04/10/201609:12
Santiago de Compostela
Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...
O Concello de Santiago presentou este luns unha nova aplicación móbil destinada a romper barreiras de accesibilidade con respecto a unha Sociedade da Información por dereito (e por obriga) universal e integradora. Trátase, máis en detalle, dunha ferramenta para dispositivos accesible para persoas con discapacidade visual e auditiva, recurso tecnolóxico desenvolvido ao abeiro do convenio subscrito polo Grupo Cidades Patrimonio da Humanidade (no que se inclúe precisamente Santiago de Compostela) coa Fundación Orange e GVAM. Na presentación participaron a concelleira de Igualdade e Desenvolvemento Económico, Marta Lois, o presidente da Fundación Orange, Manuel Gimeno, e o director da empresa GVAM, Jaime Solano.
En base a isto, con esta aplicación móbil poderemos percorrer a Ruta intramuros (un itinerario polos monumentos máis senlleiros do casco histórico compostelán), a Ruta gastronómica (dirixida a amosar o noso bo facer na cociña e a calidade dos nosos produtos), a Ruta extramuros (unha oportunidade para coñecer “a beleza de Compostela fóra do seu casco histórico”) ou a Ruta accesible (con puntos de interese adaptados a persoas con discapacidade auditiva ou visual).
Entre outras cousas de interese, a ferramenta tamén incorpora unha pestana chamada Accesibilidadea través da que podemos elixir e descargar exclusivamente os recursos que precisemos. Elementos como subtítulos, vídeos en lingua de signos, audio-descricións, etc. Ademais a aplicación conta cunha opción denominada Como chegar que, mediante GPS, guía ao usuario de punto a punto.
A aplicación Santiago de Compostela nace no marco do proxecto Appside, que promove “a creación de aplicacións de guiado que permitan preparar a visita e descubrir de forma autónoma os museos e cidades máis representativas do noso patrimonio”. Todas estas apps, explicaron na rolda de prensa, “caracterízanse por ofrecer un contido cultural destinado a un público xeral pero que, ademais, estea adaptado ás necesidades das persoas con discapacidade sensorial”.
Appside asinou un convenio estatal para desenvolver unha aplicación accesible para cada unha das 15 cidades Patrimonio da Humanidade.
A Axencia para a Modernización Tecnolóxica de Galicia (Amtega) convoca preto de 600 prazas de avaliación de carácter libre para a obtención da certificación galega en competencias dixitais en ofimática (CODIX). Esta convocatoria, que publica hoxe o DOG, está aberta a toda a cidadanía en xeral que, ben pola súa experiencia ou pola súa formación adquirida por diferentes medios, xa posúen os coñecementos necesarios das aplicacións informáticas que compoñen o módulo formativo MF0233_2 «Ofimática» baixo o paquete de LibreOffice.
Inscrición e datas das probas
A inscrición poderá realizarse a través de internet desde mañá, 4 de outubro. O único requisito é ser usuario/a da rede CeMIT, trámite que tamén pode realizarse a través da web http://cemit.xunta.es.
No caso de que existan mais solicitantes que prazas convocadas, realizarase un sorteo alfabético entre os inscritos para establecer a orde de prelación para efectuar a matrícula.
As probas celebraranse os días 16, 17 e 18* de novembro en diversas quendas de mañá e tarde que nesta ocasión vanse a celebrar nas aulas CeMIT dos seguintes 39 concellos, que suman un total de 574 prazas dispoñibles: Abegondo, Ames, Arzúa, Barreiros, Betanzos, Boiro, Burela, Campo Lameiro, A Cañiza, Carballedo, Catoira, Celanova, A Coruña -Eiris, Cuntis, A Estrada, Fisterra, A Guarda, Lalín, Moaña, Narón, Oroso, Ortigueira, Ourense, Pontedeume, As Pontes, Pontevedra, O Porriño, Porto do Son, Ribeira, Santa Comba, Santiago de Compostela, Sarria, Tomiño, Valga, Verín, O Vicedo, Vigo, Vimianzo e Xunqueira de Ambia.
