Axenda | Faite dixital

25/10/2018 De 17:30 a 20:30 h

Lugar: Abanca Obra Social, Praza de Cervantes, 19, Santiago de Compostela

Workshops Paixón, innovación e talento

Queres marcar a diferenza?

Innovación, desenvolvemento do talento, talleres e workshops con mozos proactivos dispostos a impactar.

Catro sesións, prazas limitadas, e GRATIS. Empezamos o 25 de Outubro cun evento en grao sumo disruptivo, cheo de sorpresas, presentamos Talentum Youth 2018/19, nova xente, novos mozos, moitas ganas de impactar.

Ás 17.30h esperámoste en Abanca Obra Social (Cervantes 19, Santiago de Compostela), contamos con Alexandra Touza de https://www.ponlecaraalturismo.com/ exemplo de muller emprendedora, unha dinámica brainstorming sobre desenvolvemento rural e acabaremos ao rededor dunha cervexa para dar a oportunidade de Networking.

Contamos con profesionais como Javier Rivas Cao, Dani Diéguez, Lucía Riveiro, Alberto Ferreiro e Manuel Paderne.

Imaxínaste poder crear todo o que soñas? Os soños ao principio parecen imposibles, logo improbables, e logo, cando nos comprometemos vólvense inevitables.

Queres marcar a diferenza?

www.talentumyouth.org

Máis información

25/10/2018 De 10:30 a 12:00 h

Lugar: Online

Crea documentos con Microsoft Office Online. Ofimática no teu dispositivo móbil

A ofimática é o conxunto de ferramentas que nos permiten crear e modificar documentos de diferentes tipos. Dentro das aplicacións máis utilizadas para este fin, estarían os programas de Microsoft Office.

Neste curso centrarémonos na versión online de Microsoft Office que tamén ten aplicación para dispositivos móbiles e así poder usala en teléfonos intelixentes ou tabletas.

Contidos

Que é Microsoft Office Online e como crear a túa conta gratuíta de usuario.
Garda e crea diferentes tipos de documentos en OneDrive (documentos de textos, presentacións, etc.)
Funcións interesantes en documentos creados en Microsoft Office Online: incorporación de elementos visuais, uso de táboas e gráficos, etc.

Como compartir documentos con outras persoas para traballar de forma online nos mesmos.

Máis información

25/10/2018 De 10:00 a 14:00 h

Lugar: Delegación Territorial da Xunta en Lugo

Faite Dixit@l e tramita nun clic (Lugo)

A Axencia para a Modernización Tecnolóxica de Galicia (Amtega) pon en marcha durante os meses de outubro e novembro as Xornadas prácticas “Faite Dixit@l e tramita nun clic. Coñece a nova sede electrónica da Xunta de Galicia” nas catro provincias galegas .

A sede electrónica entrou en funcionamento hai xusto sete anos e recentemente púxose en marcha una nova versión máis sinxela e accesible, enfocada ás necesidades e prioridades do usuario. A nova sede está adaptada a un mellor uso desde dispositivos móbiles e con posibilidades de personalización en función do tipo de colectivo e incorpora contidos por campañas.

Para facilitar o labor de acompañamento e formación á cidadanía dos responsables das aulas CeMIT e dos aliados dixitais do Plan de inclusión Dixital de Galicia, a Amtega ofrece esta formación, que se abre tamén ao persoal dos concellos galegos e calquera outro usuario interesado. Nas xornadas abordaranse os seguintes contidos:

Os sistemas de identificación e sinatura electrónica: Certificados electrónicos e Chave365.
A Sede electrónica da Xunta de Galicia: A nova interface e a xestión dos trámites dispoñibles e requirimentos técnicos para o seu uso.
Notifica.Gal: Trámites dispoñibles e requirimentos técnicos para o seu uso.
Outros sistemas de administración electrónica.

Máis información

24/10/2018 De 10:30 a 12:00 h

Lugar: Online

Que é Facebook e como se utiliza. Busca e participa en grupos do teu interese

Todos oímos falar de Facebook e a gran maioría ademais posuímos unha conta, pero non todos coñecen todas as posibilidades de lecer, aprendizaxe e comunicación que nos ofrece.

Neste curso aprenderás a estar en contacto con familiares e amigos, compartir información con eles e a manterte informado dos temas do teu interese.

Contenidos:

Cóntalle ao mundo os teus intereses, proxectos e experiencias, compartindo publicacións, imaxes, vídeos e moito máis.
Mantén o contacto cos teus de forma privada a través do chat.
Aprende a seguir a persoas de actualidade e empresas para estar ao tanto de todas as súas novidades.
Únete a grupos do teu interese.

Exprésate e relaciónate co mundo sen saír de casa a través de Facebook!

Máis información

main content

Axenda Faite Dixit@l

Workshops Paixón, innovación e talento

Crea documentos con Microsoft Office Online. Ofimática no teu dispositivo móbil

Faite Dixit@l e tramita nun clic (Lugo)

Que é Facebook e como se utiliza. Busca e participa en grupos do teu interese

main content

Axenda Faite Dixit@l

Workshops Paixón, innovación e talento

Crea documentos con Microsoft Office Online. Ofimática no teu dispositivo móbil

Faite Dixit@l e tramita nun clic (Lugo)

Que é Facebook e como se utiliza. Busca e participa en grupos do teu interese

Blog Xente Dixital

4 sinxelos pasos a seguir para crear a túa propia páxina web

3 funcionalidades de Whatsapp que verán a luz proximamente

Como utilizar os filtros de Instagram: consellos para o seu uso e como sacarlles proveito

TWEETS