Galicia contará en novembro con cinco novas Lanzadeiras de Emprego, palestras de formación postas en marcha pola Fundación Santa María La Real, a Fundación Telefónica e a Xunta. Segundo informa a operadora de telecomunicacións, a través desta iniciativa apoiarase a un centenar de persoas en desemprego, poñendo o foco nos coñecementos tecnolóxicos, empresariais e de xestión que lles axudarán a mellorar os seus currículos. As novas academias estarán na Coruña, Ferrol, Lugo, Pontevedra e Santiago de Compostela.

Este cinco novas lanzadeiras súmanse ás 15 desenvolvidas en 2016 e 2017, experiencias previas que segundo informan as entidades impulsoras saldáronse con “bos resultados”, xa que o 60% dos 400 participantes modificaron a súa situación laboral, xa fóra con emprego por conta propia ou allea. 

Desta volta, como novidade, a iniciativa non estará destinada exclusivamente á mocidade, senón que a súa participación ábrese a persoas en situación de desemprego con idades comprendidas entre os 18 e os 60 anos. Poderán ter calquera nivel de estudos e proceder de calquera sector laboral.

As persoas interesadas en participar nesta iniciativa, que conta con co-financiamento do Fondo Social Europeo dentro do programa operativo POISES, dispoñen até o 31 de outubro para presentar a súa inscrición na web das Lanzadeiras e nas Oficinas de Emprego habilitadas nas cinco cidades. 

Estes acubillos de formación comezarán a funcionar a mediados novembro con 20 prazas cada unha. As vinte persoas que resulten seleccionadas en cada cidade, reuniranse varios días á semana en locais cedidos de balde pola Xunta de Galicia. Coa guía e orientación dun técnico especializado da Fundación Santa María La Real, levarán a cabo diversas actividades para optimizar a súa procura de traballo: talleres de intelixencia emocional, dinámicas de comunicación, marca persoal e procura de emprego 2.0; adestramento de entrevistas de traballo; elaboración de mapas de empregabilidade e visitas a empresas.

• O programa Principia mobiliza 3,4 millóns de euros nesta terceira edición na que o 90% dos contratos son indefinidos e na que será a primeira experiencia laboral para o 36% dos seleccionados
• A través das tres primeiras convocatorias da iniciativa foron contratados 372 profesionais menores de 35 anos, apoiouse a 158 entidades e acadouse unha mobilización de 11,7M€
• A Consellería de Economía, Emprego e Industria busca reforzar a inserción de profesionais cualificados no tecido produtivo galego
• Enmárcase dentro da Estratexia de especialización intelixente de Galicia (RIS3) e de iniciativas como os contratos-programa cos centros tecnolóxicos e as fundacións sanitarias, as Unidades Mixtas de Investigación e o programa Oportunius

A Xunta vén de resolver a terceira convocatoria do programa Principia que permitirá a contratación de 110 mozos e mozas titulados en 59 entidades galegas. Trátase dunha iniciativa pioneira posta en marcha no ano 2016 para favorecer o mantemento do talento na Comunidade e o desenvolvemento da súa carreira profesional, así como estimular a demanda no sector público e privado de persoal suficientemente preparado para acometer proxectos vinculados á I+D+i.

Mediante estes contratos, que deberán ter unha duración mínima dun ano, o Goberno galego busca abrir unha porta ao mercado laboral a universitarios ou titulados de FPII con pouca experiencia, xa que o programa está focalizado nos mozos e mozas menores de 35 anos con menos de 36 meses empregados na súa categoría profesional.

Nesta terceira convocatoria -que conta cun investimento público de 1,1M€ que mobilizará 3,4- o 93% das entidades beneficiarias son empresas e o 90% dos contratos concedidos son indefinidos. Ademais, nove de cada dez dos traballadores recibirán máis de 60 horas de formación a cargo da empresa e o 36% dos técnicos seleccionados carece de experiencia laboral, o que confirma que este programa é unha boa ferramenta para impulsar a empregabilidade dos mozos e mozas titulados. A Coruña é a provincia onde se realizarán mais contratos, cun total de 50, seguida de Pontevedra, con 40, e Lugo e Ourense con 10 cada unha.

Búscase que lles sirva como anclaxe ao mercado laboral, de forma que sexan contratados polas empresas despois da finalización do programa, reforzando así a competitividade en materia de investigación do tecido empresarial galego. De feito, o 64% dos contratados nas dúas primeiras convocatorias non tiña experiencia laboral e a media de idade non chega aos 28 anos.

Consolídase así este programa pioneiro en Galicia que, desde a súa posta en marcha en 2016, e contando esta nova edición, concedeu axudas para a contratación de máis de 372 profesionais que se traduce nunha mobilización de 11,7 millóns de euros en 158 entidades. Unha iniciativa que trata, ademais, de incentivar a contratación feminina e fomentar as vocacións STEM entre as mulleres e que conseguiu que o 42% dos contratos foran femininos nas dúas primeiras edicións, alcanzando nesta última a práctica paridade laboral.

No marco da Estratexia de especialización intelixente de Galicia (RIS3), a Xunta continúa así a súa aposta pola captación e retención do mellor talento, como unha das ferramentas principais para aumentar a capacidade innovadora do tecido produtivo galego e con ela a competitividade da Comunidade, obxectivo recollido, tamén, no Plan Galicia Innova 2020.

A Consellería de Economía, Emprego e Industria, a través da Axencia Galega de Innovación (Gain), ten posto en marcha varios programas cun gran impacto na retención de talento en Galicia. Así, destacan iniciativas como os contratos-programa -que apoian aos centros tecnolóxicos e ás fundacións sanitarias-, as Unidades Mixtas de Investigación, ou o programa Oportunius, reforzando así a capacidade de innovación de Galicia e tendendo pontes entre os organismos públicos de investigación e o tecido empresarial. Proximamente sumarase, tamén, o novo programa Talento Senior. 

• A secretaria xeral de Emprego, Covadonga Toca, visitou hoxe na Cidade da Cultura a empresa Emérita Legal, que forma parte do Centro de Emprendemento
• Salientou que o prazo de solicitude deste programa de apoios está aberto ata o próximo 1 de outubro
• A Administración autonómica inviste nesta actuación máis de 2,7 millóns de euros

A secretaria xeral de Emprego, Covadonga Toca, visitou hoxe na Cidade da Cultura a empresa Emérita Legal, que se empraza no Centro de Emprendemento do Gaiás, onde coñeceu a actividade que desenvolve a compañía baseada nun comparador cualitativo de avogados con datos obxectivos de casos reais a través dunha plataforma tecnolóxica.

Toca destacou a importancia de apoiar en Galicia o talento e, deste xeito, recordou que a Xunta ten en marcha neste ámbito diversos mecanismos como o programa de apoio ás iniciativas de emprego de base tecnolóxica (IEBT), cuxo prazo de solicitude acaba o 1 de outubro. De feito, a empresa Emérita Legal foi beneficiaria este ano destes apoios cos que se pretende dinamizar a vocación emprendedora da comunidade universitaria e aproveitar o potencial empresarial das persoas dedicadas á investigación e con amplos coñecementos das novas tecnoloxías.

Os beneficiarios destas axudas son as empresas e autónomos que se constitúan e inicien a súa actividade nun prazo non superior a un ano desde que o proxecto empresarial foi cualificado como IEBT. Concédense axudas á creación directa de emprego estable (entre 6000 e 10.000 euros en función da idade e da titulación); para a contratación de persoal técnico de alta cualificación (cun límite máximo de 18.000 euros); e para a posta en marcha do proxecto empresarial, onde os apoios oscilan entre os 10.000 e 24.000 euros, en función dos empregos estables e financiados durante o primeiro ano de actividade.

No caso das axudas á creación directa de emprego estable, os apoios poden aumentar nun 25% no caso de ser muller, pertencer a un concello emprazado no rural, ser maior de 45 anos ou ser emigrante retornado.

Esta actuación, segundo explicou Toca, está enmarcada na liña que segue o Goberno galego para impulsar en Galicia o emprendemento a través da innovación e as novas tecnoloxías. Trátase, en definitiva, con estas axudas de consolidar a recuperación económica en Galicia.

A Deputación de Lugo fixo reconto hoxe dos postos de traballo xerados na provincia a través do programa Depuemprego, o plan de impulso laboral da entidade. Segundo fixo saber a deputada de Promoción Económica e Social Sonsoles López Izquierdo, a cifra de traballos creados foi de 308, e o número de Concellos beneficiados resultou ser de 63. Unha parte das novas ocupacións tivo relación directa coas novas tecnoloxías, a xeración de contidos ou a dinamización vía dixital, por exemplo: informáticos, técnicos en informática, operadores de cámara ou técnicos en turismo, entre outros.
Segundo lembrou a deputada, o programa destinouse a administracións locais de municipios de menos de 20.000 habitantes e está dotado con 3,5 millóns de euros. Con este orzamento fináncianse os custos laborais de novos traballadores que reforcen os servizos públicos municipais. Uns servizos, por outra banda, que as pequenas entidades locais teñen que ofrecer á cidadanía.
López Izquierdo salientou que nos últimos tres anos investíronse dende o Executivo provincial, a través desta programación, 6,6 millóns de euros. Con eles, engadiu, “xeráronse 523 novos empregos”, unha cifra que engadida ás cifras presentadas hoxe guinda un investimento superior aos 10 millóns de euros e aos 831 postos de traballo dirixidos a fortalecer e ampliar as prestacións municipais no rural.

A Deputación de Lugo vén de achegar 620.000 euros ás empresas e entidades da provincia que participan no programa Ben Empregado IV, a iniciativa de inserción laboral da entidade lucense. Así o deu a coñecer a deputada de Promoción Económica e Social, Sonsoles López Izquierdo, que avanzou que se trata das 92 empresas e colectivos sociais sen ánimo de lucro que xa solicitaron o anticipo desta programación. López Izquierdo tamén lembrou que a cuarta edición de Ben Empregado ten un orzamento total de 2,1 millóns de euros e o obxectivo de xerar 154 postos de traballo na provincia, unha parte dos cales son empregos TIC. Por exemplo técnicos superiores en administración de sistemas informáticos, deseñadores gráficos ou técnicos informáticos.

López Izquierdo apuntou que as empresas e entidades beneficiarias, grazas ás achegas da Deputación, non terán que empregar fondos propios para asumiren os custes inherentes á contratación. Tamén sinalou que polo momento son 92 entidades das 154 beneficiarias de Ben Empregado IV as que reciben estes fondos, “ao teren formalizada a solicitude deste anticipo”. Durante as vindeiras semanas inxectaranse o resto de fondos das empresas e colectivos sociais sen ánimo de lucro que están a formalizar a solicitude de orzamento.

Como lembraremos, a edición 2018 do programa inclúe axudas dun máximo de 22.000 euros, dirixidas a empresas e colectivos de toda a provincia, para a contratación, durante 1 ano, de novos traballadores cos que, “ademais de facer fronte á taxa de paro, contribúese á actividade de autónomos, PEMES e asociacións lucenses”, engadiu López Izquierdo.

A sabedoría popular teno claro, un científico de datos (un data scientist) é "un estatístico que traballa en San Francisco". E é que, desde hai uns anos, esta profesión está de moda grazas, en parte, ao mundo startupil. Pero a ciencia de datos vai moito máis alá e está a se converter nunha das profesións máis prometedoras de hoxe en día.

A febre dos datos fixo que empecemos a escoitar falar desta disciplina por todos lados. Pero, non podemos deixar de preguntarnos se é unha moda pasaxeira ou os científicos de datos viñeron para quedar. Repasamos que é exactamente iso de data science, as súas oportunidades laborais e as posibilidades que existen para formarse.

Seguir lendo na fonte da noticia...

O Concello de Lugo vén de aprobar dous proxectos para fomentar entre a cidadanía a inserción laboral: dúas iniciativas que comparten un alicerce tecnolóxico e innovador como palestra de primeira orde para mellorar e optimizar currículos. Trátase de IneracTICvate e Forum 4.0, que contemplan, entre outras accións, crear unha aplicación móbil e unha páxina web, e a recreación de elementos patrimoniais en 3D, realidade aumentada e fotografía panorámica. 

As actividades foron dadas a coñecer polo voceiro municipal, Miguel Fernández, que informou de que o desenvolvemento dos dous novos obradoiros de emprego xa foi solicitado á Consellería de Economía e Emprego e que o seu importe sería de 443.000 euros. Entre os dous, mellorarían a empregabilidade de tres ducias de lucenses no paro, “ofrecéndolles formación na difusión do patrimonio a través de medios dixitais”.

Tamén lembrou que estas iniciativas súmanse á candidatura do Concello a fondos europeos para un novo plan de emprego, EmPodérate, con 2M euros de orzamento e para 300 lucenses no paro en situación de vulnerabilidade.

InteracTICvate ten un orzamento 288.473€ e está deseñado para a formación de 20 persoas en dúas especialidades: por unha banda Dinamización, Programación e Desenvolvemento de Accións Culturais, que inclúe a elaboración dun catálogo que recolla a arte urbana da cidade; e, pola outra, Producción Fotográfica, que contempla o desenvolvemento dunha app turística de promoción dos principais elementos patrimoniais da cidade. Para dar forma a esta aplicación móbil faranse recreacións en 3D, elementos de realidade aumentada e fotografía panorámica. Para a súa execución contrataranse a tres persoas, entre dirección e monitores.

