A Cámara de Comercio e Industria España-Israel presentou en España o concurso Start Jerusalem. O obxecto da competición é reunir a emprendedores e innovadores de todo o mundo para explorar e experimentar o vibrante ecosistema de startups de Jerusalem. O proxecto vencedor terá a oportunidade de atoparse cos gañadores do concurso de máis de 30 países do mundo. O prazo de inscrición finaliza o próximo día 6 de outubro.
A iniciativa está liderada polo Goberno do Estado de Israel, o seu ministerio de Asuntos Exteriores, o Ministerio de Asuntos e Patrimonio de Xerusalén e a Autoridade de Desenvolvemento de Xerusalén (JDA), a través da Embaixada de Israel en España, xunto a organizacións líderes como Siftech, Intel, JVP e OurCrowd.
A competición Start Jerusalem Spain está aberta a novas iniciativas para mellorar a calidade de vida no mundo en conexión coa innovación social ou urbana, as TIC, o Internet das Cousas ou outras tecnoloxías. Un xurado experto valorará os proxectos e dará a coñecer o gañador o 20 de outubro.
O gañador do concurso en España viaxará á capital da Startup Nation para participar dun exclusivo programa de inmersión de cinco días onde terá a oportunidade de relacionarse e interactuar con destacados líderes locais. O programa ademais inclúe charlas, talleres especializados, visitas a destacadas compañías con centros de I+D e exclusivas reunións de networking coa comunidade de startups israelí.
O Instituto Galego do Consumo e da Competencia, a través da Escola Galega de Consumo, pon en marcha en outubro a iniciativa “Educación para o consumo responsable CORES”, un ciclo de charlas informativas, que se retransmitirán por videoconferencia en aulas da rede CeMIT, dependente da Axencia para a Modernización Tecnolóxica de Galicia (Amtega).
Son nove sesións, que comezarán o luns 2 de outubro e se celebrarán os primeiros luns de cada mes ata o mes de xuño. Cunha duración aproximada de hora e media están orientadas ao público en xeral e abordarán temas de actualidade que nos afectan en gran medida como consumidores habituais: a resolución de conflitos de consumo, a factura da luz ou do gas, a telefonía móbil, os dereitos nos talleres de reparación de vehículos, a contratación de viaxes, a etiquetaxe dos alimentos ou o consumo responsable e todo o relacionado co aluguer e a vivenda.
Para facilitar a divulgación desta iniciativa e chegar ao maior número de persoas interesadas, estas actividades emitiranse desde a Escola Galega do Consumo a diversas localidades de Galicia que contan con aula da rede CeMIT a través do sistema de videoconferencia, en sesións de mañá ás 11:00 horas.
O único requisito para poder asistir a estas charlas gratuítas e abertas ao público en xeral é ser usuario da rede CeMIT e solicitar praza na localidade de interese, que se poderá realizar ben presencialmente co responsable da aula da nosa localidade ou a través da web http://cemit.xunta.gal
Calendario de actividades
|
2 de outubro |
Consumo responsable |
|
6 de novembro |
Resolución de conflitos |
|
4 de decembro |
Dálle luz a túa factura |
|
8 de xaneiro |
Telefonía móbil |
|
5 de febreiro |
Etiquetado |
|
5 de marzo |
Talleres de reparación de vehículos |
|
9 de abril |
Aluguer e vivenda |
|
7 de maio |
A factura do gas |
|
4 de xuño |
A contratación de viaxes |
A Rede CeMIT
A Rede CeMIT (Rede de Centros para a Modernización e a Inclusión Tecnolóxica), está integrada por 98 aulas, presentes en 92 concellos e 53 comarcas co obxectivo de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar a pemes e micropemes as vantaxes da sociedade da información.
O Instituto Galego do Consumo e da Competencia
O Instituto Galego do Consumo e da Competencia é o organismo autónomo adscrito á Consellería de Economía, Emprego e Industria que ten atribuídas as competencias en materia de defensa das persoas consumidoras e usuarias na Comunidade Autónoma de Galicia.
