O vindeiro 16 de decembro a Facultade de Ciencias Sociais e da Comunicación da Campus Universitario da Xunqueira (Pontevedra) acollerá entre as 9:00 e as 20:00 horas o GDG DevFest Galicia 2017, encontro dirixido a desenvolvedores que fan uso de tecnoloxías de Google e que mediante relatorios e obradoiros impartidos por expertos de referencia busca congregar a máis de 300 persoas, tendo os interesados en acudir simplemente que rexistrarse en Eventbrite, xa que este evento é totalmente de balde.
Polo momento están confirmados os seguintes relatorios:
Os obradoiros que terán lugar no DevFest serán os seguintes:
O proxecto audiovisual e de inclusión dixital “Teño unha horta en San Sadurniño” acaba de recibir en Madrid o premio como mellor iniciativa cultural dirixida a persoas maiores, outorgado pola fundación DomusVi. Catro das súas protagonistas, a dinamizadora Carmen Suárez, o alcalde e maila concelleira de Cultura participaron no serán deste martes na gala de entrega de galardóns, celebrada no Teatro Amaya de Madrid nun acto presentado polo mago e humorista Luis Piedrahita. O premio, dotado con 3.000 euros para continuar co proxecto, é o terceiro que reciben este ano as mulleres de “Teño unha horta en San Sadurniño”, logo de ganaren tamén o certame Youtubeir@s no apartado vídeo-opinarmos e o do Carballo Interplay na sección de mellor web-serie galega.
A fundación DomusVi -denominada ata hai pouco Geriatros SARQuavitae- ten entre os seus obxectivos impulsar a formación e o coñecemento arredor da atención ás persoas maiores, como parte dun grupo que xestiona en España case 22.000 prazas en 153 residencias e centros de día.
Desde o ano pasado convoca uns premios cos que recoñecer o compromiso social de persoas e institucións que contribúen dalgún xeito a mellorar a calidade de vida neste ámbito da poboación. Están divididos en distintas categorías que van desde as iniciativas que se desenvolven en centros de ensino ata aquelas que premian a innovación no sector sociosanitario, o traballo dos medios de comunicación ou as boas prácticas profesionais no coidado de persoas maiores.
“Teño unha horta en San Sadurniño” participou no apartado dedicado a colectivos que desenvolvan propostas sociais, culturais e solidarias cun marcado protagonismo e activismo da xente de maior idade. Requisitos que o proxecto de San Sadurniño cumpre e que lle valeu facerse co primeiro premio da categoría.
A entrega dos galardóns celebrouse onte á tardiña en Madrid. Ata alí foron convidadas pola fundación Carmen Bouza, Carmen Couce, Consuelo Picos e Cruz Piñón (só faltou Lucía Pita); ademais da coordinadora do proxecto, Carmen Suárez, Secundino García e a responsable de Cultura, Sabela Íñiguez. O acto tivo lugar no teatro Amaya e estivo conducido por Luis Piedrahita. Nel tamén resultaron premiados, entre outros, o programa “Convivir” da Radio Galega -dirixido por Clara de Saa- e o exdiplomático Inocencio Arias.
“Teño unha horta en San Sadurniño” é froito dunha idea nacida hai case tres anos -daquela chamábase “Teño unha granxa en San Sadurniño”- coa idea de promover a creación dixital entre as persoas de máis idade e por en marcha unha canle en youtube que axudase a preservar os saberes agrogandeiros de toda a vida.
O proxecto botou a andar no seo do programa CeMIT-Innova apoiado pola AMTEGA e FUNDETEC, pero pouco a pouco foi adquirindo vida propia, colgando cada vez máis vídeos sobre cultivos tradicionais e experiencias con novos produtos. Andan xa polo medio cento videotutoriais, teñen case un milleiro de persoas suscritas á súa canle e achéganse ás 290.000 reproducións, entre as que cómpre destacar a do vídeo viral de hai uns meses sobre a aparición na horta dunha planta ventureira de cánabo, confundida polas protagonistas cun pé de marihuana.
