14/12/201609:21
Córdoba
Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...
O Proxecto “Lazzus”, presentado por Pedro Sáez, CEO de NeoSenTec, foi premiado na IX Edición na categoría de Aplicación “Mobile for Good”. Esta é unha aplicación que axuda a persoas con discapacidade visual, xerando un campo de visión artificial que transmite información sonora sobre o que hai á súa ao redor onde o usuario apunte co seu móbil.
En canto ao proxecto “TextoSign”, presentado por Fran Tarifa, CEO de Signlab, foi premiado na VI Edición, na categoría “Emprendedor TIC” e trátase dun tradutor automático de textos a Lingua de Signos Española.
“Ablah” foi galardoado cun Accésit na V Edición. O seu creador e fundador da empresa Maizapps, Juan Carlos González, presentou en Córdoba esta ferramenta TIC para mellorar a aprendizaxe da comunicación coas persoas autistas ou con outros trastornos similares.
O Panel estivo moderado pola directora de innovación da Fundación Vodafone España, Mª Satur Torre, e nas súas intervencións os tres intervenientes explicaron o valor social e impacto da tecnoloxía no seu colectivo, que supuxo para eles o Premio recibido, así como a evolución que tivo a solución premiada.
O programa “Connecting for Good Galicia” iniciou onte a súa andaina no Gaiás coa benvida institucional aos seis proxectos emprendedores de innovación social que integran a primeira edición desta iniciativa, impulsada pola Fundación Vodafone España en colaboración con Vodafone e a Xunta de Galicia.
A directora da Axencia para a Modernización Tecnolóxica (Amtega), Mar Pereira; o director do Igape, Javier Aguilera; a directora da Axencia Galega de Innovación (Gain), Patricia Argerey, e o director de Vodafone España en Galicia, Fran Vallejo, inauguraron onte pola mañá o Centro Conecting for Good, situado na Cidade da Cultura e que ten como finalidade apoiar a aqueles emprendedores que contribúan á innovación social a través do impulso e uso das tecnoloxías da información e comunicación en Galicia.
Os seis proxectos participantes, seleccionados entre as máis de 40 candidaturas recibidas, están orientados a mellorar a calidade de vida de persoas con diabetes, á educación nas aulas, aos coidados de enfermos de Alzheimer, á alfabetización das persoas maiores, ao tratamento de fobias e á xestión do traballo das confrarías de mariscadores galegas.*
Beneficios de formar parte do programa
As seis iniciativas inician agora un plan de formación de polo menos seis meses, durante os cales se impartirán sesións sobre modelo e plan de negocio e contarán con asesoría experta en temas de comunicación, vendas, negocio, e accesibilidade para o desenvolvemento dun plan personalizado para cada proxecto. Ademais, disporán dun lugar de traballo no espazo ‘Vodafone Connecting for Good’ situado na Cidade da Cultura.
Cada un dos proxectos seleccionados conta cun patrocinio de 2.000 euros, outorgado pola Axencia Galega de Innovación (Gain), para a posta en marcha dos seus proxectos de emprendemento e poderán acceder a unha axuda para a formación e contratación dunha persoa con discapacidade que se incorpore ao equipo de traballo dos proxectos seleccionados.
Ademais, os seis proxectos poderán optar á concesión dunha axuda extra de 25.000 euros, outorgada por Gain, e un préstamo participativo ata un máximo de 25.000 euros, a través de XesGalicia, ao seleccionado como mellor dos seis proxectos, para a súa execución e posta en marcha.
Vodafone outorgará o Premio “Conectados pola Accesibilidade”, cunha dotación de 10.000 euros ao proxecto que mellor incorporase os principios de accesibilidade universal.
Seis iniciativas empresariais
Collendo como obxectivo a mellora do recoñecemento das emocións na esquizofrenia, o grupo de Psiquiatría Clínica, Psiquiatría Social e Psicoterapia da USC (Universidade de Santiago de Compostela), dirixido por Raimundo Mateos, partiu de varias probas con mímica e traballou con elas de cara a automatizalas para que o doente poida realizar adestramentos dende a súa casa. Máis polo miúdo, Alejandro García Caballero (integrante deste equipo) leva a cabo unha investigación que tenta demostrar a eficacia dunha nova técnica para mellorar ese recoñecemento a través dun software (da empresa holandesa Sightcorp) que fai medicións da emoción que representa o paciente na súa face imitando un modelo. O programa comeza achegando un output cunha porcentaxe de emoción en cada foto. Estes resultados gamifícanse para darlle ao usuario “unha experiencia de xogo que sexa gratificante”.
Cómpre dicir que este novo sistema probouse con éxito nun primeiro ensaio piloto na asociación Albores de Monforte. O dito programa forma parte da plataforma e-Motional Training, financiada polo Servizo Galego de Saúde por medio de Fondos FEDER, no contexto do Programa PRIS de innovación.
