• Os seniors, e a tecnoloxía aplicada á saúde e ao turismo centraron a atención da VIII edición dos Premios Senda
• Nestes premios recoñécense os esforzos sociosanitarios e tecnolóxicos das empresas e particulares que traballan pola mellora do envellecemento activo

O pasado 30 de maio, entregáronse en Madrid os VIII Premios Senda na sede do Ministerio de Sanidade, Servizos Sociais e Igualdade.

Neste acto, Floor in Motion Care de Tarkett gañou o premio Senda na súa oitava edición ao produto sociosanitario tecnolóxico máis orixinal, baixo o lema: “Espazos de vida conectados a servizos de alerta que proporcionan información”.

A través do chan contrólase calquera situación anormal, como poden ser caídas, saídas nocturnas, actividade non habitual como non levantarse pola mañá, ou a perda de autonomía, e infórmase en tempo real aos coidadores nas residencias ou á propia familia, para a súa tranquilidade e garantía.

Baséase en sensores colocados baixo o revestimento do chan, invisibles, de modo que non invaden a intimidade, que detectan unha situación anómala e envían un sinal ao receptor que se elixiu mediante un sistema de chamada interna.

O premio na categoría senior á saúde e benestar correspondeu a Audifón, pola súa mellora na saúde auditiva. O premio recolleuno Margarita García do Freso, directora xeral, que falou do obxectivo de Audifón: “Queremos e cremos que tecnoloxía e saúde van da man, por iso tentamos e facemos real nosa filosofía de proporcionar á xente unha boa saúde auditiva, que incida na súa mellor calidade de vida”.

Na mesma categoría destacou o premio senior á iniciativa pública polo envellecemento activo á rede de Cidades Amigables coas persoas maiores en España do Imserso, que é unha iniciativa impulsada pola Organización Mundial da Saúde (OMS).

Recolleu o premio a directora xeral do Imserso, Carmen Balfagón, que coas súas palabras puxo de manifesto que son un grupo de profesionais ao servizo dos demais, en especial dos maiores: “O grupo de traballo de Cidades Amigables tivo os seus froitos, porque España é o país con máis municipios participando neste proxecto. Actualmente son 108 os concellos adheridos a esta rede, e con expectativas de seguir crecendo, por esta razón, o próximo día 14 de xuño celebrarase en Manresa a xornada Como ser unha Cidade Amigable coas persoas maiores”.

Xunto a estes premios, durante o resto do acto outorgáronse diversos galardóns, como o premio especial de liderado de persoas maiores, que recaeu nas “lideresas de Villaverde”, que abanderan o lema: “Ser maior non é sinónimo de tristeza”. As lideresas todas mulleres maiores de 50 anos explicaron as actividades que grazas á Dirección do Maior, ao Centro de Rehabilitación Psicosocial de Villaverde e a OMC radio, puideron desenvolver, facendo fincapé nas múltiples actividades de traballo desde o punto de vista do maior e de xénero, charlas online, sesións de coaching, e a súa actividade estrela, un programa de radio, do que senten moi orgullosas.

O premio ao envellecemento activo pola súa concienciación sobre a mobilidade senior, e seguridade viaria dos peóns de máis de 65 anos recaeu en Liberty Seguros.

O premio á iniciativa innovadora de servizos de axuda a domicilio a Macrosad pola súa atención e prevención da dependencia, e pola promoción da autonomía. Recolleu o premio o director xeral de Macrosad, Andrés Rodríguez, que recalcou coas súas palabras que “Aforro significa autonomía da dependencia, e debemos cambiar a linguaxe para non falar de grao de dependencia, senón de grao de autonomía”.

O premio profesional do sector recaeu en Pablo Martín Calderón, director xeral de Ilunion Sociosanitario.

