main content

main content
07/08/201808:08
Industria 4.0.
Santiago de Compostela

As axudas para a terceira edición dos premios e apoio a Proxectos 4.0 poden solicitarse ata o 28 de setembro

  • O Diario Oficial de Galicia (DOG) vén de publicar a convocatoria da Consellería de Economía, Emprego e Industria coa que se apoiarán como mínimo seis novas iniciativas colectivas para implantar a fábrica intelixente en sectores estratéxicos da economía galega
  • Mobilizaranse investimentos por 10 millóns de euros en proxectos de medio cento de empresas para seguir avanzando na Industria 4.0
  • Elévase ata 1,5 millóns de euros a axuda máxima para impulsar cada un dos plans sectoriais aprobados
  • Nas dúas edicións anteriores desta actuación beneficiáronse 70 empresas, o que supuxo unha mobilización de máis de 15M€ en investimentos altamente tecnolóxicos

 

O Diario Oficial de Galicia (DOG) vén de publicar os apoios da Consellería de Economía, Emprego e Industria para a terceira convocatoria dos premios e axudas a proxectos Industria 4.0, unha iniciativa que impulsa cun orzamento de máis de 4 millóns de euros para apoiar como mínimo seis novas iniciativas colectivas para seguir avanzando no desenvolvemento en Galicia da fábrica intelixente e conectada en sectores estratéxicos da economía. A previsión é mobilizar investimentos por 10 millóns de euros en proxectos de medio cento de empresas coordinadas por organismos intermedios de carácter sectorial, para seguir avanzando na implantación da Industria 4.0 en Galicia.

O prazo de solicitude estará aberto ata o próximo 28 de setembro.

Entre as principais novidades da convocatoria destaca o incremento das axudas máximas de 1 millón a 1,5 millóns de euros para impulsar cada un dos proxectos sectoriais aprobados, co obxecto de facilitar a formación de grupos de empresas amplos e con investimentos de maior calado.

Como en convocatorias anteriores, cada un dos organismos intermedios promotores dos proxectos seleccionados recibirán un premio de 25.000 euros, como compensación polo seu labor na formación de grupos de empresas dispostas a investir no eido da Industria 4.0. Este traballo inclúe a localización, a coordinación e a dinamización dos plans de investimento.

Os proxectos aprobados ao abeiro desta terceira convocatoria sumaranse aos impulsados polas 70 empresas beneficiaras das dúas edicións anteriores, que mobilizan máis de 15M€ en investimentos altamente tecnolóxicos, no eido da industria intelixente e conectada.

Os sectores da automoción, madeira, agroalimentario, metalmecánico, aeronáutico e naval, impulsados polos respectivos clusters, son os que están a actuar polo de agora como locomotoras da Industria 4.0 en Galicia. As relacionadas coa automatización e a intercomunicación entre máquinas son as tecnoloxías máis empregadas nos proxectos desenvolvidos ata a data, seguidas das vinculadas á sensórica ou a dixitalización de procesos.

Os plans apoiados a través desta liña de axudas, ademais de beneficiar de xeito directo aos traballadores das empresas que acometen investimentos 4.0 e aos dos organismos intermedios, que facilitan a cooperación, están chamados a actuar como investimentos de futuro, ao servir como exemplos a seguir por outras empresas no desenvolvemento da Axenda Industria 4.0.

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS