01/10/201809:50
Madrid
Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...
A dixitalización en España achegou o 30% do crecemento da economía española desde 2015, segundo o Informe sobre Madurez Dixital 2018 elaborado por Minsait. Entre 1996 e 2017 o valor acumulado dos efectos da dixitalización supuxo o 5,7% do PIB, máis de 57.841 millóns de euros, unha cifra moi inferior á que se podería obter se a grave crise económica non frease o proceso de dixitalización. Segundo as estimacións do informe, sen a crise, suporía máis dun 30% do PIB.
O Informe sobre Madurez Dixital 2018 de Minsait e a Universidade Carlos III ofrece unha radiografía de en que punto desta transformación se atopan as grandes corporacións españolas.
O documento da compañía pertencente a Indra explica que a economía española será capaz de "obter os máximos beneficios da dixitalización na medida en que o capital tradicional sexa substituído polo tecnolóxico, o capital humano siga optimizándose e se manteña o investimento en I+D".
Grao de madurez na dixitalización das empresas
Para realizar o informe, Minsait, en colaboración coa Universidade Carlos III, realizou entrevistas con altos directivos de 70 corporacións. Desta forma, o documento tamén analiza o grao de madurez das empresas españolas con respecto ao proceso de dixitalización medindo a súa visión e estratexia, organización, talento e sistemas.
"O 45% das empresas xa concretou o programa que debe guiar a súa transformación, definindo obxectivos, responsables, fitos e métricas. Con todo, só o 14% das grandes corporacións aposta por impulsar a innovación e abrir espazo para a disrupción", indica. No terreo da organización, Minsait destaca que no 74% das grandes corporacións españolas a dirección lidera o cambio co exemplo diario, mentres que no 54% xa se definiron claramente os roles de liderado. O 41% dedica recursos (humanos e económicos) expresamente á transformación.
Sobre talento, o Informe sobre Madurez Dixital 2018 sinala que as empresas comprenden que a transformación cultural é crítica para o cambio. O 24% afirma que xa asimilou o cambio cultural e o 38% xa conta cos mecanismos de incentivos, formación e comunicación necesarios para integrar o cambio na organización. Pola súa banda, o 35% declara contar con niveis altos de apoio ao emprendemento interno, fomento da cultura colaborativa e substitución de estruturas verticais por horizontais. E en canto a sistemas, o 66% das empresas considera que os seus sistemas core non están suficientemente preparados para integrarse na transformación dixital.
Retos e recomendacións
O informe tamén sinala que "o talón de Aquiles da dixitalización das corporacións españolas atópase na innovación e creación de novos modelos de negocio", dado que se descoida a procura de novas fontes de crecemento e mesmo a disrupción dos mercados.
O documento considera que as empresas españolas aínda deben afrontar retos como axustar a súa capacidade de execución á volatilidade da demanda e a rapidez dos avances tecnolóxicos, explorar alianzas estratéxicas para afrontar a urxencia de adquirir capacidades específicas que son escasas no mercado, investigar todo o potencial do dato e abrirse a outros actores do sector unindo forzas, entre outros aspectos.
Tamén lles recomenda seguir apostando polas tecnoloxías dixitais, xa que o seu "impacto económico nos últimos anos demostra que é o camiño para seguir para alcanzar o seu desenvolvemento pleno". Tamén aconsellan poñer a énfase na transformación profunda de sistemas e capital humano, así como aumentar o nivel de ambición aspirando a crear negocios futuros baseados en novas tecnoloxías.
O informe Cisco SMB Cybersecurity revela que as pequenas e medianas empresas (pemes) están a converterse no obxectivo de ataques cibernéticos. Así o reflicten as enquisas realizadas a 1.816 pemes de 26 países, entre os que se atopa España. Este informe baseouse tamén no estudo Cisco 2018 Security Capabilities Benchmark.
O 53% das pemes sufriron un ataque de ciberseguridade e víronse obrigadas a paralizar o seu traballo 8 horas ou máis.
Os resultados revelaron que o 53%, das pemes, sufriu un ciberataque durante o ano 2017. O 40% das empresas atacadas padeceron unha parada dos seus sistemas de 8 horas ou máis, mentres que o 39% sufriron una un ataque severo que chegou a afectar polo menos á metade dos seus sistemas. Ata 5.000 alertas de seguridade diarias xestionaron as empresas consultadas pero só o 54% destes avisos investíganse, sendo só o 37% lexítimas.
