A variedade destes dispositivos é enorme, nós traémosvos a gama que comercializa Hop'Toys, pero son moitas outras as posibilidades para adquirir un dispositivo similar.
No caso de Hop'Toys, estes reloxos chámanse ‘Time Timer' e están dispoñibles é distintos tamaños e cores, así como en versión dixital ou analóxica.
O básico chámase Time Timer Clásico e está dispoñible en tres tamaños (7,5, 20 e 30,5 centímetros). O tempo que establecemos mídese cun disco vermello que vai diminuíndo en tamaño a medida que pasa o tempo ata que se esgote, entón soa unha campá.
Existe tamén a opción Plus, que sobre a base do Clásico incorpora unha portada transparente protexendo o disco vermello, unha manecilla amovible para evitar que o pequeno cambie o tempo establecido, unha opción de control do volume e modo silencioso, e un deseño con asa para facilitar o seu transporte.
Sobre estas versións están dispoñibles tamén Time Timers en formato dixital, con discos azuis no canto de vermellos, ou en versión de boneca, tanto para pequenos como para maiores.
Vodafone España presentou onte o seu Informe Integrado 2016-17 que, baixo o lema “Conectamos ás persoas para mellorar a súa vida hoxe e construír un mellor mañá”, recolle a estratexia, obxectivos, resultados e as principais iniciativas destinadas a aproveitar o potencial transformador da súa tecnoloxía, produtos e servizos en beneficio da sociedade e o medio ambiente.
Ademais dos obxectivos estratéxicos, o Informe reflicte a creación de valor ao país en termos da contribución económica, social e ambiental da compañía durante o último ano fiscal.
Paralelamente, o Informe mostra os resultados obtidos coas actuacións levadas a cabo ao redor dos obxectivos estratéxicos definidos durante este ano. No apartado de “Sociedade” recolle a actividade desenvolvida pola Fundación Vodafone durante o exercicio 2016-17, no que a Fundación dedicou 5,1 millóns de euros en proxectos das diferentes liñas de actuación “Connecting for Good” (C4G) dirixidas ao desenvolvemento, a promoción e o uso das TIC para mellorar a integración sociolaboral e a calidade de vida das persoas con discapacidade e as persoas maiores.
Entre as súas principais iniciativas neste exercicio destacan as seguintes:
Por outra banda, no exercicio 2016-17 o 100% das tendas propias xa posúen o Certificado de Accesibilidade Universal.
No que respecta á mellora da Empregabilidade dos Mozos, Vodafone desenvolve diversos programas entre os que destacan:
Vídeo resumen dos fitos alcanzados pola Fundación Vodafone en 16-17.
O Colexio Profesional de Enxeñaría en Informática de Galicia (CPEIG), en colaboración coa Axencia para a Modernización Tecnolóxica de Galicia (Amtega), abren a inscrición á “Xornada sobre a adaptación da Lei de Protección de Datos ao Regulamento Europeo”, que contará cos relatores Miguel Ángel Davara, catedrático de Dereito Informático e de Informática para Xuristas da Facultade de Dereito da Universidade Pontificia Comillas de Madrid (ICAI-ICADE), e Mar España Martí, directora da Axencia Española de Protección de Datos (AEPD).
A Escola Galega de Administración Pública (EGAP) acollerá o vindeiro 29 de setembro a partir das 10 da mañá as charlas, que van dirixidas tanto a non xuristas como a profesionais relacionados co Dereito. A xornada inscríbese no convenio que o CPEIG ten coa Amtega. As persoas interesadas en asistir poden inscribirse en eventos@cpeig.gal.
Relatores
Miguel Ángel Davara é doutor en Dereito e socio-fundador da firma de asesores xurídicos Davara & Davara, Asesores Xurídicos, especialistas en Dereito das Tecnoloxías da Información e as Comunicacións. Catedrático de Dereito Informático e de Informática para Xuristas da Facultade de Dereito da Universidade Pontificia Comillas de Madrid (ICAI-ICADE), é tamén coordinador da Área de Informática Xurídica de ICADE.
