.
Ademais, Carballo Interplay ofrecerá de novo un premio de 1.500 euros para o mellor proxecto de webserie en galego. O galardón resolverase cun pitching en directo durante o festival e a dotación económica deberá destinarse á produción dos primeiros capítulos da iniciativa premiada, que se proxectarán na vindeira edición do Interplay.
A Axencia para a Modernización Tecnolóxica de Galicia (Amtega) convoca máis de 500 prazas obter a Certificación Galega en Competencias Dixitais en Ofimática (CODIX). Esta convocatoria, publicada hoxe no Diario Oficial de Galicia, está aberta a toda a cidadanía en xeral que, ben pola súa experiencia ou pola formación adquirida por diferentes medios (cursos, academias, autoformación, etc) xa posúen os coñecementos necesarios no manexo das aplicacións informáticas que compoñen o módulo formativo MF0233_2 «Ofimática» baixo o paquete de LibreOffice
O DOG de hoxe publica as datas das probas que se celebrarán os días 26, 27 e 28 de abril, en diversas quendas de mañá e tarde, en 34 localidades con aula CeMIT, sumando un total de 546 prazas dispoñibles: Abegondo, Ames, Arzúa, Bande, O Barco, Barreiros, Boiro, Brión, Campo Lameiro, A Cañiza, Carballedo, Castro Caldelas, Celanova, A Coruña, Cuntis, A Fonsagrada, Lalín, Leiro, Marín, Oroso, Ourense, Padrón, Pontedeume, As Pontes, Pontevedra, Santa Comba, Santiago, Sarria, Tomiño, Valga, Verín, O Vicedo, Vigo e Vimianzo.
A inscrición poderá realizarse a través de internet desde o día seguinte da publicación desta convocatoria no Diario Oficial de Galicia, sendo o único requisito o de ser usuario/a da rede CeMIT, trámite que tamén pode realizarse a través da rede (https://cemit.xunta.gal).
Entre as persoas inscritas realizarase un sorteo alfabético para establecer a orde de prelación para poder efectuar a matrícula para as probas en cada quenda, no caso de que existan máis solicitantes que prazas convocadas nas diferentes aulas que realizarán os exames presenciais.
Avaliación
Para obter o CODIX é preciso superar un exame de 50 preguntas tipo test referidas aos contidos do Plan Formativo Ofimático de Galicia, composto polas cinco unidades nas que se estrutura o módulo formativo MF0233_2 «Ofimática» do Repertorio Nacional de certificados de profesionalidade:
Os materiais formativos que compoñen estes cursos foron elaborados seguindo as boas prácticas recollidas na Guía de boas prácticas para a publicación de obras documentais da Xunta de Galicia e poden ser seguidos libremente na súa modalidade de autoformación dentro da plataforma de teleformación da rede CeMIT http://cemit.xunta.gal/ema, na que se poden consultar tanto os contidos específicos dos diversos módulos que compeñen o CODIX como diversos casos prácticos e test de exemplo.
Preto de 1.500 prazas convocadas para este ano 2017
Esta convocatoria forma parte do Plan de Formación da rede CeMIT para este ano 2017, que terá a súa continuación no segundo semestre cun novo curso de teleformación titorizada previsto para o mes de setembro) e novos exames presenciais en outubro, ata chegar a un número superior ás 1.400 prazas dispoñibles para que a cidadanía poida acreditar as capacidades, destrezas e coñecementos en ofimática definidos no dito plan.
Dende a habilitación da rede CeMIT para a formación e avaliación dos contidos formativos do CODIX en maio de 2014, foron máis de 4.400 as prazas convocadas nas súas diferentes modalidades (1.210 en cursos de teleformación titorizada e 3.084 en probas presenciais de acceso libre) e 1.737 as persoas que obtiveron a certificación emitida por parte da Axencia para a Modernización Tecnolóxica de Galicia despois de superar as probas convocadas nas aulas da rede CeMIT.
A estes datos hai que engadir as máis de 300 actividades e cursos en ofimática en software libre que veñen realizando as diferentes aulas de forma presencial durante o último ano como preparación orientada á presentación para estas probas libres, así como os 2.500 accesos aos contidos específicos do CODIX aloxados na plataforma de teleformación a través de internet (http://cemit.xunta.es/ema) e abertos para ser consultados en calquera momento.
