Onte celebrábase en todo o mundo o Día do Alzhéimer e por este motivo queremos lembrar que as novas tecnoloxías son nalgunhas ocasións boas ferramentas das que botar man á hora de axudarnos a combater doenzas como esta da que falamos. Desta volta referímonos a unha aplicación móbil galega, de balde, que foi lanzada ao mercado pola start-up coruñesa Lapisoft. Trátase de YoTeCuido Alzhéimer. A dita ferramenta, encamiñada a coidadores e doentes de Alzhéimer, foi elaborada xunto con AFACO (Asociación de Familiares de enfermos de Alzhéimer de A Coruña), e é un proxecto desenvolvido con fins sociais (non económicos), que pode axudar moito no caso concreto de Galicia, pois no rural hai poucos recursos e información dispoñíbles para as familias que se enfrontan ao Alzhéimer.

A app tenta dar resposta e apoio a doentes diagnosticados de Alzhéimer e aos seus coidadores, xa que a falta de información é moi grande neste senso.

Que contidos achega esta ferramenta? Pois dende os distintos síntomas e coidados específicos de cada fase, resposta a multitude de dúbidas relacionadas coa alimentación, a saúde, a vivenda, ou recursos sociais e legais dispoñíbeis, rutinas de estimulación física e cognitiva para facer na casa, unha sección propia para que o coidador se coide e un apartado con recursos sobre o Alzhéimer (asociacións de familiares de toda España, libros e filmes…).

Asemade, a aplicación conta coa posibilidade de enviar directamente calquera dúbida relacionada coa enfermidade, que será respondida polo equipo de especialistas de AFACO e incorporada á aplicación de xeito que esa nova información poida servir de axuda a outros afectados ou coidadores.

Os contidos de YoTeCuido foron elaborados tanto por familiares como por coidadores, polo que a información que se achega está baseada na experiencia de persoas que conviviron coa doenza.

YoTeCuido Alzhéimer xa está dispoñíble en GooglePlay e tamén poderá descargarse en dispositivos iOS a través de iTunes.

Para máis información, cómpre visitar a web da aplicación.

A Asociación Penitenciaria Concepción Arenal de Lugo está a ultimar a celebración das súas xornadas divulgativas, que van pola edición número 30 e que desta volta centraranse nun dos aspectos máis preocupantes do espallamento das novas ferramentas: o acceso indiscriminado dos nenos e os adolescentes ás novas contornas en liña, sen un labor complementario de sensibilización, concienciación e asesoramento sobre os riscos que poden atopar. As Xornadas Penitenciarias Lucenses desenvolveranse os días 26, 27 e 28 de setembro baixo o epígrafe Os menores e as novas tecnoloxías.

Segundo informa a asociación, “logo de trinta anos organizando estas xornadas, seguimos a procurar cuestións de actualidade que estean a xerar repercusión e interese social”, e para o presente ano decidiuse abordar o ámbito das novas ferramentas na nenez e na adolescencia, “entre outras cousas debido ao forte desenvolvemento teórico-práctico experimentado pola cuestión ao longo dos últimos anos, e debido tamén á gran dificultade que supón a súa detección e abordaxe”. A isto cómpre engadir a importante sensibilidade social que esperta este fenómeno e que afecta, en todos os niveis, a un meirande número de poboación no ámbito estatal, engade a entidade penitenciaria. As xornadas están organizadas pola devandita asociación e contan para o seu desenvolvemento co apoio (financiamento) do Concello e a Deputación de Lugo. Arrincarán o 26 de setembro no salón de actos da sede da Deputación de Lugo, contándose coa presenza de Álvaro Santos Ramos, vicepresidente do organismo provincial. A continuación haberá unha entrega de medallas e logo comezará a conferencia Os menores e os delitos informáticos a cargo de José Antonio Vázquez, maxistrado do Xulgado do Penal número 2 da Coruña. Presenta e modera Félix Mondelo Santos, decano do Colexio Provincial de Avogados de Lugo.

