main content

main content

Axenda Faite Dixit@l

Propoñémosche unha selección de eventos no eido da inclusión dixital. Consúltaos e participa naqueles que se axusten aos teus gustos e necesidades!

27/02/2021 17:00 h
Colaxe de fotos.
Lugar: Online

Organiza as fotos do teu móbil con Google Fotos

Seguro que tes no teu móbil multitude de fotos e vídeos de momentos irrepetibles Non esperes a perdelos! Apúntate a este curso e aprende a facer unha copia de seguridade de todos eles, a mantelos organizados para telos sempre a man e a crear as túas propias fotocomposicións para compartilas con quen desexes.

Mantén a salvo e ordenados todos os teus recordos dixitais con Google Fotos!

Contidos:

  • Dixitaliza as túas fotos en papel.
  • Organiza as túas fotos e vídeos en álbums.
  • Configura a túa copia de seguridade automática.
  • Edita as túas fotos e crea colaxes, animacións e vídeos con elas.
Máis información
23/02/2021 12:00 h
Nena usando un smartphone.
Lugar: Online

Como utilizar o control parental dos teus dispositivos para protexer aos máis pequenos

Cada día vivimos a escena na que un neno achégase a un adulto e pídelle o móbil, a tablet ou o computador para entreterse. Moitas veces deixámoslle o dispositivo sen pensar no que pode atopar e estámoslle dando acceso a todo internet de maneira incontrolada. Afortunadamente, temos opcións e ferramentas de seguridade que nos poden axudar a controlar os contidos aos que acceden os máis pequenos desde calquera equipo.

Protexe aos máis pequenos dos perigos da rede!

Contidos:

  • Consellos básicos de protección de dispositivos.
  • Ferramentas de control parental en dispositivos móbiles.
  • Protección para o uso de computadores por menores: limitación de permisos.
  • Como actuar ante posibles situacións de acoso (ciberbullying)
Máis información
16/02/2021 12:00 h
Smartphone mostrando a icona de Instagram.
Lugar: Online

Instagram: un espazo para compartir e descubrir fotos e vídeos

O crecemento e a popularidade de Instagram como rede social foi aumentando imparablemente nos últimos anos. Tan é así, que durante o confinamento converteuse nun punto de encontro para moitas persoas que compartían non só as súas imaxes senón as súas vivencias diarias mediante vídeos ou emisións en directo e abríndose a temas de calquera tipo.

Non te perdas a rede social de moda!

Contidos

  • Coñecer o interface de Instagram.
  • Seguir contas e temas do teu interese.
  • Subir contido: imaxes, stories, reels.
  • Crear coleccións de contido
Máis información
09/02/2021
Día da internet Segura 2021.
Lugar: Online

Día da internet Segura 2021

O Día da internet Segura, 'Safer Internet Day' (SID, polas súas siglas en inglés) é un evento promovido pola rede INSAFE/INHOPE co apoio da Comisión Europea, que se celebra cada mes de febreiro co obxectivo de promover un uso seguro e positivo das tecnoloxías dixitais, especialmente entre os nenos e os novos. O SID celébrase o segundo día da segunda semana do segundo mes do ano e reúne a millóns de persoas de todo o mundo para impulsar cambios positivos e concienciar acerca da seguridade na internet, organizando distintos eventos e actividades.

Este día non só pretende a creación dunha Internet máis segura, senón unha Internet mellor, para convertela nun espazo no que todos fagamos uso da tecnoloxía de maneira responsable, respectuosa, crítica e creativa. O SID diríxese a nenos e novos, pais e titores, profesores, educadores e traballadores sociais, así como ás empresas e responsables políticos, animándoos a participar de forma activa na creación dunha Internet mellor.

A próxima edición celebrarase os días 9 e 10 de febreiro baixo o lema: "Unha Internet mellor comeza contigo: máis conectados, máis seguros".

Máis información

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS

TWEETS