Davara é director do Mestrado en Dereito das Tecnoloxías da Información e as Comunicacións de ICADE e director dos Cursos de Doutorado en Dereito Informático na mesma Universidade. Tamén exerce como profesor da materia Implicacións socio-xurídicas das Tecnoloxías da Información na Escola de Enxeñaría Informática de ICAI. Asemade, o relator é membro do Grupo de Asesores Legais en Tecnoloxías da Información da Unión Europea en Luxemburgo (DG Sociedade da Información).
Pola súa Banda, Mar España é licenciada en Dereito pola Universidade Pontificia de Comillas, Mestrado en Protección Internacional en Dereitos Humanos pola Universidade de Alcalá e experta en xestión de entidades sen ánimo de lucro pola Fundación Luis Vives. É funcionaria de carreira do Corpo Superior de Administradores Civís do Estado na especialidade xurídica desde 1989.
En canto á súa actividade académica, foi profesora do Mestrado de Protección Internacional de Dereitos Humanos da Universidade de Alcalá, profesora do Mestrado de Acción Política do Colexio de Avogados na Universidade Rey Juan Carlos e profesora colaboradora de Dereito Administrativo en ICADE. O CPEIG outorgoulle este ano o recoñecemento de colexiada de honra.
Baixo o seu mandato como directora da AEPD desde xullo de 2015, este organismo puxo en marcha un Plan Estratéxico con máis de 100 iniciativas que inclúe, entre outros puntos, o desenvolvemento de accións que favorecen a innovación e a confianza dixital, así como a realización de labores proactivos para detectar o impacto que poden ter os novos desenvolvementos tecnolóxicos na privacidade. Neste sentido, a Axencia creou a Unidade de Avaliación e Estudos Tecnolóxicos, que ten entre as súas funcións o establecemento de canles de colaboración tecnolóxica con universidades e grupos profesionais.
Os días 6 e 7 de novembro celebrarase en Madrid o VIII Congreso Nacional CENTAC de Tecnoloxías da Accesibilidade; dedicado aos protagonistas da Transformación Dixital Accesible.
A transformación dixital é un fenómeno complexo e transversal, pero non hai que esquecer que está impulsado por persoas e o seu obxectivo final son as persoas. Non hai regras fixas, nin mapas infalibles, o resultado da transformación dixital dependerá de decisións de múltiples persoas. Por iso, o lema do VIII Congreso Nacional CENTAC de Tecnoloxías da Accesibilidade é “Os protagonistas da transformación dixital”.
Durante dous días, o 6 e 7 de novembro, poderase escoitar ás persoas que lideran a transformación dixital nas empresas, a Administración Pública e o terceiro sector, ademais de coñecer os proxectos, produtos e servizos innovadores de emprendedores e PEMES.
Os Congresos de CENTAC buscan reunir ás persoas interesadas nas TIC e a súa accesibilidade e fomentar o coñecemento e as relacións para que a transformación dixital sexa accesible.
Málaga acolle o Congreso Internacional de Tecnoloxía e Turismo para Todos a próxima semana. Do 27 ao 29 de setembro daranse cita no Palacio de Feiras e Congresos de Málaga diferentes profesionais, expertos e investigadores, que traballan no mundo das tecnoloxías e turismo para todos.
O lema deste ano é Accesibilidade 4.0 e a súa finalidade é mostrar como coa tecnoloxía e con destinos turísticos para todos, aos poucos estes produtos e servizos accesibles poden mellorar a vida de todas as persoas.
Haberá moitos temas sobre a mesa: fogar dixital, transporte accesible, turismo accesible, teleasistencia, robótica para favorecer a autonomía persoal, etc.
Entre os relatores que acudirán ao Congreso atópase George I. Fomitchev, fundador e CEO Endurance Robots, unha startup dedicada ao desenvolvemento de tecnoloxías baseadas en robótica.
Na súa participación mostrará como é posible dar asistencia a persoas maiores e pacientes de alzhéimer con chatbots, un software de intelixencia artificial capaz de levar a cabo diversas tarefas autónomamente.
