El Ayuntamiento de Verín presentó esta semana la oferta formativa del aula CeMIT local para este mes de septiembre, un programa de talleres que inciden en la necesidad de capacitarnos en herramientas participativas, en recursos para facilitar nuestra comunicación con los demás y con las administraciones y en todo aquello que complemente desde lo digital nuestro currículo y mejore nuestra empregabilidade.
Se trata, en total, de once talleres para vecinas y vecinos interesados "en ampliar sus conocimientos en el sector de la comunicación y de las nuevas tecnologías". Se dispondrá de un aula abierta a libre disposición de los usuarios de la red CeMIT, destinada (también) a resolver sus dudas.
El programa formativo está formado por las siguientes actividades: Redes sociales (3-5-7 de septiembre, de 9.00 a 11.00), Herramientas en la nube (10-12-14), Introducción a Android (17-19-21), Administración Electrónica (24-26-28), Redes sociales (3-5 -7, de 12.00 a 14.00) Herramientas en la nube (10-12-14, de 12.00 a 14.00), Hoja de Cálculo Drive (17-19-21), Internet para buscar información (24-26-28), Compras seguras a través de Internet (4-6-11), Trámites online con los ayuntamientos (13-18-20) y Hangouts (25-27). La inscripción en los cursos se puede realizar en el propio aula de 8:00 a 15:00 horas de lunes a viernes, o bien en la página web cemit.junta.gal.

O Concello de Verín presentou esta semana a oferta formativa da aula CeMIT local para este mes de setembro, un programa de obradoiros que inciden na necesidade de capacitarnos en ferramentas participativas, en recursos para facilitar a nosa comunicación cos demais e coas administracións e en todo aquilo que complemente dende o dixital o noso currículo e mellore a nosa empregabilidade.
Trátase, en total, de once obradoiros para veciñas e veciños interesados “en ampliar os seus coñecementos no sector da comunicación e das novas tecnoloxías”. Disporase dunha aula aberta a libre disposición dos usuarios da rede CeMIT, destinada (tamén) a resolver as súas dúbidas.
O programa formativo está formado polas seguintes actividades: Redes sociais (3-5-7 de setembro, de 9.00 a 11.00), Ferramentas na nube (10-12-14), Introdución a Android (17-19-21), Administración Electrónica (24-26-28), Redes sociais (3-5 -7, de 12.00 a 14.00) Ferramentas na nube (10-12-14, de 12.00 a 14.00), Folla de Cálculo Drive (17-19-21), Internet para buscar información (24-26-28), Compras seguras a través de Internet (4-6-11), Trámites online cos concellos (13-18-20) e Hangouts (25-27). A inscrición nos cursos pódese realizar na propia aula de 8:00 a 15:00 horas de luns a venres, ou ben na páxina web cemit.xunta.gal.

Logo da apertura oficial da actividade formativa do Edificio de Novas Tecnoloxías de Lugo, inauguración da que falamos salientando a notable presenza de público, o novo centro neurálxico TIC do casco vello da cidade proseguiu estes días co seu roteiro de obradoiros fixado para esta tempada, o programa Tecnoloxíza-T!, organizado pola Concellería de Concello e Cidadanía. Máis polo miúdo, deuse acubillo ao comezo de dúas novas actividades, unha de iniciación á informática, que se impartirá até 9 de xuño, de 16:00 a 18:00 horas, e outra de uso de smartphones, que seguirá até o vindeiro venres, 2 de xuño, de 18:30 a 20:30 horas. Para estes novos cursos cubríronse a totalidade das prazas dispoñibles, polo que participan 30 persoas.

Como lembraremos, a programación de actividades no novo espazo TIC do Concello inclúe 10 obradoiros con 150 prazas de balde para todas as idades. Amais dos devanditos cursos de iniciación á informática e emprego de smartphones, fornécense os seguintes: trámites electrónicos coa administración, Internet segura para tod@s, posicionamiento web e SEO, redes sociais, retoque fotográfico co teu smartphone, compra on line, venda on line e creación de aplicacións móbiles. Quen queira máis información sobre estas actividades, tena na páxina web do Concello, lugo.gal.

Segundo informou a Concellería, estas xeiras de formación están a ter “moi boa acollida”. De feito, as prazas da maioría dos obradoiros cubríronse en menos de dez días.