Avaliación
Para obter o CODIX é preciso superar un exame de 50 preguntas tipo test referidas aos contidos do Plan Formativo Ofimático de Galicia, composto polas cinco unidades nas que se estrutura o módulo formativo MF0233_2 «Ofimática» do Repertorio Nacional de certificados de profesionalidade:
Os materiais formativos que compoñen estes cursos foron elaborados seguindo as boas prácticas recollidas na Guía de boas prácticas para a publicación de obras documentais da Xunta de Galicia e poden ser seguidos libremente na súa modalidade de autoformación dentro da plataforma de teleformación da rede CeMIT http://cemit.xunta.gal/ema, na que se poden consultar tanto os contidos específicos dos diversos módulos que compoñen o CODIX como diversos casos prácticos e test de exemplo
Preto de 1.500 prazas convocadas no ano 2016
Esta convocatoria forma parte do Plan de Formación da rede CeMIT para este ano 2016, que terá a súa continuación no vindeiro ano con novas convocatorias de dous cursos de teleformación titorizada con exame final e dúas convocatorias de probas presenciais na modalidade autoformativa.
Dende a habilitación da rede CeMIT para a formación e avaliación dos contidos formativos do CODIX en maio de 2014, foron mais de 1.200 as prazas convocadas en cursos de teleformación titorizada e de 1.600 as persoas que se someteron á avaliación dos seus contidos nas diferentes edicións das probas presenciais convocadas e que se realizaron en diversas aulas da rede CeMIT.
A estes datos hai que engadir as máis de 300 actividades e cursos en ofimática en software libre que veñen realizando as diferentes aulas CeMIT de forma presencial durante o último ano como preparación orientada á presentación para estas probas libres, así como os 2.500 accesos aos contidos específicos do CODIX aloxados na plataforma de teleformación a través de internet (http://cemit.xunta.es/ema) e abertos para ser consultados en calquera momento.
A Rede CeMIT
A Rede CeMIT (Rede de Centros para a Modernización e a Inclusión Tecnolóxica), está integrada por 98 aulas, presentes en 92 concellos e 53 comarcas co obxectivo de promover o uso das novas tecnoloxías entre a poboación, con especial atención aos colectivos máis afectados pola fenda dixital, fomentar a formación dixital entre os profesionais galegos e mostrar á pemes e micropemes as vantaxes da sociedade da información.A listaxe completa e a localización das aulas CeMIT poden ser consultados en: http://cemit.xunta.es/centros.
*Calendarización das probas
As probas de avaliación presencial que se convocan desenvolveranse os días 16, 17 e 18 de novembro de acordo co seguinte calendario:
LOCALIDADE
PROVINCIA
DIA
HORA
Nº PRAZAS
Abegondo
Coruña, A
Mércores, 16 novembro
10:00
16
Coruña, A -Eiris
Coruña, A
Mércores, 16 novembro
10:00
16
Vimianzo
Coruña, A
Mércores, 16 novembro
10:00
15
Burela
Lugo
Mércores, 16 novembro
10:00
9
Campo Lameiro
Pontevedra
Mércores, 16 novembro
10:00
9
Guarda, A
Pontevedra
Mércores, 16 novembro
10:00
12
Pontevedra
Pontevedra
Mércores, 16 novembro
10:00
26
Tomiño
Pontevedra
Mércores, 16 novembro
10:00
8
Valga
Pontevedra
Mércores, 16 novembro
10:00
11
LOCALIDADE
PROVINCIA
DIA
HORA
Nº PRAZAS
Ames
Coruña, A
Xoves, 17 novembro
10:00
13
Fisterra
Coruña, A
Xoves, 17 novembro
10:00
10
Narón
Coruña, A
Xoves, 17 novembro
10:00
15
Pontes, As
Coruña, A
Xoves, 17 novembro
10:00
18
Santiago de C
Coruña, A
Xoves, 17 novembro
10:00
16
Ourense
Ourense
Xoves, 17 novembro
10:00
18
Moaña
Pontevedra
Xoves, 17 novembro
10:00
8
Porriño, O
Pontevedra
Xoves, 17 novembro
10:00
10
Vigo
Pontevedra
Xoves, 17 novembro
10:00
13
LOCALIDADE
PROVINCIA
DIA
HORA
Nº PRAZAS
Arzúa
Coruña, A
Xoves, 17 novembro
16:00
17
Betanzos
Coruña, A
Xoves, 17 novembro
16:00
18
Coruña, A - Eiris
Coruña, A
Xoves, 17 novembro
16:00
16
Pontedeume
Coruña, A
Xoves, 17 novembro
16:00
10
Santa Comba
Coruña, A
Xoves, 17 novembro
16:00