Dentro do Instituto, a Escola Galega do Consumo realiza de xeito permanente ao longo de todo ano diversas actividades educativas, formativas e divulgativas en materia de consumo responsable, dirixidas a todos os sectores da poboación.
A conselleira de Infraestruturas e Vivenda, Ethel Vázquez, xunto do director xeral de Mobilidade, Ignacio Maestro, e a directora da Axencia para a Modernización Tecnolóxica de Galicia (Amtega), Mar Pereira, presentaron hoxe a nova aplicación para a mellora da utilización do Plan de transporte metropolitano, cuxo programa Xente Nova xa beneficia a case 40.000 menores de 19 anos que realizaron 1,6 millóns de viaxes gratuítas no transporte metropolitano interurbano no último ano.
Vázquez Mourelle concretou que o Executivo autonómico investiu 1,5 millóns de euros para ofrecer transporte público de balde aos máis novos. Engadiu que unha de cada sete viaxes metropolitanas pagadas con tarxeta foron para os mozos e ademais de xeito gratuíto.
A Coruña é a área metropolitana con maior número de mozos beneficiarios, xa que nesta zona téñense distribuído máis de 14.000 tarxetas e Vigo é o Concello de Galicia con máis titulares do dispositivo, con 4.200. Así, a titular de Infraestruturas sinalou que estes datos reflicten que esta iniciativa social, educativa e de concienciación, funciona e esperta o interese das familias e da mocidade galega.
O Goberno galego activou en agosto do ano pasado unha nova medida social, no marco do Plan de transporte metropolitano de Galicia, que ofrece máximas vantaxes para a mocidade: a tarxeta Xente Nova, iniciativa para nenos e mozos con idades comprendidas entre os 4 e os 18 anos, ambos incluídos. Isto supón a implantación dunha nova tarifa que é de cero euros para os viaxes de carácter interurbano que realicen dentro das cinco áreas de transporte metropolitano establecidas: A Coruña, Santiago, Ferrol, Lugo e Vigo, tendo tamén transbordos gratuítos entre o autobús interurbano e urbano, cando estes formen parte dunha viaxe metropolitana.
Con esta tarxeta os mozos galegos poden realizar de balde ata un máximo de 60 viaxes ao mes, polo que se lle garante unha viaxe de ida e volta gratis todos os días do mes, incluídas as fins de semana, facilitándolle así o acceso a servizos básicos como a educación ou a sanidade, pero tamén favorecendo as súas posibilidades de ocio.
‘App’
Esta nova aplicación presentada hoxe reporta novas vantaxes aos usuarios do Plan de transporte metropolitano de Galicia, favorecendo, ante todo, a aqueles usuarios que teñen dereito a bonificacións, xa sexan bonificacións sociais, como as establecidas para os estudantes da Universidade da Coruña ou como as que teñen activado certos concellos para os colectivos que máis o precisan; para as familias numerosas, que van do 20 ao 50%; para os usuarios habituais, do 15%; ou da tarxeta Xente Nova.
Trátase dunha aplicación que tamén abre unha nova canle de comunicación directa entre a Administración autonómica e os usuarios. Neste sentido, Vázquez precisou que se irán incorporando novos servizos que serán de utilidade para todos os cidadáns das áreas que forman parte do plan.
A directora da Amtega sinalou que a aplicación está xa dispoñible para os sistemas operativos Android e IOS. O seu uso é sinxelo e, unha vez instalada no dispositivo móbil, só hai que rexistrase e xa se poden incorporar á aplicación as diferentes tarxetas das que sexa usuario. A app mostra en orde cronolóxica os reembolsos pendentes de cobro por tarxeta e a data límite para cóbralos. Ademais, o usuario recibirá notificacións das novas recargas e da súa caducidade. A aplicación tamén permite facer suxestións a través dun formulario no que trasladar calquera proposta, recomendación ou mellora por parte dos usuarios.
Mar Pereira avanzou que se está a traballar nunha seguinte versión desta aplicación, que permitirá pagar desde o dispositivo móbil ou coñecer a situación do autobús en tempo real. A previsión e iniciar as probas destas novas funcionalidades a finais deste ano.
Estas iniciativas enmárcanse no Plan tecnolóxico do Transporte da Xunta de Galicia que, entre outros obxectivos, busca potenciar o uso do transporte con novos servizos de información para os cidadáns con sistemas que permitan tanto novos modelos de pago, como de transporte como o transporte a demanda.
Aposta polo transporte
A titular de Infraestruturas indicou que se está a celebrar a Semana Europea da Mobilidade, este ano baixo o lema Compartir lévate máis lonxe, unha iniciativa que busca sensibilizar dos beneficios que ten o uso de modos de transporte máis sostibles como son a bicicleta ou os desprazamentos a pé.
A conselleira destacou a forte aposta da Xunta polo transporte público, a través do Plan de transporte público de Galicia, que vén de poñerse en marcha, nunha primeira fase, o pasado 8 de agosto, e que ten por obxectivo facilitar os desprazamentos dos galegos, fundamentalmente no rural.
O Plan de transporte metropolitano de Galicia, en funcionamento en cinco áreas da Comunidade (A Coruña, Ferrol, Santiago, Lugo e Vigo) e en 65 concellos, tamén está a beneficiar ao 60% dos galegos. Trátase dun plan social que lle supón aos usuarios frecuentes que dispoñen da tarxeta aforros medios de 600 euros ao ano. Neste ano, ata agosto, téñense bonificado 9,3 millóns de billetes en Galicia, un 4% máis con respecto ao mesmo período de 2016.
Este sábado 30 de setembro, a partir das 10.30 horas, temos en Compostela unha cita coa tecnoloxía Arduino, plataforma de electrónica aberta que se complementa cun software do mesmo nome e que comparten (hardware e software), a arela de tirar abaixo os muros da creación interactiva, robótica e informática. A cita con Arduino, novamente, virá da man da Asociación Xeopesca. Será no Centro Sociocultural de Caramoniña (Santiago de Compostela). O obradoiro incluirá un achegamento ás estruturas e operadores de Arduino, as vertentes analóxicas e dixitais desta tecnoloxía e máis un achegamento a exercicios prácticos coa mesma.
Segundo informa Xeopesca, para participarmos é preciso facermos unha inscrición previa (hai prazas limitadas). Tamén é necesario que levemos o portátil co software Arduino instalado.
Esta actividade insírese no programa de accións que a asociación Xeopesca realiza no marco do convenio de colaboración asinado coa Axencia para a Modernización Tecnolóxica de Galicia (AMTEGA), e incluídas no Plan de Acción de Software Libre 2017 da Xunta de Galicia. Dende Xeopesca agradecen a colaboración do Recuncho-Maker na execución desta actividade.
O Colexio Profesional de Enxeñaría en Informática de Galicia (CPEIG) vén de anunciar que vai colaborar cos Concellos de Celanova, Verea e Bande e máis coa Consellería de Economía, Emprego e Industria, para a posta en marcha e desenvolvemento dunha actividade formativa directamente encamiñada a impulsar a inserción laboral da comarca ourensá. Estamos a falar do obradoiro de emprego Novicrea 4.0 novos vieiros de emprego, impulsado de xeito conxunto polos devanditos Concellos ourensáns para materializalo ao longo dos meses vindeiros (entre este mes de setembro e maio de 2018).
Esta actividade, na que participarán uns vinte desempregadas/os da bisbarra, está coordinada por Antonio Piñeiro, cuxo obxectivo (e do seu equipo) é fornecer dun obradoiro de emprego que, amais de ser un obradoiro, sexa un espazo de exploración para proxectos formativos de futuro, proxectos relacionados directamente coas TIC.
