O compromiso do Consello da Cultura coa análise do que están a dar de si as novas tecnoloxías como elementos transformadores dos nosos xeitos de comunicarnos e procurar información (entre outras moitas transformacións do día a día de cada quen) non só se vai deixar notar amplamente en 2018, senón tamén nesta recta final de 2017. Se hai uns días falamos das reflexións feitas sobre o ciberacoso dende a sede do CCG, hoxe é a quenda de avanzar as liñas xerais da xornada Sociedade móbil e cultura: novos e vellos desafíos, prevista para o 9 novembro, novamente na sede do Consello da Cultura, e contando na comisión organizadora con Manuel Gago, Xosé López García e Alba Silva. A cita, como se indica no seu nome, será unha oportunidade para ver até onde chegamos en materia de comunicación móbil e albiscar o que nos reserva o futuro neste ámbito. Segundo avanza o CCG, todo indica a que este modelo comunicativo e cultural (tendo en conta o espectacular medre no tráfico de mensaxes nos dispositivos móbiles) “veu para quedar”. 

O CCG tamén lembra que os datos recentes achegan evidencias claras sobre a importancia destes dispositivos no ámbito da comunicación e da cultura: no ano 2016, o tráfico de Google alcanzou a marca do 50 por cento para dispositivos móbiles por primeira vez, fronte a un 42 por cento nos dispositivos de escritorio. E no ano 2017 esta cifra medrou ata o 60 por cento, mentres o de Facebook pasou do 78 por cento ao 87 por cento.

Neste contexto, o obxectivo desta xornada é “analizar como a sociedade móbil está a mudar usos e consumos de produtos culturais”. Trátase, engade o CCG, “de dispoñer de visións do novo marco, nas vésperas da cuarta revolución industrial, e da situación da cultura galega nese escenario en construción”.
 

Programa da xornada

• 9:15 horas - Inauguración
• 9:30 horas - Contornas de información ubicua. Catálogo de desafíos pendentes 
  • Juan Miguel Aguado. Universidad de Murcia. Director xeral de RTRM 
• 10:30 horas - Produción e consumo de información en móbiles. Unha visión do panorama europeo.
  • Oscar Westlund. Götegorgs Universitet
• 11:30 horas - Descanso
• 12:00 horas - Periodismo móbil e cultura móbil
  • Koldobika Meso Ayerdi. Euskal Herriko Unibertsitateak
• 13:00 horas - O móbil como oportunidade para producir contidos e intervir
  • João Canavilhas. Universidade da Beira Interior
• 16:30 horas - A comunicación política na sociedade móbil: oportunidades e retos nunha contorna híbrida
  • Andreu Casero-Ripollés. Universitat Jaume I 
• 17:30 horas - Oportunidades da comunicación móbil para os actores culturais: o prosumo como actividade creativa
  • Eva Campos. Universidad de Valladolid
• 18:30 horas - A conquista de novos territorios comunicativos para a cultura galega 
  • Manuel Gago. Consello da Cultura Galega, Universidade de Santiago de Compostela
• 19:30 horas - Clausura - Trazos e identidades dunha cultural con identidade e migrante
  • Ramón Villares. Presidente do Consello da Cultura Galega

O salón de actos da Facultade de Ciencias da Comunicación servirá de acubillo, este 3 de novembro, ás Xornadas sobre novas audiencias na contorna dixital, a partir das 9:15 horas, un encontro profesional para mostrar ante o alumnado os cambios que están a producir as novas tecnoloxías entre os consumidores de contidos e cultura. Logo do acto de inauguración, á devandita hora, comezará un relatorio de Eduardo Madinaveitia, experto en investigación de medios, coa conferencia Investigación de audiencia: de onde vimos. Ás 10:15, Fernando Santiago, director Técnico da Asociación para a Investigación de Medios de Comunicación, falará sobre Internet: encrucillada na medición de audiencias. 