A alcaldesa de Lugo, Lara Méndez, e a concelleira de Concello e Cidadanía, Rosana Rielo, participaron este sábado na actividade inaugural da programación formativa do Edificio de Novas Tecnoloxías. A sesión de apertura do programa foi, precisamente, unha clase maxistral sobre fotografía dixital, conducida polo artista local Álvaro L. Barreiro. Segundo informa o Concello, a actividade tivo un éxito total, participando nela unhas 60 persoas. Por mor de non ter podido dar acollida a todas as veciñas e veciños interesadas/os en concorrer na sesión, o Goberno local está a estudar a posibilidade de repetir a clase maxistral.

A programación de actividades no novo espazo TIC do Concello, Tecnoloxíza-T!, inclúe 10 obradoiros con 150 prazas de balde para todas as idades. Arrancan este mesmo luns, con dous cursos: un sobre iniciación á informática, continuará ata o 9 de xuño, de 16:00 a 18:00 horas; e outro de utilización de smartphones, ata o 2 de xuño, de 18:30 a 20:30 horas.

Segundo engade o Concello, estas xeiras de divulgación están a ter moi boa acollida, pois en menos de dez días cubríronse as prazas da maioría dos obradoiros, polo que os interesados deben dirixirse canto antes ao Edificio de Novas Tecnoloxías, aberto en horario de luns a sábado, de 10:00 a 13:00 horas, e de 16:00 a 21:00 horas. A inscrición realizarase até as 20:00 horas do xoves anterior ao inicio de cada curso. A listaxe de persoas admitidas poderase consultar na páxina web do Concello, www.lugo.gal, no propio centro, ou a través do 010.

Xunto aos obradoiros de iniciación á informática e utilización de smartphones, ofrécense os seguintes cursos: trámites electrónicos coa administración, iniciación á informática, utilización de smartphones, Internet segura para tod@s, posicionamiento web e SEO, redes sociais, retoque fotográfico co teu smartphone, compra en liña, venda en liña e creación de aplicacións móbiles. Toda a información sobre o programa está dispoñible en www.lugo.gal.

O Concello de Lugo vai organizar este mes de xuño cinco novas xornadas formativas destinadas a achandar o camiño laboral de persoas desempregadas. A nova iniciativa, que é de balde e vén da man da Concellería de Economía e Emprego que dirixe Ana Prieto, ten unha clara vertente tecnolóxico-dixital. De feito, amosaranse aos participantes cousas como facer marca persoal nas comunidades en liña, buscar emprego nas redes sociais, ou empregar a fondo o portal de Eures. Os obradoiros abrollan directamente do compromiso do Goberno local coas políticas de inserción laboral e loita contra o desemprego, “un grave problema para miles de lucenses que queren traballar e non poden”. Os dous primeiros obradoiros son Como realizar un currículo atractivo (12 de xuño) e Marca persoal e busca de emprego a través das redes sociais (día 13).

A continuación, será a quenda de Probas para a selección de postos de traballo (día 14), A Rede Eures. O portal de busca de emprego de Europa (día 15) e Como realizar con éxito unha entrevista de traballo (día 16). O horario no que se impartirán as sesións é de 10:00 a 13:00 horas. As prazas son limitadas, polo que, en palabras do Concello, “os interesados deberán anotarse canto antes”. O prazo de inscrición está aberto dende xa e até o 7 de xuño. Para apuntarse é preciso enviar cuberta unha ficha de solicitude (que se pode descargar na web do Concello a espazolab@concellodelugo.org) ou ben entregala nas propias instalacións do Espazo Lab, o Centro de Formación e Orientación Laboral do Concello de Lugo.

A Deputación de Pontevedra deu a coñecer o programa de actividades para o mes de abril ao abeiro do proxecto SmartPEME, a iniciativa da entidade que preside Carmela Silva para encher a provincia (dende os centros de operacións SmartPEME de Porriño, Cambados, Pontevedra, Lalín, Ponteareas e Vigo) de accións formativas TIC ao servizo do tecido produtivo dos concellos. Trátase de preto de 40 obradoiros. SmartPEME, como lembraremos, oferta ás persoas emprendedoras e pequenas e medianas empresas da provincia unha serie de servizos de información, análise, asesoramento, capacitación, demostración, acompañamento e tutelado no ámbito das TIC, “sempre da man das propias implicadas e implicados e coa colaboración das asociacións de empresarias e empresarios e de mozas e mozos autónomos”, informou a Deputación.

