A xunta de Goberno da Deputación de Lugo aprobou hoxe abrir o procedemento para contratar o servizo de teleasistencia domiciliaria que ofrece de balde a entidade provincial á veciñanza de 67 concellos. O novo contrato suporá un investimento de 750.000 euros e terá unha duración de dous anos. Implica o incremento do número de prazas ofertadas nun 13%, até chegar ás 1.795. Tamén implica a posta en xogo das máis avanzadas tecnoloxías de seguimento, control e comunicación. Estes e outros datos foron achegados pola voceira socialista do Goberno provincial, Pilar García Porto.
Segundo fixo saber, o novo prego contempla cousas diversas como o fornecemento gratuíto de unidades de control remoto adicionais; de 48 dispositivos periféricos vinculados ao terminal de teleasistencia (detectores de caídas, de gas, de fumes, de movemento e de presencia), incluíndo a súa instalación, mantemento e prestacións vinculadas aos mesmos; e de 48 terminais de teleasistencia móbil que conten cun sistema de xeolocalización e monitoraxe, que permitan a emisión de alarmas e a localización da persoa usuaria. Tamén están incluídos aparellos que faciliten o uso do servizo a persoas con dificultades de comunicación verbal ou auditiva (dispositivos móbiles con software específico que posibiliten á persoa usuaria activar unha alerta no centro de atención de forma sinxela).
Todas estas melloras non estaban contempladas no contrato do 2013. A voceira provincial socialista subliñou que o servizo de teleasistencia é unha prestación que garante a atención as 24 horas do día e os 365 días do ano a todos os maiores da provincia con dificultades na súa autonomía, favorecendo “a permanencia e a integración no entorno familiar e social das persoas usuarias deste servizo, sobre todo dos que viven no rural”. Grazas a esta iniciativa, dixo “os usuarios e os seus familiares viven con máis tranquilidade, pois saben que contan cun sistema de chamada en situacións de emerxencia”, indicou.
Na era da robótica, a intelixencia artificial e a economía do dato, as organizacións non só demandan perfís tecnolóxicos para poñer en marcha novos avances, tamén necesitan especialistas en humanidades, ciencias da saúde e ciencias sociais e xurídicas, dende filósofos ata avogados que acheguen unha visión ética do negocio.
Neste contexto, a Xunta pon en marcha as Bolsas DigiTalent con 50 prazas para dar resposta á demanda de novos perfís dixitais e facilitar a hibridación entre o sectores TIC e non TIC. Esta actuación articúlase a través dun convenio de colaboración asinado pola Consellería de Educación, Universidade e Formación Profesional, a Axencia para a Modernización Tecnolóxica de Galicia (Amtega), as Universidades de Santiago de Compostela, Vigo e A Coruña e a Fundación Empresa-Universidade Galega (FEUGA).
Este mes de outubro iniciarase a comunicación co sector tecnolóxico para que as empresas interesadas poidan adherirse ao proxecto. Na fase de selección de empresas, as entidades poderán expresar as súas preferencias en canto ás áreas de coñecemento ou titulacións dos bolseiros respondendo así ás súas necesidades.
A través desta actuación contribuirase a que as empresas tecnolóxicas poidan acceder a unha canteira de talento que contribúa a cubrir vacantes de postos caracterizados pola confluencia das TIC co resto de ámbitos de coñecemento.
Unha vez seleccionadas as empresas, a previsión é que no mes de xaneiro se abra a convocatoria para que aqueles alumnos e alumnas que cumpran cos requisitos de acceso poidan presentar as súas candidaturas para participar no programa.
Serán un total de 50 bolsas destinadas a estudantes de últimos cursos das áreas de coñecemento seguintes: Artes e Humanidades, Ciencias, Ciencias da Saúde, Ciencias Sociais e Xurídicas, Enxeñaría e Arquitectura. Os interesados en acceder a estas axudas deberán estar matriculados en calquera das tres universidades galegas e ter superado o 75% dos créditos.