18
Vicedo, O
Lugo
Xoves, 17 novembro
16:00
7
Ourense
Ourense
Xoves, 17 novembro
16:00
18
Verín
Ourense
Xoves, 17 novembro
16:00
11
Xunqueira de Ambia
Ourense
Xoves, 17 novembro
16:00
9
Cañiza, A
Pontevedra
Xoves, 17 novembro
16:00
15
Estrada, A
Pontevedra
Xoves, 17 novembro
16:00
12
Pontevedra
Pontevedra
Xoves, 17 novembro
16:00
26
LOCALIDADE
PROVINCIA
DIA
HORA
Nº PRAZAS
Boiro
Coruña, A
Venres, 18 novembro
10:00
10
Oroso
Coruña, A
Venres, 18 novembro
10:00
12
Ortigueira
Coruña, A
Venres, 18 novembro
10:00
11
Porto do Son
Coruña, A
Venres, 18 novembro
10:00
8
Ribeira
Coruña, A
Venres, 18 novembro
10:00
11
Barreiros
Lugo
Venres, 18 novembro
10:00
12
Carballedo
Lugo
Venres, 18 novembro
10:00
7
Sarria
Lugo
Venres, 18 novembro
10:00
17
Celanova
Ourense
Venres, 18 novembro
10:00
11
Catoira
Pontevedra
Venres, 18 novembro
10:00
15
Cuntis
Pontevedra
Venres, 18 novembro
10:00
9
Lalín
Pontevedra
Venres, 18 novembro
10:00
18
Vigo
Pontevedra
Venres, 18 novembro
10:00
13
O Colexio Profesional de Enxeñaría Técnica en Informática (CPETIG), en colaboración coa Amtega, convoca unha nova edición de cursos de formación en Scratch, dirixida por unha parte ao profesorado e por outra ao alumnado, co obxectivo de difundir os valores da programación informática na comunidade escolar.
Esta nova fase da iniciativa, posta en marcha polo CPETIG hai tres anos, pretende ampliar o número de escolares de Galicia que acceden ao coñecemento da programación informática como ferramenta didáctica, para o que resulta necesario contar cun maior número de formadores especializados en Scratch.
Para iso, o CPETIG convoca tres cursos no mes de outubro, que terán lugar o día 7 en Vigo, o día 8 en Ourense e o día 15 en Santiago.
Con motivo da celebración do Día Internacional das Persoas Maiores que se celebra o día 1 de outubro lembramos que, a Fundación Vodafone España leva a cabo, por todo o territorio estatal, un programa de Formación no uso das Tecnoloxías da Información da Comunicación (TIC), co fin de mellorar a calidade de vida das mesmas, facelas partícipes da Sociedade actual e potenciar un envellecemento activo.
Durante o período comprendido entre o 1 de abril ao 30 de setembro de 2016, este Programa de Formación permitiu a máis de 20.500 dos nosos maiores acceder ás vantaxes que a Sociedade da Información lles ofrece.
Desde que se puxo en marcha o devandito Programa, foron máis de 191.000 os maiores que se beneficiaron de accións formativas no uso das TIC, e que foi evolucionando á vez que evolucionaba a tecnoloxía, desde os primeiros teléfonos móbiles ata os actuais dispositivos móbiles avanzados (smartphones e tablets). Preténdese dar aos maiores un maior acceso e desenvolvemento nos servizos administrativos (administración electrónica), de lecer (lectura, música, libros, xogos, turismo, museos, monumentos, cultura, gastronomía, TV…), incrementar a súa seguridade (xeolocalización, teleasistencia…), facilitar a relación cos demais (redes sociais, intercambio de fotos e vídeos, mensaxería por Internet,…), unha mellor información (noticias e prensa on-line…), e dar a coñecer outras aplicacións de servizos xerais.
O Programa impártese mediante obradoiros presenciais, semipresenciais e “en liña” en colaboración con numerosas entidades, entre as que se atopan: Ceoma, Fasunex, Caumas, Confemac, Ategal, Fundación Updea, Fundación Harena, Jovesolides, Cruz Vermella Española, Ceu-Senioribus, Fundación Pere Tarres, Fundació Ciudat de Viladecans, Secot, Gabinete Literario das Palmas de Gran Canaria, Asociación Ingenio Labs, Fegaus, Amtega, Almanatura, Fundación Belén María e a Asociación de Amigos polos Museos de Educación de Canarias. Os materiais de impartición do Programa atópanse dispoñibles en www.fundacionvodafoneconlosmayores.com e en listas de distribución independentes de YouTube con tan só introducir as palabras “curso Smartphone para Maiores”.
