main content

main content
05/11/202106:11
Momento da doazón.
Santiago de Compostela

Dúas asociacións poderán reforzar a formación dixital que ofrecen grazas á colaboración de NTT DATA no programa de Voluntariado Dixital impulsado pola Amtega

  • As asociacións de veciños Álvaro Cunqueiro, de Santiago, e Sampaio de Lampai, da localidade de Teo, recibiron onte 27 ordenadores portátiles doados pola empresa NTT DATA cos que poderán reforzar o apoio tecnolóxico que proporcionan á veciñanza a través da capacitación dixital, prestación de equipos a rapaces e rapazas, etc.
  • O apoio prodúcese no seo do Programa de Voluntariado Dixital (VOLDIX) que aglutina esforzos para lograr a plena capacitación dixital de toda a cidadanía.

Coa recepción destes equipos, entregados pola consultora multinacional de negocio NTT DATA —antes everis—, as dúas asociacións poderán reforzar as súas liñas de traballo para achegar a tecnoloxía a toda a cidadanía, especialmente aos colectivos con máis dificultades. Trátase dun dos obxectivos básicos do Programa de Voluntariado Dixital VOLDIX, unha das moitas liñas de acción que impulsa a Axencia para a Modernización Tecnolóxica de Galicia, Amtega, para lograr a capacitación dixital de toda a poboación.

Grazas a esta desta doazón, a Asociación de Veciños Álvaro Cunqueiro, do barrio Vista Alegre de Santiago, recibiu 20 ordenadores portátiles. Con eles poderá renovar o equipamento da súa sala de alfabetización dixital e prestalos a rapaces e rapazas que non contan con equipos para seguir as súas clases online; prevén tamén poñer un novo equipo na súa biblioteca para facer uso libre da rede wifi e mesmo colaborar cunha ONG de cooperación internacional que apoia a nenos e nenas que precisan reforzo escolar.

Pola súa banda, a Asociación de Veciños Sampaio de Lampai, da localidade coruñesa de Teo, empregará os 7 equipos doados para realizar formación ás persoas maiores sobre os diversos servizos dixitais que mellorarán a súa calidade de vida (solicitude de cita médica, banca online...) e impulsará o uso da ferramenta educativa Abalar por parte dos nenos e nenas e das súas familias.

VOLDIX, cidadáns e entidades que suman para achegar a tecnoloxía a toda a poboación

O programa VOLDIX enlaza e interrelaciona o esforzo e as necesidades dos máis de 950 aliados cos que conta na actualidade. Entre estes aliados figuran entidades colaboradoras como a Asociación de Veciños Álvaro Cunqueiro e mecenas dixitais —entre os que se inclúe a consultora everis, que desde o pasado 21 de outubro cambiou a súa marca por NTT DATA, adoptando o nome da súa empresa matriz—. Nesta ocasión, esta empresa contaba con 27 ordenadores portátiles como resultado do seu proceso periódico de renovación de equipamento. Trátase de dispositivos cuxas características xa non responden ás necesidades da compañía, pero que seguen en perfecto estado e funcionamento.

A empresa NTT DATA colabora con este programa desde o seu inicio, no ano 2012. No seu papel de aliado dixital vén realizando actividades formativas orientadas á busca de emprego, novos perfís profesionais, administración electrónica, e-Saúde, charlas con expertos e obradoiros sobre superintelixencia tecnolóxica, creación de videoxogos, apps, drons, seguridade nas redes, robots, realidade virtual e deseño en 3D ou talleres de Scratch. No seo desta colaboración, tamén o pasado ano doou 9 equipos á asociación Álvaro Cunqueiro. Son algunhas das moitas formas de colaboración impulsadas polo Programa VOLDIX, todo un ecosistema dixital formado por persoas voluntarias, organizacións e entidades públicas e privadas que traballan para consolidar a capacitación dixital entre toda a cidadanía.

Blog Xente Dixital

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas.

4 sinxelos pasos a seguir para crear a túa propia páxina web

Ven 24 Set

A creación dunha páxina web para darlle un impulso ao teu negocio ou simplemente para compartir co mundo os teus intereses pode parecer, inicialmente, unha tarefa abrumadora e chea de incógnitas. Porén, existen numerosas páxinas e provedores que ofrecen plataformas nas que poderás crear unha páxina...

LER MAIS

3 funcionalidades de Whatsapp que verán a luz proximamente

Mar 21 Set

A aplicación de mensaxería Whatsapp é unha das apps máis utilizadas á hora de comunicarnos: falar cos nosos amigos e familiares, organizar tarefas cos nosos compañeiros de traballo ou establecer citas médicas é moito máis fácil a través desta aplicación. Whatsapp é consciente do nivel de...

LER MAIS

Como utilizar os filtros de Instagram: consellos para o seu uso e como sacarlles proveito

Lun 21 Xuñ

Instragram é a rede social por excelencia: dende os máis mozos ata a xente adulta a utiliza para interactuar cos seus amigos e coñecidos, ver as publicacións dos influencers e famosos ou para facer crecer o seu negocio. O crecemento exponencial da rede nos últimos anos levou a que a app comezara a...

LER MAIS