Algunha vez buscácheste na internet? Sabes o que Google sabe de ti?
Desde que abrimos Internet en calquera dos nosos dispositivos, a rede está a recompilar información sobre nós dun modo ou outro; todos os servizos que se ofrecen (correo electrónico, redes sociais...) facilítannos manternos en contacto con quen queiramos pero tamén esas contas que imos creando supoñen que hai unha parte de información sobre nós que deixamos da man das compañías propietarias. Neste sentido, é fácil que moitos usuarios non sexan conscientes da información real que están a compartir cando, por exemplo, soben unha foto a Facebook.
O obxectivo desta sesión é ensinarche a buscar a outras persoas e a ti mesmo en Google e explicar por que existe esa información sobre ti na rede. Tamén che daremos ideas para que poidas atopar na internet aos teus compañeiros de clase ou a ese amigo que tes perdido desde hai anos e que non sabes como atopalo.
Contidos:
- Segue a túa pegada na rede.
- Asegura a túa privacidade na internet.
- Riscos da identidade na rede.
- Como protexerse das ciberameazas
