22/06/201713:08
Lugo
Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...
A Concelleira de Concello e Cidadanía, Rosana Rielo, presentou este martes Tecno Verán, o programa de actividades que organizou nas aulas CEMIT (Centros para a Modernización e Inclusión Tecnolóxica), situadas nos centros de convivencia María Balteira e O Castiñeiro, para este tempada estival. Ofrecerá 120 prazas en oito cursos gratuítos sobre novas tecnoloxías, dirixidos a todas as idades.
Os cursos terán lugar de luns a venres, cun máximo de 15 prazas.
Na aula de María Balteira terán lugar os seguintes:
Na aula do Castiñeiro impartiranse as seguintes actividades:
O máximo de alumnos será de 15, establecéndose en 8 o mínimo para celebrarse cada un dos obradoiros.
As persoas interesadas poden formalizar a inscrición no Edificio de Novas Tecnoloxías, ata as 20:00 horas do xoves da semana anterior á celebración do curso elixido. Cada persoa so se poderá inscribir en dous cursos. Só no caso en que queden prazas baleiras poderase admitir a inscrición en máis de dous obradoiros.
O acceso aos cursos será por sorteo, a celebrar ás 11:00 horas do día seguinte ao peche da inscrición. A lista de admitidos poderase consultar na páxina web do Concello www.lugo.gal, no centro de referencia ou no teléfono de información municipal 010.
A accesibilidade é unha necesidade de todos os cidadáns na medida que proporciona unha maior calidade de vida e seguridade.
Calquera persoa, ao longo da súa vida, pode necesitar acceder a un local cunhas condicións específicas ou ten un familiar ou amigo a quen lle pode facer falta nalgún momento.
Considérase que as barreiras da contorna afectan non só ás persoas con discapacidade senón tamén ao conxunto da poboación, especialmente a 3 colectivos:
Ademais, en Mapp4all pensan en calquera persoa que poida ter unhas necesidades especiais como cambiadores de bebés, levar un carriño de bebé, ter as mans ocupadas, por exemplo, porque leva unha caixa ou unhas bolsas da compra, ter algunha intolerancia alimenticia ou simplemente levar unha mascota.
Segundo os datos oficiais consultados, en España no ano 1999 estes tres colectivos ascendían a preto de 16 millóns de persoas, o que significa que case ao 40% da poboación aféctalles a accesibilidade.
Prevese que no ano 2050 o 35% da poboación española teñan máis de 65 anos polo que se sumamos esta cifra á de discapacidade permanente e transitoria estamos a falar de que no ano 2050 a accesibilidade afectará a máis do 65% da poboación.
De acordo ao Informe Mundial da Discapacidade presentado no ano 2011 pola OMS e o Banco Mundial, a discapacidade vai en aumento: As cifras do ano 2010 indican que hai máis de mil millóns de persoas viven en todo o mundo con algunha forma de discapacidade; delas, case 200 millóns experimentan dificultades considerables no seu funcionamento. Nos anos futuros, a súa prevalencia está a aumentar. Iso débese a que a poboación está a envellecer e ao aumento mundial de enfermidades crónicas tales como a diabetes, as enfermidades cardiovasculares, o cancro e os trastornos da saúde mental.
O proxecto
Mapp4All é a primeira plataforma de información sobre accesibilidade universal que informa de maneira transversal as características de accesibilidade dos establecementos en calquera cidade do mundo.
Hoxe en día, a nosa canle de comunicación é a aplicación Mapp4All – Wikiaccessibility que integra todas estas necesidades e permite facer procuras a través de filtros. Ademais, os usuarios de Mapp4All poden crear novos puntos de interese, valorar e incorporar as súas opinións para enriquecer a información de cada local, sinalando nun mapa interactivo aqueles que comporten máis facilidade para cada colectivo.
É unha aplicación colaborativa, é moi importante que os usuarios valoren e comenten a información. O que para un pode ser accesible pode non selo para outro polo que é primordial que o usuario certifique a información.
Actualmente, estes filtros habilitados para cada colectivo son: locais accesibles para persoas con mobilidade reducida, visuais e auditivas, pero tamén locais onde admitan mascotas, con axuda para nenos ou que dispoñan de alimentos ou pratos sen glute. Estes filtros iranse modificando en función da demanda de colectivos, a condición de que Mapp4All o considere oportuno.