Máis tarde, a xefa do Servizo de Innovación no Contorno Dixital da CRTVG, Esther Medina, intervirá ás 11:45 co relatorio 1+1 ≠ 2. Finalmente, o guionista Javier Olivares falará en detalle sobre Os retos do guionista actual ante as novas audiencias. 

A xornada, organizada pola Facultade, concluirá cun coloquio, ás 13:15h., moderado polas profesoras Ana González Neira e Natalia Quintas Froufe. A asistencia ás conferencias está aberta a todo o público interesado.

O Laboratorio Audiovisual de Innovación e Creación da Coruña (LAIC) celebrou os días pasados no Centro Cívico da Cidade Vella unha xornada divulgativa directamente encamiñada a mostrar as vantaxes e os segredos da técnica docrowdfunding (micromecenado na Rede a través do apoio da comunidade) para pór en marcha un proxecto audiovisual ou de contidos dixitais. O obradoiro Supercine: taller de cine LAIC veu da man do cineasta Miguel Ángel Rolland e contou coa presenza, entre os asistentes, de realizadores audiovisuais, profesionais do guión e da interpretación, creadoras freelance e mesmo algunha persoa procedente de colectivos sociais con proxecto de facer un documental. 

O obradoiro, organizado polo Concello a través de Coruña Dixital, artellouse en dúas metades. Na primeira xeira de traballo introduciuse o grupo na filosofía crowd e nos distintos motivos que nos poden levar a usar esta metodoloxía de produción para un proxecto audiovisual. Tamén se fixo saber que o devandito apoio non consiste só en cartos: “A crowd é o noso futuro público, a xente interesada non só en ver o filme se non en ser embaixadora del e contribuír da maneira que poida e que se lle solicite en cada momento”, sinalou o relator. 

A sesión da tarde foi máis práctica e nela Miguel Ángel Rolland deu as claves para deseñar e executar unha campaña de crowdfunding para un filme, un proceso, sinalou, “que ten que comezar como mínimo seis meses ou mesmo un ano antes do lanzamento oficial da campaña, coa construción da comunidade”. Segundo fixo saber, o proceso debe levar parella a aplicación dunha firme filosofía social: “Debemos ser o máis sociais en Internet que poidamos”. O roteiro, engadiu, “consiste en irmos construíndo o proxecto coa axuda das xa célebres tres efes (“Friends, Family & Fools”) até os grupos de interese que poden estar relacionados co tema da nosa película”. Segundo dixo, isto require unha investigación exhaustiva nas redes, “facendo a nosa base de datos de xente potencialmente disposta a colaborar, e iniciando os contactos con ela, cociñando as relacións a lume lento para que respondan cando se lles pida axuda”. A partir de aí, explicou, “cómpre usar todos os mecanismos de comunicación ao noso alcance, online e offline, montar un equipo de traballo, elixir plataforma de crowdfunding e planificar a precampaña e a campaña para chegar á nosa meta e poder cantar vitoria”. 

Rolland debullou as devanditas metodoloxías en base a un caso de éxito concreto: o do seu documental Santa Fiesta, que contou na súa orixe co apoio de comunidades animalistas a nivel internacional, e acompañouse dunha campaña de crowdfunding na plataforma IndieGoGo.

La Fundación Hazloposible ha celebrado en Madrid el evento Empresas con Sentido al que asistieron más de 250 personas para conocer nuevas tendencias en voluntariado corporativo e innovación social.

En la inauguración del acto, Carmen Casero González, directora general del Trabajo Autónomo, Economía social y RSE del Ministerio de Empleo y Seguridad Social, destacó que “los criterios de la RSE mejoran a la empresa y devuelven a la sociedad lo que esta nos da”.

Por su parte, Catalina Parra, presidenta de Fundación Hazloposible, compartió con los asistentes la Biblioteca de Voluntariado Corporativo, que recoge materiales didácticos para ayudar a las empresas a multiplicar el impacto de sus programas.