Na actualidade, case 700 millóns de persoas no mundo son maiores de 60 anos. Para 2050, as persoas de 60 anos ou máis serán 2.000 millóns, isto é, máis do 20% da poboación mundial. En España, o 22,4 por cento das persoas de 65 anos ou máis viven soas.
Para combater esta soidade nos maiores, a Fundación TECSOS, impulsada por Cruz Vermella e Fundación Vodafone España, desenvolveu diferentes iniciativas apostando polas novas tecnoloxías para incrementar as relacións sociais entre as persoas maiores, así como un envellecemento saudable a través de contidos útiles. Un exemplo deste traballo é o proxecto Enred@te, que consiste nunha rede social dixital entre maiores, os seus familiares, os coidadores e o voluntariado.
O reto era tan amplo como ambicioso: crear unha aplicación móbil Android que servise para mellorar a vida das persoas, nos ámbitos da saúde, a educación e o benestar persoal. Só unha condición: utilizar para iso a tecnoloxía Snapdragon 625 de Qualcomm, co-organizadora do evento, que estaba patrocinado por BQ e Movistar.
O hackathon arrincou o xoves e durou ata a mañá do venres. A maioría dos participantes (máis de 300) pasou alí a noite; non había tempo que perder. Todos eles eran mozos de entre 18 e 30 anos (a maioría roldaba a vintena), atraídos "pola experiencia" e, para que negalo, polo atractivo premio que recibirían os tres proxectos gañadores: 5.000, 3.000 e 2.000 euros.
Este hackathon distinguíase por que os participantes coñecían as condicións do reto unha semana antes. Por tanto, moitos traballaran na súa idea con antelación. Noutras ocasións, os programadores chegan ao maratón de desenvolvemento completamente a cegas. A diferenza entre un formato ou outro estriba nos obxectivos que busque a organización. Dar aos mozos as instrucións con antelación garante probablemente un maior grao de desenvolvemento e unha mellor calidade dos proxectos, mentres que os hackathóns a cegas permiten identificar as persoas máis creativas e eficaces, e resultan ideais para a captación de novo talento.
Os hackathóns, de tódolos tipos, convertéronse nunha fórmula bastante corrente de buscar novas ideas e talento novo. Esta mesma semana, só en Madrid, a empresa de crowd engineering Ennomotive, en colaboración con IE Business School, Ferrovial e Endesa, organizou o primeiro hackathon de Europa para apps de Industria 4.0. E, o fin de semana pasado, alumnos do British Council School de entre 10 e 16 anos participaron nun hackathon sobre ciberacoso.
Pero volvamos á iniciativa de Join. As ideas que xurdiron desas 24 horas de traballo foron:
Todas elas son boas ideas, pero probablemente estea a pensar en que moitas xa se lle ocorreron a vostede antes... En efecto, os mozos traen frescura a unha organización; unha nova maneira de entender a vida e o traballo; un punto de vista diferente sobre a realidade que é absolutamente necesario para enriquecer ao conxunto dun equipo. Agora ben, se nos fixamos, os modelos de negocio máis disruptivos hoxe en día non consisten en produtos e servizos verdadeiramente rompedores, senón máis ben nunha combinación inédita de produtos e servizos que xa existen.
Pense en Uber, Airbnb, Booking.com, Google... O valor destas empresas é a súa capacidade para integrar solucións e ofrecelas ao usuario dun modo simple, útil e atractivo.
A pregunta é, ¿pódese verdadeiramente extraer ideas disruptivas dun hackathon? Si, aínda que hai que saber mirar. Sen dúbida existen detalles de deseño e conceptualización que poden marcar a diferenza entre un produto de éxito e outro que cae no esquecemento.
O verdadeiro reto para Telefónica, de tódolos xeitos, empeza despois: ser capaz de integrar esas novas ideas na organización, que dean lugar, a través dunha metodoloxía de desenvolvemento áxil (a propia operadora fala do concepto lean elephant para referirse a este desafío), a unha app que cumpra aquilo para o que se concibiu: mellorar a vida das persoas.
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...