O Google Developer Group Vigo (GDG Vigo), colectivo galego integrado por desenvolvedores coa arela común de intercambiar coñecementos e experiencias sobre novas tecnoloxías, vai organizar mañá un relatorio para tomarlle o pulso á Web en relación ás novidades das que estamos a ser testemuñas (e das que seremos no que resta de ano). A sesión virá da man de Salvador de la Puente, membro da comunidade open source e desenvolvedor referencial de ferramentas abertas, quen avaliará en Vigo as novas tendencias e tecnoloxías da Internet, facendo fincapé en cousas como o espallamento da Rede fóra dos seus límites orixinais (a experiencia multi-plataforma) ou a perda de terreo da industria propietaria e do sistema de establecementos en liña de software tal e como os coñecemos.
Segundo informa o Google Developer Group Vigo acerca dos novos roteiros da contorna dixital por excelencia (novos rumbos que serán avaliados no devandito relatorio, que se desenvolve baixo o epígrafe The State of The Web), o bo estado de saúde de tecnoloxías como CSS Grid, Web Assembly, WebVR, Web Animations, Service Workers, Web Manifest, Push, Web Payments ou Web Credentials, xunto con patróns de desenvolvemento modernos como PRPL ou Virtual DOM, certifican o impulso e desenvolvemento “dunha Web moderna, rápida e segura e para usuarios e desenvolvedores”.
A participación en este relatorio precisa de inscrición previa debido á limitación de prazas de asistencia dispoñibles. A inscrición e participación ao grupo é cen por cen de balde.
Respecto do relator, dende Mancomún lembran que Salvador de la Puente é membro da comunidade internacional open source con relevantes contribucións nas tecnoloxías de front-end (a parte do software que interactúa cos usuarios). Traballa na actualidade como enxeñeiro sénior para Mozilla desenvolvemento tarefas nas areas de developer relations e desenvolvemento de front-end, contando cunha destacada experiencia en I+D como enxeñeiro de Telefónica.
A Asociación Informática Amigus desenvolveu este sábado 29 unha nova edición dos Amigus Labs, un obradoiro de traballo compartido e experimentación arredor das tecnoloxías máis puxantes que, desta volta, tivo como fíos temáticos a arte e a creación dixital. Máis polo miúdo, abordáronse os aspectos teóricos e (sobre todo) as cuestións prácticas das impresoras 3D, a dixitalización en tres dimensións de obxectos e persoas, a realidade virtual, a robótica e a electrónica con Arduino e Raspberry Pi, o audio dixital, os drons e os videoxogos. Contouse coa colaboración co Grupo de Empresa, Nodo Dixital, Non Ping, Nauta, Xescourido e o Concello de As Pontes. A cita foi no Lar de Endesa, en As Pontes.
Segundo nos contan os organizadores da xornada, unha ducia de participantes tivo oportunidade de crear a cifra nada desprezable de cinco escornabots, á que vez gozaron aprendendo nocións básicas de electrónica analóxica, sobre o manexo dos soldadores de estaño e sobre a programación con Arduino. Por certo que os aparellos escornabots creados no Amigus Labs terán máis vida alén da cita do 29, xa que viaxarán até os Obradoiros de conciliación en inglés, organizados por You Can School of English e mailo Concello de As Pontes, nos que serán parte activa dos obradoiros de robótica que se celebran durante o mes de agosto.
Volvendo ao encontro do sábado, sinalar que durante toda a xornada explicouse perante os asistentes o funcionamento dos proxectos que se están a realizar dentro de Amigus Labs, desde drons impresos en 3D e proxectos de realidade virtual até paneis LED controlados por computador, impresoras 3D, así como as máquinas arcade. Amais dos contidos teóricos, tamén se fixo todo o posible por poñer aos participantes “mans á obra”. Así, tralo paso polos simuladores de radio control, puideron poñerse aos mandos dos drons, comezando a controlar as operacións de voo.