Os bolseiros DigiTalent recibirán formación teórico-práctica por un período de tres meses en empresas do sector tecnolóxico que estean a desenvolver proxectos relacionados con tendencias tecnolóxicas emerxentes tales como BigData, tecnoloxías móbiles, deseño de servizos e aplicacións Cloud, ciberseguridade, IoT, blockchain, realidade aumentada, intelixencia artificial, economía colaborativa ou wearables. Estas prácticas non laborais terán una duración de 20 horas semanais e serán remuneradas.
Estas bolsas enmárcanse no Plan de Promoción do Talento Dixital de Galicia 2020, DigiTalent, impulsado pola Amtega para potenciar as vocacións STEM desde idades temperás, promover a adaptación de estudantes, titulados e profesionais á demanda de novos perfís dixitais e maximizar as oportunidades de desenvolvemento profesional na economía dixital.
No marco dos seus tres eixos, neste curso 2019/2020 desenvolveranse un total de 37 actuacións, 18 delas orientadas á impulsar as vocacións científico-técnicas entre o mais novos; outras 13 orientadas a impulsar novos perfís dixitais; e as 6 restantes están orientadas a formar a perfís directivos para liderar a transformación dixital da súa empresa.
Toda a actualidade sobre as actuacións recollidas no catálogo DigiTalent, atópase dispoñible no espazo web digitalent.xunta.gal, ofrece información actualizada (datas, localizacións e instrucións para a participación) sobre as actuacións.
A Consellería de Educación, Universidade e Formación Profesional vén de publicar a resolución dos 21 centros seleccionados para participar este outono na Semana STEM (Ciencia, Tecnoloxía, Enxeñaría e Matemáticas), da que tomarán parte un total de 450 alumnas e alumnos (un máximo de 25 por centro) a partir de mañá, cando arrinca a primeira quenda de estadías.
Este campamento de innovación educativa impulsado pola Xunta de Galicia está dirixido a rapaces de 5º e 6º de Primaria e de 1º e 2º de ESO de centros públicos galegos, co obxectivo de ampliar os seus coñecementos científico-tecnolóxicos a través de estadías dunha semana de duración en réxime de internado durante os meses de outubro, novembro e decembro deste ano. A actividade é totalmente gratuíta para as familias e desenvólvese nos Peares.
A relación de centros seleccionados é a reflectida no seguinte cadro:
|
Provincia
|
Concello
|
Centro
|
Curso
|
Quenda
|
|
A Coruña
|
Arteixo
|
IES Manuel Murguía
|
1º ESO
|
1-7/12
|
|
A Coruña
|
Cambre
|
CEIP Portofaro
|
5º EP
|
13-19/10
|
|
A Coruña
|
Carral
|
CEIP Vicente Otero Valcárcel
|
6º EP
|
10-16/11
|
|
A Coruña
|
Cee
|
IES Agra de Raíces
|
2º ESO
|
8-14/12
|
|
A Coruña
|
Cerceda
|
CPI Plurilingüe O Cruce
|
1º ESO
|
17-23/11
|
|
A Coruña
|
Culleredo
|
CEIP Plurilingüe de Tarrío
|
6º EP
|
27/10 a 2/11
|
|
A Coruña
|
Culleredo
|
CEIP Plurilingüe Ría do Burgo
|
6º EP
|
3-9/11
|
|
A Coruña
|
Ferrol
|
CEIP Cruceiro de Canido
|
6º EP
|
10-16/11
|
|
A Coruña
|
Ferrol
|
IES Sofía Casanova
|
1º ESO
|
1-7/12
|
|
A Coruña
|
Santiago de Compostela
|
CEIP Pío XII
|
5º EP
|
13-19/10
|
|
A Coruña
|
Santiago de Compostela
|
CEIP Raíña Fabiola
|
6º EP
|
3-9/11
|
|
A Coruña
|
Fene
|
CEIP Plurilingüe Os Casais
|
5º EP
|
20-26/10
|
|
Lugo
|
Láncara
|
CPI Ramón Piñeiro
|
1º ESO
|
24-30/11
|
|
Lugo
|
Lugo
|
IES Nosa Sra. dos Ollos Grandes
|
2º ESO
|
8-14/12
|
|
Lugo
|
Monforte de Lemos
|
IES A Pinguela
|
1º ESO
|
17-23/11
|
|
Lugo
|
Viveiro
|
CEIP Plurilingüe de Covas
|
5º EP
|
20-26/10
|
|
Ourense
|
Ourense
|
IES 12 de Outubro
|
1º ESO
|
24-30/11
|
|
Pontevedra
|
Lalín
|
IES Laxeiro
|
1º ESO
|
24-30/11
|
|
Pontevedra
|
O Porriño
|
CEIP Plurilingüe Antonio Palacios
|
6ºEP
|
27/10-2/11
|
|
Pontevedra
|
Salvaterra de Miño
|
CEIP Plurilingüe Infante Felipe de Borbón
|
6ºEP
|
10-16/11
|
|
Pontevedra
|
Tomiño
|
CEP Pedro Caselles Beltrán
|
5ºEP
|
20-26/10
|
A Semana STEM forma parte do conxunto de accións da Estratexia galega para a educación dixital (Edudixital 2020) postas en marcha pola Consellería de Educación coa finalidade de fomentar o espírito científico e tecnolóxico entre o alumnado galego.