Os servizos de Teleasistencia clásicos lévanse prestando en España desde hai máis de 30 anos. Estes servizos, que atenden principalmente a persoas maiores, persoas dependentes ou persoas con discapacidade demostraron a súa enorme utilidade e rendibilidade social. Nos últimos anos avances TIC (comunicacións móbiles, Internet, IoT, etc.) están a permitir unha revolución nos servizos clásicos de Teleasistencia, incorporando monitoraxe en tempo real no domicilio, localización fóra do domicilio ou videocomunicación. Estes novos servizos de Teleasistencia que se poden prestar grazas aos avances tecnolóxicos integraranse nas Cidades Intelixentes para mellorar a calidade de vida dos cidadáns que teñen algún tipo de dependencia, persoas maiores ou persoas con discapacidade co obxectivo final de que poidan vivir durante o maior tempo posible de forma segura e atendida na súa contorna habitual.
A startup Fusion Collective Intelligence, especializada en desenvolvementos dixitais de intelixencia colectiva, lanzou en España a plataforma Welever, que pretende democratizar a responsabilidade social empresarial (RSE) e promover unha nova forma de facer voluntariado corporativo que pon o protagonismo no empregado e xestiónase a través do teléfono móbil.
Segundo un estudo do IESE Business School, tres de cada catro empresas que practican o voluntariado corporativo teñen máis de 500 traballadores. Normalmente, estes programas son propostos pola compañía e xestionados a través dunha ONG, que é quen proporciona as accións solidarias a levar a cabo, e representan un custo para a compañía de entre 200 e 500 euros por empregado ao ano.
Welever está pensado para que as empresas poidan activar a súa responsabilidade social dunha forma sinxela, escalable e moito máis económica: en función do seu tamaño, o custo pode variar desde 36 euros por empregado ao ano para unha empresa con 50 empregados activos ata 1 euro para as que teñen 25.000 empregados activos.
A ferramenta xestiónase internamente, sendo os propios traballadores quenes propoñen as iniciativas solidarias que conforman o Programa de Liderado Social, de acordo cos seus intereses e cos Obxectivos de Desenvolvemento Sustentable (ODS) definidos pola empresa.
Para Beatriz Sánchez Guitián, CEO de Welever, esta é a verdadeira revolución que expón a plataforma: “O empregado convértese no centro do programa de voluntariado corporativo, asumindo o papel de líder do cambio, o que incrementa a súa implicación nas actividades á vez que reforza a súa motivación, o seu engagement e o seu sentido de pertenza á empresa”, explica.
Comunicación interna a través do móbil
A participación do empregado realízase a través da app Welever (dispoñible para iOS e Android). Unha vez descargada no móbil, e vinculado o seu perfil de usuario coa empresa, pode dar de alta as súas iniciativas solidarias para que os seus compañeiros poidan participar nelas, así como sumarse a colaborar nas actividades propostas por outros empregados ou pola propia organización.
Pola súa banda, a compañía xestiona internamente Welever a través dun sinxelo panel de administración web, desde onde configura o seu perfil corporativo, define os seus ODS, publica iniciativas e supervisa todas as actividades en marcha. Así mesmo, as multinacionais ou empresas con diversificación xeográfica poden implantar o seu programa de voluntariado de forma simultánea en toda a súa área de influencia, centralizando toda a actividade a nivel mundial a través dunha única canle.
A plataforma permite contactar en tempo real cos usuarios grazas ao chat instalado na app. Mediante esta funcionalidade, o organizador dunha iniciativa pode coordinar a todos os seus participantes, anunciar cambios de data ou lugar dunha actividade ou resolver dúbidas. Pero ademais, a empresa dispón dunha nova canle de comunicación interna para enviar notificacións push aos seus empregados (de forma segmentada, individualizada ou xeneralizada), o que se converte nunha oportunidade para afondar nos valores do voluntariado corporativo e reforzar o engagement.
Medición de impacto social
Un recente estudo de Deloitte afirma que o 75% dos millennials (nacidos nos 80 e 90) participaría en máis actividades de voluntariado se tivese maior coñecemento do impacto da súa contribución. Tamén as empresas consideran relevante poder demostrar ese impacto, xa que lles permite reforzar a súa reputación interna e externa.
Por iso, a plataforma incorpora ferramentas de medición do impacto social conseguido por cada iniciativa e polo programa no seu conxunto, e o seu grao de contribución aos ODS, a partir de estatísticas obtidas dos datos agregados da plataforma e da información recompilada a modo de enquisas aos organizadores e aos participantes nas iniciativas.