Ao día seguinte, 27, no mesmo escenario, celebrarase ás 19.30 horas a conferencia Prevención e loita contra os delitos informáticos: especial referencia aos menores. Será impartida por Gonzalo Sotelo, responsábel do Equipo de Investigación Tecnolóxica da Garda Civil de Pontevedra. Presenta e modera Víctor Souto, capitán da Unidade Orgánica da Policía Xudicial da Garda Civil de Lugo.

Xa no último día de actividades, o 28, desenvolverase a conferencia Metodoloxía Coaching: Medida de intervención eficaz con menores en risco. Virá da man de Fernando González Truque, director de Alar Galicia. Presenta e modera Óscar Piñes Penelas, director do Centro de Menores Santo Anxo de Rábade. A clausura das xornadas correrá a cargo da alcaldesa de Lugo, Lara Méndez.

El verano enfía su recta final y nuestra tierra desborda de actividades de divulgación e información tecnológica. Sin ir más lejos estos días 23 y 24 de septiembre se celebra en Chantada el Encuentro Pingueira, una reunión "transdisciplinar" para profesionales de la comunicación, de la educación y de la tecnociencia con el fin de exprimir y evaluar cuestiones como la necesidad de crear líneas pedagógicas que atienda el mundo actual o la necesidad de juntar colectivos (comunicadores, tecnólogos, científicos, historiadores, creadores, alumnado, familias y colectivos) para construir "una educación pública actual que contemple la diversidad". También se buscarán metodologías para tirar partido consciente de las nuevas tecnologías para multiplicar los recursos y la interactividad en las aulas. Así mismo, se visualizarán los proyectos educativo-innovadores que se están desarrollando en nuestra tierra.

"El Encuentro Pingueira", señala la organización del evento, "quiere ser un espacio desde el cuál dinamizar nuestra cultura audiovisual, digital y online, a través del emponderamiento tecnológico, valorizando especialmente los conocimientos locales y facilitando la interacción entre generaciones".

El encuentro contará con la intervención, a través de conferencias y tablas redondas, de blogueros y educadores como Irene Lapuente (La Mandarina de Newton), Francesc Josep Deó (Aula Mèdia), Deborah García Bello (Dimetilsulfuro), Tucho Méndez (Bricolabs), Javier Conde (IES Lama das Quendas), Manolo González (ClipHistoria), Xosé Manuel Rosales (Proyecto Tierra), José Antonio Quiroga (Ecomuseo de Arxeríz), Rita González (pedagoga crítica), Silvia Villar (Casa Colorida) o el Colectivo Velaísca.

Así mismo, Pingueira se compone de dos sesiones de presentación de proyectos pedagógicos innovadores, salidas al campo y momentos de intercambio y dinámicas entre todas las personas participantes. Además, el jueves 22 se celebrará el coloquio Nuevos usos y nuevos hábitos de consumo de las pantallas con madres y padres sobre empleo de las nuevas tecnologías en la niñez y en la adolescencia, y a cargo de Francesc Josep Deó, presidente de Aula Mèdia.

El encuentro Pingueira está organizado por la asociación educativo-cultural Airoá Comunicación y Nueva Escuela Gallega y va a tener lugar entre el IES Valle del Asma en Chantada y el Ecomuseo de Arxeríz. Desde el equipo responsable del evento hacen una invitación a toda la comunidad educativa (docentes, personal investigador, comunicadores, familias, alumnado y agentes sociales diversos interesados en estas temáticas) para participar en este importante foro de debate.

