main content

main content

Proxectos e iniciativas singulares

Coñece os proxectos e iniciativas postos en marcha en colaboración cos Aliados Dixitais, relacionados cos costumes e necesidades do territorio e que nos axudarán a achegar as TIC á cidadanía.

EIXO Innovación Social Dixital e Participativa

CeMIT-Innova

CeMIT-Innova é un proxecto colaborativo para o fomento da Innovación Social Dixital en Galicia, posto en marcha pola Axencia para a Modernización Tecnolóxica de Galicia, AMTEGA,  da Xunta de Galicia, incluido dentro do Catálogo de actividades 'Faite Dixit@l' que se desenvolverán no marco da Estratexia de Inclusión Dixital da Xunta de Galicia.

Descrición:

A innovación social dixital consiste na aplicación das TIC, para encontrar novas formas de satisfacer os desafíos sociais, a través da xeración de novas relacións sociais e modelos de colaboración en rede.

CeMIT-Innova fai das TIC e da Sociedade Dixital as ferramentas de traballo da Innovación Social Dixital, propiciando a súa apropiación pola cidadanía para ser empregadas na análise, o deseño e o desenvolvemento de programas para mellorar o seu ámbito social.

Este proxecto ten como obxectivos:

  • Mellorar o entorno social
  • Propiciar a colaboración cidadá
  • Facilitar a conexión entre cidadáns e aliados dixitais locais
  • Transformar o modelo das aulas CeMIT, asentando unha nova forma de entender os desafíos sociais e de encontrarlles resposta.
Temática: Innovación Social e Participación Cidadá
EIXO Capacitación Dixital
1 mes 1 profesión digital

1 mes, 1 profesión dixital

A campaña 1 mes 1 profesión dixital, promovida pola Axencia de Modernización Tecnolóxica de Galicia (Amtega) en colaboración co Colexio Profesional de Enxeñaría en Informática de Galicia (CPEIG), nace co obxectivo de crear conciencia por parte da mocidade, universitarios/as, profesionais TIC e da cidadanía en xeral da necesidade de adquirir novas competencias e habilidades dixitais.

Descrición:

A través desta iniciativa, ao longo de 2015 desenvolveranse unha serie de xornadas divulgativas, nas que teremos exemplos de empresas e profesionais que amosarán como cada vez máis se están a demandar estas competencias e coñecementos dixitais, e como o emprendemento dixital, vinculado ao mundo da Internet e das redes sociais, fai que continuamente xurdan negocios dixitais que ata hai moi pouco non existían.

Concienciar a xuventude e/ou experimentados profesionais da necesidade de ter coñecementos dixitais sólidos e da evolución destes ao mesmo ritmo que o fan as tecnoloxías será o espírito que se imprimará no conxunto de actuacións que se desenvolvan ao abeiro desta campaña.

Temática: Capacidade de empregabilidade
EIXO Alfabetización Dixital
Rapaciñ@s

Rapaciñ@s

A era dixital abre un mundo de posibilidades que require un bo uso das novas ferramentas por parte das nenas e nenos, por este motivo, a iniciativa nace para dar resposta ás preocupacións detectadas nos centros  galegos sobre o uso seguro de Internet e as oportunidades que xorden no eido dixital. Ao logo de toda Galicia realizaranse xornadas tecnolóxicas destinadas aos nenos e nenas e tamén ás familias e docentes.

Descrición:

O proxecto Rapaciñ@s “As tecnoloxías ben seguras” está  impulsado polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega). Esta iniciativa desenvólvese a través de xornadas informativas en distintos puntos de Galicia da man das colexiadas e colexiados do CPEIG nas que familias e docentes atoparán información e recursos de interese, namentres as nenas e nenos adquiren hábitos seguros para navegar na Rede e desenvolven a súa creatividade tecnolóxica a través de obradoiros pensados para que se divirtan e aprendan.

Temática: Uso seguro das TIC

Blog Xente Dixital

Como aumentar a túa visibilidade en Instagram

Ven 30 Nov

Aínda que as redes sociais naceron orixinariamente para relacionarnos entre nós, é un lugar no que se pode sacar moito rédito empresarial se sabemos como explotalas de maneira adecuada para os nosos intereses. Instagram é unha das redes máis populares na actualidade, polo que estar presente nela é...

LER MAIS

Tres alternativas gratuitas a YouTube para ver contidos orixinais

Mar 06 Nov

Cando falamos de creadores audiovisuais é habitual pensar en directores de cinema ou guionistas que levaron as súas obras a algún gran formato adaptado ao gran público. Pero con Internet o termo de creador audiovisual expandiuse, describindo tamén aos famosos  youtubers, que crean e producen...

LER MAIS

Un tipo de letra para recordar mellor o que les

Mar 09 Out

Ao ler algo que necesitamos memorizar, é habitual que poñamos o “piloto automático” e acabemos lendo todo sen realmente memorizar nada. É algo que ocorre a miúdo cando a lectura é obrigada e a única solución ata agora era poñer máis interese no que estamos a ler. E dicimos ata agora porque un...

LER MAIS