Polo que respecta á zona de audio dixital, tiveron ocasión de probar as posibilidades que o controlador de Ableton Push 2 permite á hora de producir proxectos de audio coa ferramenta Live. Ademais, configuráronse varias Rapsberry Pi co sistema operativo Kano, para que os máis pequenos puideran construír o seu propio computador, en palabras da organización, “unha máquina completamente funcional, por menos de 40€, ateigada de ferramentas como Scratch, Minecraft, navegador web, correo, suite office e unha chea de aplicacións para empezar a crear desde o primeiro momento”.
O encontro, segundo conclúen dende Amigus, “serviu para que maiores e pequenos gozáramos dunha xornada onde todos aprendemos co uso das ferramentas que as novas tecnoloxías poñen á nosa disposición, e onde todos quedamos con ganas de repetir a experiencia de novo moi pronto”.
O evento reúne en Madrid aos mellores expertos nacionais e internacionais para dar a coñecer as tendencias, solucións, normas e información que necesitan empresas, administracións públicas, PEMES, profesionais e sociedade civil para adaptarse á nova realidade.
Os datos persoais cada vez teñen máis valor e maior interese, algo que, xunto coas tecnoloxías disruptivas en materia de datos (internet das cousas, wearables, realidade virtual, intelixencia artificial, etc.), expón retos e oportunidades tanto para o emprego como para os negocios nunha sociedade cada vez máis preocupada pola súa privacidade.
O primeiro Congreso de Privacidade e Protección de Datos propón abordar estas cuestións desde 3 perspectivas: regulación, negocios e tendencias.
O Concello de A Arnoia (Ourense) quere apostar polo envellecemento saudable. Ou sexa, por todos aqueles hábitos que axuden a ter unha vida mellor pasada “certa idade”, hábitos que adoitan abranguer o emprego das novas tecnoloxías: móbiles, tabletas, Internet, servizos de mensaxería, fotografía dixital, redes sociais, etc. Para impulsar esta vertente o Concello mercou a antiga sede da Cooperativa de Salvador, pechada na actualidade e nos seus días adicada á produción de pemento. O edificio será convertido nun Centro para o envellecemento activo e saudable das persoas maiores. O proxecto busca dar servizo a unha poboación (a dos maiores) que no caso de concellos coma o de Arnoia, representa arredor da metade dos veciños.
Contará con salas de lecer e xuntas, servizo de fisioterapia e, por suposto, unha aula de informática e novas tecnoloxías. Tamén haberá un espazo para o desenvolvemento de obradoiros de memoria e fortalecemento cognitivo, entre outras dependencias.
Segundo o Concello, trátase non só de achegar formación e servizos de envellecemento activo, senón tamén de “fomentar a convivencia entre os usuarios”.
As melloras precisas para o acondicionamento do edificio e o equipamento de mobiliario serán obxecto dunha convocatoria de concurso público por parte do Concello, cun orzamento global de 217.000 euros. A previsión é que os traballos estean rematados a comezos de 2018. Segundo engadiu o Concello, o edificio contará cun axente de desenvolvemento, con traballadores de mantemento municipais e, tamén, cun equipo de especialistas nos ámbitos nos que se quere dar servizo e cobertura: fisioterapia, informática e obradoiros de memoria.
Un total de 1.260 persoas con parálise cerebral desenvolveron a súa creatividade coa súa participación na edición de #Aspacenet 2016, que se pecha este mes de xullo con varios proxectos de innovación tecnolóxica aplicada e adaptada a esta discapacidade.
Segundo informou Aspace, a posta en marcha destes programas deu como resultado a creación de varias canles de radio con emisións en directo, a publicación dunha canle de vídeo con contos adaptados, a elaboración de guías turísticas e unidades didácticas escolares adaptadas e a preparación de receitas adaptadas.