O verán enfía a súa recta final e a nosa terra reborda de actividades de divulgación e información tecnolóxica. Sen ir máis lonxe estes días 23 e 24 de setembro celébrase en Chantada o Encontro Pingueira, unha xuntanza “transdisciplinar” para profesionais da comunicación, da educación e da tecnociencia co fin de espremer e avaliar cuestións como a necesidade de crear liñas pedagóxicas que atenda o mundo actual ou a necesidade de xuntar colectivos (comunicadoras, tecnólogas, científicas, historiadoras, creadoras, alumnado, familias e colectivos) para construír “unha educación pública actual que contemple a diversidade”. Tamén se buscarán metodoloxías para tirar partido consciente das novas tecnoloxías para multiplicar os recursos e a interactividade nas aulas. Asemade, visualizaranse os proxectos educativo-innovadores que se están a desenvolver na nosa terra.

“O Encontro Pingueira”, sinala a organización do evento, “quere ser un espazo dende o cal dinamizar a nosa cultura audiovisual, dixital e online, a través doempoderamento tecnolóxico, valorizando especialmente os coñecementos locais e facilitando a interacción entre xeracións”.

O encontro contará coa intervención, a través de conferencias e táboas redondas, de blogueiras e educadoras como Irene Lapuente (La Mandarina de Newton), Francesc Josep Deó (Aula Mèdia), Deborah García Bello (Dimetilsulfuro), Tucho Méndez (Bricolabs), Javier Conde (IES Lama das Quendas), Manolo González (ClipHistoria), Xosé Manuel Rosales (Proxecto Terra), José Antonio Quiroga (Ecomuseo de Arxeríz), Rita González (pedagoga crítica), Silvia Villar (Casa Colorida) ou o Colectivo Velaísca.

Asemade, Pingueira componse de dúas sesións de presentación de proxectos pedagóxicos innovadores, saídas de campo e momentos de intercambio e dinámicas entre todas as persoas participantes. Ademais, o xoves 22 celebrarase o coloquio Novos usos e novos hábitos de consumo das pantallas con nais e pais sobre emprego das novas tecnoloxías na nenez e na adolescencia, e a cargo de Francesc Josep Deó, presidente de Aula Mèdia.

O encontro Pingueira está organizado pola asociación educativo-cultural Airoá Comunicación e Nova Escola Galega e vai ter lugar entre o IES Val do Asma en Chantada e o Ecomuseo de Arxeríz. Dende o equipo responsábel da xuntanza fan un convite a toda a comunidade educativa (docentes, persoal investigador, comunicadoras/es, familias, alumnado e axentes sociais diversos interesados nestas temáticas) para participaren neste importante foro de debate.

Tecnoloxías como o big data, a realidade virtual, a arte dixital ou as cartografías urbanas serán as protagonistas da I edición do TEK-FEST, Encontro Internacional de Tecnoloxías Emerxentes, que baixo o lema de #ACidadeDoFuturo pretende «situar a Pontevedra no mapa das novas tecnoloxías e fomentar o emprego destas tecnoloxías para mellorar o mundo», tal como sinalou o venres pola mañá en rolda de prensa a Concelleira de Promoción Económica e Turismo de Pontevedra, Anabel Gulías, que estivo acompañada polo director creativo do TEK-FEST, Toño Cabanelas, para presentar os contidos e programación do evento.

Cabanelas destacou a presenza de expertos, tecnólogos e artistas «de calado internacional» como Miguel Espada de EspadaySantaCruz, un dos mellores estudos creativos de arte dixital, que realizará no Pazo da Cultura o 30 de setembro unha instalación interactiva feita con lámpadas incandescentes, baseada no proxecto Light Kinetics que presentou recentemente no MOMA de New York. A instalación, unha obra de arte efémera que só se poderá ver ese día no TEK-FEST, e que está inspirada na Ponte do Burgo de Pontevedra, será aberta a todos os veciños da cidade, visitantes e participantes nas actividades do TEK-FEST, xunto cunha performance sonora a cargo do crítico de arte José Manuel Costa , do programa Retromanía (Radio 3) que fará un percorrido pola historia dos distintos soportes sonoros ao longo do século XX e como estes foron modificando o comportamento das persoas nas cidades.