O seu obxectivo é reforzar os coñecementos científico-tecnolóxicos no eido educativo, necesarios para dar resposta aos desafíos profesionais do futuro. Deste xeito, as estadías proporcionan un escenario propicio para desenvolver capacidades, coñecementos e técnicas, a través dunha invitación ao descubrimento, que aumente o seu interese por saber, cada vez máis, sobre diversos campos da ciencia e as súas posibilidades de aplicación na tecnoloxía.
As actividades non só serán académicas, senón tamén de carácter lúdico-recreativo e servirán de reforzo ao programa ordinario do currículo do alumnado nas aulas. Os contidos dos cursos inclúen un programa de actividades académicas, de obradoiros, de tempo libre e deportivas. En calquera caso, a finalidade do programa é promover a convivencia entre o alumnado, o traballo en equipo, o aprender facendo mediante un enfoque “maker”, a creatividade e a motivación para mellorar as súas competencias STEM.
O vicepresidente da Xunta, Alfonso Rueda, e a directora xeral de Xuventude, Participación e Voluntariado, Cristina Pichel, inauguraron hoxe a 19 edición da Xuventude Galicia Net R Encounter que reunirá ata o domingo no Recinto Feiral Semana Verde a case un milleiro de afeccionados e profesionais da informática.
O número de inscritos medrou este ano máis dun 12% respecto á edición anterior e ratifica o evento informático como punto de encontro de referencia para a xuventude nun espazo adicado ás novas tecnoloxías e ao ocio electrónico. Tamén se duplicará a zona de realidade virtual e a velocidade de conexión convertendo estes días ao recinto feiral no lugar mellor conectado de Galicia.
Alfonso Rueda destacou que é o quinto ano consecutivo no que a maior party informática de Galicia se celebra no recinto feiral da Semana Verde, o que demostra a consolidación desta nova ubicación. Este encontro, no que se abordará a tecnoloxía desde todas as súas perspectivas, é un exemplo do compromiso da Xunta na diversificación da actividade da Fundación Semana Verde de Galicia.
Desta forma, o Goberno galego busca incluír cada ano novos eventos no calendario de feiras da Semana Verde que permitan abrir novas oportunidades e garantir a viabilidade do recinto e, ao mesmo tempo, manter as actividades tradicionais como o mercado gandeiro ou a feira multisectorial de mostras e ocio.
Á inauguración da Xuventude Galicia Net R Encounter tamén acudiron o director xeral da Fundación Semana Verde de Galicia, Ricardo Durán; a directora da Axencia para a Modernización Tecnolóxica de Galicia (Amtega), Mar Pereira; ademais do conselleiro delegado do Grupo Euskaltel, José Miguel García; o xerente da Fundación Euskaltel, Sabino San Vicente; e o director de Empresas R e Grupo Euskaltel, Isidro Fernández de la Calle.
O evento informático este ano vólvese articular nas súas tres zonas habituais: a Intranet, dirixida en exclusiva para os inscritos; a zona Extranet, aberta tanto aos inscritos como aos visitantes; e o espazo expositivo para as empresas relacionadas co material informático, as novas tecnoloxías e o ocio electrónico.