Endurance Robots é unha empresa rusa que utiliza tecnoloxía coa que desenvolven un sofware intelixente, chamado chatbot, capaz de personalizarse segundo a necesidade de cada usuario. Entrevistamos ao seu fundador para que nos conte máis sobre a súa empresa e servizos, e sobre a súa participación en Drt4all.
A empresa fundouse en 2015 e o equipo de traballo está formado nestes momentos por máis de 20 profesionais.
Ben, a idea de comezar Endurance xurdiu en 2014 e comecei a buscar un partner.
Fun a California e pasei un mes buscando a un experto en tecnoloxías intelixentes e finalmente atopei a Matteo. Matteo Borri é un subcontratista da NASA e comezamos unha startup chamada Endurance o 11 de xaneiro de 2015.
Durante dous anos tentamos lanzarnos no negocio dos robots e láseres...
Poden acceder á entrevista completa na seguinte ligazón George I. Fomitchev explica os seus proxectos e o seu chatbot para devolver a memoria e vida social a maiores e persoas con alzheimer.
Durante a reunión presentouse o estado actual de cada piloto, e o plan de lanzamento do piloto en contorna controlada, previo á posta en marcha do piloto real. Ademais expuxéronse os casos de uso que se probarán en cada Deployment Site (DS) ou lugar do piloto.
As solucións para o envellecemento activo e saudable serán despregadas sobre AIOTES (ACTIVAGE IoT Ecosystem Suite), mellorando e ampliando os servizos existentes, para a promoción da vida independente, a mitigación da fraxilidade, e a preservación da calidade de vida e a autonomía. Durante a reunión plenaria presentouse a primeira versión de AIOTES.
Respecto ao piloto de Galicia, explicouse o traballo realizado no proceso de recrutamento e os modelos formativos que se definiron. Ata final de ano desenvolverase a fase de estabilización do piloto, no que se instalará un equipamento no showroom de Televes, cunha combinación de casos de uso socio-sanitarios, así como a instalación en dez fogares reais. Durante o 2018, levará a cabo a fase de implantación, cun despregamento masivo de usuarios.
Este proxecto europeo está financiado no marco do programa Horizonte 2020 da Comisión Europea e é coordinado pola empresa Medtronic. Esta iniciativa que durará catro anos, conta con 50 socios, implicando a uns 7.200 usuarios e máis de 43.000 dispositivos da internet of Things (IoT).
A actividade do proxecto pódese seguir en:
A secretaria xeral da Igualdade, Susana López Abella destacou a importancia da integración laboral e social da muller de forma integral, polo que incidiu na relevancia de darlles facilidades para optar a recursos tecnolóxicos na busca de emprego online.
Susana López Abella participou hoxe na inauguración do taller “Empoderamento para mulleres. Taller de coaching con cabalos -Do outro lado dos medos”, levado a cabo pola Asociación E-Deidades coa que colabora a Secretaría Xeral da Igualdade co programa de Busca 3.0 II 2017, a través da orde de entidades de iniciativa social sen ánimo de lucro para programas dirixidos a mulleres en situación de vulnerabilidade con preto de 10.000 euros.
E-deidades ten como obxectivo facilitar o manexo das ferramentas e aplicacións existentes para a busca de emprego, orientar profesionalmente as mulleres na búsqueda de emprego no mundo dixital e contribuir á integración da muller e a reinserción laboral integral. O programa está dirixido a mulleres en situación de especial vulnerabilidade: desempregadas menores de 30 ou maiores de 45 anos, inactivas ou desempregadas de longa duracion, con residencia en concellos rurais de baixa densidade e inmigrantes.
Mediante o uso da tecnoloxía, as mulleres poderán coñecer o funcionamento do mercado laboral, as relacións laborais e principalmente a búsqueda de emprego. É fundamental hoxe en día para abrirse ó mercado, xa que está básicamente no universo virtual. Por iso é importante dotar a estas mulleres con especial vulnerabilidade, destas ferramentas, coa información clave para acceder ó mercado de traballo online, rematou López Abella.