Calendarización das probas
As probas de avaliación presencial que se convocan desenvolveranse os días 26, 27 e 28 de abril de acordo co seguinte calendario:
|
LOCALIDADE |
PROVINCIA |
DIA |
HORA |
Nº PRAZAS |
|
Abegondo |
Coruña, A |
Mércores, 26 abril |
10:00 |
15 |
|
Coruña, A |
Coruña, A |
Mércores, 26 abril |
10:00 |
16 |
|
Oroso |
Coruña, A |
Mércores, 26 abril |
10:00 |
12 |
|
Pontedeume |
Coruña, A |
Mércores, 26 abril |
10:00 |
10 |
|
Sarria |
Lugo |
Mércores, 26 abril |
10:00 |
18 |
|
Bande |
Ourense |
Mércores, 26 abril |
10:00 |
11 |
|
Campo Lameiro |
Pontevedra |
Mércores, 26 abril |
10:00 |
9 |
|
Pontevedra |
Pontevedra |
Mércores, 26 abril |
10:00 |
25 |
|
Valga |
Pontevedra |
Mércores, 26 abril |
10:00 |
11 |
|
127 |
||||
|
LOCALIDADE |
PROVINCIA |
DIA |
HORA |
Nº PRAZAS |
|
Brión |
Coruña, A |
Xoves, 27 abril |
10:00 |
10 |
|
Santiago de Comp |
Coruña, A |
Xoves, 27 abril |
10:00 |
17 |
|
Barco, O |
Ourense |
Xoves, 27 abril |
10:00 |
15 |
|
Ourense |
Ourense |
Xoves, 27 abril |
10:00 |
18 |
|
Verín |
Ourense |
Xoves, 27 abril |
10:00 |
11 |
|
Lalín |
Pontevedra |
Xoves, 27 abril |
10:00 |
18 |
|
Tomiño |
Pontevedra |
Xoves, 27 abril |
10:00 |
9 |
|
Vigo |
Pontevedra |
Xoves, 27 abril |
10:00 |
13 |
|
111 |
||||
|
LOCALIDADE |
PROVINCIA |
DIA |
HORA |
Nº PRAZAS |
|
Arzúa |
Coruña, A |
Xoves, 27 abril |
16:00 |
16 |
|
Coruña, A |
Coruña, A |
Xoves, 27 abril |
16:00 |
16 |
|
Padrón |
Coruña, A |
Xoves, 27 abril |
16:00 |
12 |
|
Santiago de Comp |
Coruña, A |
Xoves, 27 abril |
16:00 |
17 |
|
Santa Comba |
Coruña, A |
Xoves, 27 abril |
16:00 |
18 |
|
Sarria |
Lugo |
Xoves, 27 abril |
16:00 |
18 |
|
Vicedo, O |
Lugo |
Xoves, 27 abril |
16:00 |
6 |
|
Castro Caldelas |
Ourense |
Xoves, 27 abril |
16:00 |
14 |
|
Leiro |
Ourense |
Xoves, 27 abril |
16:00 |
6 |
|
Ourense |
Ourense |
Xoves, 27 abril |
16:00 |
18 |
|
Cañiza, A |
Pontevedra |
Xoves, 27 abril |
16:00 |
20 |
|
Pontevedra |
Pontevedra |
Xoves, 27 abril |
16:00 |
25 |
|
186 |
||||
|
LOCALIDADE |
PROVINCIA |
DIA |
HORA |
Nº PRAZAS |
|
Ames |
Coruña, A |
Venres, 28 abril |
10:00 |
12 |
|
Boiro |
Coruña, A |
Venres, 28 abril |
10:00 |
10 |
|
Pontes, As |
Coruña, A |
Venres, 28 abril |
10:00 |
19 |
|
Vimianzo |
Coruña, A |
Venres, 28 abril |
10:00 |
15 |
|
Barreiros |
Lugo |
Venres, 28 abril |
10:00 |
12 |
|
Carballedo |
Lugo |
Venres, 28 abril |
10:00 |
7 |
|
Fonsagrada, A |
Lugo |
Venres, 28 abril |
10:00 |
10 |
|
Celanova |
Ourense |
Venres, 28 abril |
10:00 |
11 |
|
Cuntis |
Pontevedra |
Venres, 28 abril |
10:00 |
8 |
|
Marín |
Pontevedra |
Venres, 28 abril |
10:00 |
18 |
|
122 |
||||
|
TOTAL |
546 |
A Universidade Politécnica de Madrid e Indra lanzan o ‘Reto IoT Sofía 2: Smart Cities', un concurso aberto a todos os estudantes de enxeñería que premiará as mellores aplicacións de software que supoñan un avance na xestión intelixente das cidades.