#Aspacenet é un concurso de proxectos de innovación social que Confederación Aspace e Fundación Vodafone España puxeron en marcha en 2011 para mellorar a autonomía e a calidade de vida das persoas con parálise cerebral a través do uso de novas tecnoloxías.
En total foron seis os proxectos colaborativos galardoados no VI Concurso Nacional de Proxectos en Tecnoloxías de Apoio e Comunicación #Aspacenet e que contaron coa participación de 17 entidades Aspace, que puxeron a súa creatividade ao servizo da tecnoloxía para desenvolver adaptacións de baixo custo que permitisen a persoas con parálise cerebral acceder a actividades cotiás e de carácter creativo que non poderían realizar sen estas solucións.
A secretaria xeral da Igualdade, Susana López Abella, destacou a capacidade de emprendemento que teñen as mulleres no medio rural, sendo un dos piares esenciais no desenvolvemento sostible do medio rural e dea contribución á súa valorización.
López Abella participou esta mañá na xornada Mulleres de SEU, que tivo lugar na sede de Cooperativas Lácteas Unidas (CLUN). Nas xornadas participan tamén o presidente de CLUN, José Ángel Blanco Purriños; a vicepresidenta de Feiraco, Carmen Rodríguez; e a presidenta da Asociación de Mulleres de Cooperativas Alimentarias, Jerónima Bonafé, entre outras. A finalidade da xornada é promover e impulsar a participación nos postos de decisión das mulleres socias das cooperativas Os Irmandiños, Melisanto e Feiraco.
A titular de Igualdade explicou que dende a Secretaría Xeral da Igualdade estáse a priorizar nalgunhas áreas de actuación co obxecto de acadar a igualdade real e efectiva entre mulleres e homes do rural galego. Estas áreas son a visibilidade da muller rural, a promoción do emprendemento, a conciliación da vida familiar e laboral, e o fomento do uso das TIC.
Neste eido, subliñou que as asociacións rurais e as accións que levan a cabo son clave para dinamizar a participación das mulleres na toma de decisións do eido rural, así como un pulo a dinamización económica, social e cultural do mesmo. Polo que incidir no fortalecemento e a consolidación do movemento asociativo de mulleres é unha importante canle de promoción da igualdade de oportunidades.
Ademais, fixo especial fincapé na importancia de potenciar a implantación de medidas de conciliación e corresponsabilidade por parte dos concellos rurais, promovendo e apoiando proxectos destinados á creación de servizos que faciliten a conciliación da vida laboral, persoal e familiar nos concellos rurais.
Este servizo ofrece aos usuarios respostas predeterminadas para os correos electrónicos que reciben, unha opción que pode ser moi útil para persoas con mobilidade reducida ou que teñan dificultades para escribir nos dispositivos.
Ademais, Google Smart Replay utiliza un sistema machine learning para ir aprendendo das respostas que dá o usuario e así ofrecer cada vez opcións máis adecuadas en función do contido do correo electrónico.
O RSEncuentro situouse en catro anos como un foro dinamizador das inquietudes de diferentes colectivos profesionais para desenvolver novos modelos de empresa, máis vinculados ao territorio e máis comprometidos coas persoas.
Para logralo, o RSEncuentro contará este ano con máis de 35 persoas expertas en ámbitos tan diversos como o emprego, a innovación social, o turismo, a sustentabilidade, a diversidade, o benestar emocional ou a comunicación.
O próximo 28 e 29 de setembro, Valencia converterase en sede nacional do debate sobre Responsabilidade Social Empresarial/Corporativa (RSE/RSC) coa chegada da IV edición de RSEncuentro, o foro estatal sobre Responsabilidade Social Empresarial que reunirá a Administracións Públicas, empresas e entidades sociais para dialogar e establecer vínculos reais.
Tras as súas tres edicións anteriores, realizadas en Vila-Real, Madrid e Santiago de Compostela, o RSEncuentro chega a Valencia para abrir o debate sobre os “Territorios socialmente responsables” coincidindo co ano en que Valencia é Capital Mundial da Alimentación Sustentable por Nacións Unidas e unha das capitais españolas punteiras en sustentabilidade urbana.
