main content

main content

Proxectos e iniciativas singulares

Coñece os proxectos e iniciativas postos en marcha en colaboración cos Aliados Dixitais, relacionados cos costumes e necesidades do territorio e que nos axudarán a achegar as TIC á cidadanía.

EIXO Alfabetización Dixital
Dúas persoas maiores usando dispositivos móbiles asesorados por un mozo.

Ao lado dos nosos maiores

“Ao lado dos nosos maiores” é o nome da iniciativa que se pon en marcha este mes de xullo en diversas localidades con aula CeMIT de Galicia, grazas a colaboración do operador de telecomunicacións Orange e a Axencia para a Modernización Tecnolóxica de Galicia (Amtega).

Data inicio:
26/07/2017
Data fin:
20/10/2017
Descrición:

Trátase dun ciclo de talleres gratuítos, cunha duración máxima de 2 horas, que se levarán cabo ata o mes de outubro nos centros CeMIT de 23 concellos de Galicia. Estarán impartidos por persoal de Orange, que facilitará as tabletas e móbiles necesarios para que todos os asistentes poidan realizar as actividades do curso.

O obxectivo principal desta actividade é ensinar aos participantes as pautas básicas do funcionamento das tabletas e móbiles para facer a súa experiencia máis doada, que adquiran maior autonomía persoal e se familiaricen coa tecnoloxía móbil. Entre outros contidos tratarase como acceder ás redes móbiles e wifis, enviar e recibir WhatsApp, enviar fotos, vídeos e mensaxes, gardar os contactos e todas aquelas dúbidas que lles poidan xurdir no uso normal do teléfono e/ou tableta.

O único requisito para poder asistir a estas actividade gratuíta é solicitar praza na localidade de interese, ben directamente na aula CeMIT de cada concello, ou a través da web http://cemit.xunta.gal.

Temática: Maiores
EIXO Capacitación Dixital
Logo Ágora Tecnoloxía.

Proxecto Ágora Tecnoloxía (Fegaus)

A Federación Galega de Asociacións Universitarias Séniors (FEGAUS), no marco das súas actividades como aliado do Plan de Inclusión Dixital de Galicia 2020 da Amtega, ofrece dous ciclos formativos sobre o manexo de móbiles e tablets.

Descrición:

O primeiro itinerario formativo, que comezou o pasado 12 de maio e rematará o 23 de xuño leva por título “Saca o máximo partido ao teu teléfono intelixente ou tablet e goza de todo o que Internet che ofrecee está destinado a persoas cun nivel de uso inicial das novas tecnoloxías.

Esta primeira quenda chegará a 12 aulas da rede CeMIT, que ofertan preto de 200 prazas en total, e cuxa inscrición figura aberta na web https://cemit.xunta.gal. As aulas desta primeiro ciclo son: Arzúa, Beariz, Boborás, Catoira, Celanova, Cuntis, Fisterra, Marín, Oroso, Sada, Santa Comba e Valga. Os seminarios impartiranse presencialmente desde unha aula CeMIT e poderanse seguir por videoconferencia nas restantes aulas.

O segundo dos itinerarios, “Usa as novas tecnoloxías para unha madurez máis activa e positiva”, terá lugar unha vez remate o período estival, nos meses de setembro e outubro, cando se celebrarán outras sete xornadas con outras 200 prazas dispoñibles.

Temática: Maiores
EIXO Alfabetización Dixital
Mans dunha persoa maior sostendo un smartphone.

Aprende a usar o teu smartphone

A introdución das persoas maiores no manexo dos teléfonos móbiles intelixentes permite achegalos ao mundo dixital e que poidan sacar o máximo aproveitamento que ofrecen as TIC para mellorar a súa calidade de vida. Por este motivo, estanse a desenvolver actividades formativas totalmente practicas, co apoio de guías en papel e vídeos formativos, ao longo de toda a xeografía galega a través da rede de aulas CeMIT.

Descrición:

“Aprende a usar o teu smartphone”, púxose en marcha coa colaboración entre a Axencia para a Modernización Tecnolóxica de Galicia (Amtega) e a Fundación Vodafone, así como pola importantísima colaboración dos dinamizadores das aulas da Rede CeMIT en Galicia.

Esta iniciativa consiste na realización de xornadas formativas totalmente prácticas a través do manexo de terminais móbiles, e adicionalmente facilítase a todos os asistentes unha guía en papel que recolle todas as operacións máis básicas.

Por medio deste proxecto as persoas maiores súmanse á sociedade dixital e perciben os beneficios que lles ofrecen as TIC (maior seguridade a través da teleasistencia, novas formas de relacionarse e de lecer, etc).

Temática: Maiores
EIXO Capacitación Dixital
Logo Fundación ONCE Inserta.

