Axenda | Faite dixital

21/11/2019 De 16:00h a 18:30h

Lugar: Centro Demostrador TIC. CNTG

#MesD Multimedia: Iniciación ao retoque fotográfico con GIMP

As imaxes son un recurso utilizado en moitos medios, tanto impresos como dixitais, e unha forma de gardar os nosos recordos para que perduren no tempo. Pero as imaxes que obtemos das cámaras fotográficas na maior parte dos casos non as podemos usar directamente, necesitamos facerlles transformacións e adaptalas ás nosas necesidades.

Necesitamos dispor dunha ferramenta libre, versátil, fácil de usar e potente ao mesmo tempo como é GIMP.

Neste curso, búscase dotar as persoas participantes dos coñecementos e as habilidades necesarios para crear contidos e imaxes de calidade, a través de ferramentas dixitais de software libre de retoque e deseño fotográfico.

Máis información

12/11/2019 De 16:00h a 18:30h

Lugar: Centro Demostrador TIC. CNTG

#MesD Multimedia: Edición de vídeo con Adobe Premiere Pro 2019

Neste curso imos ver os conceptos básicos da realización e edición de vídeos. Isto axudaranos a ter unha linguaxe audiovisual máis avanzado e a coñecer as ferramentas básicas da posproducción. Estes coñecementos farán que teñades unha mellor comunicación á hora de realizar calquera produción audiovisual con provedores, compañeiros de traballo ou reunións sobre mercadotecnia ou comunicación. Ademais obteredes as habilidades básicas necesarias para realizar un vídeo sinxelo.

Máis información

28/10/2019 11:15 h.

Lugar: Auditorio Xosé Neira Vilas da Cidade da Cultura, Monte Gaiás - Santiago de Compostela

Conferencia "Xemelgos Dixitais e o reto dos buques intelixentes"

En virtude do convenio subscrito entre a Asociación de Enxeñeiros de Telecomunicación de Galicia e a Axencia para a Modernización Tecnolóxica de Galicia, no que se recollen actividades de formación, divulgación e asesoramento á sociedade en xeral, desde a AETG organizamos a conferencia Xemelgos Dixitais e o reto dos buques intelixentes, impartida por Donato Martínez Pérez de Rojas, Juan Ignacio Silvera Vez e Carlos Blanco Seijo.

Durante a mesma, os relatores, enxeñeiros expertos na materia, ofrecerán unha visión xeral do plan de transformación que dará lugar ao Xemelgo Dixital no entorno da construción naval, abordarán os retos e oportunidades desta tecnoloxía e a súa implicación no ecosistema naval e marítimo, finalizando cunha exposición dun caso de aplicación nos futuros buques da Armada Española.

Máis información