A través das Redes Sociais e os blogues podes estar informado dos últimos acontecementos da actualidade, ler, ver e compartir información, vídeos e fotos cos teus coñecidos ou facer novas amizades ás que lles interesen as mesmas cousas que a ti. Queres saber como? pois asiste a este curso!
Contidos:
Hai algúns anos, concretamente en 2009, Cruz Vermella lanzou unha campaña cuxo obxectivo era facilitar aos servizos de emerxencia o acceso aos contactos do noso móbil en caso de atoparnos imposibilitados. A campaña, denominada "Avisar a" (Aa), recomendaba aos cidadáns engadir as letras "Aa" diante do nome do contacto que quixesen fose avisado en caso de emerxencia.
A iniciativa estaba moi ben fai oito anos, pero ¿que pasa agora? Claramente hoxe en día acceder ao caderno de direccións dun teléfono non é tan sinxelo pois, nun momento no que os teléfonos móbiles pasaron a ser un apéndice do noso corpo, a gran maioría dos usuarios protexen a súa intimidade con patróns e contrasinais. Aínda así, todos os sistemas operativos permiten asignar contactos de emerxencia aos que acceder sen necesidade de desbloquear o teléfono.
Desafortunadamente esta opción é bastante descoñecida a día de hoxe, a pesar de que activala é moi sinxela. No caso dos dispositivos Apple, atópase dispoñible desde iOS 8 e para configurala debemos acceder desde a aplicación nativa "saúde". Dentro dela dirixímonos aos apartado "datos médicos", sinalado cun asterisco na parte inferior dereita.
Facemos scroll neste apartado ata atoparnos con "Contactos de emerxencia", seleccionamos "engadir contacto de emerxencia" e a aplicación abrirá a nosa axenda de contactos. Agora soamente temos que seleccionar o noso contacto, elixir o parentesco que temos con el e gardar.
¿Como se accede a estes contactos de emerxencia? Desde a propia pantalla bloqueada do terminal. Nela atopamos a opción SOS que, ademais de permitirnos realizar chamadas de emerxencia, sérvenos como aloxamento dos nosos datos médicos. Isto significa que ademais dos contactos de emerxencia, podemos engadir o noso grupo sanguíneo, posibles alerxias ou se somos ou non doantes de órganos.
No caso de Android, as versións anteriores a Android 7.0, non contan con esta opción de contactos de emerxencia, pero existe unha alternativa para liquidar este inconveniente. Accedendo a través de Axustes > Pantalla de Bloqueo > Seguridade > Información do propietario, engadiremos aquí o teléfono da persoa á que queremos que contacten e o seu número mostrarase sempre na pantalla bloqueada.
Hai que ter en conta que os comandos anteriores varían ás veces en función da capa de personalización que teña o noso dispositivo segundo o seu fabricante. Afortunadamente, Android xa conta cunha opción de seguridade similar á de iOS dispoñible na súa última versión, Android Nougat. Neste caso será tan simple como acceder a través de Axustes > Usuarios > Información de emerxencia > Contactos > Engadir contacto.
Aínda que vivimos nun mundo onde estamos constantemente expostos e a privacidade é primordial, non debemos deixar ao carón a seguridade. É probable que moita xente aínda non coñeza estes axustes de seguridade, por iso convidámosvos a que compartades este artigo entre os vosos contactos, polo seu ben e o de todos.
Arrincou a cuarta edición de ‘Yo me prep@ro', un dos máis completos e amplos proxectos de formación en Novas Tecnoloxías para persoas con discapacidade intelectual do noso país. O programa lévao a cabo Down España coa colaboración da Fundación Vodafone España. O obxectivo final do mesmo é que os alumnos adquiran unha serie de destrezas e habilidades que lles permitan mellorar as súas posibilidades de acceder a un posto de traballo nunha empresa ordinaria.
En total, este ano son 22 as asociacións federadas a Down España nas que se vai a desenvolver o programa, que conta cun primeiro nivel de iniciación, destinado a aqueles alumnos que non tiveron contacto coas novas tecnoloxías, e un segundo nivel orientado ao ámbito laboral, para aqueles alumnos que tendo formación en Novas Tecnoloxías necesitan unha maior especialización co obxectivo de chegar á inserción laboral.