Nas actividades da zona Intranet celebraranse os concursos de arte dixital nas súas tres vertentes: creación de imaxes dixitais, música dixital e programación. Non falta tampouco o hardware, con modificación e personalización de equipos ou as granxas de impresoras 3D. Ademais, levaranse a cabo competicións para ordenador e videoconsola.
Entre os contidos da zona aberta destaca o programa de conferencias, nas que se abordarán temas como os negocios en internet, a seguridade e a privacidade na rede, os hackers ou as últimas novidades no desenvolvemento de software. Tamén terá lugar unha xornada de empresas organizada por R e obradoiros de robótica e de chovafoam ou accesorios para deseñar o vestiario de personaxes de ciencia ficción (cosplay).
A programación deste ano tamén inclúe outras alternativas de ocio, como xogos de mesa, xadrez, billar, pistas deportivas, zona de consolas, espazos de realidade virtual, campionato de karting, partidos de fútbol burbulla, un rocódromo, unha zona de rol e outra de nerf ou unha exposición de figuras de ciencia ficción.
Galicia conta este mes de outubro con outros eventos deste tipo nos que se mesturan tecnoloxía e xuventude. Por unha parte, Mocidade, un encontro entre rapazas e rapaces de Galicia-Norte de Portugal que se celebrará do 25 ao 27 deste mes na Cidade da Cultura. Outra das citas é o primeiro torneo autonómico de League of Legends (LOL) que se está a desenvolver na rede de Espazos Xoves da Xunta de Galicia.
A “Xornada Final de Tech Kids” contará coas seguintes actividades para rapaces e rapazas de entre 10 e 17 anos:
Coñecemento e experiencia unidos para converter a Galicia en referente no campo da Ciberseguridade. Ese é o obxectivo primeiro do evento CyberSec@GAL,que comeza a súa andaina nuns días, impulsado pola cátedra R en Ciberseguridade e as Universidades da Coruña e Vigo, e coa colaboración da AMTEGA, Gradiant, Emetel, Hijos de Rivera e Abanca.
Serán 4 xornadas de obradoiros, ciber-retos e relatorios, nas que se falará de solucións, normativas, desafíos e ameazas para a seguridade na contorna dixital.
Beatriz Martínez, enxeñeira do equipo Solutions Architets da multinacional tecnolóxica Red Hat profesional especializada en crear sistemas para xestionar nubes de almacenamento de datos, será a protagonista do programa de actividades de Girl STEM este venres 11 de outubro. En virtude da súa participación no programa, impulsado por AGASOL e AMTEGA para derrubar muros en materia de vocacións TIC femininas, Beatriz Martínez falará ante o alumnado de Lugo a partir das 11.30, na sede de Afundación en Lugo (o 16 da praza Maior). Participarán mozas e mozos de terceiro e cuarto da ESO e primeiro de Bacharelato do IES Gregorio Fernández de Sarria e o CPI Ramón Piñeiro de Lugo.
Tras unha breve presentación a conta de Nía Maneiro, educadora e socióloga experta en xénero, Beatriz Martínez lanzarase a desmontar prexuízos sobre a relación entre as mulleres e as profesións científico-tecnolóxicas, achegando datos e exemplos inspiradores. Logo, abrirase un espazo para preguntas e o debate coas rapazas e rapaces dos institutos convocados.
Con esta iniciativa conxunta entre AGASOL e AMTEGA, quérese contribuír a reducir a fenda de xénero que existe entre mulleres e homes nos estudos nos campos STEM (Ciencia, Tecnoloxía, Enxeñería e Matemáticas), nas que o alumnado feminino representa tan só o 25%. Este programa forma parte do Plan de Talento Dixital de Galicia, DigiTalent 2020, impulsado pola dita axencia.