Formación e CODIX para persoas con discapacidade

Esta iniciativa impulsada coa colaboración entre a Axencia para a Modernización Tecnolóxica de Galicia (Amtega) e a Asociación Inserta Empleo, entidade de emprego e formación da Fundación ONCE, busca mellorar a accesibilidade e a empregabilidade das persoas con discapacidade e especiais dificultades de inserción a través de accións formativas nas que se potencie a mellora da súa cualificación e na posibilidade de obter a certificación galega de competencias dixitais en ofimática mediante a superación dunha proba específica.

Descrición:

Tras a adhesión de Inserta Empleo da Fundación ONCE como aliada dixital do Plan de Inclusión Dixital de Galicia 2020, en 2016 comezouse a realización das primeiras actividades formativas tanto de alfabetización dixital como de ofimática de 190 horas de duración nos que participan diversas aulas da Rede CeMIT como son A Coruña, Ferrol, Pontevedra, Santiago e Lugo.

A realización destes itinerarios formativos está cofinanciada polo Fondo Social Europeo no marco do Programa Operativo de Inclusión Social e Economía Social e pola cofinanciación da Iniciativa de Emprego Xuvenil e do Fondo Social europeo no marco do Programa Operativo de Emprego Xuvenil  e ten como obxectivo propoñer oportunidades de integración social e laboral ás persoas con discapacidade, implementando as condicións necesarias de hardware e software que poidan requirir estas persoas co fin de garantir un correcto desenvolvemento e mellora das súas capacidades dixitais.

Como complemento a estes cursos, unha vez rematada a formación as persoas que superen os mesmos poderán obter a certificación galega de competencias dixitais en ofimática (CODIX) mediante a superación dunha proba presencial de carácter voluntario.

Temática: Discapacidade
EIXO Innovación Social Dixital e Participativa

CeMIT-Innova

CeMIT-Innova é un proxecto colaborativo para o fomento da Innovación Social Dixital en Galicia, posto en marcha pola Axencia para a Modernización Tecnolóxica de Galicia, AMTEGA,  da Xunta de Galicia, incluido dentro do Catálogo de actividades 'Faite Dixit@l' que se desenvolverán no marco da Estratexia de Inclusión Dixital da Xunta de Galicia.

Descrición:

A innovación social dixital consiste na aplicación das TIC, para encontrar novas formas de satisfacer os desafíos sociais, a través da xeración de novas relacións sociais e modelos de colaboración en rede.

CeMIT-Innova fai das TIC e da Sociedade Dixital as ferramentas de traballo da Innovación Social Dixital, propiciando a súa apropiación pola cidadanía para ser empregadas na análise, o deseño e o desenvolvemento de programas para mellorar o seu ámbito social.

Este proxecto ten como obxectivos:

  • Mellorar o entorno social
  • Propiciar a colaboración cidadá
  • Facilitar a conexión entre cidadáns e aliados dixitais locais
  • Transformar o modelo das aulas CeMIT, asentando unha nova forma de entender os desafíos sociais e de encontrarlles resposta.
Temática: Innovación Social e Participación Cidadá

Novas

18/10/2017
A Fundación Pai Garralda, EOI e Orange impulsan a formación dixital de persoas en exclusión
LER MAIS
18/10/2017
Lugo e a Fundación Telefónica formarán á mocidade local en ciberseguridade
LER MAIS
17/10/2017
A EOI, Orange e a Xunta presentan á Rede CeMIT o programa “Sé Dixital” que facilita a capacitación dixital de pemes e emprendedores
LER MAIS

Blog Xente Dixital

Polaroid volve: así foi a súa morte e a súa resurrección

Mér 27 Set

No mundo tecnolóxico actual todo o que nos atopamos é dixital e moi avanzado. Con todo, entre os amantes da tecnoloxía sempre hai xente que sente nostalxia polo do pasado, polo que se facía hai uns anos… é dicir, polo retro. O antigo ten un brillo especial que nos fai lembrar aquel tempo, e...

LER MAIS

Tecnoloxía do futuro presente: robots con ADN para tratar enfermidades á carta

Ven 22 Set

Hai pouco máis de 10 anos cando falabamos de avances na medicina tiñamos que comentalo con palabras como microscópico ou falar de milímetros como unidades de medida. Na actualidade, as palabras cambiaron e xa temos que falar de micras ou nanometros e de nanotecnoloxía. E a nanotecnoloxía é o que...

LER MAIS

As empresas galegas son as que máis empregan a administración electrónica no Estado

Xov 21 Set

No mundo empresarial estar adaptado ás novas tecnoloxías é estar un paso por diante da competencia, e en Galicia avanzamos nesa liña, polo menos segundo o último estudo publicado polo Instituto Nacional de Estatística (INE) titulado “Ou uso dás TIC e do Comercio electrónico nas empresas 2016/2017...

LER MAIS