En cada entidade uno ou dous docentes encárganse de impartir os contidos, axudados por material e equipo tecnolóxico como lousas dixitais, tablets, computadores ou smartphones.
No ‘Nivel iniciación' detállase a continuación o estado do proxecto nas seguintes entidades: Down Córdoba, Down Granada, Down Sevilla. Asedown, Down Sabadell. ANDI, Down Principado de Asturias, Down Toledo, Down Ávila, Down Castelló, Asindown, Down Ourense, Fundown Murcia e Down Vigo.
Completouse o coñecido como ‘Módulo 0', que pretende a cohesión do grupo e a adquisición de dinámicas de traballo en equipo.
Tamén se desenvolveu a totalidade do ‘Módulo 1', chamado ‘Achegándonos ao mundo das tecnoloxías da información e da comunicación: as TICs'. Este módulo é unha introdución ao ámbito das TICs, e nel todos os usuarios superaron os obxectivos previstos, cun alto grao de satisfacción por parte do alumnado. Á hora de traballar estes contidos aplicouse unha metodoloxía eminentemente práctica, e puideron coñecer e manexar as novas tecnoloxías en tendas especializadas.
Outro dos obxectivos propostos neste módulo é a toma de conciencia da importancia de coñecer e desenvolver hábitos saudables cando utilizan as Tics (computador, videoconsola, MP3…). O 80% dos usuarios superou estes obxectivos con éxito. Os responsables indican que é importante seguir traballando este obxectivo ata que o 100% dos alumnos o adquira para así evitar posibles lesións corporais, derivadas de posturas corporais erróneas ou hábitos pouco saudables.
No ‘Nivel profesionalización' participan as seguintes entidades: Down Barbate. Asiquipu, Down Málaga, Down Xerez. Aspanido, Down Zaragoza, Fundabem, Down Palencia, Down Valladolid, Down Compostela, Down Pontevedra. Xuntos, Down Navarra e Fundown Murcia.
Do mesmo xeito que no nivel iniciación, completouse o ‘Módulo 0' de cohesión e traballo en grupo.
En canto ao ‘Módulo 1', neste caso leva por título ‘Que servizos e ferramentas nos ofrece Internet?', e executouse ao 100%. Por contidos, estes son os resultados deste módulo:
Manexo de redes sociais para procura de emprego: O 80% dos usuarios superou os obxectivos con éxito. Seguiranse traballando estes contidos en seguintes sesións
A Axencia para a Modernización Tecnolóxica de Galicia (Amtega e o Colexio Profesional de Enxeñaría en Informática de Galicia (CPEIG) impartirán en diversas localidades galegas charlas de Transformación Dixital e Talento. A iniciativa diríxese a estudantes de secundaria e ten como obxectivo fomentar as vocacións nos estudos relacionados co sector TIC, un dos máis dinámicos da economía española e con máis saídas laborais.
O programa de charlas comeza hoxe no IES Concepción Arenal de Ferrol. Os días 24 e 26 de outubro desenvolveranse no IES Rosalía de Castro, en Santiago; o día 26 no Seminario Menor A Inmaculada, de Ourense, e o 27 deste mesmo mes no IES Número 1 do Carballiño. Tamén está previsto impartir unha charla na cidade da Coruña.
Colexiados do CPEIG achegaranlle ao alumnado destes centros como é o perfil dos profesionais da Informática, xunto cos motivos para estudar unha enxeñaría e, concretamente, a enxeñaría en Informática. Asemade, daranlles a coñecer as saídas laborais destes estudos.
Transformación dixital e talento
A iniciativa representa unha continuidade da Xornada Transformación Dixital e Talento desenvolvida o pasado 16 de outubro en Santiago con grande éxito de convocatoria. Nela, o CPEIG e a AMTEGA xa crearon un punto de encontro para empresas, universidades e estudantes ao redor da economía dixital.
