• É un dos obxectivos do Plan de Traballo 2017 que se presentou hoxe no Pleno do Observatorio
• Tamén se deu a coñecer un breve balance da situación da Sociedade da Información en Galicia, en base aos últimos datos do Osimga
• No período 2012-2015 a contratación de Internet mediante banda larga en Galicia creceu un 34,5% fronte ao 16,6% en España e ao 11,1% da UE
• O tecido empresarial galego incrementou o investimento en TIC un 22,5% no último ano
• A directora da Amtega deu conta tamén dos dous primeiros anos de execución da Axenda Dixital de Galicia 2020, nos que se mobilizaron máis de 320 millóns de euros entre capital público e privado

A directora da Axencia para a Modernización Tecnolóxica de Galicia (Amtega), Mar Pereira, presidiu hoxe en Santiago o Pleno do Observatorio para a Sociedade da Información (Osimga), no que deu conta do Plan de Traballo do Osimga para 2017, fixo balance da situación da Sociedade da Información en Galicia, en base aos últimos datos do Observatorio e avanzou as actuacións dos dous primeiros anos de execución das medidas da Axenda Dixital de Galicia 2020.

Ademais de realizar novos informes de carácter xeral sobre a penetración das TIC en fogares, empresas, sector TIC e Administración, o Observatorio abrirá este ano novas liñas de estudo. Unha das novidades será a elaboración do primeiro estudo sobre “Ciberseguridade e Confianza Dixital nos fogares galegos”. O obxectivo deste informe é analizar o coñecemento especializado en materia de ciberseguridade, coa finalidade de advertir dos riscos existentes na navegación e usos de Internet e favorecer a implantación de medidas de seguridade por parte da cidadanía.

Outra das novas liñas de traballo será a elaboración do estudo temático “Perfil sociodemográfico dos internautas galegos”, que permitirá coñecer os factores que poden incidir na evolución do uso das tecnoloxías na poboación galega e maximizar o impacto das políticas públicas neste ámbito.

Ademais no marco de colaboración con outras entidades, como a Unidade de Muller e Ciencia, elaborarase unha nova edición dos informes sobre o uso das TIC desde unha perspectiva de xénero e a situación das mulleres no sector TIC. Co fin de contribuír a avaliación do Plan Estratéxico da Xuventude, darase continuidade ao estudo temático sobre A Mocidade e as TIC. No marco do Plan de Software Libre, o Osimga realizará novas vagas de estudos temáticos en 3 ámbitos: O Software libre nas empresas, no sector TIC e nos concellos.

Máis de 100.000 visitas ao portal do OSIMGA

No transcurso do Pleno tamén se fixo balance das actuacións do OSIMGA durante 2016, destacando que o Observatorio cumpriu cos compromisos asumidos no Plan Galego de Estatística 2012-2016 e, concretamente no seu Programa Anual de desenvolvemento, correspondente ao ano 2016.

No ano 2016, o portal web do OSIMGA recibiu 115.854 visitas, un 10,4% máis que o ano anterior, e o número medio mensual de visitas á web do OSIMGA situouse en 9.655 visitas.

Situación da Sociedade de Información en Galicia

No Pleno tamén se presentou un breve balance da situación da Sociedade da Información en Galicia, en base aos últimos datos do Observatorio. No período 2012-2015 a contratación de Internet mediante banda larga en Galicia creceu porcentualmente un 34,5% fronte ao 16,6% en España e ao 11,1% na Unión Europea. Este incremento permitiu que en catro anos Galicia recortase en 7,2 puntos a fenda en contratación de banda larga coa media estatal e en 10,3 puntos coa media europea.

Ademais, a porcentaxe de galegos que obteñen algún tipo de información online das Administracións Públicas é do 69,1%, cunha vantaxe de 12,3 puntos respecto a España e respecto de Europa, de 20,1 puntos

No que se se refire ao tecido empresarial galego, incrementouse significativamente o seu investimento en TIC. O gasto total das empresas galegas en produtos ou servizos TIC superou os 337 millóns de euros, experimentando un aumento do 22,5% en 2016 con respecto ao ano anterior. O crecemento máis significativo rexistrouse nos gastos en bens TIC das microempresas galegas cun aumento do 45%, pasando de 26 millóns de euros a case 38 millóns de euros.

Balance ADG 2020

A directora da Amtega destacou que no período 2015 – 2016 as actuacións da Axenda Dixital de Galicia 2020 mobilizaron máis de 324 millóns de euros, dos que máis de 51 corresponden a capital privado; conseguindo sentar as bases para dar resposta aos desafíos formulados en torno ás liñas estratéxicas da ADG2020: Valoración da Administración, Énfase na vida Dixital, Aceleración da Economía Dixital, Estímulo ao Crecemento do Sector TIC e Articulación Dixital do Territorio.

Memoria de actividade OSIMGA 2016

• La Xunta concedió una ayuda de 25.000 euros a Robobo como “Mejor Proyecto” y la Fundación Vodafone otorgó el Premio “Conectados por la Accesibilidad” dotado con 10.000 euros, a Insulclock
• Las seis iniciativas emprendedoras participantes de la primera edición promueven el desarrollo de soluciones innovadoras con tecnologías accesibles en diferentes ámbitos y presentaron sus resultados esta mañana
• Hoy se abre la segunda convocatoria del programa, a la que se podrán presentar proyectos de innovación social digital hasta el 2 de julio

El programa Vodafone Connecting for Good Galicia concedió hoy 35.000 euros a los dos mejores proyectos tecnológicos de su convocatoria 2016. Estos reconocimientos fueron otorgados en el acto de clausura de la primera edición del programa, que tuvo lugar esta mañana en la Ciudad de la Cultura, presidido por el conselleiro de Economía, Empleo e Industria de la Xunta, Francisco Conde, y que contó con la presencia del director de Administraciones Públicas de Vodafone, Diego Torrico, y del director general de la Fundación Vodafone España, Santiago Moreno.

Connecting for Good Galicia es un programa impulsado por Vodafone y la Xunta de Galicia, a través de la Agencia para la Modernización Tecnológica (Amtega) y la Consellería de Economía, Empleo e Industria, con la colaboración de la Fundación Vodafone España. Su objetivo es desarrollar iniciativas emprendedoras de innovación social digital en cualquiera de los ámbitos recogidos en la Agenda Digital de Galicia 2020, valorando especialmente el enfoque inclusivo hacia los colectivos de personas con discapacidad y personas mayores. Precisamente, Francisco Conde destacó que los proyectos presentados en esta primera edición muestran que los avances tecnológicos también están al servicio de las personas para dar respuesta a los grandes retos sociales: “Desde la Xunta queremos facilitar que esas ideas que tienen nuestros emprendedores se pongan al servicio y necesidades de las personas y hacer una sociedad digital que tiene que ser inclusiva para que permita que las personas dependientes y mayores tengan una mayor calidad de vida”, aseguró el conselleiro.

Premiados primera edición

Los seis proyectos participantes de la primera edición, fueron Insulclock, Robobo, KeeperTech, Phottic, PsicoVR y Xesmar. De estos seis proyectos, la Xunta de Galicia, a través de la Agencia Gallega de Innovación (GAIN), concedió una ayuda de 25.000 euros a la mejor iniciativa de la convocatoria por su carácter innovador, trabajo en equipo, aproximación al mercado y aprovechamiento del programa en su ejecución y puesta en marcha. El proyecto elegido fue Robobo.

Además, Fundación Vodafone España otorgó el Premio Conectados por la Accesibilidad valorado en 10.000 euros, al proyecto Insulclock por ser el que mejor incorporó los Principios de Accesibilidad Universal.

Todos los proyectos participantes recibieron un diploma acreditativo y un patrocinio de 2.000 euros cada uno tras completar el programa de formación y mentoring, al que la Amtega contribuye con 30.000 euros en cada convocatoria, y que se impartió en el espacio Vodafone Connecting for Good, situado en el Centro de Emprendimiento de la Ciudad de la Cultura.

Para el conselleiro de Economía, Empleo e Industria de la Xunta, Francisco Conde López, esta iniciativa supone mostrar cómo en las nuevas tecnologías están las herramientas para promover una educación más digital, que la sanidad pueda disponer de mejores sistemas de tratamiento, integrar a las personas mayores y colectivos profesionales en el uso de las TIC o mejorar la calidad de vida de las personas dependientes y de quien cuida de ellas. “Los objetivos que persigue este programa son una suma de emprendimiento e innovación”, destacó Conde quien subrayó que Connecting for Good Galicia viene a completar un mapa con una docena de aceleradoras que están en marcha en la comunidad como Vía Galicia, Agrobiotech o Business Factory Auto, entre otras.

Vodafone Connecting for Good Galicia es la apuesta de Vodafone, en colaboración con su Fundación, para el desarrollo de tecnologías accesibles para el bienestar social, y también un impulso a los proyectos emprendedores en Galicia. “Es importante seguir apoyando este tipo de iniciativas, sobre todo si tienen como objetivo mejorar la calidad de vida de personas mayores y personas con algún tipo de discapacidad”, explicó Diego Torrico, director de Administraciones Públicas de Vodafone España.

Apertura de la II Convocatoria 

En el acto celebrado esta mañana se anunció la apertura de la II Edición del Programa, a la que se pueden presentar candidaturas desde hoy hasta el 2 julio a través de la web de la Fundación Vodafone: http://www.fundacionvodafone.es/premios/premios-connecting-good-galicia

Los seis proyectos seleccionados podrán beneficiarse de un plan de formación de por lo menos seis meses, durante los cuales se impartirán sesiones sobre modelo y plan de negocio y contarán con asesoría experta en temas de comunicación, ventas, negocio, y accesibilidad para el desarrollo de un plan personalizado para cada proyecto. Además, dispondrán de un lugar de trabajo en el espacio Vodafone Connecting for Good situado en la Ciudad de la Cultura.

Cada uno de los proyectos seleccionados cuenta con un patrocinio de 2.000 euros, otorgado por GAIN, y los seis proyectos podrán optar a la concesión de una ayuda extra de 25.000 euros de GAIN y a un préstamo participativo de hasta un máximo de 25.000 euros, a través de XesGalicia. Además, Vodafone otorgará el Premio Conectados por la Accesibilidad, con una dotación de 10.000 euros al proyecto que mejor incorpore los principios de accesibilidad universal.

• A Xunta concedeu unha axuda de 25.000 euros a Robobo como “Mellor Proxecto” e a Fundación Vodafone outorgou o Premio “Conectados pola Accesibilidade” dotado con 10.000 euros, a Insulclock
• As seis iniciativas emprendedoras participantes da primeira edición promoven o desenvolvemento de solucións innovadoras con tecnoloxías accesibles en diferentes ámbitos e presentaron os seus resultados esta mañá
• Hoxe ábrese a segunda convocatoria do programa, á que se poderán presentar proxectos de innovación social dixital ata o 2 de xullo

O programa Vodafone Connecting for Good Galicia concedeu hoxe 35.000 euros aos dous mellores proxectos tecnolóxicos da súa convocatoria 2016. Estes recoñecementos foron outorgados no acto de clausura da primeira edición do programa, que tivo lugar esta mañá na Cidade da Cultura, presidido polo conselleiro de Economía, Emprego e Industria da Xunta, Francisco Conde, e que contou coa presenza do director de Administracións Públicas de Vodafone, Diego Torrico, e do director xeral da Fundación Vodafone España, Santiago Moreno.

Connecting for Good Galicia é un programa impulsado por Vodafone e a Xunta de Galicia, a través da Axencia para a Modernización Tecnolóxica (Amtega) e a Consellería de Economía, Emprego e Industria, coa colaboración da Fundación Vodafone España. O seu obxectivo é desenvolver iniciativas emprendedoras de innovación social dixital en calquera dos ámbitos recollidos na Axenda Dixital de Galicia 2020, valorando especialmente o enfoque inclusivo cara aos colectivos de persoas con discapacidade e persoas maiores. Precisamente, Francisco Conde destacou que os proxectos presentados nesta primeira edición mostran que os avances tecnolóxicos tamén están ao servicio das persoas para dar resposta os grandes retos sociais: “Desde a Xunta queremos facilitar que esas ideas que teñen os nosos emprendedores se poñan ao servizo e necesidades das persoas e facer unha sociedade dixital que ten que ser inclusiva para que permita que as persoas dependentes e maiores teñan unha maior calidade de vida”, asegurou o conselleiro.

Premiados primeira edición

Os seis proxectos participantes da primeira edición, foron Insulclock, Robobo, KeeperTech, Phottic, PsicoVR e Xesmar. Destes seis proxectos, a Xunta de Galicia, a través de Axencia Galega de Innovación (GAIN), concedeu unha axuda de 25.000 euros á mellor iniciativa da convocatoria polo seu carácter innovador, traballo en equipo, aproximación ao mercado e aproveitamento do programa na súa execución e posta en marcha. O proxecto elixido foi Robobo.

Ademais, Fundación Vodafone España outorgou o Premio Conectados pola Accesibilidade valorado en 10.000 euros, ao proxecto Insulclock por ser o que mellor incorporou os Principios de Accesibilidade Universal.