Anabel Gulías salientou especialmente esta unión entre tecnoloxía e música, como exemplo da visión que o TEK-FEST quere mostrar, que vai máis alá de mostrar meras ferramentas, senón que pretende mellorar a vida da cidadanía a través da información, a educación, o turismo ou a industria . Así o detallou Toño Cabanelas presentando a programación do Symposium do 30 de setembro, no que persoas relevantes a nivel internacional procedentes da filosofía, o deseño, a moda, a programación e a música reflexionarán sobre a cidade do futuro no entorno dixital. Como mestre de cerimonias actuará o xornalista Manuel González, director do programa de Televisión Española Zoom Net, dedicado á información tecnolóxica.

A conferencia inaugural do Symposium correrá a cargo do filósofo Pedro Medina​ e o deseñador Javier Maseda​, do estudio Sopalmo, que reflexionarán sobre a evolución histórica da noción de cidade e como a tecnoloxía dixital proxecta o seu futuro. Tras eles intervirá a deseñadora Isabel Berz​, unha das maiores innovadoras do mundo na fusión de moda, tecnoloxía e proxectos sociais, que falará sobre A nova educación: cara a un novo modelo baseado na innovación e na investigación. Javier Noguerol​ de CARTO achegaralles ás persoas asistentes unha introdución ao big data relacionado coas cidades, e Jimena Merino​, unha das primeiras directoras artísticas de realidade virtual que hai en España, falará da democratización da realidade virtual e da imaxe inmersiva a través do seu uso nas redes sociais, con exemplos prácticos.

PlayStation VR en primicia

Para as persoas máis ganas de fedellar o TEK-FEST ofrecerá a posibilidade de probar de primeira man moitas das tecnoloxías de realidade virtual máis avanzadas , mesmo algunhas que aínda non están no mercado, como a próxima consola en realidade virtual de Sony, a PlayStation VR , que revolucionará o mundo dos videoxogos con entornos inmersivos en 360º. Para poder probar esta consola e outros gadgets como as gafas de VR interactiva HTC Vive ou os últimos modelos desenvolvidos por marcas como Samsung, todas as persoas que queiran poderán achegarse o 30 de setembro pola tarde ao Pazo da Cultura ou o 1 de outubro durante todo o día na Casa da luz de Pontevedra.

Obradoiros para crear mapas de datos e realidade virtual

A convocatoria para os obradoiros do TEK-FEST está aberta ata o 20 de setembro, quedando algunhas prazas dispoñibles para os profesionais que queiran asistir. Trátase de dous obradoiros de 12 horas que se celebrarán simultaneamente durante 3 días, do 27 ao 29 de setembro . O primeiro deles titúlase VR 360: Audio, Video & Programming e estará impartido por Antonio Víctor García-Serrano (Zakato), un dos mellores camarógrafos 360 a nivel mundial, e polo estudio Bermudas Land , pioneiros da VR en España con sede en Galicia e Madrid. Xuntos veñen de ser seleccionados pola prestixiosa mostra Kaleidoscope pola súa obra Fragments, realizada en 2015 na Illa de San Simón e considerado o primeiro fashion film en realidade virtual en todo o mundo. A peza poderá verse en San Francisco o 30 de setembro, data na que se conectará dende o TEK-FEST en directo para presentar ese gran fito da VR en España.

O segundo taller leva por título Carto: Location Intellingence e estará impartido por Javier Noguerol, responsable de intelixencia de produto de CARTO , unha empresa con sede en Madrid que é das máis destacadas internacionalmente na análise e visualización de datos xeolocalizados. Neste obradoiro os participantes crearán os seus propios mapas interactivos da cidade de Pontevedra a partires de datos abertos relacionados co medio ambiente e o gasto enerxético, e aprenderán a usar esta tecnoloxía a través da ferramenta CARTO Builder, pensada para deseñadores, xornalistas e perfís profesionais que traballan con datos pero sen precisar saber programación.