No encontro, enmarcado no convenio de colaboración que manteñen a Amtega e o CPEIG, participaron relatores seleccionados polo seu perfil inspirador e que son exemplo de éxito profesional: Constantino Fernández, presidente executivo de Altia; Enrique Dans, profesor de Innovación do IE Business School; Juan Carrillo, Director de Relacións con Clientes de LinkedIn; e David Tomás, cofundador e CEO de Cyberclick.
Máis de 200 empresas e 60 relatores abordan hoxe e mañá o uso das tecnoloxías libres na Industria 4.0 e nos sectores primarios na LibreCon2017, organizada pola Asociación Galega de Empresas de Software Libre (AGASOL) e a Federación Nacional de Empresas de Software Libre (Asolif) e que conta co apoio da Xunta, a través da Axencia para Modernización Tecnolóxica de Galicia (Amtega), Gain e Igape.
Na inauguración do encontro, a directora da Amtega, Mar Pereira, sinalou que no actual momento de transformación dixital, o software libre ten demostrado a súa capacidade como solución competitiva no proceso de modernización de diferentes sectores. Neste sentido, lembrou que desde 2010 a Xunta colabora cos axentes do software libre galego na elaboración do seu Plan anual para impulsar o uso do software libre en todos os ámbitos da sociedade.
A aposta da Administración autonómica polo software libre reflíctese no seu uso en proxectos tecnolóxicos estratéxicos como o proxecto Abalar en educación e noutros da Administración electrónica como o nodo de interoperabilidade das administracións públicas galegas (PasaXe), ou o sistema de xestión bibliotecaria. Ademais, desde a Xunta avógase pola reutilización do software e mantense o compromiso da Administración autonómica de liberar dous proxectos anuais no Repositorio de Software Libre de Galicia.
Impulso do software libre no tecido empresarial e na sociedade
O Plan de Software Libre 2017 recolle un total de 110 actuacións para impulsar unha oferta de solucións libres e de calidade para as empresas e incrementar o seu uso e coñecemento por parte da sociedade, potenciando as tecnoloxías libres nos programas de capacitación dixital da rede CeMIT e da Escola Galega de Administración Pública.
No sector empresarial, os últimos anos constatan unha tendencia crecente no seu uso. Actualmente preto do 86% das empresas con máis de 10 empregados e con sede en Galicia empregan Software Libre, unha porcentaxe que ascende ao 90% no caso do sector TIC. Pese a isto o descoñecemento e falta de referencias sobre os produtos de software seguen sendo unha barreira para que as empresas aposten polo software libre.
Para paliar este descoñecemento, o Centro Demostrador TIC da Amtega vén desenvolvendo un importante labor desde 2011 na divulgación de solucións empresariais de código aberto con accións demostradoras, xornadas e difusións prácticas de solucións. Ademais, incrementou a súa oferta de servizos con novas ferramentas como o Centro Demostrador TIC Virtual, que ofrece peto dunha decena de solucións empresariais de software libre que as empresas poden probar de xeito gratuíto.
A directora da Axencia para Modernización Tecnolóxica de Galicia (Amtega), Mar Pereira, lembrou hoxe que a Xunta iniciou a elaboración da Lei de Administración dixital de Galicia, que dotará á Comunidade dun marco normativo único que eliminará a dispersión normativa existente, potenciará un novo modelo de complementariedade entre administracións e permitirá ofrecer unha maior eficacia, eficiencia e simplificación dos procedementos.
A responsable autonómica, que inaugurou xunto coa directora da Escola Galega de Administración Pública, Sonia Campos, unha xornada sobre as novidades da Lei 39 e a Lei 40/2015, subliñou que a norma galega complementará o establecido nestas leis estatais.
Neste sentido, Mar Pereira sinalou que Galicia vén traballando na transformación dixital da Administración desde o ano 2010 cun Plan de Modernización que permitiu á Comunidade chegar á entrada en vigor das novas leis coas principais pezas dunha administración integramente dixital en marcha e adiantarse, incluso, a algunhas das esixencias que prevén para o ano 2018. É o caso do Arquivo Electrónico ou da posta en marcha da dixitalización do Rexistro Xeral e das Delegacións provinciais da Xunta.