Este evento está organizado polas consultora CIMAS e patrocinado pola Conselleria de Transparencia, Responsabilidade Social e Cooperación, a Agència Valenciana de Turisme e Caixa Popular e conta co apoio da Fundación Novaterra. Durante dous días o congreso organiza charlas, debates e talleres moderados por expertos nacionais ao redor de cinco eixos fundamentais: o turismo sustentable; a diversidade, riqueza e talento nas organizacións; a innovación social; os medios de comunicación e a RS e as organizacións saudables.
O RSEncuentro situouse en catro anos como un foro dinamizador das inquietudes de diferentes colectivos profesionais para desenvolver novos modelos de empresa, máis vinculados ao territorio e máis comprometidos coas persoas.
Para logralo, o RSEncuentro contará este ano con máis de 35 persoas expertas en ámbitos tan diversos como o emprego, a innovación social, o turismo, a sustentabilidade, a diversidade, o benestar emocional ou a comunicación.
Unha programación diversa
O coordinador do encontro, Jaume Fons, destacou que o obxectivo é “poñer o foco, durante 48 horas, no benestar das persoas en todos os ámbitos: na súa vida individual, no seu aspecto social, como persoas traballadoras ou como persoas consumidoras”. “Todos temos unha responsabilidade individual e colectiva á hora de xerar un territorio socialmente responsable e queremos que sexa en Valencia onde a administración pública, as empresas, a universidade e todas as organizacións e colectivos que o desexen, estean presentes para falar e crear ideas comúns ao redor da responsabilidade social”, engadiu.
Na primeira xornada, o xoves 28 de setembro, territorios como Galicia ou Estremadura e cidades como Vitoria, Madrid ou Valencia explicarán que medidas están a implementar para facer reais as metas marcadas por Nacións Unidas a través dos Obxectivos de Desenvolvemento Sustentable (ODS).
Durante a xornada do venres 29, RSEncuentro organiza máis de 15 horas en cinco talleres simultáneos que xerarán respostas aos retos que expoñen ámbitos como o turismo sustentable e o equilibrio nas cidades, as organizacións saudables, a diversidade intelectual, o papel dos medios de comunicación na difusión da RSE ou a innovación social.
Tamén haberá ocasión para que as persoas asistentes poidan elixir gañador a un dos 6 proxectos que foron seleccionados para formar parte das microintervencións, no espazo da ‘RSE en vivo'. Proxectos que abarcan desde cultura vertebradora do territorio, a reciclaxe, proxectos sociais con impacto na sociedade ou a sustentabilidade do sector téxtil. Un cóctel cargado de razóns polas que as empresas e organizacións apostan por modelos de desenvolvemento que xeran beneficios sociais e ambientais para as persoas.
O artigo científico “Internet e persoas con discapacidade intelectual: unha aproximación ás preocupacións, estratexias de prevención e necesidades de formación dos coidadores”, publicado no Vol 6, Nº 2 (2017) de Journal of New Approaches in the Educational Research (NAER) o sábado pasado, 15 de xullo de 2017, recomenda deseñar, implementar e avaliar programas de formación sobre internet e o seu uso para as persoas con discapacidade intelectual, os profesionais e as familias, ao obxecto de promover a inclusión das persoas con discapacidade intelectual na contorna da internet, debendo provir esta formación da Administración e doutras organizacións.
Elaborado polos investigadores Esther Chiner e María Cristina Cardona-Moltó, do Departamento de Psicoloxía da Saúde da Universidade de Alacante, e Marcos Gómez-Puerta, do Departamento de Psicoloxía do Desenvolvemento e Aprendizaxe da UA, o estudo explora as perspectivas dos coidadores sobre os riscos da internet para as persoas con discapacidade intelectual, así como a súa preparación e habilidade para previr e facer fronte a estes riscos a través de diversas estratexias.