O acto, que contou coa presenza do secretario de Estado de Servizos Sociais e Igualdade, Mario Garcés, clausurouse coa entrega do premio senior do ano 2017 a Vicente do Bosque polos seus vales humanos e deportivos no seu desempeño profesional, que lle fan ser un referente para maiores e novos.

• O conselleiro de Política Social en funcións, José Manuel Rey Varela, participou hoxe na presentación dos resultados dos proxectos sociais do programa “Connecting for Good Galicia” realizado pola Fundación Vodafone España en colaboración con entidades do CERMI
• A directora da AMTEGA, Mar Pereira, lembrou a colaboración deste departamento do goberno autonómico en actividades formativas e de difusión das novas tecnoloxías con empresas do sector

O conselleiro de Política Social en funcións, José Manuel Rey Varela, subliñou hoxe o importante papel que teñen as novas tecnoloxías na mellora da calidade vida e o benestar das persoas con necesidades específicas de atención. Así o dixo durante a presentación dos resultados dos catro proxectos sociais do programa “Connecting for Good Galicia”, levado a cabo pola Fundación Vodafone España en colaboración con nove asociacións que forman parte do Comité de Entidades de persoas con Discapacidade de Galicia (CERMI).

Na súa intervención, Rey Varela destacou a importancia de que a Fundación Vodafone España, se implique no pleno desenvolvemento e integración das persoas con diversidade, xa que “é unha responsabilidade e un obxectivo que debe ser compartido polo conxunto da sociedade: administracións, organizacións, axentes sociais e iniciativa privada”. Neste sentido, asegurou que a Xunta de Galicia “sempre apoiará todas aquelas accións que aposten pola mellora da calidade de vida das persoas que máis precisan do noso apoio”.

Neste contexto, o titular en funcións de Política Social incidiu en que “as novas tecnoloxías son de vital importancia tanto para conseguir a integración plena como para facilitar a igualdade de oportunidades ás persoas con diversidade; sexa esta física, sensorial, intelectual ou mental”. Así mesmo, apuntou que ao facilitar o acceso ás TIC “evitamos a fenda dixital, favorecemos a participación das persoas máis vulnerables na sociedade da información, apoiamos a autonomía persoal e aportamos solucións innovadoras que melloran a calidade de vida e a integración social”, concluíu.

Pola súa banda, a directora da Amtega sinalou que o seu departamento colabora estreitamente con empresas do sector tecnolóxico de ámbito autonómico, nacional e internacional, tanto para impulsar actividades de difusión e formación en TIC para cidadanía, como para promover proxectos de transformación dixital na Comunidade.

Neste sentido, Mar Pereira destacou a colaboración de Vodafone en ambas liñas. Por unha banda, como aliado dixital do Plan de Inclusión Dixital de Galicia, que ten entre os seus obxectivos incrementar a porcentaxe da poboación galega que accede a Internet habitualmente, especialmente entre as persoas maiores e as persoas con discapacidade, que representan o 30% da poboación galega. Por outra banda, Pereira lembrou que Vodafone abrirá, en novembro no Gaiás, o Centro Conecting for Good Galicia, que impulsará iniciativas emprendedoras de innovación social dixital con selo galego.

Finalmente, Santiago Moreno, Director General da Fundación Vodafone España, explicou que “para a Fundación, Connecting for Good é unha aposta polo desenvolvemento das TIC para o benestar da sociedade, en especial dos colectivos vulnerables. É especialmente importante seguir apoiando a innovación social dixital e a formación en ferramentas TIC dirixidas ás persoas maiores e ás persoas con discapacidade”.

3.578 maiores formados no último ano no uso de smartphones e tablets

Entre abril de 2015 e marzo de 2016, un total de 3.758 persoas maiores recibiron en Galicia formación no uso dos novos dispositivos móbiles avanzados (smartphones e tablets), a través de cursos organizados pola Fundación Vodafone en colaboración con varias entidades galegas entre as que se inclúen AMTEGA, ATEGAL, FEGAUS, CEOMA, CAUMAS, FASUNEX e a Fundación Esplai.