Este programa, que forma parte da iniciativa da ONG estadounidense TechSoup e que en España está coordinado por Ilunion, contou xa coa participación de máis de 5.000 entidades.
Entre as empresas doantes atópanse Adobe, Amazon Web Services, Autodesk, Bitdefender, Box, Cisco, Google, Microsoft, Symantec, Tableau e Vodafone.
As entidades que queiran participar teñen que ser organizacións sen ánimo de lucro constituídas en España e poden presentar a súa solicitude a través do correo electrónico do programa (registro@proyectodono.org).
O conselleiro de Política Social, José Manuel Rey Varela, participou esta mañá na posta en marcha dun servizo de vídeo-interpretación para persoas xordas usuarias da lingua de signos nos establecementos que Carrefour ten na nosa comunidade. Trátase dunha ferramenta desenvolvida pola Fundación da Confederación Estatal de Persoas Xordas denominada ‘SVisual’ que está en funcionamento noutros centros de Carrefour no territorio nacional e que agora esta compañía implanta nos seus hipermecados situados nas sete grandes cidades de Galicia.
O acto de presentación, que tivo lugar no hipermercado Carrefour de Santiago de Compostela, asistiron tamén o presidente da Federación de Asociación de Persoas Xordas de Galicia (Faxpg), Iker Sertucha, o director rexional de Carrefour para Galicia, Francisco Hipólito Rodríguez, e a directora da Fundación Solidariedade Carrefour, María Cid.
Na súa intervención, Rey Varela salientou que este tipo de iniciativas poñen de manifesto a importancia que ten a tecnoloxía para mellorar o benestar e a calidade de vida das persoas. Neste sentido, fixo fincapé que o ‘SVisual’ “se presenta como unha ferramenta útil para suprimir as barreiras de comunicación ás que a día de hoxe aínda se teñen que enfrontar as persoas xordas usuarias da lingua de signos”.
Así mesmo, o conselleiro lembrou que a Xunta leva anos traballando coa federación de persoas xordas, a través do Cermi, con accións dirixidas á formación e á participación do voluntariado; e prestando apoio ao servizo de logopedia e atención psicolóxica da entidade. “A unión de esforzos de administracións, entidades e iniciativa privada fai posible ter mellores políticas sociais”, apuntou.
A día de hoxe, un total de 77 hipermercados Carrefour contan con este sistema de vídeo-interpretación, que ten como finalidade mellorar a calidade de vida das persoas xornadas usuarias da lingua de signos. Unha rede á que se suman os establecementos que a compañía ten nas cidades de Santiago, A Coruña, Ferrol, Vigo, Pontevedra, Lugo e Ourense.
O conselleiro de Política Social, José Manuel Rey Varela, e o reitor da Universidade de Santiago de Compostela, Juan Manuel Viaño Rey, asinaron hoxe un convenio de cooperación para o financiamento do IV Ciclo Universitario como vía para impulsar as actividades educativas, culturais e formativas que faciliten ás persoas maiores o seu desenvolvemento persoal e social. No acto de sinatura, celebrado en San Caetano, tamén estivo presente a directora xeral de Maiores e Persoas con Discapacidade, Fabiola García Martínez.
O programa universitario de maiores da USC é unha vía de formación dirixida a persoas maiores de 50 anos que busca a integración conceptual do programa nos demais ciclos que se imparten dentro desta institución educativa. O IV Ciclo Universitario ofrece materias como historia de Galicia, bioloxía humana, literatura española, historia da menciña e da ciencia, xeografía de Galicia, patrimonio documental ou informática entre outras. Para a implantación deste IV Ciclo, a Consellería de Política Social investirá 27.500 euros.
A Administración autonómica valora de xeito positivo esta colaboración, destacando a importancia de que as persoas maiores galegas teñan a oportunidade de formarse e seguir aprendendo de maneira activa e participativa.
O convenio terá vixencia ata o 31 de decembro de 2017, non obstante, financiaranse os gastos realizados desde o 1 de xaneiro do presente exercicio.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...