Os estudantes de Enxeñería que participen no ‘Reto IoT Sofía 2: Smart Cities' deberán describir un reto da cidade presente e futura e unha solución.O obxectivo do Reto, que xorde da colaboración entre o grupo de investigación SYST da UPM e Indra Sistemas, é promover a creatividade e a responsabilidade social dos estudantes de enxeñería no uso deste tipo de tecnoloxías.
Os estudantes que decidan participar deben describir un problema que se expón nas cidades actuais ou do futuro e propoñer unha solución utilizando as tecnoloxías ofrecidas na internet das Cousas (IoT, polas súas siglas en inglés), chegando á implementación dunha proba de concepto.
O proxecto poderase realizar individualmente ou en grupos dun máximo de 3 estudantes, e deberá apoiarse na plataforma SOFIA2, ofrecida e soportada por Indra. Esta plataforma está dispoñible de maneira gratuíta no cloudLab de experimentación, localizado no portal da plataforma.
Un xurado seleccionará os tres mellores proxectos valorando o seu impacto, o carácter innovador e a viabilidade. Para inscribirse débese enviar un correo electrónico a carlos.fernandez@upm.es co asunto ‘Inscrición Reto Sofia2'.
A Fundación Orange abriu a terceira edición da súa “Convocatoria de proxectos - Solucións dixitais para o autismo”. A convocatoria, destinada a entidades españolas e proxectos de carácter nacional, ten como finalidade o apoio a novas solucións tecnolóxicas, creativas e innovadoras, que ofrezan unha resposta pragmática ás necesidades das persoas con autismo e da súa contorna (familias, profesionais, etc.) mellorando a súa integración social e a súa calidade de vida.
Na recepción de propostas, a Fundación Orange estudará o apoio a propostas de proxectos tecnolóxicos para calquera sistema operativo e hardware existente, así como sitios web. Inclúense por exemplo, iniciativas cuxo resultado sexan: xogos, contos e lecer educativo; solucións para a aprendizaxe (educación, habilidades sociais, etc.); propostas para adultos e tránsito á vida adulta; programas para as familias (irmáns, pais, etc.); sensibilización sobre TEA; iniciativas para favorecer e preparar ao emprego; etc... En todos os casos, a solución resultante do proxecto debe ser de carácter gratuíto para o usuario final.
O prazo para presentar as propostas estará aberto ata o próximo 14 de maio e as iniciativas deben enviarse á Fundación Orange seguindo as bases publicadas no seu sitio Web de Fundación Orange.
Esta é a terceira convocatoria de solucións dixitais realizada pola Fundación Orange.
Máis información na Web Oficial de Fundación Orange.
A Deputación de Pontevedra, a través do seu programa DepoEmprega, vai organizar dous obradoiros este mes de marzo para contribuír á inserción laboral e social das persoas desempregadas da provincia. Os talleres, moi centrados nas TIC, están destinados a 60 persoas (dos concellos de Bueu, Cangas, Poio, Pontevedra e Vigo) de colectivos en risco de exclusión, abranguéndose cidadáns con diversidades funcionais ou, tamén, mulleres vítimas da violencia machista. Entre outras cousas, forneceránselles recursos e coñecementos sobre como preparar un encontro cun axente empregador ou sobre como tirar o máximo proveito das ferramentas tecnolóxico-dixitais.
A primeira das accións, A entrevista de traballo, impartirase os vindeiros 14 e 15 de marzo, na sede da Deputación de Pontevedra en Vigo (na que participarán 31 persoas) e no salón de actos do edificio administrativo da institución provincial, en Pontevedra (con 29 persoas participantes), respectivamente, de 10:00 a 12:00 horas. Neste obradoiro, sinala a entidade que preside Carmela Silva, “prestaráselle atención ao xeito de preparar unha entrevista, a como comportarse durante esta, a coñecer as preguntas que se poden realizar no seu desenvolvemento e, tamén, a elaborar as respostas axeitadas”. Serán obradoiros participativos, con proxección de vídeos, simulacións e debates sobre experiencias reais.