Para a maioría das das pemes enquisadas (77%) resúltanlles moi complicado incorporar nas súas empresas diversas medidas de seguridade, debido á complexidade da implementación destes sistemas.
As principais ameazas das pemes
Entre a multitude de diversos ataques cibernéticos, as empresas demostraron a súa máxima preocupación en cinco tipos de ataques dirixidos contra os empregados como son phishing (79%), ameazas persistentes avanzadas (77%), ransomware (77%), ataques de denegación de servizo (DDoS, 75%) e a proliferación do fenómeno BYOD (74%).
Solucións para os ciberataques
Segundo as enquisas, as pemes investirían en diferentes solucións de seguridade se contarán con profesionais de seguridade. O 19% dos enquisados apostaría por actualizar a seguridade dos seus terminais para combater as ameazas dos malware avanzado, o 18% mellorar as aplicacións e o 17% aplicar solucións de prevención de intrusiones.
As compañías opinan que a incorporación das ferramentas de intelixencia artificial e machine learning serían útiles pola facilidade de integralas nas solucións existentes e serían máis efectivas á hora de detectar anomalías e ameazas.
Ante esta situación, o 70% das pemes utilizan os servizos cloud para garantir a seguridade da súa información. Así mesmo, As compañías consideran que a subcontratación de servizos de asesoramento e consultoría (57%), respostas fronte a incidentes (54%) e a monitoraxe da seguridade (51%) é unha forma de combater os cibertataques.
Ten como obxectivo impulsar a innovación e apoiar a 200 estudantes universitarios e contará con tres iniciativas para resolver máis de trinta retos tecnolóxicos no contexto da transformación dixital: Plataforma de Innovación, Programa de Bolsas para Master e Doutoramento e Axudas á Investigación.
Vodafone anunciou hoxe o lanzamento de "Vodafone Campus Lab", unha iniciativa deseñada para resolver, mediante a colaboración universidade-empresa, máis de trinta retos tecnolóxicos non só relacionados coa innovación e dixitalización do negocio senón tamén ligados a un fin social.
Este novo programa reflicte ademais a aposta da compañía polas universidades españolas e polo talento novo e a súa inclusión no mercado laboral, e a súa intención de reducir a fenda existente entre os perfís que as empresas demandan, especialmente nas áreas técnicas, e a oferta real de mozos profesionais. Así, Vodafone decidiu ir un paso máis aló dos programas de contratación de estudantes en prácticas e recentemente titulados habituais e apoiar a investigación e a innovación no ámbito universitario.
Plataforma de innovación
Vodafone poñerá en marcha un ecosistema remoto onde mozos de diferentes disciplinas traballarán en equipo para crear solucións a diferentes retos de innovación. Esta experiencia ofrece:
As universidades serán as encargadas de escoller ao titor do proxecto, así como o equipo de 7 alumnos. Das candidaturas presentadas, Vodafone seleccionará os 20 equipos participantes do programa.
Algúns dos retos para resolver terán que ver co uso de tecnoloxías como IoT, Big Data ou blockchain para aumentar e/ou mellorar a produtividade nas zonas rurais de España. Ou a incorporación de tecnoloxías como realidade virtual ou realidade aumentada nas aulas de estimulación dos centros de educación especial.
Programa de Bolsas para Máster e Doutoramento
Vodafone outorgará 20 bolsas para a realización de proxectos de fin de master ou doutoramento seguindo os seguintes criterios:
Axudas á investigación
Outorgaranse 3 axudas económicas a proxectos de investigación científica, básica ou aplicada, dentro do contexto da transformación dixital, e nunha das seguintes áreas:
Cada equipo investigador deberá presentar unha única proposta, na que se indique o tema ao que se quere concursar, baixo a dirección dun único investigador principal.
As axudas terán unha dotación económica de 50.000 euros cada unha e o proxecto de investigación realizarase no transcurso dun ano.
Outras iniciativas de apoio aos mozos por parte de Vodafone España
"Vodafone Campus Lab" súmase ás distintas iniciativas de apoio ao talento novo que veñen impulsadas desde diferentes áreas de Vodafone .