Por outra parte, Fórum 4.0 precisa un investimento de 154.075,36€ e prevé a formación de 16 persoas, ademais da contratación de outras tres para a súa execución, entre dirección e monitores. As especialidades son, por unha banda, a confección e a publicación de páxinas web, prevéndose a creación dun portal de divulgación e difusión dos patrimonio lucense; e, pola outra, a xestión de mercadotecnia e a comunicación, este bloque dirixido a “pór en valor a patrimonial como factor de desenvolvemento e a potenciar a marca Lugo Romano como destino”.

O Concello de Santiago anunciou a semana unha importante iniciativa para impulsar “o emprego de calidade”. Trátase do Centro de Excelencia Tecnolóxica de Emprego e Crecemento, un proxecto cun orzamento de 320.000 euros (dos que 256.000 procederían de fondos europeos FEDER e o resto do Concello) e que ten como obxectivo fornecer de maneira continua “servizos que melloren as condicións de empregabilidade das persoas en situación de desemprego”, e fomentar “a creación de postos de traballo estables e de calidade”. Estes datos foron achegados pola concelleira María Rozas, alcaldesa en funcións. 

Segundo fixo saber máis en detalle, ao abeiro do centro quérese crear unha incubadora de procesos colaborativos e do Observatorio da Innovación Social, así como impulsar a execución de teses, traballos fin de grao e traballos fin de máster ligados ás áreas de traballo actuais que mostran meirande potencial de creación de emprego, tanto en cantidade como en calidade. 

Rozas tamén engadiu que o labor do CETEC estará vinculado á Mesa polo Emprego de Santiago, e o obxectivo do Concello é que permita "intensificar a colaboración coas entidades vinculadas ao ámbito laboral, tamén a Universidade de Santiago".

• A economía dixital necesita de máis programadores polo que esta profesión é unha grande oportunidade laboral que abre unha infinidade de posibilidades para os mozos.

La transformación digital es un proceso que no viene sólo. Viene, de hecho, acompañado de múltiples y variadas oportunidades profesionales y empresariales. Para mostrarlas y también para meternos en las piel de estos nuevos profesionales, la Escuela Superior de Ingeniería Informática del Campus de Ourense acogerá el próximo 28 de junio la celebración de la I Jornada Digital Business-Campus de Ourense (DIB´18). La cita, organizada por la escuela y la empresa Contact Comunicacion, se presenta como "una ocasión única para conocer las claves del nuevo modelo económico y las oportunidades" que abre la transformación digital de la sociedad actual. 

En términos más concretos, el objetivo es acercar al tejido productivo, a los emprendedores y al alumnado de los últimos cursos de las titulaciones del Campus, a una realidad que se impone y que exige una transformación como es el negocio digital. "Los clientes ya no están delante del escaparate, están en cualquier esquina del mundo y hay que saber llegar a ellos", apunta Francisco Javier Rodríguez, director de la Escuela Superior de Ingeniería Informática, sobre el objetivo de DIB´18, añadiendo que la transformación digital "es algo totalmente necesario para sobrevivir" y en el caso de la provincia un reto para algunos de sus sectores más destacados, como el agroalimentario o el comercio. 

La jornada, que tendrá continuidad, fue concebida para abarcar estudiantes de diversas titulaciones del Campus. Además, tendrá un carácter "muy práctico" y, por lo tanto, mostrará conceptos para luego abrir jornadas de trabajo con ellos. Así se hizo saber en la presentación de DIB´18, que tuvo lugar este lunes en la sede de la Confederación Empresarial de Ourense. Según explicó en la ronda con los medios César González, de Contact Comunicacion, la jornada contará con dos partes diferenciadas, una más general y otra más aplicada, y con la participación de "personas que tienen una visión de la realidad de este nuevo modelo de negocio". 

La sesión de mañana de la I Jornada Digital Business-Campus de Ourense estará destinada a "ofrecer una perspectiva general enfocada a conocer el nuevo modelo de negocio digital, abordándose cuestiones como la diferencia entre digitalización y transformación digital, la visualización en buscadores y la visibilidad web o la comunicación y mercadotecnia en ecosistemas sociales. También habrá una mesa redonda sobre modelos de negocios digitales con representantes de Imaxin Software, Raiola Networks y Menéame. Ya por la tarde se desarrollarán dos sesiones de carácter práctico, cada una de ellas compuesta por grupos limitados a 20 personas, una centrada en la visualización en buscadores e impartida por Fernando Muñoz, de Señor Muñoz, y otro sobre optimización de funcionamiento para WordPress, con Álvaro Fontela, cofundador de Raiola Networks. Las entradas para la jornada, tanto para su sesión de la mañana como para las de la tarde, ya están a la venta hasta el agotamiento de plazas.