A situación actual puxo de manifesto a necesidade de dotar á sociedade de competencias dixitais, nun momento de illamento como o que estamos a vivir, as habilidades tecnolóxicas dos usuarios son as que lles permitiron, en gran medida, cumprir co seu traballo e manterse en contacto cos seus familiares.

Os centros de competencias dixitais e os seus profesionais, foron un apoio para aquelas persoas con menos habilidades dixitais, pois a súa proximidade ao territorio e o coñecemento das necesidades dos cidadáns, permitiulles ofrecer o asesoramento tecnolóxico necesario para cubrir as demandas dos usuarios.

Desde a Asociación Somos Digital a través deste informe de política, preténdese poñer en valor estes centros, para vehicular políticas públicas relacionadas coa transformación dixital da cidadanía, xa que se require liderado, coordinación e apoio, tanto técnico como económico, por parte das administracións para que estes centros poidan canalizar as diferentes políticas de cidadanía dixital.

O informe que foi consensuado e apoiado polas 13 redes que forman a Asociación Somos Dixital e que se fará publico o 17 de maio, coincidindo coa celebración do Día da internet, sostense en tres recomendacións finais:

• Necesario liderado e coordinación por parte das Administracións Públicas.
• Apoio técnico e económico aos centros de competencias dixitais e aos seus profesionais.
• Canalización de políticas de cidadanía dixital a través dos centros de competencias dixitais.

A distribución deste informe, súmase á realización do estudo sobre as competencias dixitais do futuro, presentado no mes de abril, e que define un amplo conxunto de servizos cara ao que tenderán os actuais centros para responder aos novos retos socioeconómicos que se prevén como consecuencia da transformación dixital nos próximos anos.

Informe "Apoiando os Centros de Competencias Dixitais para a mellora da empregabilidade e o desenvolvemento rural"