A matrícula de cada obradoiro custa 300 euros e formalizarase logo dun proceso de selección entre os aspirantes a participar. Para o simposio, que será a xornada de conferencias do día 30 de setembro, as entradas están xa á venda a un prezo de 30 euros. As actividades do venres pola tarde e o sábado todo o día son de entrada libre.

La Cidade da Cultura de Galicia invita a los escolares gallegos a ser parte de Spin 2016, el mayor evento de emprendimiento universitario de Iberoamérica, participando en talleres en los que descubrir y experimentar con la tecnología.

En el marco de Spin 2016, que tendrá lugar del 29 de septiembre al 1 de octubre en el Gaiás, escolares de 8 a 12 años podrán acercarse de una forma creativa al concepto del Design Thinking a través de talleres de programación, robótica y modelado 3D. Los talleres cuentan con hasta 400 plazas y están diseñados teniendo en cuenta el programa curricular de los cursos a los que están dirigidos y en colaboración con la Consellería de Cultura y Educación y Paideia.

Así, los días 29 y 30 de septiembre, el Museo Centro Gaiás acogerá el Taller de Programación con Scratch, que les permitirá a los escolares programar su propia aplicación de realidad virtual o conectar un videojuego con un dispositivo robótico. También tendrá lugar el taller de Electrónica divertida, en el que podrán construir su propio artbot o programar una secuencia musical.

Entre los talleres escolares que formarán parte del Spin 2016 está también la Programación de vehículos robóticos, espacio en el que los pequeños programarán su propio vehículo robótico; y el de Impresión 3D, para realizar sus propios diseños e imprimir una pieza para llevar a casa.

Estos talleres tecnológicos forman parte de la agenda de Spin 2016, encuentro bianual de la RedEmprendia que nace con la vocación de despertar, apoyar e impulsar el talento emprendedor y fortalecer la contribución de la universidad al desarrollo económico y social. Esta tercera edición tendrá lugar en la Cidade da Cultura de Galicia entre el 29 de septiembre y el 1 de octubre y contará con conferencias, marketplace, talleres y seminarios y networking, además de los premios a los mejores proyectos emprendedores y un foro de inversión.

A Cidade da Cultura de Galicia convida aos escolares galegos a ser parte do Spin 2016, o maior evento de emprendemento universitario de Iberoamérica, participando en obradoiros nos que descubrir e experimentar coa tecnoloxía.

No marco do Spin 2016, que terá lugar do 29 de setembro ao 1 de outubro no Gaiás, escolares de 8 a 12 anos poderán achegarse dunha forma creativa ao concepto do Design Thinking a través de obradoiros de programación, robótica e modelado 3D. Os obradoiros contan con até 400 prazas e están deseñados tendo en conta o programa curricular dos cursos aos que están dirixidos e en colaboración coa Consellería de Cultura e Educación e Paideia.

Así, os días 29 e 30 de setembro, o Museo Centro Gaiás acollerá o Taller de Programación con Scratch, que lles permitirá aos escolares programar a súa propia aplicación de realidade virtual ou conectar un videoxogo cun dispositivo robótico. Tamén terá lugar o taller de Electrónica divertida, no que poderán construír o seu propio artbot ou programar unha secuencia musical.

Entre os obradoiros escolares que formarán parte do Spin 2016 está tamén a Programación de vehículos robóticos, espazo no que os pequenos programarán o seu propio vehículo robótico; e o de Impresión 3D, para realizar os seus propios deseños e imprimir unha peza que levar a casa.

Estes obradoiros tecnolóxicos forman parte da axenda do Spin 2016, encontro bianual da RedEmprendia que nace coa vocación de espertar, apoiar e impulsar o talento emprendedor e fortalecer a contribución da universidade ao desenvolvemento económico e social. Esta terceira edición terá lugar na Cidade da Cultura de Galicia entre o 29 de setembro e o 1 de outubro e contará con conferencias, marketplace, obradoiros e seminarios e networking, ademais dos premios aos mellores proxectos emprendedores e un foro de investimento.