Mapp4All foi escollida no ano 2016 polo Concello de Barcelona e o IMpd (Institut d'atenció a acúdaslles amb discapacitat) como plataforma para mostrar toda a información sobre accesibilidade de Barcelona, tanto para os cidadáns como os turistas, dentro do Plan de Accesibilidade da Cidade.
Aínda que os lotes ofrecidos a través de Humble Bundle tenden a estar formados por xogos independentes ou por recompilacións de títulos dun estudio en concreto para captar fondos para causas solidarias, permitindo que o usuario sexa o que decida a cantidade económica a achegar, esta quincena sorpréndennos cunha selección de software tan completa como atractiva.
As aplicacións informáticas que recibirán as persoas que acheguen a partires de 1 dólar están CloudApp Pro (cunha licenza de 6 meses), Soda PDF Home (licencia doméstica desta aplicación que permite crear e converter documentos PDF) e un cupón de 30 dólares para contidos dentro da aplicación MAGIX Music Maker.
Máis interesante resultan as aplicacións que recibirá quen aporte máis da media (8,40 dólares no momento de escribir estas liñas), pois inclúe unha licenza dun ano do xestor de contrasinais LastPass Premium, a aplicación de ilustración Corel Painter Essentials 5 e os interesantes Corel Photo Brush – AfterSot e Corel Photo Brush – ParticleShop.
Para os que se animen a achegar dende 12 dólares as aplicacións que se incluirán serán tamén 1 licenza anual para 3 dispositivos de Panda Antivirus Pro, unha licenza dun ano do navegador web privado Windscribe e o editor SOUND FORGE Audio Studio 10.
Temos aquí unha atractiva selección de software por un prezo moi axustado, que de seguro que moitos creadores estarán dispostos a pagar para facerse con aplicacións de xeito legal ou, simplemente, para probar novas ferramentas sen ter que facer un grande investimento.
A Axencia para a Modernización Tecnolóxica de Galicia (Amtega), celebra o vindeiro 28 de xuño na Cidade da Cultura a sesión #UpdatePeme Economía social. Mellora a colaboración e a comercialización na túa cooperativa grazas ás TIC. É a segunda das xornadas previstas no Programa #UpdatePeme posto en marcha pola Amtega en febreiro.
A xornada, que comezará ás 19.00 horas, está destinada a fomentar o uso das novas tecnoloxías entre o sector da economía social, tanto no relativo á páxina web, redes sociais e venda a través de internet como na comunicación.
Programa
O programa desta sesión, organizada en colaboración coa Rede Eusumo impulsada pola Consellería de Economía, Emprego e Industria, inclúe un relatorio, a cargo da coñecida adega Paco&Lola, titulado “Descubre as vantaxes da comercialización en liña”. A continuación, está prevista unha mesa de experiencias na que participarán tres cooperativas galegas de diferentes sectores que falarán das súas experiencias coas novas tecnoloxías. Por unha banda, Seragro, que falará sobre a consulta en liña dunha explotación de vacún dedicada á actividade leiteira; por outra, Nosa Enerxía, que explicará como chegar a novos socios a través das TIC; e, por último, Bico de Xeado, que desvelará como deseñar un plan de marketing para as redes sociais. A sesión finalizará cunha rolda de preguntas e un debate sobre os temas tratados.
Para participar nesta actividade cómpre inscribirse na web do CDTIC (https://cdtic.xunta.gal/updatepeme-economia-social) ou a través da súa aplicación dispoñible para plataformas Android e iOS. A asistencia é de balde e aínda é posible anotarse para acudir, xa que as prazas, polo momento, non están cubertas.
#UpdatePeme, difundindo as TIC cun enfoque sectorial
A Amtega puxo en marcha o pasado mes de febreiro, o programa #UpdatePeme, cun enfoque sectorial orientado a promover a transformación dixital das pequenas e medianas empresas e que mostra as solucións tecnolóxicas que se están a aplicar con éxito en pemes galegas. O programa, integrado nas actividades do Centro Demostrador TIC da Amtega, abrangue varias sesións dirixidas a colectivos empresariais específicos, nas que diversas empresas exporán a súa experiencia particular no uso dun produto ou servizo TIC de utilidade para o colectivo.