Engadir que esta investigación da USC vén de gañar o Premio ao Mellor Videoxogo Destinado áSaúde no III Congreso de Xogos de Saúde de Madrid, co videoxogo Second Chance, de Francisco Diaz Llenderrozas. Trátase dun programa de adestramento en cognición social encamiñado a doentes con trastornos mentais e a poboación non clínica co obxecto de mellorar as súas habilidades en contornas sociais a través dun xogo con diferentes finais e tomas de decisións.
O xogo, realizado pola empresa vasca Virtualware e pola galega Plexus, estase a probar en pacientes con trastornos mentais mais os investigadores salientan as súas posibilidades de uso no eido educativo, estando prevista a súa achega por parte do SERGAS en 2017.
Telefónica presentou Jocomunico, unha aplicación gratuíta baseada nun sistema pictográfico e dirixida a persoas que teñen problemas na fala, derivados de parálises cerebrais, autismo severo, ou certos tipos de afasia. Trátase dunha solución capaz de transformar facilmente a linguaxe telegráfica de pictogramas en linguaxe natural. Desenvolvida polo LAB de integración da iniciativa Join de Telefónica (para impulsar o talento novo), en colaboración con Fundación Adecco e Ericsson, está dispoñible para PCs (Windows e Mac), tablets e smartphones (Android e IOs) tanto en castelán como en catalán.
Jocomunico inclúe un sistema de predición de pictogramas, así como a posibilidade de engadir vocabulario personalizado e de crear cartafoles para preparar conversacións. A aplicación é táctil, aínda que está adaptada para que usuarios con problemas de mobilidade poidan utilizar os pulsadores externos que usan habitualmente para outras aplicacións.
Deseño para todos
A aplicación proporciona unha comunicación máis natural e fluída entre emisor e receptor, pois permite utilizar palabras do taboleiro como 'escola', 'querer', 'ir', e transfórmaas en linguaxe natural mediante a conxugación automática do verbo e a ordenación lóxica da frase, finalizando neste caso co resultado de 'quero ir á escola'.
Un equipo de seis novos profesionais, de entre 21 e 30 anos, especializados en enxeñería informática, telecomunicacións, tradución e interpretación, e belas artes traballou durante seis meses no deseño da interface gráfica de Jocomunico como membros do LAB de integración de Telefónica.
Jocomunico xa comezou a utilizarse con éxito no centro Prodis de Terrassa (Prodiscapacitats Fundació Privada Terrassenca), unha entidade social sen ánimo de lucro destinada á asistencia e a promoción integral de persoas adultas con discapacidade intelectual, enfermidade mental ou parálise cerebral, e espérase que o seu uso se estenda proximamente a preto de 200 centros.
Unha aplicación de realidade aumentada envía información relevante sobre a súa contorna a persoas con discapacidade visual, a través de vibracións e sons no teléfono intelixente, co fin de mellorar a súa percepción e a súa orientación e, con iso, facilitar a súa adaptación ao lugar de traballo así como a súa integración laboral.
Esta tecnoloxía forma parte do proxecto de I+D+i denominado e-Glance, levado a cabo pola Cátedra Indra-Fundación Adecco de Investigación en Tecnoloxías Accesibles na Universidade Politécnica de Madrid (UPM) a través do Centro de Tecnoloxía Biomédica da UPM. O proxecto conta coa participación dos usuarios e principais beneficiarios, en particular, do Centro de Investigación e Desenvolvemento de Aplicacións Tiflotécnicas (CIDAT) da Organización Nacional de Cegos de España (ONCE).
Funcionamento da aplicación
Aínda que a App funciona a través dun smartphone, para facilitar o seu uso, está previsto empregar o bastón que as persoas invidentes utilizan no seu día a día para enviar e recibir instrucións do seu teléfono móbil, realizando movementos lixeiros coa man. Adicionalmente, tentarase ampliar este uso máis aló de e-Glance para dispoñer dun maior número de funcionalidades controladas polo usuario deste xeito.
A implementación da solución consta de tres alicerces: un módulo de captación da realidade, baseado nunha rede de sensores; un mundo virtual que reflicte o mundo físico en tempo real e co detalle necesario para o correcto funcionamento da aplicación; e un terceiro módulo de realidade aumentada, que, salvo contraorden, advirte ao usuario dos cambios relevantes na súa contorna e que tamén lle permite obter información detallada baixo demanda sobre zonas específicas do seu interese.
A funcionalidade do primeiro prototipo de e-Glance xa foi probada por usuarios nunha fase piloto, con varios obxectos situados nunha habitación diáfana, e nunha segunda fase probarase en situacións reais.
Para iso será necesario despregar unha rede de sensores que permitan situar persoas e obxectos en tempo real e reflectir virtualmente a súa localización sobre un escenario fixo, indicando a súa localización, volume e forma, así como outros datos relacionados coa súa actividade e funcionamento. Por último, probarase a tecnoloxía de realidade aumentada desenvolvida para ofrecer ao usuario información sobre variacións e movementos significativos dentro do seu campo de percepción no momento en que se produzan.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...