Entre as medidas máis inmediatas do Plan de Administración e Goberno Dixitais 2020, Mar Pereira sinalou a posta en marcha no derradeiro trimestre do 2017 dunha nova sede electrónica da Xunta de Galicia, adaptada a un mellor uso dende dispositivos móbiles e con posibilidades de personalización en función do perfil do cidadán ou empresa.
De cara a 2018 iniciarase a reformulación das Oficinas de rexistro como Oficinas de atención, que facilitarán a relación de cidadáns e empresas coa administración a través dos medios dixitais e poranse en marcha a figura do funcionario habilitado e o rexistro de apoderamentos, que posibilitarán a autorización dunha persoa ou funcionario para realizar trámites telemáticos en nome doutra persoa.
O acto de entrega contou coa presenza de Fernando López Miras, Presidente da Rexión de Murcia; José Ballesta, Alcalde de Murcia; Andrés Carrillo, Conselleiro de Facenda e AA.PP da Rexión de Murcia e Francisco Román, Presidente de Vodafone España e da Fundación Vodafone España.
O presidente da Rexión de Murcia destacou que “para crecer como persoa, como organización e, á fin e ao cabo, como sociedade, debemos estar preparados para saber adaptarnos ao cambio, aproveitarnos del e tornar a incerteza en oportunidade. Vodafone entendeuno ben. Son unha historia de éxito porque souberon xestionar o cambio. Foron pioneiros na globalización do sector das telecomunicacións, souberon crecer en distintas tecnoloxías e entrar en mercados tan diferentes como a televisión e as telecomunicacións”.
Noutro momento da súa intervención, Fernando López Miras resaltou a importancia que a tecnoloxía ten na sociedade actual “todos os nosos esforzos deben estar centrados en mellorar a vida das persoas, especialmente daquelas que teñen máis dificultades. A tecnoloxía non será útil se non serve para que os cidadáns poidan vivir sinxelamente mellor. Unha sociedade madura caracterízase por mirar cara ao futuro sen deixar a ninguén atrás. Creo firmemente nisto. E isto é o que, na miña opinión, representan os galardóns que hoxe se entregan. Por iso, os meus parabéns aos premiados, aos que se lles recoñece o seu esforzo, e tamén o seu éxito, aínda que, sen dúbida, o maior dos seus méritos e o que máis debe reconfortarlos é contribuír a unha sociedade mellor.”
Para Francisco Román, Presidente de Vodafone España e da Fundación Vodafone España, os premiados “son tres claros exemplos de que o futuro pasa pola transformación dixital e a innovación continua. Cremos que apoiar estes proxectos é fundamental para afrontar os retos sociais que nos esperan e para contribuír a desenvolver sociedades máis sustentables, intelixentes e inclusivas”.
Na categoría “Accesibilidade TIC”, que valora proxectos que sexan de aplicabilidade a un ou a varios tipos de discapacidade (sensorial, cognitiva ou física) e que promovan a autonomía persoal e a mellora da calidade de vida, outorgáronse dous premios:
Pola súa banda, o Premio “Solución social TIC”, que recoñece solucións de amplo impacto social e para calquera ámbito, recaeu en:
O xurado desta XI Edición dos Premios estivo formado por Francisco Marín, Director Xeral do CDTI; Aleix Valls, exdirector Xeral da Fundación Mobile World Capital Barcelona; Miguel Ángel Valero, Director Xeral do CEAPAT; Ricardo Gabarró, Director de I+D+i do Grupo Eulen; Rodrigo Hilario, Director de Estratexia de RENFE; Mar Pereira, Directora de AMTEGA; José Manuel Sedes, Director de Sustentabilidade de Vodafone España; Blanca Echániz, Directora de Servizos Particulares de Vodafone España; Enrique Martín, Director de Innovación de Vodafone España; e Mari Satur Torre, Directora de Innovación da Fundación Vodafone España.
