O Concello de Pontevedra presentou os días pasados os resultados dun estudo sobre os hábitos tecnolóxicos dos menores de idade: cousas como que redes sociais empregan, canto tempo están en liña, até que punto cren que marca os seus rumbos de vida o feito de estaren conectadas/os, etc. A enquisa foi elaborada ao abeiro do Plan municipal de prevención de condutas aditivas (PMPCA) da Concellería de Benestar Social, aproveitando o traballo que desempeña este departamento cos centros educativos locais. A base da pescuda foi un nutrido grupo de preto de tres milleiros de estudantes (alumando de 1º a 4º da ESO, de entre 12 e 17 anos). Entre as principais conclusións que se fornecen figura a seguinte: o 75,7% dos rapaces tiveron o seu primeiro móbil entre os 10 e os 13 anos, e o 85% conta con conexión a Internet. Ademais, a gran maioría deles empregan servizos como Whatsapp ou Instagram, malia que o uso das redes sociais polos menores de 14 anos non estea permitido en España. O estudo terá continuidade en setembro con novos datos sobre hábitos por sexo, idade e nivel de formación.

Segundo lembrou a concelleira de Benestar Social, Carme Fouces, o desenvolvemento das novas tecnoloxías e o seu espallamento provocou “un cambio nos costumes, hábitos e actitudes, sobre todo na poboación máis moza xa que naceu practicamente con estes avances”. Neste treito de idade, engadiu, xerouse unha pegada “espectacular”, xa que se modificaron as formas de vivir a nenez e a adolescencia e se abriu marxe para “dedicacións de tempo e con comportamentos moi diferentes aos dos adultos”. Esta situación, sinalou, ten claras potencialidades (desenvolvemento persoal, capacitación, acceso doado ao coñecemento e á comunicación) pero tamén pode achegar unha serie de riscos derivados dun mal uso das tecnoloxías e da falta de supervisión axeitada. Na súa opinión, “o problema xorde cando a tecnoloxía se converte nun fin e non nun medio, e aquí temos o agravante de que a adolescencia constitúe un grupo de risco xa que tende a buscar sensacións novas”. De aí abrolla o problema da adición ás novas tecnoloxías. Segundo indicou Carme Fouces existen unha serie de sinais de alarma para nos axudan a achar un posible caso de conduta aditiva en relación coas TIC. Cousas como privación do sono (co fin de estarmos conectados á Rede durante máis tempo), desleixo con respecto a outras actividades importantes (como a familia, as relacións sociais, o estudo, a saúde, etc), imposibilidade de “desconectar” mentalmente das novas tecnoloxías mesmo cando non se está conectado ou introducir hábitos de illamento con respecto á contorna social máis inmediata.

Resultados da enquisa
75,7% tiveron o seu primeiro móbil entre os 10 e os 13 anos 30,4% tiveron o seu primeiro móbil con 12 anos 85% teñen conexión a internet 25,4% conéctanse a internet entre 1 e 2 horas diarias 14,2% están conectados a internet todo o día 67,5% navegan por internet sen que os seus proxenitores lles poñan limitacións 24,9% entraron en páxinas con contidos eróticos nos últimos 12 meses 7,3% apostaron en xogos on line nos últimos 12 meses 35,6% contactaron con descoñecidos por internet nos últimos 12 meses (o 22,7% menores de 14 anos) 16,7% quedaron con persoas que coñeceran exclusivamente a través de internet nos últimos 12 meses 23,2% bastantes/moitas veces descoidan tarefas escolares ou renden menos en exames por contectarse a internet 26,1% bastantes/moitas veces tiveron a sensación de que si no se conectaban a internet estaban perdendo algo realmente interesante 14,8% bastantes/moitas veces conectáronse a internet aínda que sabían que lles ías a causar problemas. 17,1% bastantes/moitas veces dixeron ou fixeron cousas en internet que non farían ou dirían en persoaComo diciamos ao comezo, o estudo tamén lembra que en España a Lei de Protección de datos non permite aos menores de 14 anos acceder ás redes sociais, e aínda así: 93,3% usan Whatsapp (o 89,2% menores de 14 anos) 77,2% usan Instagram (o 68,4% menores de 14 anos) 54,7% usan Snapchat (o 42,7% menores de 14 anos) 51,2% usan Messenger (o 44,4% menores d e14 anos) 49,2% usan Facebook ( o 34,9% menores de 14 anos) 45,1% usan Twitter (o 27% menores de 14 anos) 31,8% usan Tuenti (o 14,6% menores de 14 anos).

Hai presenza galega entre os finalistas da XXII edición dos Premios Zapping. Máis polo miúdo a da web Menores en Rede, posta en marcha polo animador sociocultural Jorge Castro. A entrega destes galardóns con sede en Catalunya celebrarase o vindeiro 16 de marzo en A CaixaForum de Barcelona. A páxina galega, máis en detalle, figura na listaxe final das tres mellores plataformas seleccionadas ao abeiro da categoría Mellor Iniciativa de Internet ou App dos Premios Zapping. Estas tres finalistas foron elixidas polo propio público a través dunha rolda de votacións na que participaron un total de dez webs. Menores en Rede comparte recta final do galardón con The Capsuled e Tú decides en Internet.

A páxina galega, como lembraremos, arrancou a súa andaina en 2010 co obxectivo de guiar ás rapazas e aos rapaces no emprego das ferramentas dixitais. A canle, que nos seus comezos foi un blog e despois unha web, ten arestora unha firme vertente pedagóxica, centrándose en cousas como fornecer consellos para as persoas máis novas que navegan na Rede ou recursos de comportamento e metodoloxías para as nais, os pais e os docentes, facendo fincapé en axudar aos colectivos menos dixitalizados a encher posibles baleiros de información en relación ao uso da Internet e as redes sociais. Por temáticas máis concretas tócanse ámbitos como o emprego de etiquetas nas comunidades dixitais, o uso de imaxes con menores en Internet, a presenza de recursos na Rede para levarnos a sitios de malware ou os problemas derivados dun mal uso do Whatsapp a nivel escolar.

Como un xeito de fomentar as vocacións científicas entre os máis novos celebráronse un par de encontros da FIRST LEGO League Galicia na que se xuntaron estudantes de primaria e secundaria con interese nas TIC e ganas de traballar en equipo para presentar un proxecto científico.

A FIRST LEGO League Galicia está organizada dende a Universidade da Coruña, e ao igual que en 2016 recalou na Facultade de Informática da Coruña, a edición de 2017, que terá lugar o vindeiro día 18, trasladouse até Ferrol, onde desenvolverase o torneo clasificatorio que facilitará o acceso á grande final da FIRST LEGO League España. O campionato está dividido en dúas grandes categorías por idade: a FIRST LEGO League Jr., para cativos de entre 6 e 9 anos, que non será competitiva; e a FIRST LEGO League ordinaria, na que participarán cativos de entre 10 e 16 anos acompañados por un adestrador. Esta última consta con proba de robótica, un proxecto científico e a demostración do desenvolvemento de valores como a cooperación, a valoración do traballo ben feito, o respecto do traballo dos demais...

Nos vindeiros días renovarán a páxina web do evento para incluír información sobre como participar nesta cita imprescindible para os interesados na tecnoloxía LEGO Mindstorms ou na introdución dos máis novos ao mundo da robótica.

Onte, coincidindo coa celebración do Día Internacional da Internet Segura (Safer Internet Day), presentouse en Madrid unha ambiciosa iniciativa para protexer ás novas xeracións na Rede. Trátase do Centro de Seguridade en Internet para Menores, Internet Segura for Kids. Trátase, explicou o ministro Álvaro Nadal, dunha plataforma en liña xestionada polo INCIBE (Instituto Nacional de Ciberseguridade) que salienta por fornecer asesoramento e asistencia aos menores e as familias co fin de evitar os problemas (acoso, ameazas, abusos de calquera índole) derivados dun mal uso das novas tecnoloxías. Asemade, subministraranse recursos aos educadores e aos profesionais do eido do menor. Para facer o máis efectiva posíbel a plataforma habilitarase un servizo de denuncia e un sistema de traballo en estreita colaboración coas Forzas e Corpos de Seguridade do Estado.

Segundo fixo fincapé o ministro de Industria, farase especial fincapé en loitar contra o abuso sexual infantil. O servizo de denuncia e a liña de asistencia telefónica que o complementa estarán operativos no primeiro semestre deste ano. O Centro de Seguridade en Internet para menores en España vén da man da Secretaría de Estado para a Sociedade da Información, Red.es e o INCIBE. O obxectivo desta iniciativa conxunta: “Promover o uso seguro e responsábel en Internet e as novas tecnoloxías entre os menores e a súa contorna”. Trátase, como explicou o ministro Nadal, dun recurso público que “axudará a ampliar os dereitos dos cidadáns, especialmente dos cidadáns máis desprotexidos que son os menores de idade”. Nadal lembrou, para facernos unha idea dos riscos aos que nos enfrontamos, que en España o 95,2% dos menores de idade son internautas habituais e o 70% dispón de teléfono móbil propio.

• José Manuel Rey Varela acudió a la demostración de la aplicación en la escuela infantil de Ames-Bertamiráns
• Esta herramienta cuenta con una aplicación web, desde la que el centro envía los mensajes, y con una aplicación móvil para smartphones en la que las familias podrán recibir esas comunicaciones
• Todas las escuelas infantiles del Consorcio Gallego de Servicios de Igualdad y Bienestar y de la Agencia Gallega de Servicios Sociales contarán con la aplicación. En la actualidad el personal de las mismas está realizando cursos de formación para conocer el manejo del sistema

El conselleiro de Política Social en funciones, José Manuel Rey Varela, presentó hoy en la escuela infantil de Ames-Bertamiráns la aplicación TokApp, un sistema de mensajería que permitirá a los centros comunicarse de manera más fácil y rápida con las familias de los niños y niñas que acuden a las escuelas infantiles de la red Gallina Azul, en las que se inscriben las escuelas infantiles dependientes del Consorcio Gallego de Servicios de Igualdad y Bienestar y aquellas dependientes de la Agencia Gallega de Servicios Sociales. Allí, la empresa creadora de la aplicación, TokApp School, realizó una demostración técnica del funcionamiento de la misma.

Esta innovación consta de dos partes diferenciadas: la aplicación web, desde la que los profesores/as y el personal del centro crean y envían los mensajes; y la aplicación móvil, de descarga gratuita en smartphones y otros dispositivos electrónicos en las que las familias podrán recibir estos mensajes.

El sistema presenta múltiples ventajas entre las que destacan la atención personalizada , el ahorro de tiempo y la facilidad de uso de la aplicación. Además, permite registrarse gratuitamente, sin mostrar el número de teléfono y las notificaciones se envían a uno o varios destinatarios respetando siempre la privacidad de los datos personales. TokApp también ofrece la opción de que la comunicación sea bidireccional, de manera que si el centro o los profesores lo requieren, los padres y madres podrán contestar al mensaje enviado por parte del personal del centro al que asisten sus hijos.

Para su correcto y eficiente funcionamiento, la empresa propietaria de la aplicación está realizando cursos de formación a cada una de las direcciones de las escuelas infantiles. A día de hoy, 15 escuelas del Consorcio Gallego de Servicios de Igualdad y Bienestar y 44 escuelas de la Agencia Gallega de Servicios Sociales ya fueron objeto de esta formación y en próximas fechas la aplicación estará operativa en todas y cada una de las escuelas infantiles de la Consellería de Política Social. En un principio los administradores de la aplicación serán las direcciones de los centros.

El conselleiro en funciones mostró su satisfacción por la puesta en marcha de esta aplicación, y destacó que “el avance de las nuevas tecnologías en los últimos años es una evidencia a la que no queremos dar las espaldas”. Por ello la Consellería de Política Social pone a disposición de las escuelas y de las familias esta aplicación que “redundará en el bienestar y ahorro de tiempo de los padres y madres, pero sobre todo, en el bienestar y en el conocimiento de la evolución de los niños y niñas en las escuelas”, afirmó.

• José Manuel Rey Varela acudiu á demostración da aplicación na escola infantil de Ames-Bertamiráns
• Esta ferramenta conta cunha aplicación web, dende a que o centro envía as mensaxes, e cunha aplicación móbil para smartphones na que as familias poderán recibir esas comunicacións
• Todas as escolas infantís do Consorcio Galego de Servizos de Igualdade e Benestar e da Axencia Galega de Servizos Sociais contarán coa aplicación. Na actualidade o persoal das mesmas está a realizar cursos de formación para coñecer o manexo do sistema

O conselleiro de Política Social en funcións, José Manuel Rey Varela, presentou hoxe na escola infantil de Ames-Bertamiráns a aplicación TokApp, un sistema de mensaxería que permitirá aos centros comunicarse de xeito máis doado e rápido coas familias dos nenos e nenas que acoden ás escolas infantís da rede Galiña Azul, nas que se inscriben as escolas infantís dependentes do Consorcio Galego de Servizos de Igualdade e Benestar e aquelas dependentes da Axencia Galega de Servizos Sociais. Alí, a empresa creadora da aplicación, TokApp School, realizou unha demostración técnica do funcionamento da mesma.

Esta innovación consta de dúas partes diferenciadas: a aplicación web, dende a que os profesores/as e o persoal do centro crean e envían as mensaxes; e a aplicación móbil, de descarga gratuíta en smartphones e outros dispositivos electrónicos nas que as familias poderán recibir estas mensaxes.

O sistema presenta múltiples vantaxes entre as que destacan a atención personalizada , o aforro de tempo e a facilidade de uso da aplicación. Ademais, permite rexistrarse de balde, sen amosar o número de teléfono e as notificacións envíanse a un ou varios destinatarios respectando sempre a privacidade dos datos persoais. TokApp tamén ofrece a opción de que a comunicación sexa bidireccional, de xeito que se o centro ou os profesores o requiren, os pais e nais poderán contestar á mensaxe enviada por parte do persoal do centro ao que asisten os seus fillos.

Para o seu correcto e eficiente funcionamento, a empresa propietaria da aplicación está a realizar cursos de formación a cada unha das direccións das escolas infantís. A día de hoxe, 15 escolas do Consorcio Galego de Servizos de Igualdade e Benestar e 44 escolas da Axencia Galega de Servizos Sociais xa foron obxecto desta formación e en vindeiras datas a aplicación estará operativa en todas e cada unha das escolas infantís da Consellería de Política Social. Nun principio os administradores da aplicación serán ás direccións dos centros.

O conselleiro en funcións amosou a súa satisfacción pola posta en marcha desta aplicación, e destacou que “o avance das novas tecnoloxías nos últimos anos é unha evidencia á que non queremos dar as costas”. Por elo a Consellería de Política Social pón a disposición das escolas e das familias esta aplicación que “redundará no benestar e aforro de tempo dos pais e nais, pero sobre todo, no benestar e no coñecemento da evolución dos nenos e nenas nas escolas”, afirmou.