Neste sentido, destacan diferentes programas orientados emprego do segmento novo: o programa Graduates, que ten como obxectivo incorporar á empresa a profesionais con menos de dous anos de experiencia, e as Bolsas Vodafone yu Talent dirixidas a estudantes no seu último ano de carreira. Nos tres últimos anos, preto de 500 mozos incorporáronse á compañía a través dos distintos programas impulsados por Vodafone. Nesta mesma liña, destaca tamén "Future Jobs Finder", unha aplicación orientada a ofrecer aos mozos a oportunidade de determinar o seu perfil dixital, adquirir novas competencias profesionais, e facilitarlles o acceso a ofertas de emprego adecuadas ás súas aptitudes e intereses.
Ademais, co propósito de orientar as carreiras profesionais cara aos novos perfís dixitais que demanda o mercado laboral Vodafone está a desenvolver distintas iniciativas nas principais cidades españolas (como Vodafone Youth Week Experience ou Vodafone Youth Festival). Así mesmo, faise especial fincapé en reducir a barreira do xénero e animar ás mulleres para elixir carreiras tecnolóxicas, neste ámbito, unha das principais iniciativas é #CodeLikeAGirl, formación gratuíta para novos estudantes de Secundaria e Bacharelato que axuda ás participantes para desenvolver a súa propia páxina web. En total, preto de 500 mozos participaron nalgunha destas iniciativas no último ano.
Toda a información na Web de Vodafone Campus Lab.
Por sexto ano consecutivo a Fundación Vodafone España segue apoiando os nosos métodos de formación, e este ano permítenos dar un paso máis, con novas propostas formativas dos que poderán beneficiarse 110 alumnos coa nova convocatoria de Formación en contornas de Contact Center 2018-19.
O obxectivo final é a inserción no mundo laboral destas persoas a través dunha formación global, complementaria, a persoas que traballan en contornas de venda, atención ao cliente ou administración ou en calquera ámbito de empresa, non só en contact centers.
Cangas vai acoller os vindeiros 6 e 7 de outubro unha feira sobre os novos movementos sociais e solidarios que se están a fraguar na nosa terra e, por extensión, no mundo real e virtual do noso tempo. Trátase da Mostra do Posible, activa xa en mostradoposible.gal e cuxos detalles foron presentados esta semana no consistorio de Cangas por Ánxela Vizoso, concelleira de Desenvolvemento Económico e Emprego, e David Esperón, coordinador do encontro. Este, que contará coa participación de case medio cento de entidades galegas do ámbito social, servirá para visualizar a importancia das novas tecnoloxías para impulsar a posta en marcha de todo tipo de iniciativas para crear un mundo mellor.
Por exemplo, o sábado 6 ás 11:00 presentarase o portal galego Benmercado.gal, plataforma de venda en liña de produtos da economía social e solidaria da que xa falamos os días pasados, salientando o seu carácter pioneiro e a súa vontade ser o Amazon das empresas éticas.
Na mañá do sábado 6, ás 12:30 horas, tamén se vai dar coñecer unha criptomoeda dixital e social, a moeda Faircoin, que serve como alternativa non-capitalista ao diñeiro tradicional e preséntase como unha ferramenta para o intercambio de produtos e servizos entre persoas e colectivos que buscan a transformación social. Segundo informaron os organizadores da Mostra do Posible, a Faircoin é unha moeda ecolóxica e democrática que xa está en circulación en diferentes países do mundo e que en Galicia está a ser empregada xa por preto de medio cento de establecementos.
O mesmo día, ás 18.00 horas, a feira tamén acollerá a presentación do Sistema Participativo de Garantía A Gavela e máis do seu portal, spg.saramaganta.info, que serve de punto de encontro (o sistema participativo e máis a web) para produtores, distribuidores e consumidores de produtos de alimentación ecolóxica. A SPG A Gavela, para quen non o saiba, é unha certificación ecolóxica realizada pola propia comunidade que facilita o coñecemento mutuo e incrementa a soberanía alimentaria.
O programa de actividades compleméntase con múltiples actividades e encontros sobre comunicación entre grupos de consumo alternativo ou sobre economía social e solidaria (e as súas vantaxes para a transformación social). Tamén haberá proxeccións de filmes, faladoiros e obradoiros sobre tecnoloxías de licenzas libres e bioconstrución, entre outras temáticas.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...