O obradoiro para nen@s de iniciación ao Arduino e a robótica é unha forma práctica e divertida de coñecer Arduino e as posibilidades que ofrece.
Os próximos sábados 4 e 11 de xullo de 10:30 a 13:30 no local da Asociación, Praza do Hospital 14, As Pontes e durante 6 horas, os nenos aprenderán a programar en Arduino, a desenvolver os seus primeiros programas e proxectos, entre eles fabricarán robots peleones e elementos dunha cidade intelixente..
A idade para participar no taller é de 6 a 12 anos. Cada neno terá á súa disposición un equipo informático así como todo o material para realizar os proxectos. Se algún quere usar o seu propio computador pode traelo.
A actividade é gratuita para os fillos dos socios de Amigus Labs e ten un prezo de 10€ para os non socios.
O Concello de Ribeira informou de que xa están abertas as inscricións dos cursos organizados para este verán na aula CeMIT local: sete actividades tecnolóxicas formativas nas que, de forma gratuíta, a veciñanza xa pode matricularse, das cales catro están dirixidas a nenos e nenas e tres a adultos.
Os cursos, que se van desenvolver baixo os estritos protocolos de seguridade sanitaria (só haberá oito equipos informáticos dispoñibles, co fin de asegurar a distancia entre os asistentes, e será obrigatorio levar máscaras e lavar as mans co xel hidroalcólico disposto á entrada do centro TIC de Ribeira), son recursos de gran utilidade e potencial para ampliar a formación e os coñecementos de pequenos e maiores. O calendario de cursos dirixidos a nenos e nenas queda da seguinte maneira:
Nenos e nenas
Adultos (a partir de 16 anos)
As inscricións poden facerse na aula CeMIT de Ribeira ou vía web na súa páxina en Internet.
O reitor da Universidade da Coruña, Julio Abalde Alonso, e a directora Xerente de ASPACE Coruña, Sonia Ruiz Vargas, asinaron esta mañá na Reitoría un convenio de colaboración que se materializará a través do Centro de Investigación en Tecnoloxías da Información e as Comunicacións (CITIC).
ASPACE Coruña é unha entidade sen ánimo de lucro que ten como misión promover o desenvolvemento persoal e a igualdade de oportunidades das persoas con parálise cerebral e discapacidades psicofísicas e a colaboración coa Universidade permitirá desenvolver proxectos de innovación tecnolóxica que melloren a calidade de vida destas persoas.
Abalde agradeceu esta oportunidade de colaboración en “todo o que ten que ver co apoio ás persoas onde as tecnoloxías poden supoñer unha mellora na calidade de vida” e enmarcou este convenio dentro da “responsabilidade social que ten a universidade como institución pública” e que leva á UDC a desenvolver outras iniciativas deste cariz como o programa Espazo Compartido.
Para a directora Xerente de ASPACE Coruña, esta colaboración inscríbese dentro da súa liña estratéxica de ofrecer innovación e coñecemento ás súas persoas usuarias. Ruiz explicou que a entidade á que representa leva xa un ano colaborando en diversos proxectos co CITIC, polo que adiantou que este convenio permitirá “avanzar e conseguir solucións para as persoas con parálise cerebral”.
No acto de firma do convenio desta mañá estaban presentes tamén o director do CITIC, Manuel González Penedo, e o subdirector, Javier Pereira, profesor Titular da área de Radioloxía e Medicina Física e doutor en Informática. O profesor Pereira, implicado directamente nos proxectos compartidos con ASPACE Coruña, imparte docencia e investiga no ámbito da informática médica e a tecnoloxía aplicada á discapacidade.
Como en anos anteriores a Rede Europea All Digital, da que forma parte a Rede CeMIT a través da asociación Somos Digital, presenta as distintas categorías para as súas «All Digital Awards» que pretenden recoñecer os logros de persoas e organizacións en toda Europa, que permiten ás persoas explotar os beneficios e oportunidades creados pola transformación dixital.
Os premios All Digital recoñecen a súa innovación, dedicación e o papel inspirador que desempeñan para moitas persoas e colectivos.
Anímaste a participar? Tes ata o 31 de xullo para presentarte ás distintas candidaturas. Lembrámosvos que aos gañadores convidaráseos ao encontro de All Digital deste ano, que terá lugar en Berlin en outubro.
Está previsto que a cerimonia de entrega de premios se celebre en Berlín a noite do 7 de outubro de 2020. Os gañadores recibirán trofeos e terán a oportunidade de presentar as súas iniciativas a unha audiencia de aproximadamente 100 participantes.