Todos os proxectos participantes recibiron un diploma acreditativo e un patrocinio de 2.000 euros cada un tras completar o programa de formación e mentoring, ao que a Amtega contribúe con 30.000 euros en cada convocatoria, e que se impartiu no espazo Vodafone Connecting for Good, situado no Centro de Emprendemento da Cidade da Cultura.

Para o conselleiro de Economía, Emprego e Industria da Xunta, Francisco Conde López, esta iniciativa supón amosar como nas novas tecnoloxías están as ferramentas para promover unha educación máis dixital, que a sanidade poida dispor de mellores sistemas de tratamento, integrar as persoas maiores e colectivos profesionais no uso das TIC ou mellorar a calidade de vida das persoas dependentes e de quen coida delas. “Os obxectivos que persegue este programa son unha suma de emprendemento e innovación”, destacou Conde quen subliñou que Connecting for Good Galicia vén de completar un mapa cunha ducia de aceleradoras que están en marcha na comunidade como Vía Galicia, Agrobiotech ou Business Factory Auto, entre outras.

Vodafone Connecting for Good Galicia é a aposta de Vodafone, en colaboración coa súa Fundación, para o desenvolvemento de tecnoloxías accesibles para o benestar social, e tamén un impulso aos proxectos emprendedores en Galicia. “É importante seguir apoiando este tipo de iniciativas, sobre todo se teñen como obxectivo mellorar a calidade de vida de persoas maiores e persoas con algún tipo de discapacidade”, explicou Diego Torrico, director de Administracións Públicas de Vodafone España.

Apertura da II Convocatoria 

No acto celebrado esta mañá anunciouse a apertura da II Edición do Programa, ao que se poden presentar candidaturas desde hoxe ata o 2 xullo a través da web da Fundación Vodafone: http://www.fundacionvodafone.es/premios/premios-connecting-good-galicia

Os seis proxectos seleccionados poderán beneficiarse dun plan de formación de polo menos seis meses, durante os cales se impartirán sesións sobre modelo e plan de negocio e contarán con asesoría experta en temas de comunicación, vendas, negocio, e accesibilidade para o desenvolvemento dun plan personalizado para cada proxecto. Ademais, disporán dun lugar de traballo no espazo Vodafone Connecting for Good situado na Cidade da Cultura.

Cada un dos proxectos seleccionados conta cun patrocinio de 2.000 euros, outorgado por GAIN, e os seis proxectos poderán optar á concesión dunha axuda extra de 25.000 euros de GAIN e a un préstamo participativo ata un máximo de 25.000 euros, a través de XesGalicia. Ademais, Vodafone outorgará o Premio Conectados pola Accesibilidade, cunha dotación de 10.000 euros ao proxecto que mellor incorpore os principios de accesibilidade universal.

• A Federación Galega de Asociacións Universitarias Seniors (FEGAUS) forma parte dos Aliad@s Dixitais do Plan de Inclusión Dixital de Galicia 2020
• Os seminarios organízanse en dous ciclos, o primeiro deles ata o 23 de xuño e o segundo terá lugar tras o período estival
• Pódense consultar as datas e formalizar a inscrición, de balde, na páxina web da Rede CeMIT

A Federación Galega de Asociacións Universitarias Séniors (FEGAUS), no marco das súas actividades como aliado do Plan de Inclusión Dixital de Galicia 2020 da Amtega, ofrece dous ciclos formativos sobre o manexo de móbiles e tablets.

O primeiro itinerario formativo, que comezou o pasado 12 de maio e rematará o 23 de xuño leva por título “Saca o máximo partido ao teu teléfono intelixente ou tablet e goza de todo o que Internet che ofrece” e está destinado a persoas cun nivel de uso inicial das novas tecnoloxías.

Esta primeira quenda chegará a 12 aulas da rede CeMIT, que ofertan preto de 200 prazas en total, e cuxa inscrición figura aberta na web https://cemit.xunta.gal. As aulas desta primeiro ciclo son: Arzúa, Beariz, Boborás, Catoira, Celanova, Cuntis, Fisterra, Marín, Oroso, Sada, Santa Comba e Valga. Os seminarios impartiranse presencialmente desde unha aula CeMIT e poderanse seguir por videoconferencia nas restantes aulas.

O segundo dos itinerarios, “Usa as novas tecnoloxías para unha madurez máis activa e positiva”, terá lugar unha vez remate o período estival, nos meses de setembro e outubro, cando se celebrarán outras sete xornadas con outras 200 prazas dispoñibles.

Estrutura dos seminarios

Os seminarios do primeiro ciclo realizarase todos os venres comprendidos entre o 12 de maio e o 23 de xuño (7 xornadas), en horario de 11:00 a 12:30 horas, presencialmente nunha aula CeMIT e seguíndose nas demais aulas CeMIT por videoconferencia.

O alumnado disporá dun soporte titorial que realizará FEGAUS, a través dos seus titores online, de forma que tras finalizar cada un dos seminarios poidan acceder a máis información relativa aos contidos da materia tratada, que se incorporará na plataforma de teleformación coa que conta a rede CeMIT (https://cemit.xunta.gal/ema), así como á resolución de dúbidas como nun curso online tradicional.

Plan de Inclusión Dixital de Galicia 2020 - Aliad@s Dixitais

FEGAUS é un dos 700 aliados dixitais do Plan de Inclusión Dixital de Galicia 2020, impulsado pola Axencia para a Modernización Tecnolóxica de Galicia (Amtega), ao que se poden adherir como tales a aquelas empresas e entidades interesadas en participar no desenvolvemento da sociedade dixital en Galicia no marco da súa responsabilidade social empresarial, mediante a achega de recursos financeiros, humanos ou, como neste caso, de coñecemento.

O Plan de Inclusión Dixital é a estratexia autonómica para facilitar a calquera persoa, independentemente do nivel dixital no que se atope, avanzar, madurar e acceder a maiores niveis de coñecemento e uso das TIC.

Esta estratexia, impulsada pola Administración autonómica estase a desenvolver en colaboración cos axentes do ecosistema dixital, o que permite sumar capacidades, recursos e iniciativas e conseguir un efecto multiplicador das actuacións.

• Terá lugar o 11 de maio na Cidade da Cultura e amosará as últimas tendencias metodolóxicas no eido da xestión de proxectos a empresas, profesionais expertos, investigadores e docentes do ámbito tecnolóxico
• Entre os relatores estará Jaume Gurt, director de Organización de Schibsted Spain, compañía que xestiona os portais Infojobs, Fotocasa, Vibbo, Coches.net e MilAnuncios

O vindeiro 11 de maio terá lugar na Cidade da Cultura #SilverBullet17, o I Congreso de Xestión de Proxectos organizado polo Colexio Profesional de Enxeñaría Técnica en Informática (CPETIG) e a Axencia para a Modernización Tecnolóxica de Galicia (Amtega), concibido como un foro de debate dirixido a empresas e profesionais vinculados á xestión de proxectos TI, expertos, investigadores e docentes implicados na formación de futuros profesionais na área.

Intervirán como relatores algúns dos máis relevantes profesionais do panorama actual. José Luis Iparraguirre, director de IAL Software Engineering; Carlos González Jardón, consultor de Xestión de Proxectos en Tecnocom; Javier Garzás, mentor áxil e experto en xestión de proxectos e equipos; Susana Gómez Carnero, CEO en Origami Soluciones e directora executiva de BNI Galicia; Javier Cebreiros, socio do espazo de innovación social Impact Hub Vigo e da empresa InfoJC; e Jaume Gurt, director de Organización e Desenvolvemento de Persoas en Schibsted Spain, compañía que xestiona os portais Infojobs, Fotocasa, Vibbo, Coches.net e MilAnuncios.

O nome do congreso #SilverBullet17 está inspirado nun coñecido antipatrón da área de xestión de proxectos, “a bala de prata”, mencionada inicialmente polo enxeñeiro de software Frederick P. Brooks en 1987 en alusión á inexistencia de metodoloxías, ferramentas ou solucións milagreiras que permitan que un proxecto que xa se converteu nun monstruo polos retrasos, os custos, a calidade, etc. volva ser un proxecto ben xestionado, algo que unicamente se podería facer cunha bala de prata.

Durante a sesión porase o foco nos tres factores que representan precisamente esa bala de prata: o traballo sistematizado desde o inicio do proxecto, a aplicación de metodoloxías adecuadas e o coñecemento sobre a xestión de proxectos. Ademais de amosar as últimas tendencias metodolóxicas no eido da xestión de proxectos, SilverBullet17 favorecerá a adquisición de habilidades de comunicación, xestión de recursos humanos e liderado.

Máis información e formalización de inscricións en http://silverbullet.cpetig.org/gl/inicio/