A segunda das accións, A marca persoal e as redes sociais na procura de emprego, terá lugar os vindeiros días 21 e 22 de marzo, en Vigo e Pontevedra, respectivamente, (nas mesmas localizacións e coa mesma participación que nos obradoiros anteriores), de 10:00 a 13:00 horas. Os obxectivos desta acción son a creación dun perfil ou marca persoal para mellorar a visibilidade profesional e laboral dos participantes. Tamén aprenderán a manexar as redes sociais para acadar un emprazamento axeitado no mercado laboral e realizar, en palabras dos organizadores do obradoiro, “unha procura de emprego eficaz”. O obradoiro, engaden, “será práctico e vivencial, traballarase a través de dinámicas que axuden a interiorizar conceptos e practicar novas olladas de cara á busca e xeración de oportunidades laborais”.
Como lembraremos, a Deputación de Pontevedra iniciou o proceso de selección das persoas participantes en DepoEmprega 2016 o pasado mes de setembro. Estas puideron solicitar a participación directamente nas súas oficinas do Servizo Público de Emprego. Este programa ten por obxectivo mellorar a inserción laboral das persoas traballadoras en situación de desemprego (concretamente búscase a integración do 35 %, é dicir, 21 persoas). Nun plano máis concreto, fornécese formación para acadar certificados de profesionalidade, prácticas en empresas e busca de postos de traballo para aquelas persoas que xa teñen estudos e experiencia laboral, ademais dun apartado de autoemprego. O programa tamén acubilla accións individuais, coas que se ofrecerá orientación en elaboración de currículos, entrevistas de traballo, obradoiros de habilidades sociais, adestramento, ou novas tecnoloxías.
A Universidade da Coruña, a Fundación Universia e o Banco Santander veñen de unir forzas para tirar atrancos entre os estudos académicos que achega a UDC e as persoas con diversidades cognitivas. O proxecto en común, unha iniciativa educativa igualitaria e accesible, chámase Espazo Compartido e a súa andaina definitiva (e definida) foi presentada hoxe mesmo ante os medios. O reitor, Julio Abalde, sinalou que “con Espazo Compartido estamos a derrubar un muro que até agora parecía insalvable: o muro da integración de persoas con diversidades cognitivas nos campus”. Tamén engadiu que un dos piares da iniciativa en común serán as novas tecnoloxías da información.
Espazo Compartido, explicou, é “un proxecto académico de formación sociolaboral para persoas maiores de 18 anos que non teñen nivel académico de abondo para acceder á universidade, e para que poidan obter ao rematar a súa experiencia educativa con nós un certificado de competencias que lles facilite a inserción laboral”. Ten alcance estatal e diferentes sedes nun bo número de campus. A UDC, unha das primeiras universidades estatais e a única no Sistema Universitario Galego en implantar Espazo Compartido, comezou co proxecto de forma experimental no ano 2013. O programa foise redeseñando durante estes anos e actualmente consta de tres cursos nos que se combinan a formación presencial nas aulas coa formación práctica en empresas como por exemplo o operador de telecomunicacións R, Inditex, Fundación Santiago Rey, Cruz Vermella, Padre Rubinos, Decathlon, Ikea, entre outras firmas. Ademais do programa académico, o proxecto inclúe sesións de apoio e atención ás familias.
Os alumnos deste programa, quince estudantes por curso, teñen clase de luns a xoves en horario de nove da mañá a dúas da tarde impartidas por profesorado especializado nas aulas da Facultade de Ciencias da Educación, e clases de apoio e titorías durante as tardes e a xornada do venres. A iniciativa, sinalouse hoxe, está estruturada en dous cuadrimestres nos que estudan Desenvolvemento Persoal, Habilidades Comunicativas, Matemáticas e Economía, Preparación para o Emprego, Novas Tecnoloxías da Información e Prospección de Emprego. O período de prácticas laborais abrangue oito semanas en empresas cun total de 200 horas.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...