Os finalistas de cada categoría serán convidados a asistir á All Digital Summit 2020 en Berlín, Alemaña, do 7 ao 8 de outubro de 2020.
Os gañadores dos premios (un en cada categoría) terán dereito a aloxamento gratuíto: 1 persoa por 2 noites e cubriranse os seus gastos de viaxe (ata 300 €).
Como en anos anteriores a Rede Europea All Digital, da que forma parte a Rede CeMIT a través da asociación Somos Digital, presenta as distintas categorías para as súas «All Digital Awards» que pretenden recoñecer os logros de persoas e organizacións en toda Europa, que permiten ás persoas explotar os beneficios e oportunidades creados pola transformación dixital.
Os premios All Digital recoñecen a súa innovación, dedicación e o papel inspirador que desempeñan para moitas persoas e colectivos.
Anímaste a participar? Tes ata o 31 de xullo para presentarte ás distintas candidaturas. Lembrámosvos que aos gañadores convidaráseos ao encontro de All Digital deste ano, que terá lugar en Berlin en outubro.
Está previsto que a cerimonia de entrega de premios se celebre en Berlín a noite do 7 de outubro de 2020. Os gañadores recibirán trofeos e terán a oportunidade de presentar as súas iniciativas a unha audiencia de aproximadamente 100 participantes.
Os finalistas de cada categoría serán convidados a asistir á All Digital Summit 2020 en Berlín, Alemaña, do 7 ao 8 de outubro de 2020.
Os gañadores dos premios (un en cada categoría) terán dereito a aloxamento gratuíto: 1 persoa por 2 noites e cubriranse os seus gastos de viaxe (ata 300 €).
Utilizando o hashtag #BarrerismoCovid, os protagonistas desta serie denuncian no novo capítulo os obstáculos que supoñen algúns elementos na volta á normalidade, como os biombos, as máscaras, os xeles hidroalcohólicos ou a información e as normas pouco accesibles.
Co sentido do humor que caracteriza esta serie, os personaxes mostran como se enfrontan as persoas con discapacidade á situación que deixou a pandemia do coronavirus e que inclúe centos de normas pouco accesibles e elementos que dificultan a súa vida cotiá.
Trátase do primeiro dunha nova tempada de dous capítulos protagonizados por Dani, que é un mozo con discapacidade intelectual, e María, que se move en cadeira de rodas.
Baixo o título "Miña nai, a nova normalidade", Dani pon de manifesto as dificultades que teñen as persoas con discapacidade intelectual para comprender toda a información, a linguaxe e a normativa xerada para loitar contra a pandemia.
Pola súa banda, no seu día a día María debe sortear os biombos e barreiras que se instalaron nos espazos públicos para que os cidadáns manteñan a distancia de seguridade. Tamén advirte das dificultades para acceder a un xel hidroalcohólico situado moi alto para alcanzalo.
Paralelamente a este material audiovisual, a Fundación ONCE publicou xunto co Comité Español de Representantes de Persoas con Discapacidade (CERMI) e o Real Padroado sobre Discapacidade o tríptico "11 claves para unha 'nova normalidade' accesible", no que se fan recomendacións tendo en conta as necesidades das persoas con discapacidade na adecuación dos espazos e edificios públicos a esta nova realidade froito da loita contra a Covid-19.
O conselleiro de Economía, Emprego e Industria, Francisco Conde, participou esta mañá en Vigo na primeira das catro xornadas do evento #HACKatHOME, o primeiro hackathon virtual de Galicia, onde destacou que agarda que do traballo destes días saian solucións innovadoras aplicables a curto prazo no novo escenario poscovid-19.
Conde agradeceu a Gradiant, unha das 40 entidades que colaboran nesta iniciativa, a súa cooperación neste evento da Axencia Galega de Innovación (Gain) xa que con esta proposta se fomenta o emprendemento pero tamén a innovación a través da Compra Pública Innovadora.
O #HACKatHOME celébrase desde hoxe e ata o 30 de xuño co obxectivo de desenvolver solucións innovadoras que dean resposta ás necesidades xeradas pola pandemia na industria, o comercio e o emprego, como a seguridade das persoas coa mellora dos espazos de traballo para evitar a dispersión do virus e o incremento da seguridade nos espazos comerciais, optimizar o teletraballo, coordinar equipos nun contexto de separación física ou reducir as necesidades de desprazamento da industria.