O programa #UpdatePeme comezou o pasado mes 23 de febreiro coa sesión #Updatepeme_Turismo: como a dixitalización pode axudar ás empresas turísticas, na que colaborou o Clúster Turismo de Galicia.
As sesións deste programa compleméntanse con gravacións de cada unha das intervencións e artigos divulgativos sobre a aplicación das tecnoloxías amosadas, que poderán ser consultados polas empresas na web do Centro Demostrador TIC (http://cdtic.xunta.gal).
Centro Demostrador TIC
O CDTIC, impulsado pola Axencia para a Modernización Tecnolóxica de Galicia, é unha iniciativa que promove a transformación dixital das pemes de Galicia como factor clave para mellorar a súa eficiencia e competitividade. Así, a través de distintos servizos e actividades, o CDTIC amósalles ás empresas a importancia de impulsar o talento dixital dentro destas, para desenvolver unha nova organización do traballo e unha cultura dixital na que o persoal e a clientela se sintan cómodos ante a incorporación das tecnoloxías.
O Centro Demostrador TIC de Galicia é froito dun convenio de colaboración entre a Xunta de Galicia e o Ministerio de Enerxía, Turismo e Axenda Dixital, a través de Red.es, cofinanciada con fondos Feder.
O campionato científico escolar D3Mobile, o o certame de modelado 3D de precisión con teléfono móbil promovido polo grupo de investigación Cigeo da Escola Politécnica Superior do Campus Terra da USC, vén de superar na súa edición de 2017 os niveis de participación da súa anterior entrega, ao contabilizar entre os distintos equipos participantes un total de 1.476 estudantes e 350 docentes pertencentes a 268 centros educativos de 44 países diferentes. Ademais, a organización (unha vez rematada a fase de competición) vén de abrir o prazo de votacións para determinar os modelos 3D máis valorados polo público, un proceso que ficará aberto en liña até o vindeiro 15 de xullo na páxina web www.d3mobile.es.
Na páxina devandita, segundo informan os promotores da actividade, tamén se poden ver todos os modelos presentados, xeolocalizados nun mapa elaborado polo Instituto Xeográfico Nacional. As achegas tamén están accesibles na rede social 3D do campionato.
O grupo impulsor do certame D3Mobile 2017 tamén informou de que se van repartir premios entre os participantes agasallados por un importe global de 14.000 euros. Do mesmo xeito que nas edicións previas, haberá premios xerais (nos que os participantes modelan calquera obxecto), e premios específicos (nos que os participantes deben modelar en 3D un obxecto representativo/relacionado con algún tema/institución proposto pola organización). Esta edición, como novidade, establece catro premios específicos para que aqueles participantes que elaborasen modelos 3D relacionados cos obxectivos estratéxicos da UNESCO para a Educación, Ciencia, Desenvolvemento social, Patrimonio, Cultura, Comunicación e a Información no mundo. Para concorrer a estes galardóns, os estudantes tiveron que ler os citados obxectivos estratéxicos, elixir un deles e seleccionar un obxecto representativo do mesmo, para escanealo a continuación en 3D co seu smartphone ou tableta.
Segundo informa a organización, tres equipos optan ao premio D3Mobile Difusión Científica USC-Ciencia na USC, un galardón específico creado este ano para difundir o labor científico que desenvolven os grupos de investigación da USC. Os tres equipos aspirantes buscaron información dalgún investigador/grupo/instituto da institución académica e seleccionaron un obxecto representativo do seu labor científico. Os modelos 3D realizados por estes participantes son: un neno feito por un equipo de Ferrol e relacionado co traballo de Mariano López García, do grupo de Cirurxía, Radioloxía e Ecografía Experimental Veterinaria; unha pota de barro, proposta por un equipo ecuatoriano, relacionada co Instituto de Cerámica que dirixe Francisco Guitián Rivera, e unha buguina de mar, feita polo equipo galego do investigador guardés Emilio Rolán Mosquera.
Completan o conxunto de distincións específicas o premio Fronteira (para difundir a relación entre España e Colombia-Latinoamérica no ámbito industrial, de investigación ou de colaboración sobre a paz), o premio Fundación Mulleres (para contribuír ao coñecemento por parte dos mozos españois do labor dunha científica/tecnóloga de éxito nos eidos da enxeñaría/arquitectura), ou o premio Fundación Comforp (para o equipo mellor clasificado pertencente a un centro estatal no que se imparta automoción).
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...