Novas Faite Dixit@l

• Permitiralles ás persoas con mobilidade reducida vivir experiencias que non poden realizar debido á súa condición física
• Actividades como mergullo, paracaidismo e maratóns, parte dun proxecto que busca estimular o desenvolvemento cognitivo e emocional

A realidade virtual hai anos que se presenta como unhas das tecnoloxías máis disruptivas do futuro. Moito máis próxima á porta dos fogares que a propia ciencia ficción, será un novo punto de partida na forma no que o mundo consome a información. A súa principal virtude radica na sensación de estar inmersos nun contexto que aparenta ser real, onde o contido cobra forma de experiencia vivencial que estimula os sentidos e esperta sentimentos e emocións. Unha nova proposta convida a que esta tecnoloxía sexa a axuda anímica para persoas con discapacidade.

Dita tecnoloxía realmente pode facer grandes achegas ás persoas con discapacidade ou con dependencia, debido á súa capacidade de incrementar habilidades cognitivas, e formar dunha maneira moito máis motivadora que coa educación tradicional. Así o demostran diversas experiencias que combinan a diversión e a aprendizaxe. Juan Antonio Fuentes, de Málaga e arquitecto de 29 anos, leva varios anos de estudo en relación ás posibilidades que ofrece a realidade virtual e ideou o bosquexo dunha plataforma denominada Feel.

"Esta tecnoloxía podería servir para que aquelas persoas con discapacidade gozasen de vivencias dun modo virtual que, polas súas limitacións físicas, non poden levar a cabo. Por iso ideei Feel", asegurou Fuentes a El País.

Estas máscaras permitirían a aquelas persoas con mobilidade reducida poder experimentar certas actividades de goce que a súa condición non lles permite facer periodicamente. Mergullo, paracaidismo, maratóns son algúns dos deseños exclusivos que ofrece esta tecnoloxía, a cal mediante máscaras especializadas ofrece a sensación de facer a actividade seleccionada. A empresa asegurou que existe a posibilidade de realizar deseños exclusivos segundo as necesidades de quen solicite o servizo.

"Estou en proceso de desenvolvemento dunha plataforma web na que os usuarios poidan descargarse este tipo de contidos e gozalos na súa casa cunhas lentes adaptadas. Por exemplo, experiencias de mergullo ou de paracaidismo. O obxectivo é que unha lesión, por moi grave que sexa, non impida a alguén experimentar este tipo de entretemento, aínda que sexa dun modo virtual", agregou Fuentes.

Aínda non existe unha data de lanzamento, xa que Fuentes atópase en procura de financiamento. "Dispoño dos medios e o coñecemento para desenvolver Feel. Só necesito unha inxección económica", concluíu.

Pero sen dúbidas trátase da aplicación dunha das tecnoloxías máis utilizadas no último século cuxa aplicación poderá facer a súa achega emocional, físico e espiritual de quen sofre algunha patoloxía discapacitante.

Unha sociedade cada vez mais dixital debe afrontar o reto de que ninguén quede excluído, porque estar do lado positivo da denominada fenda dixital supón ter máis oportunidades de emprego, de coñecemento e de novas formas de relacionarse. As persoas maiores non poden quedar á marxe da transformación dixital, especialmente en Galicia, onde as persoas de máis de 65 anos superan a porcentaxe do 23% da poboación. 

Facilitar o acceso ás vantaxes da tecnoloxía a todo o mundo, independentemente do lugar onde vivan ou do seu nivel formativo, é un dos obxectivos da estratexia dixital da Xunta de Galicia. Baixo o lema ‘Faite Dixit@l’, desde a Amtega, e en colaboración con máis de 700 aliados dixitais, entre institucións, empresas e organizacións do terceiro sector, ofrecemos un abano de servizos para que todo o mundo poida sacarlle o máximo rendemento á tecnoloxía no seu día a día. 

A columna vertebral de ‘Faite Dixit@l’ é a Rede de aulas públicas CeMIT, que abriu as súas portas en 2011 e que hoxe conta con 98 aulas presentes en 92 concellos que cobren todas as comarcas galegas. Máis de 15.000 galegos maiores de 55 anos, principalmente de zonas rurais, participan nas súas actividades. 

Só en 2016, realizáronse nas aulas da rede máis de 280 cursos e 4.200 horas de formación específicas para persoas maiores. Ao labor das aulas súmanse as actividades que se desenvolven a través do Programa de voluntariado dixital, no que o colectivo dos maiores ten un peso moi  importante. 

Aínda que os maiores galegos están por debaixo da media estatal no uso das TIC, o esforzo dos últimos anos acurtou a distancias entre Galicia e o conxunto do Estado. Mentres en 2012 só o 12% das persoas de entre 65 e 74 anos navegaban pola rede, en 2016 superaron o 27%. 

Consolidar a inclusión dixital dos maiores é esencial no proceso de transformación dixital no que estamos inmersos e no que a aplicación da tecnoloxía ao coidado integral da persoa vai contribuír ao envellecemento activo. 

Se a teleasistencia no fogar supuxo un avance de calado para que as persoas maiores permanezan na súa contorna, a evolución tecnolóxica xa nos sitúa no seguinte paso: a teleasistencia avanzada. Un novo modelo de servizo que deixa atrás o botón de alarma que ten que premer o usuario e ofrece unha monitoraxe continua no fogar que identifica situacións de risco de forma automática e as comunica telemáticamente aos coidadores. 

Galicia é unha das nove rexións europeas que participará na pilotaxe deste novo sistema co que se busca favorecer a autonomía e a independencia das persoas maiores. Esta iniciativa, xunto con outras en marcha no eido sanitario, ten como obxectivo final configurar un fogar dixital no que poderemos recibir asistencia social e sanitaria a través dun único sistema tecnolóxico.

Aínda non sabemos se a tecnoloxía poderá engadir máis anos á nosa vida pero, sen dúbida, será un apoio esencial para que poidamos vivila dun xeito máis independente e autónomo.