Empresas y líderes con sentido

A continuación Maite Arango, vicepresidenta del Consejo de Grupo Vips, y Josep Santacreu, CEO de DKV Seguros, debatieron sobre cómo la alta dirección entiende el rol del Voluntariado y la Innovación Social en sus vidas y en su enfoque de la RSC. Arango considera que “las empresas necesitan líderes con compromiso y humildad para que su compromiso se traslade a los empleados”. Mientras, Santacreu, cómo líder empresarial, explicó que su propósito de vida es “ayudar a personas que son capaces de transformar el mundo. En la vida hay que estar en proyectos que impacten en la gente, desde donde sea”.

Posteriormente, en la mesa redonda Empresas con Sentido, directivos, millenials, gestores de programas de voluntariado corporativo y ONG con programas de voluntariado corporativo innovadores expusieron nuevas formas de participación y colaboración entre empresas y ONG.

Podemos ser creadores de tecnoloxías amais de usuarios? Sen dúbida si, e subliñar esta mensaxe con probas palpables é un dos grandes obxectivos da segunda edición do Concurso de Robots Mecano para alumnado de Secundaria que organiza a Universidade da Coruña no Campus Industrial de Ferrol. Celébrase este 31 de outubro e nel está previsto que participen seis institutos galegos (Saturnino Montojo e Sofía Casanova, de Ferrol; Ortigueira; Virxe do Mar, de Noia; Leiras Pulpeiro, de Lugo, e Pontepedriña, de Santiago) mostrando os seus enxeños e logo sendo avaliados por un tribunal formado por investigadores e profesores universitarios. O certame inclúe ademais unha visita guiada polas instalacións da Universidade da Coruña en Ferrol, aos centros formativos e laboratorios de investigación. As actividades comezarán ás 10:00 horas, cun acto de inauguración e benvida a cargo da vicerreitora e o director do Campus, Araceli Torres e Ginés Nicolás, e rematarán sobre as 15:00 horas. 

Para quen non o saiba, o Concurso Mecano é unha actividade promovida polo Campus Industrial de Ferrol da Universidade da Coruña que ten por obxecto e”stimular a creatividade, o traballo en equipo e achegar o mundo da enxeñaría e as tecnoloxías aos estudantes de último ano dos institutos galegos a través da construción e programación dun robot para posteriormente superar unha serie de obstáculos proxectados nunha xincana”. 

O concurso consta de dúas fases, a primeira, que xa se realizou, consistía na elaboración dun vídeo explicativo da proposta de cada grupo participante, unha peza audiovisual para subir ao Facebook e, en virtude dos gústame acadados, acadar máis ou menos puntos (o máximo son cinco puntos). 

A segunda proba, que é a que terá lugar mañá, consiste na presentación e defensa da proposta ante un xurado formado por persoal docente e investigador do Campus Industrial de Ferrol. O premio será unha cámara de VicTsing Eypro Cámara Acción Deportiva 1080P para cada un dos estudantes gañadores.

As presentacións das propostas ao tribunal teñen o seguinte horario:

• 10:30h IES Leiras Pulpeiro (Lugo)
• 10:45h IES Ortigueira (Ortigueira)
• 11:00h IES Pontepedriña (Santiago de Compostela)
• 11:15h IES Saturnino Montojo (Ferrol)
• 11:30h IES Sofía Casanova (Ferrol)
• 10:45h IES Virxe do Mar (Noia)

Ao remate, ás 12:00 horas, Araceli Torres fará unha presentación do Campus Industrial de Ferrol e das súas titulacións. Media hora máis tarde procederase á entrega de diplomas e farase unha foto de grupo. O Concurso Mecano rematará ás 13:00 horas coa visita guiada aos laboratorios do Campus: Plásticos; Aplicacións Industrial do Láser; Mecánica de Fluídos, túnel aerodinámico; Canle de probas hidrodinámicas; Enxeñaría Mecánica e Laboratorio de Robótica.