Voluntariado na Universidade
Welever tamén está pensado para universidades e escolas de negocio que desexen ofrecer programas de voluntariado aos seus alumnos. Segundo un informe de Fundación Mutua Madrileña, o 70% das universidades españolas (públicas e privadas) aumentou os seus proxectos de voluntariado durante o curso académico 2016/17.
Con esta ferramenta, a xestión das súas actividades solidarias simplifícase notablemente, así como a coordinación dos estudantes que colaboran nelas, cuxa implicación aumenta ao sentirse protagonistas da acción social. Así mesmo, igualmente poden obter informes de medición de impacto que posicionan publicamente á universidade como unha institución socialmente responsable.
Este vídeo é o que inspira o noso proxecto. Máis información en www.welever.org.
Sobre Fusion Collective Intelligence
Fusion Collective Intelligence (www.fusion-ci.com) é unha startup especializada en desenvolvementos dixitais que activan a intelixencia colectiva e a participación cidadá para mellorar o mundo. Os seus proxectos de innovación colaborativa propoñen á sociedade novas formas de relación nas que cada individuo conta, cada opinión constrúe e cada acción é necesaria para promover o cambio, partindo do local pero cunha marcada formulación global. A empresa conta co apoio de partners estratéxicos en México, desde onde a Fundación Manuel Arango e o Centro Mexicano para a Filantropía (CEMEFI) apostan polos seus proxectos e promoven a súa implantación neste país, como porta de entrada ao continente americano.
A violencia de xénero segue sendo un dos problemas máis graves dentro da convivencia familiar, doutra banda aínda que é certo que se avanzou bastante na creación de APPS contra a violencia de xénero, estas baseáronse en dar información xeral sobre medidas e atención, polo que desde unha investigación científica da lexislación e recursos postos a disposición das vítimas e afectados, vendo que non se reducen o número de persoas falecidas, e que todos os protocolos de protección á vítima póñense en marcha con posterioridade á denuncia, cremos necesario avanzar un pouco máis poñendo a disposición de vítimas e profesionais esta nova APP, que ademais de ofrecer todo o que ata agora dispoñían as APPS no mercado, conta cun test de valoración do seu propio risco, un asesoramento criminolóxico social, unha ocultación real da APP e 15 vídeos de técnicas de defensa persoal, que formen ás victimas ademais de asesoralas antes de que poñan a denuncia e así o fagan con máis seguridade.
ACTIVAGE en Galicia está liderado por Televés e conta coa participación da Cruz Vermella Española, a Fundación Vodafone España, a Universitat Politècnica de Valencia e do Servizo Galego de Saúde (Sergas). Conta tamén coa colaboración da Axencia para a Modernización Tecnolóxica de Galicia (AMTEGA), como membro do Advisory Board, e a Fundación Tecsos como asesor en tecnoloxías sociais. O pasado mes de xullo o consorcio asinou un convenio coa Consellería de Política Social da Xunta de Galicia para colaborar na definición dos criterios de selección de usuarios e facilitar a súa participación nas probas piloto.
O arranque da fase de pilotaxe realizouse utilizando unha contorna simuladora que representa unha vivenda tipo, no cal se realizaron diferentes probas orientadas a validar a correcta integración do equipamento despregado no fogar (sensores, actuadores, rexistros, etc.) contra os sistemas de información e xestión do SERGAS e da Cruz Vermella.
En fases posteriores do proxecto, realizaranse pilotos con usuarios reais nas súas vivendas habituais, co obxectivo de alcanzar 700 fogares en Galicia no prazo de 2 anos, para o que xa se traballa na selección de usuarios no ámbito social e sociosanitario, e na definición de modelos formativos.
O sentido destes traballos é avanzar cara a solucións de telecoidado no fogar e na detección temperá dos riscos asociados ao envellecemento e a deterioración cognitiva, a través da análise das rutinas de conduta e o seguimento de pacientes crónicos. Os resultados que se obteñan servirán tamén para construír unha rede social dixital con vídeo-comunicación entre persoas maiores para evitar o illamento e a soidade, e un sistema de seguimento de pacientes crónicos ou pre-crónicos.
A visión de ACTIVAGE é ser un referente global para demostrar que ecosistemas estandarizados, seguros e interoperables facilitan novos modelos de negocio e solucións efectivas para promover o envellecemento activo e saudable, sendo un catalizador para o investimento coordinado de recursos públicos e privados, impulsando a demanda de servizos e a competitividade da industria a través da innovación.
ACTIVAGE é unha gran iniciativa de I + D + i baseada nas tecnoloxías da información que ten por obxecto desenvolver solucións baseadas na internet das Cousas para facer fronte ao aumento da esperanza de vida, promovendo o envellecemento activo e saudable. Está coordinado por Medtronic e apoiada polo Programa Marco de Investigación e Innovación da Unión Europea Horizonte 2020, e conta cun orzamento de 25,3 millóns de euros e un prazo de execución de 42 meses.
A actividade do proxecto pode seguirse nas seguintes ligazóns:
Unha das redes sociais especializadas en emprego como é Linkedin, que en España conta con máis de 10 millóns de seguidores, pensa que o vídeo currículo é o futuro, por iso acaba de implantar unha ferramenta que permite subir un vídeo ao perfil.
Tamén COGAMI, concretamente a área de emprego da Confederación Galega de Persoas con Discapacidade, é consciente da importancia do currículo 2.0 para aspirantes a un posto de traballo. Por isto, decidiu ofrecer esta oportunidade ás persoas que forman parte do programa `PARTICIPA coa dis-CAPACIDADE´, programa no que colabora a Fundación Vodafone España fomentando o uso das novas tecnoloxías e que serve para que as persoas potencien o uso das novas tecnoloxías durante a súa procura de emprego.
O currículo 2.0, ou vídeo currículo, consiste nunha presentación en vídeo onde a persoa aspirante a un posto fala sobre si mesma, presentando as súas aptitudes, habilidades, logros, ambicións e expectativas. COGAMI e a Fundación Vodafone España ofrecen a posibilidade de gravar o seu propio vídeo currículo, ademais de achegar as pautas necesarias para a correcta difusión do mesmo, tendo como obxectivo final o conseguir unha entrevista persoal.
Unha das persoas que mostrou interese en gravar un vídeo currículo é Felisa Nchama Alogo Abuy, unha moza graduada en Dereito que quere apostar polo audiovisual para presentarse ás ofertas de emprego, unha posibilidade que non quixo descartar, a pesar de ter escasa visión. Felisa aproveita esta oportunidade que se lle brinda a través do programa “PARTICIPA coa dis-CAPACIDADE” porque non quere pecharse a ningunha posibilidade para estar ao día no mercado laboral.
Á parte do uso de novas ferramentas para a procura de emprego, o programa ofrece outras posibilidades para estar ao día e xestionar as candidaturas no mercado laboral, como demostran estes datos do mes de outubro: en Galicia, realizáronse 150 orientacións laborais e seguimentos a persoas con discapacidade. Para traballar temas de empatía, marca persoal, simulación de entrevistas de traballo realizáronse 3 obradoiros competenciais e outros 2 foron sobre a realización de entrevistas por Skype. Tamén se visitaron empresas, un total de 27, que xestionaron 30 ofertas de emprego. Actualmente son 6 as persoas inseridas a través do programa “PARTICIPA coa dis-CAPACIDADE”.
A Galiciencia, a feira de tecnoloxía nova (nova en todo o sentido da expresión: innovadora e argallada por xente nova), celebra a partir de mañá a súa derradeira edición de outono (a partir de 2018, as convocatorias centraranse na primavera). Segundo fai saber a organización (a Tecnópole de Ourense), serán tres dias para mergullarnos na inventiva no sentido máis literal no termo. En cuestión de números, poderemos ver 79 proxectos procedentes de 40 centros escolares de Galicia, Euskadi, Catalunya, Asturias e Andalucía, cinco máis que en 2016. As iniciativas das nosas catro provincias son 73. A previsión é recibir máis de 2.000 visitas no recinto habilitado na Tecnópole.
A gran novidade reside nun incremento en todas as cifras de proxectos, participación e asistencia com respecto ao ano pasado. Participa rapazada de secundaria e FP (50 equipos) e de primaria (29 traballos fóra de concurso). Entre outras cousas innovadoras, poderemos ver unhas lentes para cegos impresas en 3D, unha tecnoloxía para escorrentar xabaríns das leiras, un enxeño para abrir as portas dos baños públicos sen usar as mans e un dispositivo que pecha as xanelas do tellado de maneira automática cando chove. No evento, que conta coa colaboración da Consellería de Economía e a Fundación Española para a Ciencia e a Tecnoloxía (FECYT), os participantes competirán por situarse entre os tres finalistas, conseguindo o galardón ao proxecto máis innovador, ao método científico e proceso investigador mellor definido ou á mellor comunicación e presentación oral. Entre estes, o que acade a maior puntuación levará o primeiro premio, dotado con 1.000 euros para financiar a súa participación na maior feira científica a nivel estatal, a Exporecerca 2018. O clasificado en segundo posto terá unha dotación de 500 euros para apoiar a súa participación na Zientzia Azoka, a feira anual de ciencia que se celebra cada ano na primavera en Bilbao. O proxecto que fique en terceiro lugar recibirá 200 euros para cubrir os gastos da súa participación no programa de actividades organizados polos Museos Científicos Coruñeses con motivo da Semana da Ciencia.
As actividades paralelas deste ano terán a astronomía como protagonista. Durante os tres días da Galiciencia, os visitantes participarán en obradoiros para iniciarse na astronomía e visitar o planetario, mentres que os maiores terán ocasión de explorar a cultura da astronomía e afondar na súa relación coa informática. Segundo explica a organización, “as galaxias, os planetas e as estrelas serán tamén os protagonistas do espectáculo científico que poderá seguirse en streaming(retransmisión en directo por Internet) dende calquera centro escolar ou dende a casa”.
A recta final de outono será, na nosa terra, unha boa oportunidade para que todos aqueles que aínda non saben en que consiste o espírito Maker, poidan mergullarse nel e dar os seus primeiros pasos como argalleiros tecnolóxicos. Se onte falamos da conta atrás para o comezo de Galicia Maker Faire, esta fin de semana na Cidade da Cultura de Santiago, hoxe lembramos que na banda de Lugo, quen queira enchouparse da filosofía de “faino coas túas mans”, vaino poder facer da man da asociación Makers.lugo, que está a preparar unha xornada (o 2 de decembro) de introdución á robótica de deseño aberto. Haberá conceptos básicos, primeiros consellos, demostracións e, en definitiva, crearase un ambiente propicio para que deamos os nosos primeiros pasos como creadores de robots.
O evento desenvolverase en horario de mañá, a partires das 10:30 horas. O lugar escollido é o habitual no grupo, o CEI-Nodus, no local D10. Segundo apunta a asociación, non será preciso carrexarmos ningún material propio nin facer achegas económicas, o evento é libre, sen embargo dende a asociación poñen a disposición das persoas interesadas un formulario onde dármonos de alta, para poder termos unha idea da cantidade de asistentes e interesados.
Makers.lugo é unha asociación sen ánimo de lucro, creada en xaneiro de 2014, co ánimo de contribuír á construción dunha sociedade baseada nos principios do libre acceso á tecnoloxía, impulsando actividades relativas a hardware e software libre. Dende a asociación organizan quedadas, obradoiros e charlas para introducir á xente no movemento Maker e nas súas amplas posibilidades de desenvolvemento, participación e democratización da tecnoloxía e a innovación.
A Deputación da Coruña está a encher as redes de vídeos contra a discriminación e a violencia de xénero. Se os días pasados presentouse dende a entidade provincial o vídeo Son Muller, a través do que as rapazas integrantes do grupo MBCP (Máis Boas Cás Patacas) acadaron xa 30.000 visualizacións no Facebook de seu, esta semana a entidade provincial (a través das áreas de Igualdade e Cultura) impulsa unha nova peza contra a violencia machista. Trátase da curta O Túnel, elaborada polo IES Moncho Valcarce das Pontes e gañadora do Concurso de Guións contra a Violencia de Xénero.
A Deputación salientou que tanto o videoclip de MBCP como a curtametraxe están feitos por mozas e mozos e diríxense, en especial, ao público da súa idade, “con linguaxe propia da súa xeración”. Amais de nas redes, a Deputación está a distribuír estas pezas por todos os centros de ensino co fin de contribuír á loita contra a discriminación e o maltrato, coincidindo estas campañas co Día Internacional contra a Violencia Machista, este 25 de novembro. A entidade provincial tamén informou de que tanto o videoclip como a curtametraxe poderán ser empregados como ferramentas educativas nos centros de ensino para concienciar ao alumnado na loita contra o machismo. Por certo que a curtametraxe O Túnel pódese ver xa no YouTube, e o videoclip Son Muller segue dispoñible no Facebook da banda e máis en Google Drive, dende o que se pode descargar.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...