Case a metade destes obradoiros terán lugar na área de Vigo, en instalacións situadas nos concellos de Ponteareas, O Porriño e Vigo, cun total de 18 obradoiros ao abeiro do programa SmartPEME da Deputación de Pontevedra. As quendas para o mes de abril na oficina de Vigo son as seguintes: o martes 4, Imos chamar á porta da túa clientela. Posicionamento SEO, seguido de Promove o teu perfil en Facebook con aplicacións externas o xoves 6. Dúas semanas despois, desenvolverase Como facer unha campaña exitosa de publicidade en Google o luns 17 e Como ser eficiente na organización do teu tempo: trello e toggl, o mércores 19. Para rematar, o mércores 26 desenvolverase o obradoiro que leva por título Google Analytics: Interpretación dos datos e tomas de decisións e Mostrario virtual: a fotografía e o produto no medio en liña o venres 28 de abril. A oficina SmartPEME de Vigo, na Sede da Deputación da cidade, atópase na Rúa Oporto, núm. 3.

A oficina de Ponteareas acollerá os seguintes obradoiros: o martes 4 de abril, Descubre como funciona o certificado dixital, o teu DNI online, seguido de Seguridade da información: protexe o teu smartphone o venres 7. O martes 18 de abril será a quenda de A túa páxina web con Wordpress e o xoves 20 de Fotografía os teus produtos ou servizos para as redes sociais. Xa para rematar, o luns 24 de abril terá lugar Imos chamar á porta da túa clientela. Posicionamento SEO e o mércores 26 Como facer unha campaña exitosa de publicidade en Google. A oficina SmartPEME de Ponteareas, no Centro de Desenvolvemento Local, atópase en Lomba do Cruceiro, núm. 5.

Pola súa banda, a oficina do Porriño acollerá os seguintes obradoiros: o luns 3 de abril, Como utilizar Instagram para promover a túa empresa e o 5 de abril terá lugar Saca as túas fotografías para o comercio electrónico. O martes 18 de abril desenvolverase o obradoiro Facebook ads e o xoves 20 Deseña sinxelamente imaxes abraiantes e profesionais. A última quenda será a de Como ser eficiente na organización do teu tempo: Trello e Toggl, o luns 24, e Google Analytics: Iniciación á analítica web o 26 de abril. A oficina SmartPEME do Porriño, no Multicentro do concello, atópase na rúa Ribeira, s/n. Todas as actividades –tanto as de Ponteareas como das do Porriño e as de Vigo– terán lugar en horario de 19:00 horas.

Pola súa banda, o Centro ExpoSalnés de Cambados acollerá seis obradoiros, todos eles en horario de 19:00 horas: o luns 3 de abril, Google Calendar, moito máis que unha axenda. O mércores 5 impartirase Imos chamar á porta da túa clientela. Posicionamento SEO. Dúas semanas despois, o luns 17 de abril, Fotografía e vídeo para espazos interiores, ao que lle seguirá o mércores 19 Google Analytics: Interpretación dos datos e tomas de decisións, o martes 25 de abril LinkedIn: a túa rede de networking e, xa por último, o venres 28 de abril, desenvolverase o obradoiro Xestión da túa empresa: Facturación e ferramentas integradas. A oficina de Cambados, no Centro ExpoSalnés, atópase no Paseo da Calzada, s/n.

Na comarca do Deza, o Viveiro de Empresas do Polígono Lalín 2000 será sede doutros seis obradoiros, actividades que terán lugar todas elas en horario de 19:00 horas: este martes 4, Google Analytics: Interpretación dos datos e tomas de decisións. O venres 7 será a quenda de Fotografía e vídeo para establecementos de turismo, que deixará paso a Facebook para non iniciados, o luns 17, e Seguridade da información: protexe o teu smartphone, o xoves 20. O martes 25 de abril desenvolverase a acción Adeus ao papel! Coñece as claves para a dixitalización e, xa por último, Ferramentas TIC básicas e sinxelas para a xestión do teu negocio o xoves 27 de abril. A oficina de Lalín, no Viveiro de Empresas situado no Polígono Lalín 2000, atópase na parcela E deste espazo.

Finalmente, o Edificio Administrativo da Deputación de Pontevedra, na capital provincial, acollerá os seguintes seis obradoiros en horario de 19:00 horas: o luns 3 de abril, Facebook Ads e o mércores, 5 de abril, Como empregar Google e Google Apps for Business. Dúas semanas despois, o martes 18 de abril, Ferramentas de Google para a promoción de negocios locais e, tamén esa semana, Xestiona o teu negocio desde o móbil, o 21 de abril. A seguinte quenda é o martes 25 de abril con Fotografía de produto: especial sector téxtil e, pechando as accións do mes, o xoves 27 desenvolverase o obradoiro Como mellorar a percepción da túa clientela cos teus e-mail. A oficina de Pontevedra, no Edificio Administrativo da Deputación, atópase na Avenida de Montero Ríos, s/n.