main content

main content
27/04/202008:04
Mans usando un smartphone.
Santiago de Compostela

A Cidade da Cultura pon en marcha 'Clic Xanela', un curso en liña con técnicas para mellorar as fotografías desde o móbil

  • Os participantes poderán compartir os seus resultados en rede e ter a posibilidade de ser titorizados nos seus avances dun xeito personalizado
  • Enxírese dentro da campaña #aculturasegue da Consellería de Cultura para ofrecer contidos de calidade e lecer durante o confinamento polo COVID-19

A Xunta de Galicia, dentro da súa campaña de lecer e formación #aculturasegue, pon en marcha polas redes sociais e páxina web da Cidade da Cultura o curso Clic Xanela, unha actividade en liña con técnicas para mellorar a calidade das fotografías que se sacan desde o móbil.

Pensado para un público adulto sen necesidade de coñecementos previos, Clic Xanela ten o obxecto de facilitar os recursos e habilidades para tirarlle un mellor partido as posibilidades que nos dan os dispositivos móbiles. Do mesmo xeito, trátase de compartir ferramentas que permitan aproveitar esta época de obrigado confinamento pola crise do COVID-19 con actividades culturais e de lecer de calidade online, tal e como persegue a campaña da Consellería de Cultura e Turismo.

Cada semana, o fotógrafo Óscar Corral impartirá nas redes sociais e na páxina web da Cidade da Cultura técnicas que facilitarán de modo sinxelo e a calquera tipo de usuario realizar mellores fotografías instando a levalas a cabo desde a fiestra. Deste xeito, convídase á xente a deixar de velas coma lindes do que quedou fóra nesta época de confinamento, senón como ponte da vida que continúa a pertencerlles e que sigue a formar parte das súas cotidianidades.

Entre os consellos, os participantes atoparán desde os máis básicos de iniciación –nos que se empraza á descuberta polo miúdo do dispositivo móbil para ver todas as opcións de fotografía que facilita cada aparato– ata ao dominio da luz, a harmonía cromática, a composición e disposición dos elementos a fotografar ata chegar a contidos máis elaborados sobre o discurso que podemos inserir nunha imaxe, aínda que sexa feita desde o móbil e a través da xanela.

Todas a persoas que participen poden compartir as súas fotografías tras aplicar o consello práctico tanto polas redes sociais da Cidade da Cultura, como facéndoas chegar ao enderezo electrónico onlinecidadedacultura@gmail.com para un grande álbum en liña compartido. Igualmente, se o desexan poden recibir de xeito persoal e individual valoracións, apreciacións ou comentarios de mellora por parte do titor, quen lles pode precisar ou aclarar dúbidas xurdidas no proceso ou no resultado.

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS