26/01/202113:54
Santiago de Compostela
Queres manterte ao día de todo o que acontece ao teu redor no mundo dixital? Consulta as novidades sobre cursos, actividades, ferramentas, novas aplicacións das TIC, proxectos innovadores...
Os 13 estudantes que accederon ás Bolsas DigiTalent comezarán en febreiro o período de prácticas formativas en empresas tecnolóxicas. Durante tres meses, os bolseiros contarán cun plan de formación e recibirán asesoramento, orientación e dirección das persoas responsables das empresas TIC.
Os bolseiros cómpren os requisitos marcados na iniciativa, ser menores de 31 anos e estar matriculados en carreiras de Artes e Humanidades, Ciencias da Saúde, Ciencias Sociais e Xurídicas, Enxeñaría e Arquitectura nalgunha das tres universidades galegas e ter máis do 75% e menos do 100% de créditos aprobados. As bolsas DigiTalent teñen unha duración de 20 horas semanais e son remuneradas.
Esta iniciativa, enmarcada no Plan de Promoción do Talento Dixital de Galicia, é froito dun convenio de colaboración entre a Consellería de Cultura, Educación e Universidade, a Axencia para a Modernización Tecnolóxica de Galicia (Amtega), as tres universidades e a Fundación Empresa-Universidade Galega (FEUGA); para dar resposta á demanda de novos perfís dixitais e facilitar a hibridación entre os sectores TIC e non TIC.
Entidades colaboradoras do programa
As empresas nas que os bolseiros realizarán as prácticas e que, previamente se adheriron ao programa, teñen experiencia en proxectos relacionados con tendencias tecnolóxicas emerxentes tales como big data, tecnoloxías móbiles, deseño de servizos e aplicacións cloud, ciberseguridade, IoT, blockchain, realidade aumentada, intelixencia artificial e wearables, entre outras.
Plan DigiTalent
O Plan de Promoción do Talento Dixital de Galicia, DigiTalent, impulsado pola Amtega ten como obxectivos potenciar as vocacións STEM desde idades temperás, promover a adaptación de estudantes, titulados e profesionais á demanda de novos perfís dixitais e maximizar as oportunidades de desenvolvemento profesional na economía dixital.
Ao abeiro do Plan desenvolvéronse 16 actuacións desde o principio deste curso 2020/2021. En concreto, 7 iniciativas dirixidas á infancia e á adolescencia para fomentar o atractivo das profesións científico-tecnolóxicas desde idades temperás; 6 actuacións orientadas a impulsar os novos perfís dixitais entre estudantes, titulados e profesionais; e 3 actuacións para promover as capacidades de e-liderado. DigiTalent, concibiuse como un plan de actuacións vivo e aberto á colaboración e reflexión de todos os axentes do ecosistema dixital. A información sobre as actividades do catálogo DigiTalent actualízase na web digitalent.xunta.gal.
A Deputación de Pontevedra organiza os vindeiros 13 e 14 de febreiro o evento #SocialHack, a primeira edición do Hackathon Online de Innovación Social para o Terceiro Sector. Segundo informa a entidade provincial, trátase do segundo reto tecnolóxico deste tipo que promove a institución, a través do programa SmartPEME, tralo celebrado en 2019, daquela relacionado co sector turístico. Neste caso, o Hackathon estará vinculado á dixitalización das entidades sociais do chamado Terceiro Sector. Buscarase estimular o talento e a creatividade para acelerar este proceso.
Nesta nova edición do Hackathon, que repartirá 3.500 euros en premios, o desafío para os equipos participantes, que estarán formados por grupos multidisciplinares de entre 3 e 5 persoas, consistirá no desenvolvemento de solucións innovadoras que axuden “a unha mellor xestión da colaboración entre a comunidade e as entidades do Terceiro Sector da provincia, así como a mellora e maior eficiencia na captación de persoas asociadas e fondos por parte destas entidades”. Debido á pandemia, o evento será integramente online, e comezará o 12 de febreiro cun acto de presentación, que será retransmitido por streaming, e os días 13 e 14 os equipos traballarán a través de ferramentas de videochamada no desenvolvemento de solucións tecnolóxicas.
As inscricións para #SocialHack poden realizarse na páxina web de SmartPEME e o reto está aberto a persoas de todo o territorio nacional, estudantes ou profesionais de áreas como desenvolvemento de aplicacións móbiles, deseño gráfico, Terceiro Sector ou área de negocio.
Unha vez que estea pechada esta convocatoria de inscrición, formaranse os grupos, que traballarán xuntos online durante a devandita fin de semana no desenvolvemento das solucións tecnolóxicas.
Os equipos terán o apoio de persoal experto en tecnoloxía e desenvolvemento de apps (contarase coa colaboración de Minube como provedor tecnolóxico), para resolver posibles dúbidas durante os dous días do Hackathon. Todas as propostas terán que ser inclusivas, vinculadas á provincia de Pontevedra e deberán fomentar a igualdade.
Despois de dous días de traballo, o xurado valorará a busca de ideas creativas, o desenvolvemento e deseño, a orixinalidade, a dificultade técnica, a usabilidade e a presentación. Haberá un primeiro premio de 2.000 euros, un segundo de 1.000 e un terceiro premio de 500 euros. O 18 de febreiro terá lugar en formato online o acto de clausura desta actividade, xunto coa entrega de premios.
Este é un concurso de desenvolvemento de software, hardware e documentación técnica libre no que poden participar tanto estudantes universitarios (de grao, máster e doutoramento), como estudantes de ciclos de grao medio e superior, así como estudantes de bacharelato; todos eles incluídos no sistema educativo estatal español.
