main content

Axenda Faite Dixit@l

Propoñémosche unha selección de eventos no eido da inclusión dixital. Consúltaos e participa naqueles que se axusten aos teus gustos e necesidades!

16/06/2017

Lugar: Online

Hackathon Online: Apps For Good

Seguro que hai algún problema social (ou moitos) que persoalmente che afecta ou che preocupa. É o momento de facer algo coas ferramentas coas que somos bos: ¡programando! Desde Microsoft queren animarte a participar no Hackathon Online que organizarán os vindeiros 16, 17 e 18 de xuño. Este hackathon persegue un claro obxectivo: conseguir entre todos resolver ou axudar a algún dos problemas que nos preocupen a través dunha aplicación móbil.

Máis información

16/06/2017 09:30h

Lugar: Sala Eisenman da Cidade da Cultura, Santiago de Compostela.

ColaboraTIC.gal

O vindeiro 16 de xuño de 2017 celebramos a xornada colaboraTIC.gal, un espazo onde ver, escoitar pero tamén amosar experiencias de colaboración entre os eidos das tecnoloxías abertas e o tecido empresarial. Nesta segunda edición, a xornada centrarase na colaboración co eido rural. Contarase cun interesante grupo de profesionais e empresas que amosarán as súas experiencias, tanto do que se ten feito como do que se pode facer. Se che interesa vir para escoitar pero tamén falar, inscríbete, a asistencia é de balde!

Máis información

15/06/2017

Lugar: Online

IX Edición do Certame Nacional de Vídeos de Maiores - Premios NICO 2017

Arrinca a IX Edición do Certame Nacional de Vídeos de Maiores dos premios NICO. Outro ano máis, prémianse os traballos dos senior nas categorías de Mellor Idea Orixinal, Mellor Guión, Mellor Produción, Mellor Actor, Mellor Actriz, Mellor Vídeo e Vídeo Máis Votado. Ademais, estenderanse outras seccións especiais a Mellor Vídeo Particular, Mellor Vídeo Municipal, Premio Especial aos Medios de Comunicación, Grandes Corporacións e Multinacionais, e Centros de Ensino.

Máis información

09/06/2017

Lugar: Online

I Desafío "Aporta"

A primeira convocatoria de "Desafío "Aporta" 2017: O valor do dato para a Administración" supón un impulso a novas ideas asociadas a prototipos que supoñan melloras na eficiencia da Administración.

O obxectivo é fomentar a reutilización directa de conxuntos de datos abertos públicos en prol da mellora do Sector Público, incentivando o talento, a capacidade técnica e a creatividade dos participantes, é dicir, desenvolvendo prototipos de aplicacións, solucións e/ou servizos que, facendo uso dos datos abertos dispostos polas AA.PP., demostren como a reutilización de datos abertos pode mellorar a eficiencia nas AA.PP. españolas.

Máis información