Segundo informa o CPEIG, o seu labor centrarase en dar apoio tecnolóxico e formativo ao proceso de selección de persoal (directivo, docente, alumnado-traballadores) do obradoiro de emprego. Esta colaboración inscríbese na liña de traballo deseñada polo CPEIG de apoio a todas aquelas entidades e organizacións que requiran do asesoramento externo do ente colexial que representa os profesionais da enxeñaría en informática.
O desenvolvemento desta nova aplicación comezou en 2016 e contou coa colaboración de ILUNION Tecnoloxía e Accesibilidade e da empresa GFT, encargada de desenvolver a parte móbil dun proxecto que BBVA define como "moi esixente en canto a accesibilidade e usabilidade".
A 'app' emprega un sistema de instrucións por voz para guiar ao usuario polos seus diferentes apartados. Unha vez seleccionada a operación de retirada de efectivo, é posible elixir o cartón para utilizar e, a continuación, a aplicación mostra os caixeiros máis próximos grazas á súa función de xeolocalización, nutrida da base de datos de Google Maps.
Estes caixeiros automáticos dispoñen dunhas balizas intelixentes deseñadas polo departamento de Tecnoloxía e Accesibilidade de ILUNION, tamén chamadas 'beepcons'. Estes dispositivos emiten uns sinais acústicos que permiten a identificación e localización de obxectos próximos ás persoas con discapacidade visual.
Tras introducir o cartón, o caixeiro conéctase co móbil empregando tecnoloxía 'Bluetooth' de baixa frecuencia (o que permite reducir o consumo de batería do teléfono) e realiza a operación que o cliente solicitou previamente e que permanece asociada á súa conta bancaria.
O director de Enxeñería de BBVA España, Luís Javier Blas, anunciou que a 'app' "estará dispoñible en xaneiro" e asegurou que se trata de "un paso máis na xestión das finanzas das persoas invidentes, xa que permite dispoñer de efectivo sen axuda externa".
Pola súa banda o director executivo de Banca de GFT España, Manuel Lavín, destacou que este proxecto "conxuga a transformación dixital dos servizos financeiros e o uso das novas tecnoloxías".
Así mesmo a directora xerente de ILUNION Tecnoloxía e Accesibilidade, Ana Uruñuela, remarcou que "é importante considerar a variable da accesibilidade no desenvolvemento de servizos e produtos". Ademais, Uruñuela sinalou que "o deseño para todos non só beneficia ás persoas con discapacidade, senón a outros colectivos, por exemplo o das persoas maiores".
Xa se albisca ao lonxe un dos eventos divulgativos e formativos que máis tocan de preto a quen ande cun pé nas novas tecnoloxías e outro na creación de contidos de toda índole. Falamos das novas charlas TEDxGalicia, que se celebran o sábado 2 de decembro no Museo Centro Gaiás e que nesta edición terán como lema Ultreia. Ánimo para ir máis alá. A edición galega virá novamente (logo de dúas convocatorias consecutivas) da man da Cidade da Cultura, respondendo ao seu obxectivo de “apostar por promover a difusión de ideas innovadoras”.
As charlas desenvólvense en todo mundo coa arela de situarnos aos usuarios das novas tecnoloxías máis alá (moito máis alá) do noso papel de usuarios. As sesións TEDxGalicia queren amosar a innovación da innovación e, a maiores, converternos a todos en innovadores e creadores.
Segundo nos recordan dende a Cidade da Cultura, as xeiras de divulgación e debate TED creáronse en 1984 en California como un evento para a transmisión “daquelas ideas que pagan a pena ser difundidas”, sendo TED o acrónimo de Tecnoloxía, Entretemento e Deseño, as súas tres grandes áreas temáticas. O seu formato áxil (duración máxima de 18 minutos), así como a escolla de relatores e temas fixo que axiña se convertesen nun fenómeno viral con millóns de visualizacións a través de YouTube. Teñen pasado polas sesións persoeiros da tecnoloxía, as artes, o activismo e a política como Bill Clinton, Bill Gates (o creador de Microsoft), Jane Goodall, Frank Ghery ou Bono (U2).