O obxectivo principal do Concurso Universitario de Software Libre é fomentar a creación e contribuír á consolidación da comunidade do Software Libre na Universidade.
Os participantes dispoñerán dun blogue onde contarán a súa experiencia no desenvolvemento durante o curso académico, ademais de empregar un repositorio, como GitHub, GitLab ou LaunchPad para aloxar o código fonte.
Inscrición
A inscrición levarase a cabo mediante o seguinte formulario.
A aula CeMIT de Ribeira, emprazada na contorna Cubeliños, está a preparar un total de sete cursos de novas tecnoloxías e dous seminarios para os vindeiros meses de febreiro e marzo. Máis polo miúdo, as actividades formativas versarán sobre manexo básico do móbil, sobre a suite ofimática Libreoffice, sobre como dar os primeiros pasos na informática, sobre a ferramenta de mensaxes instantáneas Whatsapp, sobre certificado dixital, sobre retoques de imaxe coa ferramenta libre GIMP e sobre ofimática na nube (Google Drive). A maiores, desenvolveranse un seminario dedicado á seguridade en Internet e outro sobre control parental.
O prazo de inscrición abrirá este mércores 27 ás 9 horas, ata cubrir prazas. As persoas interesadas poden anotarse ben na sede da aula CeMIT en Cubeliños (teléfono 981 876 043) ou ben por vía telemática na web da aula.
O Concello de Ribeira explicou que as clases desenvolveranse respectando a normativa de seguridade anti-COVID, é dicir, distanciamento, 50% de capacidade (o que implica que só haberá 6 prazas), uso de máscara durante toda a sesión, ventilación continua da aula, hixiene de mans e desinfección dos postos de traballo.
En canto ás características concretas de cada actividade:
Contido: Uso básico do dispositivo. Teléfono e contactos, acceso a Internet, cámara, instalar e desinstalar apps, borrar arquivos.
Data: 01 de febreiro de 2021 - 04 de febreiro de 2021
Horario: 11:30 – 13:00
Contido: Manexo do editor de texto, da folla de cálculo e do creador de presentacións - LibreOffice
Data: 08 de febreiro de 2021 - 31 de marzo de 2021
Horario: 09:30 – 11:00
Contido: Descubrir diferentes utilidades do ordenador. Coñecer os elementos básicos dun ordenador. Familiarizarse co uso do teclado e do rato. Familiarizarse co uso dun sistema operativo. Crear e xestionar cartafoles e ficheiros. Abrir, utilizar e pechar programas. Iniciarse na navegación pola Internet.
Data: 09 de febreiro de 2021 - 25 de marzo de 2021
Horario: 09:30 – 11:00
Contido: Instalar e crear a conta, comunicarte cos teus contactos, compartir arquivos, audios, imaxes e vídeos, crear grupos.
Data: 08 de febreiro de 2021 - 11 de febreiro de 2021
Horario: 11:30 – 13:00
Contido: Comprender que é un certificado dixital e cales son os pasos para obtelo, facer copia del e renovalo. Coñecer algúns trámites electrónicos que ofrecen as administracións públicas.
Data: 22 de febreiro de 2021 -25 de febreiro de 2021
Horario: 11:30 – 13:00
Contido: Co programa GIMP realizar pequenos retoques de imaxe, inserir texto nunha fotografía cun formato axeitado, modificar as propiedades da cor dunha fotografía, ...
Data: 08 de febreiro de 2021 - 10 de marzo de 2021
Horario: 16:30 – 18:00. Luns e mércores
Contido: Manexo do Drive para almacenar e compartir arquivos na nube. Uso do paquete ofimático do Drive
Data: 09 de febreiro de 2021 - 11 de marzo de 2021
Horario: 16:30 – 18:00. Martes e xoves
Contido: Coñecer os riscos que supón a navegación pola Internet. Tomar as precaucións axeitadas para a navegación. Medidas preventivas.
Data: 15 de marzo de 2021 - 17 de marzo de 2021
Horario: 16:30 – 18:00.
Contido: Charla sobre o software de control parental no ordenador
Data: 22 de marzo de 2021 - 24 de marzo de 2021
Horario: 16:30 – 18:00.
Cuberto por alumnos do obradoiro
Data: 15 de xaneiro de 2021 -25 de marzo de 2021. Todos os venres
Horario: 08:00 – 15:30.
O Colexio Profesional de Enxeñaría en Informática de Galicia (CPEIG), con motivo do Día Europeo da Protección de Datos que se celebra este xoves 28 de xaneiro, pon de manifesto a necesidade de facer un uso correcto dos datos de carácter persoal dos alumnos e os seus familiares por parte dos centros educativos. Esta obriga está máis presente na actualidade pola necesidade de utilizar servizos de cloud computing neste contexto marcado pola covid-19 onde moitas aulas escolares están pechadas e os estudantes teñen que cursar as clases desde as súas casas. O CPEIG está a disposición da comunidade educativa para esta tarefa, que considera “fundamental” e que segue a liña trazada con actividades como Navega con Rumbo ou a comunicación que se fixo o pasado mes de outubro á Confederación de Anpas Galegas pola volta ao cole.
A evolución da educación cara unha contorna dixital está máis presente ca nunca, e pódese apreciar no uso dos diferentes servizos de cloud computing: plataformas de xestión educativa e contornas virtuais de aprendizaxe, apps móbiles –redes sociais e outras– e sistemas de almacenamento na nube tipo Dropbox, iCloud ou Google Drive, así como o uso de correos electrónicos distintos da mensaxería da plataforma educativa do centro.
O CPEIG considera que os centros educativos galegos deben velar polo cumprimento da normativa de protección de datos de carácter persoal en relación aos alumnos. En concreto sinala unha serie de recomendacións:
A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...
A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...
Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...