Cunha dilatada experiencia no sector das telecomunicacións, Beatriz intégrase no equipo de Solutions Architets de Red Hat para apoiar as áreas de Cloud e Infraestrutura, traballando con sistemas de almacenamento de datos para grandes empresas en todo o mundo. A súa traxectoria profesional multidisciplinar, en diferentes posicións na industria, permitíronlle desenvolverse e comprender os retos e necesidades arredor de distintos ámbitos relacionados coa enxeñería das telecomunicacións, tanto no desenvolvemento técnico como de negocio.
A directora xeral de Comercio e Consumo, Sol Vázquez, participou esta tarde en Noia nunha xornada na que se informou aos comerciantes da nova plataforma de tícket díxital que a Xunta desenvolve en colaboración coa Federación Galega de Comercio.
Tal e como se salientou na reunión, que se celebrou en colaboración co centro comercial aberto Noia Histórica, o tícket electrónico permite achegar unha maior comodidade e garantía aos clientes, evitando a perda ou deterioro do tícket en papel, ao tempo que minimizan o uso do papel e os contaminantes vinculados aos procesos de impresión.
Esta medida enmárcase no programa Comercio 360, unha iniciativa coa que se busca mellorar a competitividade do comercio de proximidade poñendo ao consumidor no centro de todas as decisións. Con 5,7 millóns de euros para este ano, búscase poñer en valor a aposta polo produto local, a sustentabilidade e a economía circular, a responsabilidade social e o deseño.
O director xeral de Desenvolvemento Rural, Miguel Pérez Dubois, participou esta mañá na clausura do seminario sobre novas tecnoloxías no agro onde destacou que o uso das novas tecnoloxías da información e comunicación (TIC) permite mellorar a calidade de vida e traballo dos cidadáns das zonas rurais de Galicia, fortalecendo a creación de valor engadido na economía rural.
Neste senso, Pérez Dubois sinalou que o emprego das TIC é clave para conseguir unha cohesión territorial e reforzar a vertebración económica e social ao mellorar a competitividade das empresas e servizos ubicados no rural galego. Un obxectivo que tamén persegue a Consellería do Medio Rural e que incorpora ao agro a través da iniciativa europea Leader.
Así, Pérez Dubois salientou que a través deste programa europeo preténdese impulsar proxectos que equilibren as diferenzas entre o urbano e o rural, creando servizos que superen o illamento xeográfico e permitan aumentar a interacción social. Neste sentido, o director xeral agradeceu ao Grupo de Desenvolvemento Rural (GDR) 4 Comarca de Lugo, organizador deste seminario, por apostar polo uso das TIC e puxo en valor diversos proxectos que recibirán axudas Leader a través deste grupo e que favorecerán o impulso e dinamización do rural de Galicia mediante o uso destas tecnoloxías.
A directora da Axencia para a Modernización Tecnolóxica de Galicia (Amtega), Mar Pereira, abriu esta mañá o IV Foro Autonómico TIC de Gartner, o primeiro que se celebra en Galicia. No encontro, no que participan os responsables da área de transformación tecnolóxica doutras sete comunidades autónomas, abordaranse os retos das administracións públicas para impulsar a transformación dixital no seus territorios de cara a vindeira década.
A responsable da Amtega expuxo no Foro a traxectoria do actual Goberno galego na dixitalización da Comunidade e avanzou as liñas da futura Estratexia Dixital de Galicia 2030, que fai foco no posicionamento do ecosistema dixital galego nas tecnoloxías disruptivas. En liña coas directrices da Unión Europea, o Goberno autonómico apostará na nova folla de ruta polo 5G, a Intelixencia Artificial, o Big Data ou a Ciberseguridade.
Os analistas de Gartner abordaron aspectos chave para as Administracións públicas como as estratexias para incluír as TIC na axenda política, os modelos de financiamento para a transformación dixital ou a evolución das infraestruturas tecnolóxicas para dar resposta ás demandas futuras derivadas da dixitalización.
A Amtega formalizou este ano un acordo con Gartner para compartir co sector tecnolóxico o coñecemento de expertos internacional de primeiro nivel en transformación dixital. A multinacional americana, referente para a toma de decisión en estratexias de investimento en tecnoloxía, tanto para empresas como para Administracións, está a colaborar coa Axencia autonómica na elaboración da Estratexia dixital galega 2030.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...