Co lema Cara unha sociedade movida pola talento, a primeira edición dos TEDxGalicia celebrouse no ano 2010. Desde 2015, a Cidade da Cultura acolle este evento no marco de seu programa de apoio ao emprendemento e a innovación.
A organización de TEDxGalicia anuncia que os nomes de conferenciantes non se darán a coñecer ate principios de novembro, pero que as entradas para asistir como público sairán a venda o 1 de outubro en tedxgalicia.com ou en cidadedacultura.gal.
O Museo de Pontevedra, sede principal do festival TEK-FEST, acolleu a presentación da segunda edición deste encontro de tecnoloxía e patrimonio que desenvolverase entre os días 25 e 30 de setembro cun completo programa de actividades. No seis días que dura esta iniciativa impartiranse obradoiros e conferencias, realizaranse encontros e incluso poderase asistir a performances sonoras no que será unha mostra das disciplinas que tocará o TEK-FEST este ano: a realidade virtual, a artesanía dixital, a fotografía inmersiva e a innovación aplicada aos tecidos. Estes ámbitos conectarán coa memoria da cidade de Pontevedra para amosar ao mundo a potencialidade de pór en valor o patrimonio a través de tecnoloxías emerxentes.
No acto de presentación, o concelleiro de Xuventude e Tecnoloxía, Alberto Oubiña, destacou que «se o ano pasado o lema do TEK-FEST era “a cidade do futuro”, este ano facemos unha viaxe inversa para conectar o pasado e o presente, sempre con esa idea de proxectar o futuro». Pola súa banda, o delegado de Cultura da Deputación de Pontevedra, Xosé Leal, destacou «a necesidade de situarnos na vangarda para comprender o tempo que vivimos», salientando que a súa entidade aposta polo TEK-FEST como «unha iniciativa con percorrido que axude, a través da tecnoloxía, a estreitar a relación que a cidadanía ten co patrimonio cultural».
O director artístico do certame, Toño Cabanelas, subliñou a potencialidade que ten o uso do patrimonio nas tecnoloxías emerxentes. Cabanelas tamén é responsable do obradoiro de realidade virtual e patrimonio fotográfico que ten lugar no TEK-FEST, e do que sairá unha peza artística que se enviará a festivais internacionais especializados neste novo medio.
O TEK-FEST tamén achegará a Pontevedra a primeira Mostra Internacional de VR e Patrimonio, cunha selección de 6 pezas de realidade virtual, ás que sumaranse os resultados do obradoiro con imaxes 3D de Pontevedra.
O festival tamén renderá homenaxe aos pioneiros da tecnoloxía en Galicia, de xeito que este ano terán como protagonista ao finado inventor compostelán Juan Portela Seijo, inventor de aparellos electroacústicos como o Organ Sound, altofalante modular inspirado nos órganos da catedral de Santiago de Compostela.
Esta semana a asociación Amigus, con centro de operacións nas Pontes, retoma o fío dos seus Amigus Labs. Isto que significa? Pois basicamente que imos ter unha nova oportunidade de abrir as portas da creación tecnolóxica: sermos algo máis que simples usuarios. A cita, que é de balde, será o sábado 23 no Mercado Vello das Pontes. Trátase, máis en detalle, dunha serie de Obradoiros Tecnolóxicos que xirarán arredor de diferentes ferramentas TIC de arte e creación dixital.
Cousas como impresión 3D, fabricación dixital, robótica, programación, realidade virtual, drones, radio control e videoxogos, entre outras cuestións. Amais dos obradoiros sobre robótica ou fabricación de kits electrónicos, tamén se achegará a posibilidade de pilotar drones ou de viaxar, como sinala Amigus, “a mundos virtuais en primeira persoa”.