Para a súa realización participaron vinte familiares e vinte e catro profesionais, pertencentes á asociación sen ánimo de lucro en favor das persoas con discapacidade intelectual e do desenvolvemento APSA; todos eles responderon a un cuestionario sobre seguridade e riscos na internet. Esther Chiner, unha das asinantes, declara que “a idea xurdiu a través dun compañeiro, porque se fala moito sobre o tema das novas tecnoloxías, pero moi pouco sobre o seu uso por parte de persoas con algún tipo de discapacidade”.
Os investigadores, que tratan o tema da atención á diversidade, solicitaron unha axuda para proxectos de investigación emerxentes convocados polo Vicerreitorado de Investigación, Desenvolvemento e Innovación da Universidade de Alacante, axuda que lles foi concedida. A continuación, e para a posta en marcha do estudo, puxéronse en contacto con APSA.
Os resultados dos datos extraídos dos cuestionarios realizados a persoas con discapacidade intelectual, familiares e profesionais indican certas preocupacións dos coidadores con relación ao uso da internet por parte das persoas con discapacidade intelectual e consideran que este grupo é máis vulnerable aos seus riscos. Os participantes utilizan diferentes tipos de estratexias para previlos, pero non recibiron ningún tipo de adestramento formal. Pensan que esta formación debería provir da Administración e doutras organizacións.
Ademais, os investigadores atoparon diferenzas entre as respostas dos familiares e dos profesionais. “Tanto profesionais como pais ven riscos, pero en maior medida os profesionais”, detalla Esther Chiner. Os tres asinantes conclúen que se deberían deseñar, implementar e avaliar programas de formación para todos os grupos implicados neste proceso, desde as persoas con discapacidade intelectual, os profesionais e as familias, ao obxecto de promover a inclusión das persoas con discapacidade intelectual na contorna da internet.
Para a realización deste estudo a mostra foi pequena; con todo, Chiner adianta que a seguinte investigación na que van traballar vai abarcar a toda a Comunidade Valenciana, polo que solicitaron a axuda para proxectos emerxentes que concede a Conselleria de Educación, Investigación, Cultura e Deportes da Generalitat Valenciana e que está pendente de resolución.
A segunda fase da investigación, en curso e máis ampla, está dirixida a profesionais, para responder sobre o uso da internet en adultos, e a profesores en centros educativos, para responder sobre o uso e os riscos deste en menores. Para a definición da mostra, os expertos puxéronse xa en contacto con Plena Inclusión Comunidade Valenciana para contar coa participación de todas as asociacións de persoas con discapacidade intelectual da Comunidade.
Sobre as conclusións a investigadora apunta “o medo a que lles pase algo fai que lles restrinxan o uso da internet. É preferible educalos asumindo o risco, máis que restrinxir o uso”.
Os achados neste estudo suxiren que se debe prestar máis atención a aqueles que brindan apoio ás persoas con IDE e por tanto poden facilitar o seu acceso a Internet. Os coidadores informan da falta de capacitación formal en seguridade na internet, ao mesmo tempo que sinalan as súas preocupacións sobre as persoas con IDE de obter acceso en liña. Proporcionarlles as estratexias adecuadas para identificar, previr e facer fronte aos riscos potenciais da internet conducirá a unha mellor comprensión dos beneficios desta tecnoloxía e, por tanto, á capacidade de promover o uso responsable da internet por persoas con IDE.
Este é un dos artigos publicados no último número NAER, a revista científica do campo das Ciencias da Educación titulada Journal of New Approaches in the Educational Research, que acaba de saír o pasado día 15 de xullo. Centrada no ámbito da investigación científica no ámbito educativo a súa editora é a investigadora da UA Rosabel Roig Vila, actualmente directora do Instituto de Ciencias da Educación (ICE) da UA.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...