Para este ano, están programados con AMTEGA diferentes talleres que chegarán a 19 aulas da rede CEMIT, que ofertan preto de 300 prazas en toda Galicia. Pola súa banda, con ATEGAL formarase a outros 900 maiores no uso dos dispositivos móbiles avanzados (uns cursos que se presentaron no evento desta mañá). A estas dúas iniciativas súmanse as continuacións das colaboracións coa Cruz Vermella Española en contornas rurais; Fundación Esplai, con 16 talleres en Vigo; e talleres presenciais e semipresenciais organizados por FEGAUS que se imparten en aulas CeMIT, nas súas propias sedes e en sedes doutras entidades colaboradoras como COGAVE e COGAMA, cos que se ademais coordinarán diferentes accións formativas online.

Formación en TIC para a inserción laboral de persoas con discapacidade

A Fundación Vodafone España e DOWN España organizan o proxecto “Eu me prep@ro”, que busca proporcionar aos mozos e mozas con discapacidade intelectual as ferramentas e estratexias necesarias para facilitarlles o acceso ao emprego, a través as diferentes tecnoloxías de uso común.

Grazas a este programa, un total de 64 usuarios de Vigo, Santiago de Compostela e Pontevedra recibiron o ano pasado formación prelaboral en novas tecnoloxías, a través destes cursos en Galicia.

Na terceira edición do programa, iniciada en abril deste ano e que se prolongará ata xuño de 2017, outros 40 alumnos de Vigo, Santiago de Compostela, Pontevedra e Ourense recibirán formación en TIC dirixida a facilitar a súa inserción laboral.

Programa de inserción laboral en colaboración con COGAMI

Doutra banda, a Fundación Vodafone España colabora con COGAMI (Confederación Galega de Persoas con Discapacidade) para potenciar o uso das novas tecnoloxías e o seu desenvolvemento na procura de emprego para persoas residentes no ámbito rural con discapacidade, incapacidade laboral ou dificultades de inserción.

Un total de 150 galegos están a recibir unha formación que se estenderá por 12 meses ata finais deste ano e que incluirá talleres presenciais e prácticas laborais en empresas.

#conecta2Xaccesibilidad

A Fundación Vodafone promove a innovación no uso das novas tecnoloxías dentro da Comunidade “Conectados pola Accesibilidade”. En Galicia, participan 8 entidades (BATA, DOWN CORUÑA, Fogar e Clínica San Rafael en Vigo, SARELA, FADEMGA, ASPRONAGA, ASPACE A Coruña e APAMP Vigo), con máis 100 usuarios entre persoas con discapacidade e profesionais. BATA presentou a súa experiencia destacando como a ferramenta Mefacilyta, desenvolvida pola Fundación Vodafone España axuda no día a día ás persoas con discapacidade intelectual. Este tipo de solucións contribúen ao proceso de Transformación Dixital que lles permite participar dunha forma máis activa na nosa sociedade.

A Fundación Vodafone España é unha institución sen ánimo de lucro que contribúe ao impulso da innovación e a utilización das TIC para mellorar a calidade de vida das persoas e, especialmente dos colectivos vulnerables. Desenvolve proxectos de innovación tecnolóxica que facilitan a vida a persoas dependentes, maiores e enfermos crónicos. Promove programas de formación e accesibilidade con diversas Universidades españolas dirixidos á investigación en TIC, a excelencia docente e a integración dos alumnos con discapacidade. Outros obxectivos son a difusión das telecomunicacións na sociedade a través de publicacións, cursos e seminarios.

O presidente da Xunta, Alberto Núñez Feijóo, reafirmou hoxe o compromiso da Xunta para poñer o desenvolvemento tecnolóxico ao servizo da inclusión social; ao servizo dos maiores —o 25% da poboación galega— e ao servizo das máis de 300.000 persoas con discapacidade que hai na Comunidade. “Non imos deixar ninguén atrás”, aseverou, destacando que con este obxectivo nace Connecting for Good Galicia, que impulsará iniciativas emprendedoras de innovación social dixital con selo e acento galego.