A entidade pública empresarial Red.es presentou o pasado 11 de outubro a décima edición do informe anual A Sociedade en Rede 2016, que elaborou o ONTSI. Esta publicación recompila múltiples indicadores sobre o grao de penetración das Tecnoloxías da Información e a Comunicación, así como as tendencias tecnolóxicas, e consolídase como unha peza clave no seguimento da Axenda Dixital para España.
Un dos puntos para destacar do informe é o incremento de 4,7 euros, respecto ao mesmo trimestre do ano anterior, do gasto medio mensual en servizos de telecomunicacións nos fogares españois (69,2 euros IVE incluído, cuarto trimestre de 2016). Desta cifra, as familias destinan un 47,1% a telefonía móbil, un 21,2% a telefonía fixa, un 20,1% a Internet e nun 11,6% a TV de pago.
O ano pasado, ademais, consolidouse a contratación de paquetes de servizos TIC. Desta forma, o 75,3% dos fogares xa contaba con algunha destas modalidades. A máis común é a que agrupa telefonía fixa, telefonía móbil e Internet (51,8% dos fogares con paquetes TIC), aínda que tamén hai fogares que a esta oferta suman a TV de pago (31%). A mellora do prezo constitúe o motivo principal para optar pola contratación conxunta.
Segundo reflicte o informe do ONTSI, a finais do terceiro trimestre de 2016 un 84,9% dos fogares dispoñía dalgún tipo de computador e, por primeira vez, máis da metade tableta (52,8%). O computador mesmo supera á televisión, que queda nun 84,3%. O smartphone continúa á cabeza en canto a equipamento TIC individual, xa que o posúen 7 de cada 10 individuos de 15 anos ou máis. Ademais, o 78,4% dos internautas conéctanse diariamente a Internet e utilizan o teléfono móbil a diario un 74,8%.
Segundo os datos achegados polo informe, o 82,9% das pequenas, medianas e grandes empresas conéctanse a Internet a través de banda larga móbil, o que supón un incremento de 2,2 puntos. Esta porcentaxe é do 69,9% nas microempresas, que soben aínda máis: 4,5 puntos. Ademais, o 25,3% das pequenas, medianas e grandes empresas proporcionan un dispositivo portátil aos seus empregados, fronte ao 31,4% nas microempresas.
Rexístrase tamén unha aposta cada vez maior no uso de técnicas de Big Data para a análise de comportamentos, xa que permite recompilar, almacenar, xestionar e extraer conclusións de grandes conxuntos de datos. Ao longo de 2016, o 8,5% das pemes e grandes empresas e o 2,7% das microempresas recorreron a solucións de Big Data. Orientaron esta tecnoloxía sobre todo á xeolocalización a partir de dispositivos portátiles e aos medios sociais.
María Berta Doforno Seoane foi unha das trinta persoas que quixeron aproveitar as vantaxes que lles proporciona a apertura dunha aula BAE, unha aula informática que abre todas as tardes dos mércores nas instalacións que COGAMI ten en Ourense.
A finalidade desta aula é a de servir como un recurso máis ás persoas que forman parte do programa denominado `PARTICIPA coa dis-CAPACIDADE´, programa que apoia a Fundación Vodafone España, e que serve para que as persoas potencien o uso das novas tecnoloxías durante a procura de emprego.
A aula, ademais de estar dotada co equipo informático, conta co apoio da orientadora laboral, para proporcionar toda a información adicional ou pautas que deben seguir as persoas usuarias á hora de realizar a procura de emprego pola rede.
O traballo da orientadora é, como o seu propio nome indica, o de orientar, asesorar, guiar ou apoiar nas xestións que lle reclamen as persoas que acoden á aula. No que vai de ano xa foron 30 as persoas de Ourense que utilizaron este recurso, onde algunhas atoparon emprego e están a traballar e outras o tentan acudindo a entrevistas laborais.
María Berta xa logrou que a chamasen para varias entrevistas de traballo. Aos seus 58 anos sabe que o ten algo máis complicado para atopar unha oferta que se adapte ás súas capacidades, pero non tira a toalla. Mesmo se deu de alta nalgunha aplicación do seu teléfono móbil, para facilitar a procura dalgunha oferta interesante.
María Berta é unha das 19 persoas de Ourense que forman parte do programa.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...