Este hackathon virtual unirá, de xeito remoto, a persoas de diferentes ámbitos relacionados coa innovación, co apoio de empresas tecnolóxicas, universidades e centros tecnolóxicos. O #HACKatHOME ofrece unha experiencia intensiva e inmersiva de creación de catro días de duración na que se intentarán desenvolver dun xeito áxil prototipos e solucións innovadoras con formato transversal, aberto e de aplicación o máis inmediata posible no ámbito industrial, comercial e do emprego.
Os integrantes traballarán en grupos e contarán coa axuda dun equipo de mentores e titores vinculados ao mundo empresarial que os asesorarán sobre as liñas xerais dos proxectos e os detalles técnicos.
O director xeral de Orientación e Promoción Laboral, Pablo Casal, reuniuse esta mañá de xeito telemático cos responsables do Programa Integrado de Emprego (PIE) da Asociación Inserta Innovación, que apoia a autonomía profesional das persoas con diversidade funcional.
Durante o encontro, Casal apuntou ao papel central que xogará a formación como dinamizadora da recuperación económica e laboral, ao facilitar a ocupabilidade e ofrecer máis oportunidades para as persoas con discapacidade, fortalecendo ao mesmo tempo o tecido empresarial. Así, o director sinalou que a base do emprego de calidade está na mellora das competencias dos profesionais, que contribúen a diversificar o modelo produtivo.
A este respecto, o responsable de Orientación e Promoción Laboral puxo énfase na realidade dixital que deben adquirir os novos traballadores, e apelou a fomentar unha formación dirixida a responder ás necesidades tecnolóxicas das propias empresas. Deste xeito, salientou Casal, facilitarase a internacionalización e a adaptación aos novos mercados laborais.
O director vinculou a recuperación laboral á consecución dos programas formativos, que durante o estado de alarma foron readaptados a un formato en liña. Sen embargo, Casal destacou que a vontade da Xunta é a finalización práctica do curso, que volvería a un modelo presencial a partir do vindeiro 1 de xullo, adaptando os protocolos sanitarios pertinentes para ofrecer plenas garantías de seguridade.
O PIE da Asociación Inserta Innovación conta con 100 participantes con discapacidade e en situación de desemprego. O alumnado recibe formación técnica para optimizar as súas competencias laborais, incluíndo aprendizaxe en novas tecnoloxías e idiomas. Ademais, teñen á súa disposición servizos de asesoramento profesional e de coaching motivacional, contando así mesmo coa posibilidade de realizar prácticas en empresas de distintos sectores.
O Concello de Rianxo vai envorcar esforzos en ofrecer formación e empregabilidade para axudar á cidadanía a afrontar algunhas das principais consecuencias da pandemia. Trátase dun completo programa de cursos online de balde cos que se quere, tamén, impulsar o coñecemento tecnolóxico e dixital entre a veciñanza, un factor primordial para superar adversidades como a emerxencia sanitaria que vivimos a partir deste mes de marzo.
En total, o Concello achega 200 prazas e case dúas ducias de actividades formativas, algunhas delas claramente tecnolóxicas (Curso de xestor de comunidades online; Curso de xestión de vendas, mercadotecnia directa e utilización das redes sociais na xestión comercial; Curso de seguridade informática e sinatura dixital; Curso de desenvolvemento web para o comercio electrónico; Curso de trámites en liña coa administración, Curso sobre creación, programación, e deseño de páxinas web con HTML5 e CSS3, Curso de xestión da seguridade informática na empresa, etc) e outras envorcadas nos coidados e na saúde (Curso de actividades acuáticas para bebés, Curso de nutrición e dietética, Curso de elaboración e conservación de alimentos, etc).
Tamén hai actividades para converternos en expertos na xestión de residuos, na xestión turística innovadora (a través da plataforma Amadeus) ou na prevención de riscos laborais. Igualmente, favorecerase a alfabetización dixital básica cun curso de iniciación ás TIC. As persoas que soliciten a participación no programa de formación deben ser maiores de 16 anos, estar empadroadas no termo municipal e dispor de equipamento para a conexión á plataforma en liña (un PC con calquera sistema operativo, tableta ou móbil, e conexión á Internet) ademais de ter competencias dixitais básicas. O prazo de inscrición iníciase o 1 de xullo até completar as 200 prazas por orde de solicitude. O alumnado admitido disporá de tres meses para completar os cursos solicitados. A inscrición realizarase de forma preferentemente telemática na Sede Electrónica do Concello de Rianxo, ou, de non ser posible, no Rexistro Xeral do Concello de Rianxo emprazado no número 1 da praza Castelao.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...