“Hoxe asistimos a unha nova demostración de emprendemento con fins sociais”, afirmou durante a presentación deste novo centro tecnolóxico no Gaiás, produto da colaboración entre Vodafone e a Administración autonómica para guiar e asesorar a aquelas pemes e emprendedores que utilicen os avances tecnolóxicos para responder ás necesidades de dous grupos que, en ocasións, se senten excluídos dos avances tecnolóxicos.

Máis polo miúdo, Feijóo explicou que as solucións tecnolóxicas que desenvolvan estas empresas poranse a disposición do mercado. “Xuntos poderemos resolver mellor os problemas de moitas persoas que se senten excluídas das tecnoloxías porque non solucionan as súas necesidades específicas”, dixo. O presidente expresou o seu convencemento de que de Connecting for Good Galicia sairán moitas ideas útiles desde o punto de vista social, para mellorar a autonomía dos maiores e das persoas con discapacidade.

Logo de precisar que estas ideas se converterán en iniciativas empresariais co apoio dunha achega de preto dun millón de euros. Feijóo subliñou que de cada convocatoria sairán seis proxectos que recibirán unha axuda do Goberno galego de 2.000 euros cada un; “e optarán a un premio de 25.000 euros que concederemos ao mellor proxecto de cada convocatoria”, engadiu. Pola súa parte, Vodafone concederá outro premio de 10.000 euros “Conectados pola accesibilidade”.

Novos obxectivos
O titular da Xunta incidiu no obxectivo de que as novas tecnoloxías sexan inclusivas e non sirvan para afondar nas desigualdades, senón para reducilas de xeito efectivo. Nesta liña, lembrou que as iniciativas levadas a cabo polo Goberno galego para reducir a fenda dixital e conseguir a inclusión social a través da tecnoloxía xa deron importantes froitos. “Hoxe máis de 700.000 galegos teñen cobertura de internet, seis de cada dez trámites coa Xunta se poden realizar a través da rede e puxemos a tecnoloxía ao servizo das pemes a través do Centro demostrador TIC”, explicou, avogando por seguir traballando para acadar novos obxectivos.

“Logramos que tres de cada catro fogares teñan internet de banda larga, un 63% máis que en 2010, e o obxectivo é que en 2020 o 100% dos galegos teñan unha conexión cunha calidade mínima de 30 megas. O número de persoas que emprega internet xa creceu un 40% e queremos que, a finais da década, tres de cada catro galegos accedan a internet de xeito habitual. Facilitamos formación dixital gratuíta aos máis de 53.000 usuarios das aulas CeMIT e agora o obxectivo é chegar aos máis de 160.000 galegos que aínda non se atopan cómodos coa tecnoloxía e darlles formación dixital básica”, asegurou.

Feijóo concluíu subliñando que nestes avances teñen un papel importante os 700 aliados dixitais que se uniron ao Plan de Inclusión Dixital, ao que a Xunta destinou sete millóns de euros.

Así mesmo, referiuse tamén ao papel que están a desenvolver as trece empresas tecnolóxicas asinantes do Pacto Dixital de Galicia, que axudan a consolidar Galicia como unha terra dixital: “Somos unha terra dixital a través do impulso de Connecting for Good Galicia, a través da posta en marcha dentro de dez días do Centro de excelencia en intelixencia de negocio e Big Data no Museo de Galicia e somos unha terra dixital co Galicia Open Future que está a impulsar máis de 150 iniciativas emprendedoras tecnolóxicas”, resaltou.

Este Encontro ten por obxecto constituirse como un espazo para a difusión, o intercambio de experiencias e o recoñecemento de ideas e creadores entorno a solucións de baixo custo.