Por se isto fose pouco, habilitarase un recanto onde se mostrarán algunhas das creacións materializadas ao longo dos últimos anos ao abeiro de Amigus Labs. Esta exposición ficará de portas abertas dende as 11.00 até as 14.00 horas, e dende as 17.00 até as 20.00 horas.
Estes son os piares temáticos dos Amigus Labs deste sábado 23:
Organizadores e colaboradores
A cita vén da man da Asociación Informática Amigus, de Amigus Labs e de Merca Nas Pontes. Colaboran, entre outras moitas entidades, o Concello das Pontes, a OMIX local, a Concellería de Cultura, COHEMPO, EuroEume, Nauta, No Ping, Nodo Dixital ou Triade.
Cecap Joven presentou este mércores a app ‘Moviliza-t’, unha ferramenta de innovación social, a primeira deste tipo en Europa, que permite a través do ordenador ou de dispositivos móbiles conectar a oferta de voluntariado das entidades sociais e tamén a existente a nivel europeo e internacional con todas aquelas persoas interesadas en tomar parte en calquera destas accións.
Un proxecto que se xestou durante os últimos tres anos e que impulsou Cecap Joven, a entidade prestadora de servizos á xuventude do Grupo Cecap, co apoio e financiamento da "Consejería de Bienestar Social" e da Universidade de Castela-A Mancha a través da Cátedra Santander de Responsabilidade Social, segundo informou en nota de prensa a confederación.
Trátase dunha ferramenta para fomentar a participación activa da sociedade en accións de voluntariado, que promove o traballo en rede das entidades de voluntariado da rexión e que, ademáis, permitirá un seguemento e evaluación das prácticas realizadas, así como obter unha certificación das competencias e aprendizaxes obtidas polo voluntario.
Esta app, que pode consultarse a través do ordenador — www.movilizat.org — ou descargarse para ser utilizada en dispositivos móbiles, permite ao usuario mediante un mapa coñecer que ofertas de voluntariado están activas na súa zona de residencia ou interese, ou ben consultar a relación de ofertas de cada unha das entidades, así como as accións do Servizo de Voluntariado Europeo (SVE), intercambios xuvenís e outros proxectos de carácter europeo ou internacional.
No caso de inscribirse nalgunha delas, a entidade recibirá de maneira inmediata a dita solicitude, debendo contestar ao voluntario nun prazo máximo de seis días. Ao finalizar a acción de voluntariado, a entidade estará obligada a acreditar as competencias e aprendizaxes recibidas.
Na fase actual do proxecto ‘Moviliza-t’, de implementación e desenvolvemento, son oito as entidades que poden colgar as súas ofertas de voluntariado: Cecap e a propia Universidade de Castela-A Mancha, así como Cáritas, a Asociación Talaverana de Amigos, Familiares e Persoas con Enfermidade Mental en Talavera de la Reina (Atafes), a Asociación Comisión Católica Española de Migración (ACCEM), Cruz Vermella, Asociación socio-educativa Llere e Proxecto Kieu.
A app foi presentada nun acto celebrado no Edificio Sabatini do campus da Fábrica de Armas, que foi presidido polo presidente do Grupo Cecap, Andrés Martínez; o director da Cátedra Santander da Universidade de Castela-A Mancha, Pedro Estévez; a coordinadora da Plataforma de Voluntariado da Universidade rexional, Sonia Morales; e o responsable do Servizo Voluntario Europeo na "Consejería de Educación, Cultura y Deporte", Francisco Lucena.
Durante as exposicións interviron tamén a directora do Departamento de Xuventude e Voluntariado do CECAP, Rocío Gómez, que xestionou o proxecto; así como Luis Andrés Puertas e Pablo Morcillo, da empresa ImediaComunicación, encargada do deseño e implementación da app.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...