A participación da Fundación Vodafone centrouse no seguinte:

O venres 8 de xullo tivo lugar o Obradoiro “Mefacilyta: experiencia de FUNDOWN en entornos laborais” que presentou o noso colaborador Alberto Sánchez de FUNDOWN, e ademáis tamén estivo presente a Fundación Vodafone España como responsable da plataforma “Mefacilyta”.

Ese mesmo día, Mari Satur Torre directora de Innovación da Fundación, presentou a ponencia “Connectiong for Good: Comunidad conecta2Xaccesibilidad” na que se falou dos últimos retos da Comunidade e o seu paso a plataforma multilingüe grazas ao proxecto europeo Desktop que apoia o programa Erasmus Plus.

Ademáis, os días 8 e 9 de xullo, a Fundación Vodafone impartiu o Obradoiro chamado “Cousas que facer cun móbil ou tableta” a dous grupos distintos, nos que se presentaron aplicacións especialmente dirixidas a persoas con discapacidade visual, auditiva, física e/ou cognitiva.

Como final do Encuentro, tivo lugar a Novena edición do "Concurso de Productos de Apoio e Solucións de Baixo Custo", onde o grupo de traballo que valorou as propostas presentadas considerou conceder o Primeiro Premio destinado a Institucións e Entidades á aplicación EVA FACIAL MOUSE desenvolvida por Cesar Mauri da Confederación ASPACE e financiada por Fundación Vodafone.

A organización do Encontro foi liderada por o Ministerio de Sanidade, Servicios Sociais e Igualdade, a través do IMSERSO e o CEAPAT (Centro Estatal de Autonomía Persoal e Axudas Técnicas), en colaboración co Fondo Social Europeo, o Departament de Educació da Generalitat de Catalunya, a Dirección Xeral de Solidaridade e Participación en Educación da Xunta de Andalucía, o Servizo de Atención aos alumnos con discapacidade da UCLM e á Xunta de Comunidades de Castela-A Mancha.

A Fundación Vodafone España e a Fundación da Universidade Autónoma de Madrid asinaron un novo Convenio Marco de Colaboración co obxectivo de promover e facilitar a inclusión social e a mellora da calidade de vida das persoas tanto maiores como con discapacidade.

Ámbalas entidades coinciden na necesidade de axuntar esforzos para impulsar e profundar, desde o seu ámbito de actuación, a formación e o desenvolvemento de investigacións relacionadas coas tecnoloxías da información e as comunicacións, e en especial as dirixidas ás persoas maiores.

O Director Xeral da Fundación da Universidade Autónoma de Madrid, Fidel Rodríguez Batalla, agradeceu á Fundación Vodafone España a firma deste acordo co que, segundo dixo, "mellorará a calidade de vida dun colectivo tan importante".

Pola súa banda, a Directora de Proxectos Sociais da Fundación Vodafone España, Mar Fernández, mostrou a súa satisfacción pola cooperación e o alto grao de entendemento que ámbalas entidades alcanzaron desde a firma do primeiro Convenio Marco de Colaboración en 2011, que permitiu facilitar a accesibilidade auditiva do Salón de Actos do Colexio Maior Universitario "Juan Luís Vives", así como a colaboración con diferentes departamentos da Universidade Autónoma de Madrid na realización de proxectos de I+D: Sistema Móbil de Tele-emerxencia para persoas con necesidades especiais; desenvolvemento de Sistema de Guiado GPS para invidentes sobre un Teléfono Intelixente; apps de mantemento físico e monitorización biométrica para persoas cegas; proxecto "Assit-out: ferramenta para guiado en exteriores de persoas con discapacidade cognitiva mediante dispositivos móbiles"; elaboración, aplicación e avaliación de materiais educativos interactivos para persoas con discapacidade intelectual a través do ibooks author (ipad), e o proxecto MEDETEC-detección de medicamentos e asistente de tratamentos.